التراكمات سببها طبعا الاول تربية خاطئة من الصغر او مواقف سيئة، عاشت وتراكمت جواكي وده بيوصل للسبب التاني .. ايه اللي مخليها تكون بداخل الواحد طول المدة ديه كلها؟ ان الحاجات ديه متعالجتش، محدش طلعها منك، ولا انتي كمان طلعتيها. طيب هي بتظهر امتى؟ بتظهر لما بتحصل شرارة كبيرة في حياة الواحد .. بيبدأ يسال نفسه اسئلة كتير .. انا ايه اللي بيحصلي؟ انا ليه افكاري بالطريقة ديه؟ انا ليه مش عارف اتعامل مع الناس؟ ليه بكلم نفسي بالطريقة ديه؟ وغيرها طبعا مش الاسئلة اللي ممكن الواحد يسألها لنفسه واحتمال يلاقي اجابه وممكن ميلاقيش .. بس الاكيد دائما ان فيه امل، وفيه علاج .. طالما الواحد بدأ يضع ايده على المشكلة، ويعترف ان فيه مشاكل عنده ..ده يعتبر نصف الطريق. غيره معملش كده ومش داري بأي حاجه .. ف اللي عارف احسن بكتير باللي مش عارف. وتقدري طبعا تتابعي مع اخصائي نفسي او معالج، علشان يكون معاكي في رحلتك للتعافي. ربنا يوفقك
لعرض الإجابة في فدني اضغط هنا