أنا متضايقه من نفسي اوي عندي عدم ثقه في النفس فظيعه
بخاف أتعامل مع البشر كمان او اني أحط عيني في عين حد مش عاوزه ابقى معروفه ولا حد يعرفني بقيت برتاح في أوضتي بعيد عن اي حد غير اني مش بحب شكلي واني مش جميله ودا مخلي عندي تفكير مفرط مش بيبطل
حياتي أصلا بقت عباره عن تفكير اني وحشه والناس مش عاوزاهم يعرفوني في الجامعه ببقي خايفه اوي حد يعرفني او آخذ حتى الattendance قدام ولاد وبالتالي يعرفوني
مش ببص في المرايه نهائي ولا في الكاميرا أبدا بقرف من نفسي
عارفه ان ربنا خلق الإنسان في احسن تقويم لكن أنا تعبت من نظره الناس
صاحبتي مره قالت لي ان في ولد قال لها هيا صاحبتك دي تتحب ولا حد يبص لها وكانت بتضحك وهيا بتقولها ودايما تقول لي اني ملامحي مش حلوه وإنها جميله ومش بتحط ميكب زيي
تعبت اوي عاوزه أموت وارتاح بجد
السلام عليكم، هو لو هنصحك بنصيحة واحدة بس فهي إنك تقطعي علاقتك بالبنت دي وتبعدي عنها، دي مينفعش تقولي عنها "صاحبتي". حتى لو الكلام اللي قالته حصل والولد ده قال كده فعلا لو هي إنسانة كويسة وبتحبك عمرها ما كانت نقلت لك كلام يجرحك ولا ضحكت عليك. الصاحب والصديق الحقيقي بيدعمك ويرفع ثقتك بنفسك وعمره ما يجرحك أو يؤذيك بكلام أو نظرة. ومش بعيد هي وغيرها اللي مزعزعين ثقتك بنفسك وشكلك بكلامهم. *** أعتقد احتمال كبير يكون ده سبب مشكلتك... ممكن سمعت من وانت صغيرة كلام من الناس أو الأهل فضل يترسخ جواك لحد ما سبب لك العقدة دي. مشكلتك حلها إنك تحبي نفسك وتقفلي أذنك خالص عن سماع أي كلام سلبي عنها. عارفة كلمة (حبي نفسك) سهلة والتنفيذ مش البساطة دي بس صدقيني مع المحاولة والاستمراية هيبقى سهل وهترسخي جواك أفكار جديدة ونظرة جديدة عن نفسك ملهاش علاقة بكلام الناس ورأيهم فيك. ** وخدي بالك، نظرتك لنفسك بتنعكس على شكلك الخارجي، يعني طول ما أنت شايفة نفسك مش جميلة وكارهة نفسك ده اللي الناس هتلقطه وهيتعاماوا معك بنفس الطريقة. معرفش مستوى جمالك إيه، بس حتى لو مش جميلة (بمقاييس الناس) أو جمالك عادي أو بسيط ففي النهاية الأمر كله يعتمد على داخلك... يا ما بنات فاتنة جدا لكن اللي بينعكس من داخلها بيصد الناس حواليها وبنات عادية أو حتى مش جميلة ثقتها بنفسها وجمال داخلها بينعكس برا وبيجذب الناس لها. فأنت كل اللي محتاجاها حب لروحك ونفسك وإنك تشتغلي على جمالك الداخلي وفي نفس الوقت تهتمي بصحتك وجمالك الخارجي. أرجو أكون أفدتك شوية، وإن شاء الله خبراء النفس هنا يقولوا لك خطوات عملية. بالتوفيق.
