أنا كنت بحب ولد وهو كان بيحبني وفضلنا نحب بعض تقريباً أربع سنين ولكن جيت فتره وبقى زي كارفني مع إنه كان بيحبني برضوا وقتها فضل كده سنه ونص وأنا بجد حاولت علشانه كتير لكن هو مكنش منه فايده وعرفت انه حب ففي ولد كان مجرد صديق عندي بصراحه وقالي أنه معجب بيا وارتباطنا شهرين ولكن كنت فيهم مش عارفه أنا بحبه فعلا ولا لأ لأن قلبي كان مع الولد الاولاني المهم إني كملت وأنا مش مرتاحه ودلوقتي الولد التاني اعترفلي للمره التانيه وحابب يعرف أنا لسه بحبه كتير واعتذرلي كتير وأنه كان بيحبني بس كان فيه حاجه منعاه دلوقتي أنا بحبه بس مش عارفه اسيب إللي حبني واتعلق بيا ده ومش عاوزه أظلم نفسي ولا أظلم حد معايا وأنا عارفة إني غلطانه بجد
أختي العزيزة، أولاً أقدر شعورك بالحيرة والندم، وإنك بتحاولي تكوني صادقة مع نفسك ومع الآخرين. اللي بتمرّي بيه طبيعي لما القلب يتعلق لفترة طويلة، لكن المهم دلوقتي إنك تاخدي قرار واضح عشان ما تظلميش نفسك ولا أي حد. من منظور إسلامي، العلاقات دي لازم تكون موجهة نحو الزواج الحلال، مش مجرد تعلق أو تجربة. نصيحتي لكِ: صلي استخارة وادعي ربنا يهديكِ للصواب ويبعد عنكِ أي أذى. خدي وقت لوحدك عشان تفهمي مشاعرك الحقيقية بدون ضغط من أي حد. ابعدي عن الاتنين وركزي على تطوير نفسك وثقتك، عشان قرارك يجي من قوة مش من خوف أو تعلق. أنتِ مش غلطانة لأنكِ بتحاولي تفهمي، لكن الغلطة الحقيقية هتكون لو استمريتِ في التردد. خدي خطوة واضحة دلوقتي، وربنا هيوفقك.
تم النشر السبت، ١١ يوليو ٢٠٢٦
@eslam fayad حضرتك تقصد كلامي؟
تم النشر الأحد، ١٢ يوليو ٢٠٢٦
للاسف مش هينفع النصيحة فى حاجة غلط .. راجعى نفسك من فضلك
تم النشر الأحد، ١٢ يوليو ٢٠٢٦
جهزي نفسك من دالوقتي توبي أبني نفسك من العلاقات المؤذية حددي أهدافك أشتغلي عليها كل دقيقة بضيع منك في علاقة محرمة فـ هي خسارة والله وبالله وتالله خسارة أشتغلي على نفسك مفيش أي علاقة فيهم هتنفك أهلك مينفعش تخوني حد منهم خاصةً أبوكي التعبان في الشغل وتعبان عشانك بصي في بيتكم كلهم واثقين فيكِ لييه عايزة تكسري الثقة مع إنك بتكسري نفسك لأن الخسران في الأول والأخر أنتِ بس توبي واقطعي كل العلاقات وأبدي حياة جديدة مع ربنا ونفسك فرحي أهلك بالتوفيق 🤍🍀
تم النشر الأحد، ١٢ يوليو ٢٠٢٦
تسيبي الاتنين يلهوووووووي🥲 يا غالية هما الاتنين مينفعش وبعدين أربع سنين ضاعوا في علاقة محرمة، ليييه دي أنتِ لو كنت بدأتي في رحلة في القرآن كان زمانك خاتمة دالوقتي بصي يا غالية هقولك الخلاصة بجد في حاجة إسمها علاقات محرمة يعني إيه؟ يعني البنت تصاحب ولد وترتبط بيه من غير رابط شرعي؟ يعني إيه رابط شرعي؟ يعني حاجة الناس كلها عارفها خطيبك زوجك؟ لكن الـ أنتِ فيه دا علاقة في الخفاء ومؤذية لو جاهزة تضيعي باقي عمرك في العلاقات المحرمة براحتك بس والله هي الحكاية هتكون عبارة عن كلام وتسليه ومش حب تسلية فقط بعدين هيسيبك الأول والتاني، وفي الاخر عمرك ضاع وخلاص.
تم النشر الأحد، ١٢ يوليو ٢٠٢٦
لعرض السؤال في فدني اضغط هنا