السلام عليكم ورحمه الله وبركاته
انا زعلانه اوي اوي بجد مش عارفة اي المجتمع الي احنا فيه دا لي بيفضلو الولاد عننا لي بجد بيحسسونا انهم واو وان احنا يع وبتاع
انا عندي عقد نفسيه كتييرر اوي من الولاد يعني مثلا مبحبش اطبخ لي عشان المتعارف عليه ان البنت هي الي بتطبخ وبتعمل الحاجات دي اما قليل تلاقي شاب يطبخ لا وفي امهات بتربي ولادها ان مفيش راجل يدخل المطبخ وبتاع والكلام دا لي بجد
انا وصلت معايا لدرجه اني بقيت بكره الجواز وشايفاه اني هتجوز هخلف وهقعد اربي في العيال لحد م اموت دي وظيفتي اما هو ف عادي يطلع ويسافر ويشتغل ولو حضرته حب يجدد عمره زي م بيقولو ف يتجوز عليا عادي م دا الشرع,
كمان لما بشوف بنت اتخرجت واتجوزت علطول غصب عني بحس ب اللهم لا تبتلينا مع إني والله عايزه يبقى ليا سكن وعايزه اتجوز عشان احس ان ليا حد لاني طول عمري لوحدي ومبحسش بالامان مع حد ف نفسي يكون هو مصدر اماني بس العقد الي عندي دي منعاني لا وكمان بتقهر اكتر لما بشوف كومنتات الذكور ومش هقول عليهم رجاله بيقولو ان البنات مجرد اداه جنسيه لا وناس تطلع تقول الحجاب فرض عشان متفتنيش الراجل يعني بجد الراجل مهم اوي كدا اني اعذب نفسي عشان حضرته ميتفتنش!
انا بجد بحس اني عار واني وحشه واني مكنش ينفع اتوجد واني مستاهلش حاجه واستاهل الموت وبحس اني اداه جنسيه فعلا،
واي حاجه ممكن الولد يعملها لكن احنا لا الولاد يركبو عجل عادي اما البنت قله ادب والولاد ينزلو الشارع متاخر اما البنت لو عملتها تبقي اسفه فتاه ليل والولد يسافر مع صحابه اما البنت لا مينفعش ونبقى قاعدين في تجمع كلنا احنا الي نقوم نطبخ ونعمل الاكل اما الرجاله مينفعش انا بجد بجد بكره الرجاله بكرههم بس اكيد في منهم. عدلين ربنا يعوضني بحد منهم دا لو هفضل عايشه
وعامة اللي مخليني اتكلم ان في بوست كان بيتكلم عادي عن المفروض البنت تعمله مع خطيبها وانها مترضاش باقل حاجه عشان هيعود عليها بالضرر تاني ف في واحد نطع عنده حوالي 40 سنه بيقول كلام كدا في وسطيه ان احنا يمكن استبدالنا عادي وفيما معناه يعني اننا مجرد اده جنسيه وخلاص فبصراحه دمي اتحرق اوي لاني بكره النوع دا وبحاول اصلا مكرهش اني بنت بالعافيه ف رديت عليه قولتله يعني ممكن نستبدل امك؟
وانا شايفه اني مغلطتش في امه مهي بنت زيي يعني ف هو قام حرفيا دخل فيا شتايم وشتايم قذره انا مقدرش اشتمه بيها وكمان جاب سيره امي ف شتمته بس شتايم عاديه وقولتله اني مش مسامحاه واني هصلي قيام ليل وهدعي عليه ف مش عارفه حس بتانيب ضمير دا ولا اي ف مسح الكومنتات وبعتلي خاص وبتاع بيبرر لا وجاي يقولي انتي شكلك مطلقه محاكم يعني حتى كمان المطلقات بيتريق عليهم والمشكله اني لسه هتم ال 19 اصلا
المهم المهم انا مقهوره وحاسه بالذنب اوي وحاسه اني غلطت وعارفه انه مكنش ينفع اتناقش مع الاشكال دي بس بجد والله دمي اتحرق مش عارفه انا غلطت طيب لما جبت سيره امه الاول بس انا مشتمتهاش اصلا انا مش عارفه وكمان اتغلب على العقد دي ازاي والله العظيم اوقات كتير بتمني الموت عشان ارحم نفسي