تم النشر الأحد، ١٩ أبريل ٢٠٢٦
بصي يا بنت الحلال مفيش حاجة اسمها بنت وحشة ربنا لما خلقك قال في كتابه.. لقد خلقنا الإنسان في أحسن تقويم.. يعني إنتي زي الفل ومترتبة صح بالحكمة الإلهية والوسواس اللي راكبك ده شغل شيطان عايز يحزنك ويكرهك في نعمة ربنا عليكي والناس اللي بتقول كلمة تجرح دي ناس ناقصة ومريضة وكلامهم مش هو اللي بيحدد قيمتك خالص ده النبي قال إن ربنا مبيسيبش القلوب ويبص للصور يعني جمالك الحقيقي في روحك ونظافتك من جوه والصاحبة اللي بتنقل كلام يسم البدن دي ابعدي عنها عشان هي دي اللي بتكسر مقاديفك وبتغذي فيكي فكرة إنك مش حلوة إرمي حمولك على الله وقولي يا رب رضيني بخلقتك وحبب فيا خلقك واعرفي إن الدنيا دي ساعة وهتعدي ومحدش هياخد معاه ملامحه في القبر فخليكي واثقة في اللي خلقك ومستسلميش للأفكار السودة دي ابدا وانزلي جامعتك وعيشي حياتك واللي مش عاجبه ميبصش إنتي غالية عند ربنا وده أهم بكتير من رأي أي حد تاني وجد والله ربنا يحفظك ويسعدك 🌷
تم النشر الاثنين، ٢٠ أبريل ٢٠٢٦
ربنا خلق كل إنسان ليه مميزاته وكل واحد واخد حقه والحمد لله ومفيش بني آدم وحش وبني آدم حلو لكن كل واحد ربنا جمله بحاجه مختلفه والجمال جمال الأخلاق والروح اما جمال الوجه دا في لحظه ممكن يروح واما صاحبتك دي ما ينفعش تقولي عليها صاحبتك ولازم تقطعي علاقتك بيها وانتي لو دورتي حواليكي هتلاقي نعم ربنا عليكي لا تعد ولا تحصى. ماتسمعيش لكلام حد وماتهزيش ثقتك بنفسك وزي ما ربنا قال فيما معناه هذا خلق فأروني ماذا تخلقون. انتي جميله باخلاقك ودينك وتربيتك وعلمك.
تم النشر الاثنين، ٢٠ أبريل ٢٠٢٦
السلام عليكم ورحمة الله وبركاتة. الجمال هل هو مركزي او لا هل زميلتك ينفع تكون صاحبتك. قلت ثقتك في نفسك. اولا للاسف محدش هيحبك اكتر منك ومحدش هيخاف عليك اكتر منك اتقبلي نفسك يمكن تحت وانا بحاوب على السؤالين اللي فوق تشوفيه ليه تحبي نفسك. اولا انتي انسان مكرم عند الله خلقك وخلقك ابوك ادم واسجد له ملائكته وكرمك على كثيرا مما خلق في قدر ما من الإهتمام بنفسك والحب لنفسك هيخلي اللي بيتعامل معاكي يحترمك عشان لو لقاكي مش واثقه في نفسك يا تنزلي من نظره يا يستغلك. هل زميلتك تنفع تكون صاحبتك اظن لا وكان للنبي حديث يقول { لا تصاحب إلا مؤمنا ولا يأكل طعامك إلا تقي} انا مش عارفها بس حتى لو الولد قال كده هي ليه تقولك ده اولا وليه ولد ي يكلمها في حاجه زي كده الا اذا كانت بتصاحب شباب . الجمال واهمية الجمال لو قولنا إن في اساسيات وفي ثانويات الجمال اميل للثانوي عن الاساسي في الحقيقة وفي تقيم الدين للامر عنه صلى الله عليه انه في حديث تنكح المرأة لاربع كان منها لجمالها وقال واظفر بذات الدين تربت يداك. مش هقول إن الجمال مش مهمه بس هو مش متربع على عرش الاولويات ومش كل جمال المرأة في ملامح الوجه ومش كل الازواق واحده