انا بنت عندي ١٧سنه مشكلتي هي ان عندي ابن عمتي بيحبني وكان بيحاول معايا كتير اوي انني اتقبل حبه واهلي كمان كانوا متحمسين جدآ للعلاقه وفضلو يقنعوني انني اوافق فضله فتره كبيره يقنعو فيا وهما من ناحيه وهو من ناحيه تانيه الكلام ده كان من سنتين ونص كنت لسه في اعدادي وانا بطبعي انسانه عمليه ووقتها انا كنت شايفه نفسي واعيه لدراستي وبس وناضجه من ناحيه الدراسه إنما من ناحيه علاقات انا كان عمري مافكرت فيها ولا فكرت انني ارتبط رغم أن الوقت ده كان قدامي فرص كتير بس انا اللي كنت رافضه المهم أن مع الحاحهم ده انا وافقت اني اديه فرصه وعملت كده فعلآ بس كنت حاسسه ان ده مش واقته وانني مش مرتاحه لأني كنت عايزه اكمل دراستي براحتي من غير حاجه تشغلني وكنت حاسه اني طفله على ارتباط زي ده رغم أنه مكانش رسمي بس حسيت مع الوقت اني عايزه اتراجع ومش عايزه اكمل لأنني عمري ما شفته غير اخ ساعتها بس للاسف مكانش ينفع اتراجع لأنه كان اتعلق بيا اكتر وامله زاد اكتر وانا مكنتش عايزه اجرحه وكل مره اقول هقوله اني مش مرتاحه واني هبعد بس مكنتش بقدر خصوصاً انه بدأ يزود وجوده في حياتي يدخل نفسه في اموري الشخصيه من غير ما اسمحله بس اللي كان سامحله هم اهلي خصوصاً انه مفضل جدآ عند ماما وابتدى يوم اه ويوم لأ يجي عندنا البيت رغم انها مكانتش عادته وادينا ماشيين في الثلاث سنين مرتبطين بس انا مشاعري ما اتطورتش غير اني اعتبرته جزء مهم في حياتي واتعودت عليه بس لسه محبتهوش بحس اني لما بقوله بحبك ببقى بكدب عليه وهو متكفل بيا من وجهه نظره زي انه اي حاجه تخصني او تخص دراستي بيتعامل فيها كأنه ولي امري حتى الرقم اللي مع مدرستي عشان لو حصل اي طوارئ زي ماحضرتش مادفعتش المصاريف اتأخرت اي مكان انا رايحاه لازم يكون معايا ولو عرفت اسيطر عليه بأنه يسيبلي شويه حريه يزعل ويشتكي لأمي وطبعاً بقى شئ اساسي عند والدتي ووالدي ان لما ابقى رايحه في مكان لازم يبقى موجود وده غير طبعاً انه غيور جدآ بيغير من ولاد خالي اللي متربيه معاهم بيغير من اخوه وبيغير من اخويا في الرضاعه اللي هو ابن عمي وكمان عصبي جدا واي زياره اروحها لقرايبنا لازم يجي مش علشان عايز يروح لأ علشان يراقب تصرفاتي معاهم وكل منروح نزور حد من قرايبنا اللي معظمهم شباب ومتربيين معانا لازم نتخانق اليوم كله وننكد على كل اللي هناك وده كله يمكن علشان متقله الروج او لبسي مش عاجبه او هزرت معاهم بطريقة مش عجباه وبعد معناه ابتدى يسيطر على غيرته شويه وعلشان تقل مشاكلنا بطلت احط ميكآب وبعدها ابتديت البس واسع لأني حاسيت اني ارتحت للواسع برضه واكتشفت ان كل خنقاته معايا علشان الخروج كنت شغاله في عياده لدكتور اسنان مش بعيد هي مواصله واحده كان بيكلمني كل تلت ساعه وده كان بيدايقني لأن الفتره كلها أصلا كانت ثلاث ساعات وياريت كان بيرن يتطمن لأ كان بيرن يتخانق معايا ولو نسيت اكلمه دي كانت خناقه بقى لوحدها ومره اتأخرت نص ساعة جالي وخادني من نص