كلمة مشهور أوي هتسمعيه فى بداية كل سنة من زمايلك و صحباتك أنا مبحبش النحو ، أنا مبحبش الفرنساوي ، أنا مبحبش الإستاتيكا . كل ديه مجرد حجج و لو فضلتي عليها مش هتعرفي تعملي أو تنجزي أو تتقدمي خطوة (أول حاجه تبعدي عنها ) هتسمعي كلام كتير يتضمن إن اليوتيوب لا يفيد من ناحية إنك تذاكري عليه أو تراجعي درس عليه . أحب أقولك أنا حالياً قبل ما أخش أى امتحان بكون مراجع و مأكد المعلومة مع مدرسين معرفهمش أصلا و مش أنا بس ناس كتير من زمايلي و معارفي (تاني ......) أنا ضعيفة فى لغات و قوية فى المواد التانية أعمل أى ؟ هتلاقي ناس كتير تقولك اعرفي القواعد أو اعرفيها المنهج بحيث إنك تبقي عارفه تنجحي بس مش عارفه إزاي يعني بالبلدي حافظ مش فاهم لكن أنا و أى حد بيفهم هيقولك اتعاملي معاها كلغة و هتحبيها زي مبتحبي فلمك المفضل أو وجبتك المفضلة (تالت.......) هتلاقي ناس كتير بتقولك أنا هذاكر الفرنساوي أو اللغة التانية عموماً آخر السنة هيا كده كده تتلم فى يوم . هو كلاموا صح هيا فعلاً تتلم فى يوم و سهله كمان لكن هيخلص الامتحان مش هيفتكر يعني أى أصلا فملكيش دعوه بيهم و جدول منظم مش شرط يكون جدول خارق للطبيعه لا جدول عادي جدآ و ذاكري عليه (رابع.......) شوية نصايح كانو السبب فى إني عديت فى السنة ظي بقوايا النفسية كاملة 1 مسمعتش كلام حد و رافضة تماماً أغير الجدول بتاعي أو طريقة مذاكرتي بنائا على نصيحة أستاذ أو زميل متفوق عني 2 قطعت علاقتي بكل أصدقائي اللي هيعطلوني عن المذاكرة بعد لما فهمتهم الموقف و تقربت من زمايل جدد أعرف اسألهم و يسألوني و نشجع بعض 3 انتظمت بحدود الدين فى التعامل مع زمايلي خصوصاً البنات 4 الصلاة كانت عامل أساسي فى وصولي لهذه اللحظة و أنا مطمئن 5 الثقة فى النفس 6 مسبتش الزعل يتملكني لما بجيب درجة مش عجباني بل كنت بقول اللي وصل للدرجة النهائية ده أتعلم لكن أنا موصلتش للدرجة النهائية فى أيدي أتعلم و أبقى أحسن من غيري 7 مقارنتش نفسي بحد سواء أحسن مني أو اسوء لكن لما جيت أقارن نفسي بحد شوفت واحد أنا عارف إن هو مستواه أعلا مني و حبيت اتخطاه 8 مشيت بمقولة سمعتها محدش هيحبك لو أنت فاشل أنت ذات نفسك مش هتحب نفسك 9 مبخلتش على حد بمعلومة فمحدش بخل عليا بمعلومة عندو سواء كان زميل أو زميلة دايما اعرضي المساعدة لكن طبعاً لو زميل (شاب)لازم تتعاملي معاه بحدود . (هسبلك أربع كلامهم علق فى دماغي من كتر مهو فعلاً مفيد ) بعتذر على الإطالة . بس أظن ده كل حاجه.
حاجه كمان مدرستك فيها مدرسين مستعدين يساعدوكي بس أنتي اسألي و سيبك من الناس اللي بتقولك يا عم هما فى المدرسة بيشرحولنا حاجه ....عن نفسي أنا لما ببقى هناك بعمل حاجه بيكون معايا كتاب بذاكر فيه و لما بيوقف معايا حاجه كنت بسأل أى مدرس و كان بيرد عليا .وبس ربنا يوفقك و تحققي هدفك و تكوني خير قدوة لغيرك فى المستقبل.
تم النشر الاثنين، ٣ يوليو ٢٠٢٣
أول حاجه المناهج بتتعاد من الأول لكن أغلب المدرسين بيسيبوا نقط المفترض يشرحوها فى بداية المنهج بس هما بيسبوها للمراجعة ..... بالنسبة للدروس الاونلاين و السناتر فده مش مهم نهائي يعني أنا صديق ليا فى مواد مش بيحضر فيها دروس و تقدري تقارنيه باللي بيحضر دروس سواء اونلاين أو سناتر يعني اللي هيحدد قيمة ادائك هو أنت مش السناتر ولا الاونلاين ...
تم النشر الاثنين، ٣ يوليو ٢٠٢٣
والله مش عارفه اقولك اى بس كلامك رشق قلبى جدا وبشكرك جدا هو انا already قطعت علاقتى مع صحابى لأن كله عاوز مصلحته وربنا بينلى حقيقتهم قبل تالته ف الحمد لله يعن وكلامك كله همشى عليه ان شاء الله وانا هحب المواد اللى انا شيفاها رخمه بس السؤال هنا هل المواد متراكمه ع بعضها ف لازم اروح دروس برايڤيت قبل ما الدراسه تبدأ عشان اظبط كل حاجه قبل تالته ولا ادخل تالته وكل حاجه هتتعاد ولا اى عشان محتاره وانا باخد ف دروس اونلاين وف فيس تو فيس بس ف تالته قلت هاخد الاتنين يعن ف الماده درسين واحد اونلاين احضر منو الدرس وكدا والتان فيس تو فيس مراجعه وكدا ف هل كدا صح ولا اى والدروس اللى باخدها ف بلدى يعن مش بتحتاج مواصلات ولا بضيع وقت بالعكس بروح الدرس ف أقل من ربع ساعه ف اخد الاتنين ولا اييي
تم النشر الاثنين، ٣ يوليو ٢٠٢٣
لعرض الإجابة في فدني اضغط هنا