انا بنت وعندى 14 سنه انا فى يوم من الايام كنت نزلت لعبه فيها تواصل مع اللاعبين وتعارفت على كام لاعب وعرفو عنى بعض لاشياء الشخصيه ووصل انهم بيكلمونى عن جسمى انا عملتلهم حظر وقفلت العبه بس كان فى واحد فى العبه حبته بس لم لقيته بيتكلم فى كلام مينفعش مسحت اللعبه هل انا عملت الصح واريد نصيحه
أيوة عملتي الصح وأنتِ بنوتة شاطرة وعاقلة وواعية ومسؤولة كمان. عايزة أقولك كمان نصيحة يا بطلة 💙. أول حاجة التطبيقات دي وحشة جدًا بلاش تُضري نفسك أنتِ معندكش الوعي الكامل بيها، يبقى أي تطبيق تواصل أو لعب ملكيش دعوة بيه عشان هيضرك حتى لو على سبيل الفضول بلاش. الحاجة التانية: أيّ رأيك تتعلمي للغة زي الإنجليزي أو الألماني، وتنزلي مركز للغات عندكم وتتعلمي، ممكن برضو تروحي مكان تحفيظ وتحفظي القرآن، لو عايزة تطوري منك نفسك في أحمد أبو زيد على اليوتيوب. المهم أنتِ دالوقتي لأزم تستثمري في نفسك وتحطي لنفسك أهداف ولو عندك صحبة صالحة أنزلي معاهم وأعملوا أنشطة. حاليًا أنتِ طاقة تقدري تستغليها في شغلك على نفسك وتبعدي عن الفون قدر الإستطاعة وتعملي حاجات كتير جدًا على أرض الواقع. وأنا فخورة بيكِ أنك حذفتي اللعبة وإنك عارفة إن مينفعش تسمعي الكلام دا وكمان أخدتي خطوة شجاعة 💙. وفي النهاية أنتِ بطلة وتقدري تبدأي تشتغلي على نفسك من دالوقتي عشان تكوني حد شاطر بل أشطر حد
تم النشر الأربعاء، ١٥ يوليو ٢٠٢٦
اكيد صح ،وخلي بالك اوي من الناس الي بتبقى على النت دول خليكي ناصحه وواعيه أغلبهم أن مكنش كلهم تفكيرهم تجاه البنت وحش جدا متخليش حد يضحك عليكي بكلمتين ،الناس دي بتبقى وحشة اوي يبنتي وكدابين ونفوسهم مريضة وتفكيرهم شهواني وبس ،حافظي على نفسك انتي قيمتك كبيرة ❤️❤️،ولو عندك فراغ امليه بإنك تتعلمي حاجات جديدة،اتعلمي برامج زي مثلا فوتوشوب أو اليستريتور أو أي حاجه واخرجي مع صحباتك ،العبي رياضة اعملي اي حاجه تلهيكي
تم النشر الخميس، ١٦ يوليو ٢٠٢٦
نعم، عملتِ الصح تمامًا يا بنتي. بسن 14 سنة، وفي لعبة فيها تواصل مع غرباء، لما وصل الكلام لمواضيع عن جسمك وكلام غير لائق، كان قرارك بإغلاق اللعبة وحذفها قرارًا ناضجًا وشجاعًا. أنتِ حافظتِ على نفسكِ وحمايتكِ، وده شيء يستحق التقدير. اللي حصل ده شائع في الألعاب اللي فيها دردشة، والناس بتستغل التواصل ده عشان يتكلموا بطريقة غير مناسبة. مشاركة تفاصيل شخصية حتى لو بسيطة ممكن تفتح الباب لكلام مزعج أو أسوأ. نصيحتي لكِ دلوقتي: ركزي على حماية خصوصيتكِ تمامًا، متشاركيش أي معلومات شخصية في أي لعبة أو تطبيق، ولو حسيتِ إن فيه حد بيتكلم بطريقة غير مريحة، ابتعدي فورًا زي ما عملتِ. لو فيه لعبة معينة بتحبيها، جربي النسخ اللي بدون دردشة أو تواصل مع اللاعبين الآخرين. من ناحية إسلامية، الحفاظ على الحياء والابتعاد عن أي موقف ممكن يجرح شعوركِ أو يعرضكِ لكلام غير لائق ده أمر مهم، وربنا بيحب العفة والحماية الذاتية. لو حابة تتكلمي مع أمكِ أو أي حد موثوق في العائلة عن الموضوع، ده هيساعدكِ تشعري بالأمان أكتر. ولو عايزة نصايح إضافية عن كيفية التعامل مع المواقف دي أو أنشطة آمنة بديلة، قوليلي وأنا هنا أساعدكِ. أنتِ قوية وذكية، وده اللي خلّاكِ تتصرفي صح.
تم النشر الثلاثاء، ١٤ يوليو ٢٠٢٦
كويس انك حظرتيهم بس متحمليش العاب وتعرفي ناس اونلاين تاني خصوصا لو شباب
تم النشر الخميس، ١٦ يوليو ٢٠٢٦
لعرض السؤال في فدني اضغط هنا