مفيد .

بصي انا من وجهه نظري اني لو هشتغل في مكان احد اهم الشروط اني افضل اتطور والشركات اصلا النظيفه الناجحه اغلبها بتعمل دورات تدريبية مجانية لتطوير موظفينها ولعلمك الموظف بنسبالهم كنز وبتوصل احيانا حالات انو عشان احافظ عل الموظف ده الاسطوري ده اديلو نسبه من حصه شركتي في حال تواجده في الشركه. مش بقولك تطلعي الان وتدوري عل مكان غيره لا لا لا بشوف انو تهور الاول لازم تدوري عل شغل غيره وبعدها تبدأي انك تغيري فتخيلي تسيبي الشغل ده وملقيتيش بعده لاقدر الله. علاوه على ذلك حاولي تستنتجي كل طلب رفض يعني في اغلب الحالات السعر مش هو العامل الاساسي لان انتي ذكرتي انك بتوصلي الناس لمرحله "know you" بس موصلتهمش لمرحله "like you" وفقا لكتاب "خطة تسويقية في صفحه واحده" فلازم تتعلمي ازاي توصليهم للمرحله دي ومش كل زبون هيرفض يبقا الزبون المستهدف اساسا اذكر في مره كنت بعمل حمله تسويقية لشيء وقعدت شهر بضيع فلوسي ووقتي وطلع السبب اصلا ان الفئه المستهدفه كانت غلط اساسا على الرغم انهم كانو بيدخلو ويراسلوني فا ممكن انتي الناس الي كلمتك الفئه المهتمه ببناء المشاريع بس هالله هالله اخرها ٥٠٠ جنيه (طبعا انا لا اعرف مع من تواصلتي بس بحكي تجربه لعلها تفيد) ..... فانتي حاليا حاولي تشوفي اخطائك فين (عن طريق قراءة الكتب او دورات تدريبية حتي لو مجانا على اليوتيوب) وفي نفس الوقت تحاولي تبحثي عن مكان يساعدك على التطور بس اياكي تخرجي حاليا لحاد اخر نفس وتستنتجي كلللل الرسايل القديمه مع العملاء.... والله الموفق

ابحث عن فيديوهات قناة "الساخر الهادف" عن الخطوبه ولزوم الخطوبه هتفهمك حدودك اثناء الفتره دي واي الحاجات الي لو شوفتها فيها متكملش واي الي ينفع تتقبله واي لا (للاولاد والبنات) وخلي بالك ان الارتباط اخره وحشه جدا وانت حاليا دخلت في حاله انك حاسس لو تراجعت هتكون ظلمتها عل الرغم انك لو دخلت البيت من بابه من الأول هتتراجع عادي لو في حاجه بدون تأنيب ضمير او اخذ فكره سيئه عن الطرف الاخر ... مش قصدي حاجه بس عتاب خفيف لانك انت وهي غلطوا غلط كبير وكنتوا في عمى عن عيوب بعض لربما بسبب شهوات ونقص عاطفي ... مش موضوعنا حاليا بس المهم انك تستغفر وتتوب ولو لو خلاص قررت بعد استخاره واخذ العلم من العلماء انك هتكمل ياريت متتكلموش خاص تاني فتره الخطوبه والكلام يكون في النظره الشرعيه فقط لا احد يراكم لا احد يسمعكم ولكن داخل البيت واهل بيتها حولكم بحيث ميحصلش تجاوزات تاني ده غير انو حرام واثم عظيم

اعترافك بالذنب لوحده يدل انك عايز تبقا افضل فياما ناس بتعمل ذنوب وده العادي بنسبالها.. طيب اي الحل؟ الحل مكلف شويه بس فعال فكل ما تذنب ذنب عليك وعلى اي جمعيه باسرع وقت وتتبرع بس بمبلغ فوق المتوسط بالنسبه لك.. طيب مفيش مقدره نهاااائي للصدقات عليك وعلى ركعتين توبه على طول كل ما تذنب لازم تعمل حاجه تصفي قلبك وترجعه تاني من السواد الي وصله ومع الوقت بإذن الله هتلاقي نفسك فقدت الإدمان ده لان انت عارف بعد ما تعمل العمله دي هتضطر تعمل عمل تقيل وراه فمخك هيريح دماغه وهيكسل يذنب

