السلام عليكم
أنا بقالي سنين كل ما أحاول أتعلم اللغة الإنجليزية مش بقدر أكمل فيها
وكمان لما بحاول أتعلم ذاتي ببقى مشتتة ومش عارفة إيه الأساسيات اللي المفروض أنجزها في المستوى الأول
وكنت بفكر آخد كورسات بس خفت مأستفدش منها أوي وكمان فيه مصادر كتير مجانية
ففكرت أشتري المجموعة دي
هل حد جربها قبل كده؟ أو حتى كتاب المستوى الأول بتاع ذامريكان انجلش؟
عندي أسباب قوية لتعلم اللغة الإنجليزية بس معنديش إرادة في حين فيه لغات تانية معنديش ليها أسباب بس حابة أتعلمها
وهل فيه حد اتعلم لغات أجنبية ومتعلمش انجليزي عادي؟
السلام عليكم، بالنسبة للمجموعة والكتاب فأنا للأسف مجربتهمش فمقدرش أحكم عليهم... بس أنا عامة لما بحب أتعلم لغة ببحث عن مصادر لمتحدثي اللغة نفسها، علشان بعتمد أكتر على السماع في تعلمي فببقى عاوزة مصدر ألقط منه مخارج الحروف والصوت مضبوط. مش ببقى ضامنة لو المعلم، دي مش لغته الأم إن يكون نطقه صح فبدايتي مع اللغة تكون غلط. فلو هتدوري على مصادر، شوفي مصادر إنجليزية أفضل. **** لو عاوزة ترشيحات مصادر ونصائح خاصة بتعلم الإنلجيزي ممكن تتابعي قناة ياسمين خالد لو مش عارفاها... هي بترشح مصادر إنجليزية فممكن تفيدك. ده أحد فيديوهاتها. https://www.youtube.com/watch?v=GMJlKB1aoxo *** بالنسبة لتعلم اللغات أو تعلم أي حاجة عامة بيحتاج استمرارية، فأنتِ مشكلتك مع الاستمرارية والالتزام بالاهداف. ده اللي محتاجة تشتغلي عليه. لازم الأول تحطي هدف واقعي (استخدمي طريقة SMART) وخطة مرنة عشان متقعيش بعد كم يوم من البدء. الملل والفتور أمر طبيعي وبيحصل مع الكل فلازم مرونة وتدريب على الانضباط الذاتي. ** مينفعش تضعي هدف عائم، زي مثلا هخلص المستوى الأول من اللغة السنة دي. لأ، المفروض الهدف الكبير يتقسم لأهداف صغيرة ولها مواعيد وكل إنجاز صغير تكافئ نفسك عليه. ** جربي تكتبي أسباب تعلم اللغة وأهدافك منها وتعلقيها فوق مكتبك عشان تفكرك كل يوم، واكتفي بنصف ساعة. مش لازم تبدئي بجهد كبير، ده هيخليكِ أصلا معندكيش إرادة للبدء وعقلك تلقائيا هيميل للتسويف وهيخترع أسباب عشان يمنعك من البدء. *** مش عارفة مستواكِ في الإنجليزي إيه حاليا، يعني هل إلى حد ما ممكن تقرأي به على الانترنت وتبحثي؟ ده كافي لو حابة تتعلمي لغة تانية وتاخدي الإنجليزي على مهلك... عادي جدا لو حابة تتعلمي لغة تانية مش شرط تنتظري تتقني الإنجليزي عشان تبدئي تعلم لغة تانية. ** بالنسبة لمشكلتك مع الاستمرارية وإنك مش بتكملي هدفك في التعلم، ممكن تسمعي البودكاست دي، كانت بتتكلم عن نفس المشكلة https://www.youtube.com/watch?v=oRiM3xBq-4s&list=PLrNsV6fh5oPOy8ex8qmKRnn1QtocAwczg&index=14&pp=iAQB ودي كمان هتفيدك إن شاء الله.. https://www.youtube.com/watch?v=ddYcQY9TaYE&list=PLrNsV6fh5oPOy8ex8qmKRnn1QtocAwczg&index=12&pp=iAQB **** كمان فيه على التطبيق أسئلة كتير عن تعلم اللغات وعليها إجابات ونصائح إن شاء الله تفيدك https://www.fedni.net/all-results?query=تعلم%20اللغة https://www.fedni.net/all-results?query=اللغة%20الإنجليزية لو حاسة ترشيحات ياسمين هتشتتك ممكن تشوفي الترشيحات في المقال ده، https://www.ajnet.me/midan/2018/3/6/أبرز-5-قنوات-لتعلم-اللغة-الإنجليزية-عبر واعتمدي مصدر واحد بس منها التزمي بالمتابعة معه ولا تشتتي نفسك مع أكثر من مصدر. وأنصحك تبحثي عن تقنية الـ shadowing وابدئي بها من المستوى صفر عادي عشان تدربي لسانك على الكلام من أول يوم. ** أرجو أكون أفدتك شوية. بالتوفيق إن شاء الله.
