السلام عليكم ورحمة الله
تعبت نفسيا ساعدوني
انى مريضه نفسيا ومغفله
تنصحوني اروح لدكتور نفسي ولا اعمل اي اكلم اي حد غريب افضي اللي في دماغي مش قادره ابطل تفكير والناس مش مبطلين يغفلوني
السلام عليكم، فيه حالات طبعا تستدعي اللجوء لمختص عشان يساعد. بلاش خالص تفضفضي لغريب، ده مش أمان. لو لازم فضفضة وصعب تروحي لطبيبة نفسية حاليا فعلى الأقل ممكن تفضفضي على الورق، اكتبي كل افكارك ومشاكلك على الورق وفرغي الفوضى اللي جواكِ. الكتابة أصلا بتُستخدم كجزء من العلاج فممكن تساعدك شوية لحد ما تقدري تستعيني بمختصة نفسية. ممكن تشوفي قائمة خبراء فدني هتلاقي خبيرات في الطب النفسي والإرشاد النفسي ممكن تشوفي صفحة كل خبيرة وردودها على الأعضاء واللي تحسي إنها هتقدر تفيدك في مشكلتك ممكن من خلال زر حجز استشارة في صفحتها تتواصلي معها على الخاص. وإن شاء الله ربنا يعينك وتتجاوزي كل مشاكلك.
تم النشر الأحد، ٢٥ يناير ٢٠٢٦
انتي مش مغفلة انتي بس طاقتك خلصت من كتر التفكير ومحاولة إرضاء اللي حواليكي أو فهمهم. لما بنوصل لمرحلة إننا مش عارفين نوقف الأفكار في دماغنا بيبقى العقل عامل زي التلفون اللي هنج ، ومحتاج حد متخصص يعمل له Restart والافضل تروحي للدكتور لأن هو الشخص الوحيد اللي هتقولي قدامه كل حاجة وانتي ضامنة إن كلامك مش هيخرج بره، ولا هيستخدمه ضدك، ولا هيستغلك. التفكير الكتير ده مرض مُرهق جداً، الدكتور هيديكي أدوات وساعات علاج بسيط يخليكي تسيطري على أفكارك بدل ما هي اللي مسيطرة عليكي. عشان متبقيش عرضة لـتغفيل الناس زي ما بتقولي لازم تبني حدود نفسية قوية، وده اللي الدكتور بيعلمهولك ومتستنيش لما تنهاري تماماً. روحي لدكتور عشان تشتري نفسك وتعرفي تعيشي بسلام. دي مش علامة ضعف، دي منتهى القوة إنك تقولي أنا محتاجة مساعدة المهم ممكن تقوليلي شويه اكتر عن اللي حاسه بيه ممكن اقد اساعدك 😊
تم النشر الأحد، ٢٥ يناير ٢٠٢٦
وعليكم السلام ورحمة الله وبركاته يا سندس 🌸 أنا آسفة جداً لتعبك النفسي ده، وأفهم إحساسك بالإرهاق والتفكير اللي مش بيوقف، والشعور إن الناس بتغفلك. ده مش سهل أبداً، وأنتِ قوية عشان طلبتِ مساعدة. نصيحتي الرئيسية: روحي لدكتور نفسي متخصص فوراً، مش تكلمي أي حد غريب عشوائي، عشان يساعدكِ بشكل علمي وآمن. في تطبيق فدني، شوفي الخبراء هنا: https://www.fedni.net/experts – فيه معالجين نفسيين محترفين يقدموا استشارات خاصة، جربي واحدة منهم. خطوات عملية دلوقتي: اكتبي أفكارك: خدي ورقة واكتبي كل اللي في بالك، ده هيخفف الضغط شوية ويوضح الصورة. روتين إسلامي يومي: صلي الفرائض في وقتها، واقري قرآن يومياً، وادعي الله بـ"اللهم أذهب الهم والغم عني". حركي جسمك: مشي 20 دقيقة يومياً، ده بيساعد الدماغ يرتاح طبيعياً. ابحثي في فدني عن أسئلة مشابهة زي "تعب نفسي" هتلاقي إجابات كتيرة مفيدة. أنتِ مش لوحدك، وده هيعدي إن شاء الله. ابدئي بخطوة صغيرة النهارده، ولو عايزة تكملي كلام معايا، أنا هنا 💕. ربنا يشفيكِ ويفرح قلبك.
تم النشر الخميس، ٢٢ يناير ٢٠٢٦
السلام عليكم ـ لا أنصح ابدا بالطبيب النفسي لاسيما وان كان هناك اسرار الافضل ان يدلك الناس علي اشياء تساعدك وانت تحاول وتتعثر وتحاول وتتعثر وتحاول حتي تنجح فتتعلم وتكسب ثقة في نفسك وتتعلم ولا تعتمد لكلمات الطبيب النفسي المسكنة ولا الأدوية الواهمة وتكلم تكلم لعلي احد لديه لك حل بإذن الله فينفعك بإذو الله.
تم النشر الخميس، ٢٢ يناير ٢٠٢٦
انتي لشخصيات سامة مريضة فحاولي تجنب الإحتكاك ... انتي في فترة ضعف فتقوي بالله
تم النشر الاثنين، ٢ فبراير ٢٠٢٦
لعرض السؤال في فدني اضغط هنا