من وجهه نظري لو هو بيحبك اصلا او ناوي ياخد خطوه فعليا مش هيضيع وقتو ويتكلم معاكي اصلا وهيفضل يشتغل ويشد عل نفسه عشان يكون جاهز في اسرع وقت... جربت حوار الارتباط ده انا وصغير مره كان قمه في المراهقه وكل ما اتذكر نفسي وقتها بحس ان مخي كان تافه وقتها بس ولله الحمد الي شغلني عن تضييع والوقت ده اني ورايا اهداف ورايا مشاريع لازم اخلصها وراه "حياه" .... ٩٩% من العلاقات دي فاشله اصلا نظرا انها في المقام الاول *حرام* وبتنتج بسبب الشهوه اساسا والانجذاب للطرف الاخر (حسبي الله في اللي صعبو الجواز) بس ده الواقع حاليا ولا يمكن تغييره ويجب التعايش معه والصبر فلو هتتجوزي متتجوزيش الا صالح لا شخص يضيع وقته في الشهوات لانه لن ولم يبني اسره والصالح ده عايز صالحه فاسعي انك تكوني صالحه وحتي لو رجع ٩٩% اللعبه الي كان ماسكها بعدك انتهت صلاحيتها فرجعلك بعد ما شحنتي والشيطان بقا لعبته انو يزينه ليكي وانو بريء وياختشي عسل ..... اياكي تفتحي الباب ده تاني باب مراهقين واثنين فاضيين عايزين يضيعو وقت ويثيرو شهواتهم.... وملاحظه بتكلم بدماغنا كشباب ومن واقع انا لا احكم عليه انو سيء يمكن تاب اصلا وخلع زي مانا خلعت وقتها من الهبل ده ومديتش فرصه للطرف التاني يبرر او ينطق عشان مفتحش باب للشيطان تاني

تحذير شديد جدا لو شايفه نفسك مش هتعرفي تلزمي نفسك في الاونلاين خدي سنتر بدون تردد عشان السنه طويله والانسان بطبعه بيوقع في النص فالله العالم قدرتك عل اداره التراكمات نفسيا قبل عقليا. ناس كتير قالت هتاخد اونلاين ومش هتراكم وكل منهم راكم بس الشاطر الي حل المشكله اسرع مش الي فضل يراكم اكتر واتزنق اخر شهرين ووفقكي الله

معايير الجمال تختلف من شخص للتاني اصلا فما تراه جميلا قد لا اراه انا جميل وما اراه جميلا قد لا تراه انت جميل.. ممكن معايير الجمال بنسبالك مختلفه عما انتي عليه ولحظه تغيير معايير الجمال عندك هتختلف نظرتك عن نفسك... اختصاراً *المستفزه* الي تعرفتي عليها يجب ان تقطعي علاقتك بيها وفي الغالب هي غيرانه منك اصلا لان الحقد الي وصلها انها تقول كلام لا دليل له في الوش وبقصد الجرح ده يدل على ان فيكي حاجه هتموت وتكون فيها .. فالمهم ان الفكره في نظرتك عن نفسك لازم تتغير للافضل وبعدها هتشوفي نفسك افضل حد في الكون وده هينتج لما "تحبي نفسك" وعفكره انا مريت بفتره في حياتي كنت شايف نفسي فيها مش جميل بس لما اتعلمت ازاي "احب نفسي" نظرتي اختلفت تماما عن نفسي بل حبيت شكلي اكتر واكتر وده نتج ان ولله الحمد ثقتي بنفسي بدل ما كانت تحت الصفر بتزداد يوم عن يوم واصبح ليا هيبه وعلاوه على ذلك كنت جايبها من الصفر لدرجه ان كنت بمر بمشاكل نفسيه منذ الصغر والتعرضت للتنمر فاااا [[[[["حبي نفسك"]]]]]