وعليكم السلام ورحمة الله وبركاته. أول حاجة، أنا فاهمة إنك بتمري بفترة صعبة جدًا، والمشاعر دي مش بس زعل، ده تراكم من سنين من الإحساس بالظلم والقهر. إنك تكوني بنت في مجتمع بيحط قيود وتوقعات غير عادلة أحيانًا بيخلي الواحدة تحس إنها "ياع" أو أقل، وده طبيعي يولد عقد وغضب. أنتِ مش غلطانة في إنك بتحسي كده، بس خلينا نشوف إزاي نقدر نعالج الموضوع ده بطريقة عملية وإيجابية، مع الحفاظ على قيمنا الإسلامية اللي بتؤكد على كرامة الإنسان، رجل أو امرأة. بالنسبة للحادثة اللي حصلت في الكومنتات: أنتِ رديتي بدافع الغضب، وده مفهوم، لكن الرد اللي فيه شتائم أو جلب سيرة الأم خلّاكِ تحسي بالذنب دلوقتي. الإسلام بيعلمنا إن الغضب مش هيخلّصنا من الظلم، وإن أفضل رد هو اللي ما يجرحناش ولا يجرح غيرنا. لو حسيتِ إنك غلطتِ، ممكن تدعي لنفسك بالمغفرة وتستغفري، وتسيبي الأمر ده وراكِ. الراجل ده واضح إنه شخص سام، ومش هتستفيدي من الجدال معاه. بدل ما تتمسكي بالذنب، ركزي على إنك تعلمتِ درس: إنك متدخليش في نقاشات مع ناس زي كده عشان تحمي نفسك من الإحباط الزيادة. عشان تعالجي العقد النفسية دي، ابدئي بخطوات صغيرة وعملية. أولًا، ركزي على بناء قيمتك الذاتية من جواكِ، مش من نظرة المجتمع. اقرئي عن حقوق المرأة في الإسلام – الإسلام بيحمي كرامتك ويمنحك حقوق متساوية في كتير من الأمور، زي التعليم والعمل والاختيار، ومش بيقلل منك. حاولي تطوري مهاراتك واهتماماتك، سواء دراسة أو هواية أو حتى تعلم مهارة جديدة، عشان تحسي إنك ليكِ قيمة مستقلة. كمان، اكتبي يومياتك عن المشاعر دي، وحددي إيه اللي بيخليكِ تحسي بالأمان (زي الصلاة والدعاء) وإيه اللي بيزود الغضب. لو الموضوع بيأثر على حياتك اليومية أو بيخليكِ تتمني الموت، ده إشارة مهمة إنك تحتاجي دعم متخصص – ابحثي عن أسئلة مشابهة على فدني عشان تشوفي تجارب بنات تانيين وكيف تعاملوا معاها، أو استشيري معالج نفسي محترف. الجواز والحياة مش "وظيفة" بس للبنت، ومش لازم تكوني شايفاها كده. في الإسلام، الزواج شراكة فيها حقوق وواجبات متبادلة، والراجل مش "حر" يعمل اللي يريده بدون حساب. ركزي على إنك تبني علاقات صحية مع ناس إيجابيين، وتتعلمي تقولي "لا" للتوقعات اللي مش مناسبة لك. أنتِ لسه صغيرة (19 سنة)، وليكِ فرصة كبيرة تبني مستقبلك بنفسك. ادعي ربنا يشفيكِ ويفرج همك، وتذكري إن الحياة ليها قيمة، وإنك قادرة تتجاوزي ده خطوة بخطوة. لو عايزة تتكلمي أكتر، أنا هنا.
تم النشر الخميس، ٢ يوليو ٢٠٢٦
لو ربة المنزل معناها خدامة، يبقى أي راجل بيشتغل ويصرف على بيته يبقى مجرد ماكينة فلوس، وده أكيد مش صحيح. في الحالتين دي أدوار، و قيمة الإنسان عمرها ما كانت بتتقاس بدوره .