طريقي للبيت وزعقلي قدام الناس انني اتأخرت وطبعآ احرجني جدآ ساعتها بس وقاعدت في البيت عقدني من اني اخرج وكل شويه يعرض عليا نخرج مع بعض بس انا برفض لأن اغلبيه الخناقات اللي في الخروجات اللي قبل كده ان في حد عاكسني او لبسي والميكآب اللي قبل كده لدرجه اني اتعقدت من اني اخرج معاه هو طبعاً حنين جدا بيخاف عليا من اي حاجه وبيحبني لدرجه اني لما اجيبله سيره اننا نبعد يبكي ويرفض وقاللي حاجه قبل كده انا لحد دلوقتي مش مصدقاها ومش قبلاها قاللي انه بيحب مامته جدآ بس بيحبني اكتر منها انا نفسي احبه بس مش عارفه لأني على طول بكون شايفاه امر واقع مش انا اللى اختارته بل هو اللي اتفرض عليا وكمان هو مش بيساعدني في كده مش بيجذبني من ناحيته طريقه معاملته اهتمامه ليا مش بالطريقه اللي انا احبها وتشدني واللي بيخليني انفر منه تحكماته واخر مره اختبارته في طريقه نقاشه معايا لما ابقى عايزه حاجه وهو يرفضها قولتله اني عايزه اعمل تيك توك مستناش انه يتكلم قفل الحوار بكلمه لأ ومش موافق ولما يبقى في حاجات بيعملها غلط او مش راضياني واقوله عليها يفضل يسمعني للأخر ويتعامل كأنه هيسمع كلامي ويوافق وفجأة اكتشف انه كان بيخدني على قد عقلي وانه مش مهتم بكلامي وبسكت لأني مش مهتمه خلاص مع العلم اني مش بهتم اسمع اخباره او اكلمه فون ولما بيجي بحس اني متدايقه وعلشان ابعده عن انه يتكلم في كلام حب زي كلمه بحبك وارد عليه بسحبه لهواياتي لأي حاجه تلهيه علشان مش حابه اقول الكلمه وانا مش حاساها واعترف اني بحسه بيراعي ده وكمان كان في حاجه كمان بتدايقني منه انه في اي مشكله كان بيشتكيني لكل عيلتي وانا كتومه فمش بشتكي لحد ولا بدافع عن نفسي حتى بس كلامهم كان جارح وحتى اقرب الناس ليا في وقت من الأوقات قلبهم عليا يمكن ده سبب من اسباب عدائيتي ناحيته اسفه انني طولت بس انا حبيت اقول كل حاجه بالتفصيل لأنني بجد محتاره وخلاص بقيت شايفاه امر واقع بس اللي مخوفني انهم بدءو يتكلمو عن خطوبه وحاجات زي كده وانا تايهه من ناحيته اتمنى الرد في اسرع وقت
هنقول اهم نقطة.... انتى مش مغصوبه وانتى اللى قررتى تستجيبى للضغوطات.... الأمر مش مفروض عليكى وانتى كنتى ممكن تكمل فى الرفض. اكيد انه يكون فى حد بيحبك وبيتمناكى كده دى حاجة تخليكى شايفه فرصه كويسه انك توافقى على النوع ده من الارتباط فى الوقت ده. هى تعتبر خطوبة اصلا لأنها بعلم الاهل. الخطوبة مهما كانت مدتها او وضعها او سببها فهى لكى تتلمسي اذا كان هذا يصلح زوجك ام لا. فإذا رأيتى ان اسباب انه لا يصلح أكثر من أسباب انه يصلح... فقومى بإنهاء الأمر. سيظل الأمر قرارك ولا تلقى اللوم على احد غير نفسك فى اى خطوات مستقبليه. فحتى اذا كان قرارك بدافع الشقه من شدة حيه ومتعلقه بك فهذا ليس معناه انك مجبورة على الأمر ابدا... ولا انك من حقك ان تنتقصى من حقه فى اى شىء بدافع انه يكفى انك تقبليه رغم عدم حبك له. فكرى جيدا وقررى واستقبلى تبعات القرار كيفما شئت.