اظن ان الاغلب اتعرض للاستغلال في الوظيفه سواء اونلاين او في الواقع بس بنكتسب بعدها خبره ومحدش بيتعلم ببلاش وتذكري كلمتي دي بالله "وقت ما تكون في ايدك السلطه اياكي والانتقام من الابرياء اياكي تعامليهم بنفس التعامل الي عاملوكي بيه المستغلين في بدايتك" في يوم هيجي وهتمسكي حاجه كبيره او مسؤوليه كبيره وفي ناس الله يهديها بتبقا فاكره ان الاستغلال هو الطريقه الطبيعيه ومش بقول كده لانك كده بالعكس باين على حضرتك مجتهده بس بقولك كده نظرا عن هبلي في الماضي وسوء اداره اعمالي وتعاملي مع من يعمل معي وده كان ناتج عن الي كنت بشوفو من الناس الفشله الي تأثرت بيهم بس الحمد لله الذي عفانا

شوف في طريقه ارجاع اظن بس هيمسح كل حاجه فممكن تقولي لما تدخل اي بيظهرلك الواجهه بظبط؟ هل بيطلب رقم وباسوورد؟ ولا تحط الرقم ويجيك PIN?

انهاء حياتك لا يساوي راحتك ابدا بل بعدها عذاب اغلظ واشد كما قال الرسول.. نفسك هي امانه عليك الحفاظ عليها ومهما كانت ضغوطاتك فلا تنسى ان لك ثوابا عليها كلما صبرت والزم صلاتك واضف عليها الصدقات فوالله الصدقات من اروع الحلول التي تصنع لك الراحه النفسيه بقلبك.. خذ كل مرحله صعبه تحدٍ لا تستسلم .

انا عن نفسي مقفل فعلا كاميرات التابلت والابتوب اما التلفون بين وبين وانا شايف ان ده العادي وكوني مبرمج فعارف ان اي برنامج اهبل يقدر يفتح الكاميرا عادي وخصوصا لو كمبيوتر/لابتوب وقد سبق وصاحبي حاول ياخدلي صوره عساس اني اجرب بروجكته بس الكاميرا مقفله😂 فا مفيش مشكله محدش ضامن حاجه حاليا والاحتياط واجب

الناس في فلسطين بتموت اختي ومحد فكر بهذا التفكير وهذي البنت اطلقت من ٥ سنوات وتيجي الان تتذكر وتنتحر؟ من ثم هي لو تعرضت نفس الي تعرضت له امي (بارك الله فيها) ماذا كانت ستفعل؟ ستقتل اولادها معها؟ هذا من ضعف الدين والعياذ بالله فقلي الحمدلله الذي عفانا وناس كتير بتصبر وبعد مده كل ده بيهون بعد عوض الله ورزقه الواسع وكما ذكر الدكتور احمد سعيد مثال جدا رائع يوضع مدى بشاعه الانتحار وانها ليست براحه ابدا ابدااا بل هو ندم وقهر اسوء مليارات المرات من ضغوطاتك الحاليه

الرؤية الشرعية معموله عشان تتعرفوا عل بعض اكتر وبناخدها بالجانب العقلاني وليس العاطفي وكده كده هتدولو سبب الرفض وانو مثلا هيتأخر جامده وطبعا من حقك وحقو الرفض في اي وقت ما يحسش فيه اي الطرف ان الطرف الاخر غير مناسب لان الخطوبه معموبه لكده وطبعا التعرف مبيكونش غير في النظره الشرعيه فقط وشكرا

هديكي مثال جامد جدا خلاني اغير مفهومي عن النجاح بشكل كامل ...... تعالي نتخيل ان عشان تكون رئيس امريكا حلم عند البعض عشان نوضح الفكره .... اوباما حقق حلمه وهو عنده ٤٧ سنه في حين ترامب حقق حلمه وهو عنده ٧٠ سنه فرق ٢٣ سنه تقريبا الاثنين اتهنو بنجاحهم على الرغم من اختلاف الاعمار بس واحد لسه عايش وبيستمتع بحلمه (قال يعني) والتاني مات تقريبا...... الفكره مش في امريكا وكلام الفاضي الفكره ان احنا مش عايشين في سباق اصلا وقصه حياتي غير قصه حياتك غير قصه حياتها غير وغير كل شخص انولد في بيئة مختلفه عن الاخر في تحديات مختلفه عن الاخر فلذلك هنتحاسب عند ربنا بـ"العدل" وليس بـ"المساواه" لان انتي عشتي ٥٠ هو عشان ٢٠ ازاي هنقارن عبادات ده بعبادات ده ممكن صاحب العشرين سنه طول حياته بيتعب في عباده ربنا وصاحب الخمسين عاش نص حياته (٢٥ سنه) وعمل نفس المجهود (الله العالم كيف سيكون الحساب) ولاكن مثال لاثبات ان احنا مش في سباق احنا بنحاول نوصل لافضل نسخه مننا ونتعب عشان ربنا يجازينا على تعبنا ومواجهه تحديات بيئتنا الي كانت غير مسانده لنا من الصغر ..... وخلينا متفقين كمان ان هدفك غير هدفها وهدفه غير هدفي ...... وفي النهايه ان تصل متأخرا خير من الا تصل ابدا فا اسعي للي نفسك توصليله ومتركزيش في حياه حد ولو عجبك شيء في حد نفسك تكوني زيه فيه وهدفك قابل للتحقيق ابدئي من اليوم وتحسني وقربي لهدفك كل يوم ولو ١% لان بعد سنه هتكوني افضل من اول يوم ٣٧ ضعف عن اول مره