تم النشر الخميس، ٢ يوليو ٢٠٢٦
بصي، انتي وقعتي في نفس الغلطة اللي المجتمع وقع فيها. المجتمع حكم على البنات لمجرد إنهم بنات، وانتي دلوقتي بتحكمي على الرجالة كلهم بسبب تصرفات فئة منهم. في الحالتين ده تعميم، والتعميم عمره ما كان عادل.ومش بقول كده عشان أدافع عن المجتمع، لأن فعلًا فيه أفكار ظالمة ولسه موجودة. لكن لو سيبتيها تتحكم في طريقة تفكيرك، فالمشكلة مش هتبقى في الكلام اللي اتقال، المشكلة إنه هيبقى غير نظرتك لنفسك ولمستقبلك، وده أكبر انتصار للأفكار دي.أنا شايفة إنك محتاجة تفصلي بين المجتمع و الأشخاص. المجتمع ممكن يبقى فيه مشاكل، لكن حياتك في الآخر مش هتعيشيها مع المجتمع كله، هتعيشيها مع شخص واحد. فبدل ما يبقى هدفك إنك تلاقي مجتمع مثالي، خلي هدفك إنك تعرفي تختاري الشخص الصح، وتبعدي عن الشخص الغلط من بدري. ده شيء في إيدك، لكن تغيير المجتمع كله مش في إيدك.
تم النشر الخميس، ٢ يوليو ٢٠٢٦
ايوا منا ارجع فطرتي ازاي ومبقاش مكسوفه من كوني بنت، بتكسف لما اقول اني عايزه ابقى ربه منزل بحس اكني بقول هبقى ✨خدامه✨
تم النشر الخميس، ٢ يوليو ٢٠٢٦
الزواج فطرة ، ومهمة المرأة الأساسية هي إنشاء أسرة سوية ،، فطرتك تلوثت اعملي على ارجاعها ،، بالدعاء ومعرفة دينك
تم النشر الخميس، ٢ يوليو ٢٠٢٦
لو عارفة فعلًا مش هتتأثري بأي كلام ولا في كلام ههيزك، ومش هتعلقي على حد خلي عندك ثقة أكبر وكمان مش فكرة عارفة في الدين الفكرة إنك بتعاندي وتعارضي حاجة وكمان عايزة تكوني ضدها يبقى في خلل عندك
تم النشر الخميس، ٢ يوليو ٢٠٢٦
بتابع ناس بتتكلم عن الدين وعارفه ان ربنا كرم المراه والدنيا بتبقى ماشيه تمام لحد م حد بيجيب سيره الحاجات دي او حد يتحكم فيا دماغي كلها بتقلب ضدي
تم النشر الخميس، ٢ يوليو ٢٠٢٦
أنتِ محتاجة بكل إختصار تتابعي ناس بتتكلم بعلم وكمان أهل دين، وأبعدي عن أي حاجة فيها جهل وذكورة حاولي تقرأي السيرة النبوية أو تسمعيها، وتعرفي دورك من خلال دينك وإن التربية تربية الأطفال دور عظيم جدًا وعليه أجر،وكمان عملك في بيتك طبخ وغسيل وكل حاجة أجرها عظيم ويا ستي لو أنتِ بتعملي شغل البيت الراجل بيشغل برة وشغل شاق فـ بلاش تشهوة في الفطرة
تم النشر الخميس، ٢ يوليو ٢٠٢٦
الإسلام وضح لينا قيمة المرأة ودورها المرأة هي الأم والأخت والزوجة ليها أدوار كتير جدًا وأمر الراجل بـ إنه يكون مسؤول عنها ويكون هو قوام! عشان أنتِ تكوني ملكة في بيتك لما تتزوجي وتقعدي في البيت دي مش حاجة وحشة ولا حتى بتقلل منك بالعكس المجتمع برة فاسـد فاسـد بمعنى الكلمة وأنتِ وجودك في بيتك مش بيقلل منك حماية ليكِ، أما جزئية إن المرأة أداة جنسية فـ أنا عايزة أقولك دا كلام عبثي لو ربنا يكرمك وتتزوجي أخ سوي نفسيًا عارف يعني ايه دين مش هيتعامل معاكِ كدا بالعكس فـ بلاش تفكيرك يكون مشوه وعقدك النفسية تكون ضدك وتخسرك حاجات كتير وفي حاجة إسمها فطرة دي ربنا فطرنا عليها إحتياج المرأة للرجل والعكس بس كل فينا لهُ دور ودور كبير جدًا كمان
تم النشر الخميس، ٢ يوليو ٢٠٢٦
وعليكم السلام ورحمة الله وبركاته، أولًا واضح جدًا جدًا جدًا إنك متابعة صفحات أو ناس عامةً بتخوفك أو بتتكلم بـ جهل وكلام عبثي النقطة دي مهمة وأنتِ لأزم توقفي متابعة الناس دي
تم النشر الخميس، ٢ يوليو ٢٠٢٦
لعرض السؤال في فدني اضغط هنا