تم النشر الخميس، ١١ يناير ٢٠٢٤
بلاش منھ حبيبتي..لو حصل ارتباط رسمي وجواز ھيفشل ..ھي علاقة غير صحيھ وغير متكافئة وھتتعبو..متعلق بيكي وفي نفس الوقت عايز يسيطر على كل حياتك واھلك مساعدينھ وعندھ غيرھ مرضية فبلاش ..ثانيا انتي لسھ صغيرة او متخلصي دراستك اتجوزي ..ثالثا نقطة انك عنيدة متمردة وانك ٦ايزة تلبسي وميكب وتيك توك ..دھ كلھ موضة بنات وحرام فلازم انتي من نفسك تظبطي النقط والعيوب دھ .صلحي من نفسك لنفسك مش عشان خاطر حد..وبلاش توتفقي على حاجةمش عجباكي عشان متندميش
تم النشر الجمعة، ١٢ يناير ٢٠٢٤
اولا مفيش حد اجبرك على حاجه .. انتي اللي استسلمتي لكلامهم .. ثم فيه حاجات في علاقته بيكي مش ناضجه .. جزء انه يمنعك من قرايبك، جزء انه يتصل بيكي كل تلت ساعة .. ده مش حب، ده تعلق، وسيطرة. وده يعتبر نبذه عن شخصيته، ف ديه علاقة مش طبيعية. ثانيا .. مفيش حاجه اسمها صعب عليكي .. الجواز يا حبيبتي مفهوش اصله صعب عليا، ويا حرام ده هيموت نفسه لو انفصلت! انا مش بنتجوز الناس علشان صعبانين علينا .. انتي المفروض بتتجوزي حد ناضج ويكون مسؤول، ومناسب ليكي. ف لو انتي مش حابه انك تكملي متكمليش .. انتي مش هتتجوزيه شفقه! هتفضلي مستحمله شفقة برضه ولا ايه؟ فيه حاجه كمان، مش بنصح بصراحه ل اي حد يرتبط في سن صغير اوي كده .. انتي هتكبري ودماغك كمان بتكبر معاكي .. واللي هتعوزيه النهارده مش هتعوزيه بكره، واللي عاجبك دلوقت، بكره لا .. وهكذا وده طببعي لان الواحد بينضج وبيعرف نفسه .. ف ياريت تخلي الموضوع ده لما تبقى مستعدة له، وتبقى فعلا مستوعبة كل ده. وطبعا ديه كلها مجرد نصائح، وقرارك ب ايدك، وربنا يوفقك
تم النشر الخميس، ١١ يناير ٢٠٢٤
ادمن التطيبق موفقش وانا احترم قراره لسلامتنا خلينا نتكلم ع التبطبيق هنا افضل
تم النشر الاثنين، ٢٢ يناير ٢٠٢٤
اه طبعاً بس انا لحد دلوقتي مش عارفه ازاي اتواصل خاص على فدني مش لاقيه فيه خاص
تم النشر الاثنين، ٢٢ يناير ٢٠٢٤
بقينا اصدقاء من اللحظه اللي ربنا جمعنا سوي ف حيات بعض 💕 لو حابه نتواصل خاص معنديش مانع ولو حابه نكتفي بتواصلنا هنا علي راحتك + ربي معاكي
تم النشر السبت، ٢٠ يناير ٢٠٢٤
هههه حبيبتي ربنا يخليكي هو انا فعلآ بحس انه بيتعمد يكسفني بمجرد انه يشوف تصرفاتي لما اتكسف وانا برضه بقول انه يمكن اللي مانعني اني اتكلم معاه بدلع او بطريقه رومانسيه زي دي اني شايفه ان ده مش حقه ولما نتجوز طبعاً هيبقى شئ طبيعي ويمكن ابقى اتعود عليه بعد الجواز فعلا بس على اي حال اشكرك حبيبتي وانا بجد ارتحت لك واتمنى نكون اصحاب واقدر انا كمان افيدك في اي مشكله ميغركيش اني لما الموضوع يبقى يخصني ببقى لبخه اه ويمكن ماعرفش اتصرف بس عند اي حد غيري ابقي فيلسوفه لأ وكمان بعرف أاثر واضغط على اي حد بلكلام لو دخلت مناقشه وحاجات كتير تانيه انا أصلا نبغه بس لم تكتشف بعد اظن ان شخصيتك قريبه من شخصيتي حاجه كده تجلط 😂