شوفي اول حاجه لازم نحدد المشكلات كامله الي بتعطلك عن المذاكرة يعني لما بتصحي بتقعدي تعملي اي؟ اكيد في النص يوم الي متبقيلك بتعملي حاجه فلنقل بتقعدي على الريلز فقدامك حل انا بعمله عن نفسي وجايب نتيجه وهي اني محمل برنامج يقفل الريلز وكل برامج الالهاء وخصوصا في ايام الامتحانات بقفل كل حاجه وكمان بحلف على نفسي اني مش هفتح اليوتيوب (لاني مدمن عليه) الا بعد يوم الجمعه (يوم اجازتي) وطبعا انا طالما حلفت مش هينفع اخلف حلفاني خصوصا ان عليه كفاره وبضيف عل ذلك اني مسحت الفيسبوك والتيكتوك ومعنديش انستا واي شيء يلهيني اقدر امسحه بمسحه واريح دماغي من الدوبامين.... ممكن حالتك غير حالتي وطبعك غير طبعي بس حبيت اشارك طرقتي لعل وعسى يجيلك الهام لطريقه تناسبك .... وبخصوص الوالد متخليش الموضوع مأثر عليكي حاليا وركزي في المواد الجايه وانقذي ما يمكن انقاذه وصارحيه بالموضوع بس اختاري وقت كويس او اقنعي الوالده تقوله لانها في الغالب هتعرف تهديه ويعدي الموضوع .... وحاولي متضيعيش الفجر وخلي صلاه الفجر اساسي عندك وده هيفرق معاكي جدا باذن الله في تظبيط النوم حتي لو نومتي قبل الفجر بساعه لا اصحي للفجر واياكي وتطبيق وخصوصا لو داخله الامتحان لا تدخليه مطبقه

اسف لو كتبت كلمه اسأت فيها بشكل غير مقصود او كانت قويه زياده عن اللزوم بس المقصد من كلامي انك تدوري وتختاري حد يستحق وبتاع افعال مش كلام ووعود غير مضمونه وانا النهرده غير بكرا وكل الناس بتتغير ونقطه الجمال دي لفتتني وحاب اتكلم فيها لوحدها.... قال قبل كده الشيخ ياسر الحزيمي في بودكاست عن الزواج "ما تراه جميلا قد لا اراه انا جميل" فالجمال ومعايير الجمال تختلف من شخص لشخص عموما وبفوارق كمان فالنقطه دي لا تشغلي بالك بيها (في حياتك او لما حد يتقدملك) وخلي عندك ثقه في نفسك عشان انا كنت احد ضحايا النقطه دي وانا في سن ١٤ حيث كنت بوهم نفسي اني مش جميل بشكل غير مبرر ولاكن اتضحلي ان ده هبل وبل بالعكس انا زي الفل ولله الحمد