ولو اجتمع الغنى والدين والجمال والمال لإمراءه ده لا يعني بالضرورة انها هتتزوج او هتعيش اصلا ولو عاشت وتزوجت ده لا يعني انها هتنجب اطفال ولو انجبت ده لا يعني بالضرورة انها هتعيش سعيده. لا يوجد ضامن للسعادة الإنسان الا الله {مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ} وفرضا انك مش مقتنع بكل اللي قلته وانه متربع على عرش الاولويات وهو مصدر السعاده وده مش حقيقي اعتبريه مصيبه كانت المرأة على عهد النبي تتكشف {قال لي ابنُ عَبَّاسٍ: ألا أُريكَ امرَأةً مِن أهلِ الجَنَّةِ؟ قُلتُ: بَلى، قال: هذه المَرأةُ السَّوداءُ، أتَتِ النَّبيَّ صلَّى اللهُ عليه وسلَّم، قالت: إنِّي أُصرَعُ وإنِّي أتَكَشَّفُ، فادعُ اللَّهَ لي، قال: إن شِئتِ صَبَرتِ ولَكِ الجَنَّةُ، وإن شِئتِ دَعَوتُ اللَّهَ أن يُعافيَكِ، قالت: أصبِرُ، قالت: فإنِّي أتَكَشَّفُ فادعُ اللَّهَ أن لا أتَكَشَّفَ، فدَعا لَها} اعتبريها مصيبه واصبري عليها حابب الفت نظرك لحاجه اخيره لعله شر صرف عنكي وفي القيامه ترين بأم عينك الجميله الكاسيه العاريه التي تسير في الشارع اليوم وهي تعذب اشد العذاب فعنه صلى الله عليه انه قال {صِنْفَانِ من أهلِ النارِ لمْ أَرَهُما بَعْدُ : قومٌ مَعَهُمْ سِياطٌ كَأَذْنابِ البَقَرِ يَضْرِبُونَ الناسَ بِها ، ونِساءٌ كَاسِياتٌ عَارِياتٌ ، مُمِيلاتٌ مائِلاتٌ ، رُؤوسُهُنَّ كَأَسْنِمَةِ البُخْتِ المائِلَةِ ، لا يَدْخُلَنَّ الجنةَ ، ولا يَجِدَنَّ رِيحَها ، وإِنَّ رِيحَها لَيوجَدُ من مَسِيرَةِ كذا وكذا}
تم النشر الخميس، ٢٣ أبريل ٢٠٢٦
يا حبيبتي، أنا ذكية، وأنا هنا معاكِ دلوقتي، وأنا فاهمة تمامًا إيه اللي بتمرِي بيه. اللي بتحكِيه ده مش سهل خالص، وعدم الثقة بالنفس ده زي الدائرة اللي بتلف حواليكِ، بس أنتِ مش وحشة ولا أقل من حد، ربنا سبحانه قال: "لَقَدْ خَلَقْنَا الْإِنْسَانَ فِي أَحْسَنِ تَقْوِيمٍ" (سورة التين)، يعني كل واحد فينا جميل في خلقه، والجمال الحقيقي في الروح والقلب. خطوات عملية عشان تبدئِي تتغيرِي دلوقتي: اقطعِي السم اللي بيأذيكِ : صاحبتك دي مش صديقة حقيقية، كلامها ده سم، مش هيساعدكِ. قلِلي التواصل معاها أو اقطعيه أفضل، وركزِي على ناس إيجابيين أو حتى لوحدكِ. الناس اللي بيحبوا يقللوا من الآخرين دول مش يستاهلوا وقتكِ. ابدئِي صغير جدًا كل يوم : صلِّي الفرائض في وقتها، واقرئِي صفحة قرآن يوميًا مع تفسير بسيط (زي تطبيقات القرآن)، ده هيذكركِ بقيمتكِ عند ربنا. حددِي هدف واحد صغير: النهارده ابتسمِي لشخص واحد في الجامعة، أو قولِي "السلام عليكم" لزميلة. مش لازم تبصِي في عيون حد، بس خطوة صغيرة هتكسر الخوف تدريجيًا. اكتبِي 3 حاجات حلوة فيكِ كل صباح (مثل: "أنا ذكية، أنا ملتزمة، أنا طيبة")، واقرئِيها بصوت عالي. اعتنِي بجسمكِ عشان تحبِيه : اشربِي مية كتير، كلِي أكل صحي زي