تم النشر الثلاثاء، ١٦ يناير ٢٠٢٤
كسوفك بحد ذاته دلع للرجل 😂 وبخصوص الكللم الرومانسي ف مفيش حد رومانسي اكتر منك لما بيقزلك كلمه رومانسيه بيكون عندك رد بكلمه اجمل منها بس بتتكسفي ووشك بيحمر وجسمك بيسخن كل الاعراض دي و تقولي انك مش رومانسيه مفيش حد مش رومانسي كل الحكايا انك لسه مخدتيش عليه بذياده و كدا افضل علشان متشعريش بملل بعد الجواز بس لما يبقي جوزك هينكصر الحاجز دا و هيسمع احلا كلام رومانسي من احلا بنت ف الدنيا قلبه اخترها وانا بتمنالك التوفيق ف حياتك ولو كان خير ليكي ربي يجمعكم علي خير يااارب خلي بالك من نفسك و المهم انك تستغلي كل لحظه ف حياتك ان تقربي من ربك و تحافظي علي علاقتك باهلك و و جوزك المستقبلي ابو العيال 😂
تم النشر الاثنين، ١٥ يناير ٢٠٢٤
شكرا ليكي بجد ياحبيبتي وفعلا تعليقك فادني جدا واتمنى السعاده والتوفيق انا وانتي يارب وهو فعلآ طلب مني من اول ما بدأنا العلاقه اني لو شفته متدايق ابعد عنه او اسيبه هو يبعد لحد ما يهدى ويرجع لأنه عارف انه لما بيتدايق مش بيشوف حد ولا بيفرق واتمنى اني اقدر انفذ نصايحك الجميله دي بس انا مشكلتي اني ماليش لا في الدلع ولا طريقه الرومانسيه دي لأني بتكسف جدآ
تم النشر الاثنين، ١٥ يناير ٢٠٢٤
حسيت من كلانك انك استرحتي لما وافقتي بيه باقتناع كدا افضل بانك تحسي انك مجبوره و كدا بخصوص وجوده جنبك طمنيه عليكي و قوليله واللهي انا بقيت كويسه وهبقا تمام لو كملت شغلك و كلمتين حلوين هيريحو و طمنو عليكي و بكدا هيرجع لشلغه و في تركه حلوي اعمليها معاه لو عمل تصرف عجبك عبريله بطرقه حلوي علشان يعملك اكتر اديلك مثال تفهمي بيه قصدي هو لقيكي تعبانه ف تصرف ازاي جه عنديكم علشان يهتم بيكي ويرعاكي وساب كل شغله لما يروح بيتهم كلميه وقوليلو علي فكرا تصرفك عجبني وجودك جني كان دافع ان اتشافي شكرا ليك وربي يديمك ف حياتي اهو الكلمتين دون وتعبيرك عن مشاعرك دا هيخليه يتماداه انه يهتم بيكي اكتر و العكس صحيح يعني لو عمل تصرف دايقكك عبريله بطريقه محترمه وو ذوقيه قوليله ممكن متتعصبش عليا كدا تاني لاني بنفر منك و بحي اني بتقل منك لو حسيت انك هتتعصب ابعد عني كام ساعه اقعد لوحدك فيهم اتعصب و زعق ولما تهدي خالص ابقي كلمني ووحده وحده ف المستقبل هيفهم اي اللي بيسعدك ويعمله