انصح بان ميكونش في تواصل بينكم خاص اصلا نظرا انو حرام اختي حتي في فتره الخطوبة حرام لانو لا يحل ليكي قال تعالى: "عَلِمَ اللَّهُ أَنَّكُمْ سَتَذْكُرُونَهُنَّ وَلَكِنْ لَا تُوَاعِدُوهُنَّ سِرًّا" وقال تعالى: "وَلَا مُتَّخِذَاتِ أَخْدَانٍ ۚ " ... حافظي على نفسك اختي الي انتو فيه يسمى اعجاب وليس حب والبيت بيتم الدخول من بابه وليس من شباكه ومع العلم نسبه ٩٩% من المرتبطين اخرتها بتكون انفصال ولما يخلص جيش ممكن عادي جدا يضرب في دماغه يدورلو على وحده "مكلمتش حد قبله" ودي دماغنا كشباب عموما بندور على البنت الي "مكلمتش حد قبله ولا رخصت نفسها عشانه" اسف على اللفظ بس ده واقع فا اختي فكك من الحوارات دي ملهاش لازمه وهو لو بيحبك فعلا هيركز عل تطوير من نفسه مش يكلمك شات ويضيع وقته عشان يوصلك ولما يخبط الباب يكون جاهز باسرع وقت ... وحاب اضيف عل كلامي ان الارتباط في الخاص سواء في فتره الخطوبه او قبلها ده بيضيع وقت وبيخليكم مش متعرفين عل بعض بشكل حقيقي نظرا لانشغالكم بالكلام المعسول🙄 على الرغم ان فتره الخطوبه فيها حاجه اسمها النظره الشرعيه ودي بتتكلمو فيها عن حاجات المهمه زي الاولاد واللبس وهل بتعرفي تطبخي وانت كرجل بتدير فلوسك ازاي وبتشغل وقت فراغك ازاي عشان تفهم وتفهمي عقلية الطرف الاخر وهل هو مناسب ليكون زوج او لا وهل هو مناسب ليا ولا لا مش "ازيك عامله اي النهرده" "ده حصل كذا وكذا وكذا" كل ده كلام فاضي خلوه بعد الزواج حيث يكون حلال وقتها وفعلا تكون بتقدي وقتك مع شخص يستاهل مش شخص مش ضامن هل هو بيتسلى ولا لا

جميل جدا انك بتحبي القراءة فمن اليوم لازم تشتري كتب كل شويه عشان تشغلي نفسك بيها وانصحك تشوفي مكتبة بالمحافظه بتاعتك واظن الاشتراك بـ ٥٠ جنية (حسب المحافظة) وقصاد كل حاجه كنتي بتاخديها بكره ازاي لو قصدك انك بتقدمي الخير لحد وتشوفي منو الشر فطز فيه انتي بتعملي لله كده كده وثوابك عند الله ومش مستنيين حاجه من حد واحب اقولك كمان متستنيش حد يطبطب عليكي انا واحد من الناس بطبطب عل نفسي لو في ضغط وبفكر ازاي احل مشاكلي بنفسي لاني اكتشفت بالطريقة الصعبه ان محدش *مهتم* اه ممكن في ناس بتسمع وتساعد بس فعليا الشخص ده مشغول هو الاخر بمشاكلة فمش هنستنا او نتعشم في الناس حاجه وبمناسبه عيله والدك انا كمان عيله والدي (رحمه الله) اعوذ بالله منهم غيره وحقد وعايزين كل الناس تبقا فشلة زيهم بس الحمدلله ربنا نجانا منهم فانتي كمان فكك منهم ولا يهزوكي بل بالعكس انتي دلوقتي في تحدي بينهم هم بيراهنو عل فشلك وبيغيرو منك وبيحاولو يحبطوكي ويوقعوكي في الغلط والفشل فانتي لازم تكوني واقفه عل رجلك واظن ان انتي قدها لازم تاخدي كل حاجه وكل ضغط وكل مشكلة بمنظور "التعلم" لانك دلوقتي بتتعرضي للحجات دي الان بكرا هتكوني فاهمه وعارفه كيف تتعاملي معاها وده في حاله انك بدأتي تصلحي ده اليوم وزي ما قولتلك ضروري تشوفي موضوع المكتبة ده وتشغلي نفسك بحجات تحبيها وهختم كلامي بكلام سيدنا عمر بن الخطاب رضي الله عنه وأرضاه: "إن الله خلق الأيدي لتعمل فإذا لم تجد في الطاعة عملا التمست في المعصية أعمالا.. فاشغلها بالطاعة قبل أن تشغلك في المعصية"