تم النشر الاثنين، ٢ فبراير ٢٠٢٦
وعليكم السلام ورحمة الله وبركاته يا رحاب 🌸 أول حاجة، برافو عليكي إنك مصرة على هدفك رغم التحديات! ده مش سهل، وكتير زيك بيواجهوا صعوبة في الاستمرار، بس السر في الخطة البسيطة والإرادة اللي بتنميها خطوة خطوة. أنا هقولك خطة عملية عشان تبدئي صح، وهجاوب على أسئلتك كمان. الأساسيات للمبتدئين (المستوى الأول): ابدئي بـ 15-20 دقيقة يوميًا فقط : متزوديش، عشان متزهقيش. ركزي على: الأبجدية والنطق : شوفي فيديوهات يوتيوب زي "Rachel's English" أو "BBC Learning English". كلمات أساسية (500 كلمة شائعة) : زي التحيات، الأرقام، الألوان، الأيام، الأكل. قواعد بسيطة : الضمائر (I, you, he)، الفعل to be، الحاضر البسيط. مصادر مجانية ممتازة (أفضل من الكورسات المدفوعة لو ملتزمة) : Duolingo أو Memrise : تطبيقات ممتعة زي اللعبة، هتتعلمي أساسيات بدون ملل. BBC Learning English أو EnglishClass101 (مجاني جزئيًا). كتاب American English File Starter : كويس جدًا للمبتدئين، فيه تمارين وصوتيات. لو هتشتري المجموعة اللي قلتي عليها (افترضت إنها American English series)، ناس كتير جربوها وقالوا إنها منظمة وفعالة، بس لازم تكملي مع تطبيقات صوتية زي YouTube عشان النطق. مشكلة الإرادة والتشتت: اربطيها بأسبابك القوية : اكتبي 3 أسباب رئيسية (زي شغل أحسن أو سفر) وشوفيها كل يوم قبل الدراسة. ده هيحفزك إن شاء الله. اجعليها ممتعة : شوفي أفلام كرتون إنجليزي بسيط زي "Peppa Pig" مع ترجمة عربي أولًا، بعدين إنجليزي. أو أغاني زي Ed Sheeran مع كلمات. لغات تانية؟ الإنجليزي أساس لكل حاجة، عشان معظم الموارد بالإنجليزي. كتير اتعلموا لغات زي الفرنسي أو الإسباني بدون إنجليزي، بس هيبقى أصعب وأبطأ. ابدئي بالإنجليزي هيفتحلك أبواب التانيين بسهولة! نصيحة عملية: حددي جدول أسبوعي: 5 أيام دراسة، يومين راحة. استخدمي تطبيق Habitica عشان تحوليها للعبة وتكسبي نقاط. لو عايزة دعم، ابحثي في فدني عن "تعلم الإنجليزية للمبتدئين" هتلاقي إجابات كتير من خبراء، أو روحي صفحة الخبراء https://www.fedni.net/experts وشوفي مدربي اللغات. أنتِ قادرة يا قمر، خطوة صغيرة كل يوم هتوصلك! قوليلي بعد أسبوع إيه اللي عملتيه، وأنا هساعدك نعدل الخطة 😊. ربنا يوفقك!
تم النشر الاثنين، ٢ فبراير ٢٠٢٦
لو عاوزه تتعلمين في افتحي قناة ابراهيم عادل علي اليوتيوب هتحترفيها انشاء الله
تم النشر الخميس، ٥ فبراير ٢٠٢٦
مشتريتهاش لسه لإني أخدت بنصيحة الأخت مي بس عموما هي موجودة على صفحتهم على الفيسبوك اسمها English Mix وهما ليهم صفحات كتير وكتب كتير للغات تانية
تم النشر الخميس، ٥ فبراير ٢٠٢٦
جبتي الكتب منين عاوزه أشتري
تم النشر الخميس، ٥ فبراير ٢٠٢٦
لعرض السؤال في فدني اضغط هنا