السلام عليكم
أنا عندي مشكلة كبيرة جداً مش عارفه الاقي ليها حل
أنا بشتغل في شركة برمجة بقالي فترة sales و لسه محققتش اي مبيعات
و مفيش نظام و أنا مكنش عندي اي خلفية و انا طول 4 شهور مفيش بتعلم كتير جدا بجد أنا بشتغل على Apollo, LinkedIn, Facebook و بعرف ارد ردود تجيب عملاء مهتمين من الفيس بوك بس بجد مفيش حد بيساعدني و المدير بتاعي كل ما اعمل حاجة يزعق و أنا محتاجة اجيب عملاء و لكن يا الاسعار غالية لان تيم التكنولوجيا عندنا وحش فبياخد وقت طويل فالمدير بيغلى السعر علشان المنتج يخلص كويس ، و بتبقى فيه مشاكل كتير و أنا بغلط في الشغل بس مش بيبقى عندي المقدرة اكلم كل حاجة ، صحبتي معايا في الشغل و بتجيب عملاء ما شاء الله ربنا يباركلها بس هي حرفياً المدير و مدير المبيعات كلهم تحت ايديها ماشاء الله و انا بحب دا و الله بس أنا فعلا بيتحكم على تعبي بالفشل و أنا مش عارفه اعمل اي
اقدم استقالتي و اروح ادور على حته تانيه
و لا اكمل و أنا كدا و بجد نفسيتي تعبت من كتر ما انا بفكر و هو فيه مميزات كتير جداً بس أنا مش بشوف نتيجة سعي دا في الشغل و محكوم عليا بالفشل منهم و انا شاطرة في حاجات تانيه
والدتي بتقولي اقعدي مش هتلاقي شغل بالمميزات دي وأنا بشوف فشلي كل يوم قدام عيني مع العملاء و تقليل مني محدش عايز يساعدني
بصي انا من وجهه نظري اني لو هشتغل في مكان احد اهم الشروط اني افضل اتطور والشركات اصلا النظيفه الناجحه اغلبها بتعمل دورات تدريبية مجانية لتطوير موظفينها ولعلمك الموظف بنسبالهم كنز وبتوصل احيانا حالات انو عشان احافظ عل الموظف ده الاسطوري ده اديلو نسبه من حصه شركتي في حال تواجده في الشركه. مش بقولك تطلعي الان وتدوري عل مكان غيره لا لا لا بشوف انو تهور الاول لازم تدوري عل شغل غيره وبعدها تبدأي انك تغيري فتخيلي تسيبي الشغل ده وملقيتيش بعده لاقدر الله. علاوه على ذلك حاولي تستنتجي كل طلب رفض يعني في اغلب الحالات السعر مش هو العامل الاساسي لان انتي ذكرتي انك بتوصلي الناس لمرحله "know you" بس موصلتهمش لمرحله "like you" وفقا لكتاب "خطة تسويقية في صفحه واحده" فلازم تتعلمي ازاي توصليهم للمرحله دي ومش كل زبون هيرفض يبقا الزبون المستهدف اساسا اذكر في مره كنت بعمل حمله تسويقية لشيء وقعدت شهر بضيع فلوسي ووقتي وطلع السبب اصلا ان الفئه المستهدفه كانت غلط اساسا على الرغم انهم كانو بيدخلو ويراسلوني فا ممكن انتي الناس الي كلمتك الفئه المهتمه ببناء المشاريع بس هالله هالله اخرها ٥٠٠ جنيه (طبعا انا لا اعرف مع من تواصلتي بس بحكي تجربه لعلها تفيد) ..... فانتي حاليا حاولي تشوفي اخطائك فين (عن طريق قراءة الكتب او دورات تدريبية حتي لو مجانا على اليوتيوب) وفي نفس الوقت تحاولي تبحثي عن مكان يساعدك على التطور بس اياكي تخرجي حاليا لحاد اخر نفس وتستنتجي كلللل الرسايل القديمه مع العملاء.... والله الموفق
تم النشر الأحد، ١٩ أبريل ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أنا فاهمة تماماً إحساسك بالإحباط ده، خاصة لما تكوني بتسعي ومش شايفة نتيجة، ومع الضغط من المدير والمقارنة بزميلتك. ده مش فشل منك، ده بيئة عمل مش مثالية (نقص تدريب، أسعار عالية، تيم تكنولوجيا ضعيف)، وأنتِ جديدة في المجال. ربنا يعينك ويفتحلك أبواب الرزق. خطوات عملية عشان تتحركي: قيمي الوضع بوضوح : اكتبي قائمة بالمميزات (راتب، إجازات، موقع) مقابل السلبيات (ضغط، نقص دعم). لو السلبيات أكتر وبتأثر على نفسيتك، ابدئي دور على شغل تاني سراً (مواقع زي LinkedIn أو Wuzzuf)، بس متستقيليش قبل ما تلاقي بديل – زي نصيحة أمك، المميزات نادرة دلوقتي. طوري نفسك بنفسك : خدي كورس مجاني سريع في sales للـsoftware (زي Coursera أو YouTube: "Cold emailing for tech sales"). ركزي على عملاء صغار من FB اللي بيردوا، وابعتيلهم عرض مخصص بسيط (مثال: "حل مشكلتك في أسبوع بـX دولار"). حددي هدف يومي صغير: 20 اتصال، وتابعي اللي مهتمين بـfollow-up بعد يومين. تعاملي مع المدير : قوليله بهدوء "أنا بحاول، بس محتاجة تدريب على Apollo أو نصائح من اللي نجحوا". لو زعق، سجلي اللي بيحصل وفكري في HR لو موجود. دينياً : صلي الاستخارة قبل أي قرار كبير، وادعي ربنا يرزقك من حيث لا تحتسبي. تذكري قوله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ". أنتِ شاطرة في حاجات تانية، ربنا هيفتحلك طريق أحسن. متقارنيش نفسك بصاحبتك، كل واحدة ربنا كتبلها قدر مختلف. لو عايزة دعم أكتر روحي صفحة الخبراء https://www.fedni.net/experts – فيه خبراء مبيعات وتطوير مهني هيساعدوكِ. أنتِ قوية وهتقدري، خطوة خطوة! لو عايزة تفاصيل أكتر، قوليلي 💪❤️
تم النشر الأحد، ١٩ أبريل ٢٠٢٦
وعليكم السلام ورحمة الله وبركاتة .... كملى وفى خلال ما انتى بتشتغلى دورى على مكان تانى يفيدك أكتر وفيه مميزات توازى شغلك حاليا ولو ارتاحتى لمكان تانى كنسلى دا ... بس متسيبيش دا على طول كدا انتى بتاخدى خبرة والفشل اللى انتى حاساه دا هو أكتر حاجة هتعلمك مستقبلا
تم النشر الاثنين، ٢٠ أبريل ٢٠٢٦
لعرض السؤال في فدني اضغط هنا