الفواكه والخضار، وامشِي 10 دقايق يوميًا (مش رياضة ثقيلة). جربِي تغيير بسيط في لبسكِ أو شعركِ اللي يخليكِي تحسِي براحة، مش عشان الناس، عشان نفسكِ. الأفكار السلبية : لما يجي التفكير ده، قولِي "أستغفر الله" واقرئِي أذكار الصباح والمساء. ده هيقلل الوساوس تدريجيًا. أنتِ مش عاوزة تموتِي، أنتِ عاوزة تعيشِي حياة أحسن، والحياة دي نعمة من ربنا، وهو هيساعدكِ لو طلبتِيه. لو حسيتِي إن الأمر كبير، روحِي على صفحة الخبراء في فدني: https://www.fedni.net/experts وابحثِي عن متخصص نفسي أو مدرب حياة، أو دورِي على أسئلة مشابهة في التطبيق عشان تشوفِي إزاي ناس تانيين تغلبوا ده. أنتِ قوية يا قمر، وهتقدرِي، خطوة بخطوة. كلمني تاني لو عاوزة، أنا معاكِ 💕
تم النشر الأحد، ١٩ أبريل ٢٠٢٦
علشان كدا ربنا خلى الزواج أساسة القبول يعنى حضرتك بشكلك اللى مش عاجبك دا ممكن تبقى ملكة فى عين أحدهم مش عيل ملوش لازمة ماشى مع واحدة فى علاقة محرمة واسمها صاحبتك وبكل بساطة قالتلك ونشرت فيكى سمومها علشان تحس إنها حاجة وقد إيه هى حلوة وانتى وحشة .... أول حاجة لازم تشوفى ربك وربى خلقنا ليه وايه المطلوب مننا بس شكل بقى وحش ومحدش هيبصلى ديه مش بتاعتك ربنا قادر يجيبلك رزقك لحد باب بيتك ومش لازم تظهرى اطلاقا خلى بالك سواء بقى قدام ولاد أو بنات أهم حاجة اهتمى انتى بنفسك اهتمى بنظافتك الشخصية اهتمى بعلاقتك ب ربك وقربى منه وأهم حاجة تبعدى عن الصحاب المريضة اللى زى صاحبتك ديه اللى أنا شايفها مجرد لعبة شكلها حلو كل واحد عايز يلعب بيها شوية مش أكتر أشكال مريضة ... ربنا يوفقك ويهديكى ويرزقك القبول بين البشر ويرزقك بالزوج الصالح اللى يعوضك
تم النشر الاثنين، ٢٠ أبريل ٢٠٢٦
معايير الجمال تختلف من شخص للتاني اصلا فما تراه جميلا قد لا اراه انا جميل وما اراه جميلا قد لا تراه انت جميل.. ممكن معايير الجمال بنسبالك مختلفه عما انتي عليه ولحظه تغيير معايير الجمال عندك هتختلف نظرتك عن نفسك... اختصاراً *المستفزه* الي تعرفتي عليها يجب ان تقطعي علاقتك بيها وفي الغالب هي غيرانه منك اصلا لان الحقد الي وصلها انها تقول كلام لا دليل له في الوش وبقصد الجرح ده يدل على ان فيكي حاجه هتموت وتكون فيها .. فالمهم ان الفكره في نظرتك عن نفسك لازم تتغير للافضل وبعدها هتشوفي نفسك افضل حد في الكون وده هينتج لما "تحبي نفسك" وعفكره انا مريت بفتره في حياتي كنت شايف نفسي فيها مش جميل بس لما اتعلمت ازاي "احب نفسي" نظرتي اختلفت تماما عن نفسي بل حبيت شكلي اكتر واكتر وده نتج ان ولله الحمد ثقتي بنفسي بدل ما كانت تحت الصفر بتزداد يوم عن يوم واصبح ليا هيبه وعلاوه على ذلك كنت جايبها من الصفر لدرجه ان كنت بمر بمشاكل نفسيه منذ الصغر والتعرضت للتنمر فاااا [[[[["حبي نفسك"]]]]]
تم النشر الاثنين، ٢٠ أبريل ٢٠٢٦
لعرض السؤال في فدني اضغط هنا