اكتر وهيفد اي اللي يدايقكك وتجنبو واكتي كمان اساليه انت بتحب اي و ابتدي اعمليه والحاجات اللي بتدايقو وتعصبو بلاش تعملهيا اهم حاجه وضع الحدود ف العلاقه للاستمراري بالحب والاحترام ولو عندك اي مشكله واقفه معاكي اساليني ورباءذن الله هتيكي نصيحتي يمكن توضحلك الطريق وبتمنالك من قلبي حياه سعيده مليئه بالحب و المرح و السلام الداخلي
تم النشر السبت، ١٣ يناير ٢٠٢٤
هو بقاله اسبوع هنا علشان انا تعبانه وموقف شغله وحياته ومش راضي يروح ومش جاي بالذوق هل اجبره ان يمشي علشان هو فعلآ معطل نفسه اوي وانا متدايقه اني معطلاه بس هو ممكن يتدايق ويفهمني غلط مش عارفه اعمل ايه
تم النشر السبت، ١٣ يناير ٢٠٢٤
حبيبتي بجد تعليقك فادني جدا شكرا جدا ياقلبي انا فعلآ ناويت اني ادي العلاقه دي فرصه لأني شايفاه يستحقها مع العلم انه حالياً نايم في الاوضه اللي جمبي لأنه اصر انه يبات لما عرف اني اليومين دول درجه حرارتي مرتفعه فطلب انه يكون موجود علشان يطمن عليا اكتر ولو احتجت لحاجه يكون هو موجود وده دفعني وشجعني اكتر اني اكمل معاه لأني شايفاه يستحق كده وبجد انا متفائله شكرا حبيبه قلبي على نصيحتك الغاليه ❤️
تم النشر السبت، ١٣ يناير ٢٠٢٤
بصي حببتي من وجه نظري هو بيحبك بس حب تحكم لو انتي مش بتحبي حد خالص و حابه تحبيه ساهله ابتدي جمعي صوره وشوفيها كانك اول مره تشوفيه حاولي تتكلمي عنه بمميزاته وعيوبه صعب ف الزمنودا تلاقي حد بيحبك وبيخاف عليكي و كمان غيور يعني لقطه لاي بنت بتتمناه انا مش بقولك كدا علشان توافقي عليه انا يههمني راحتك انتي ابتدي كلميه قوليه بصراحه انا معجبه بالتصرف اللي عملته معايا يوم ...... وانا مبسوطه ان دافعت عني وحميتني لما الشباب كانو بيعاكسوني لو في حا ه مديقاكي قوليله عبريله زي ما كتبتي هنا بالضبط قوليله حبيبي و جوزي المستقبلي ممكن لما تحصل مشكله معانا متدخلش حد بينا ونحلوها سوي و خوديه بالكلام دا قوليله لو بتحبني بجد متعليش صوتك عليا اثناء حوارنا انا كدا ببعد عنك وحبي ليك بيقل حاولو تتفاهمو انا بصراحه شايفه ان علاقتكم علاقه جميله بس مش متناغمه ف انتي بايدك تكونالعلاقه دي متناغمه واحسن ما تكون بتعبيرك عن الشيء اللي مدايقك بطريقه لطيفه و انثويه اكتر ابتدي ركزي علي مميزاته وشوفي قد اي بيحبك دا لو انتي حابه تكملي العلاقه لو حسيتي انك عملتي كل دا ومع ذالك مش متقبلاه خليكي شجاعه وقولي لاهلك وارفضي الخطوبه احسن ما تتعبي باقيه حياتك واتمني لكي السعاده ف حياتك سواء معاه او مع الشخص المناسب
تم النشر الجمعة، ١٢ يناير ٢٠٢٤
لعرض السؤال في فدني اضغط هنا