انتي كويسه؟

فلو عندك هوايه نقدر نشوف تقدري تطوريها ازاي وتشغلي نفسك بيها وبل تكسبي منها فلوس وده هيخليكي مشغوله طول الوقت

الحل المثالي انك تشغلي نفسك لان الفضى هو السبب الي هيخليكي تفكري في الحاجات دي وخصوصا انك ذكرتي ان صحابك بعدو عنك فا غالبا عندك وقت فراغ كبير

طيب اي هواياتك او عندك كمبيوتر او لابتوب؟

وعايزك كل ما تعملي الذنب ده تعملي صدقه عل طول وده هيخلي كل ما قلبك يسود ينظف تاني ومع الوقت هتلاقي نفسك بعيده عن الحوارات دي

طيب اهم حاجه دلوقتي انك تكوني بعيده عن اي حد بيرجعك لورا واي علاقه غير شرعيه ... وبالنسبه العاده عشان تبعدي عن شيء الانسان مدمن عليها لازم يصعب الوصول لها اي ابحثي عن طرق قفل المواقع دي في يوتيوب وغالبا هيدخلك عل حاجات معقده فعشان ترجعليها هتطري تفكي الحاجات المقده وهيبقا الموضوع اصعب فهتتكاسلي

اي المصيبه الي فعلا خلتك الان تقولي انك قرفتي من الدنيا اكيد في حاجه معينه وصلتك اخراج كل الماضي وتجاوزت حد التحمل

طيب انتي منتظره اي بظبط عشان تقولي الدنيا اتحسنت

بصي اختي اولا كده لازم تهدي كل بلاء لازم يقربك من ربنا مش يبعدك... انا متأكد بنسبه كبيره ان البيئه الي حولك هي السبب الاول بس خدي بالك انتي تعرفي تصلحي ومعاكي فرصه والله عظيمه... اول حاجه حاب اقولك طز في من لا يهتم.. اه طز انتي كده كده هتعيشي رحلتك لوحدك ومحدش هيحس بالي بتمري بيه الا انتي فا مبدأيا كده لازم نحط في بالنا ان كل واحد لازم يوقف على رجله بنفسه.... طيب لازم وضروري والان قبل الثانيه الجايه تتوبي فورا وتعزمي عن ترك الذنوب دي كلها وصلي العشاء لو لسه مصلتهاش ولو صلتيها ركعتين لله تشكي ااي جواكي لان محدش هيسمعك غير الي خلقك .... انسي الماضي. عارف مش بالسهوله دي بس ضروري تبدأي من جديد. انتي دلوقتي عرفتي الغلط والصح وان محدش يستاهل وان اقل غلط هتوقعي فيه محدش هيسندك الا نفسك فعزيمتك شرط تكون قويه ... وسواء اتحبينا او لا ده مش هيوقفنا عن تحسين انفسنا وتطويرها وتركيزنا عل بناء مستقبلا حتي لو بالسر بل بالعكس كده محدش هيبصلك في انجازاتك🥲 ... شوفي ملخصا كده استهدي بالله وصلي كده واشكي همك والله ربنا سامعك وادعي بالي جواكي وشوفي كيف تكوني احسن مش نخسر الدنيا والاخره كمان

ابشر والله ويارب تكون دايما بسعاده

العفو❤️

اسأل الله لك ذلك والله بص صدقني قوم وكمل حياتك وتطورك انا زيك مريت بظلم وخساير ضخمه بنسبالي وقتها بس كان كل مره اتعرض فيها للظلم او ابتلاء بعدها والله العظيم بشوف حياه افضل ومؤمن دايما ان ربنا هيعوضني وحرفيا كل فتره اتظلم او اخسر حاجه الاقي جالي افضل منها وكده كده انت اصلا هتاخد حقك يوم القيامه وهتشوف كل شخص ظلمك ومتسبب في ظلمك مذلول تحتك لحاااد ما ترضى وتحس انك اخدت حقككك كااااااااااامل

قد اكون فهمت الي بتمر بيه واسمع انا كمان تعرض للظلم من البلد صحيح الموضوع جداااااا يدايق والله فعلا يدايق والظلم وحش جداااا والمظلوم بيكون نفسو يشوف حقه بس صدقني اعرف انك في ابتلاء وباذن الله هيكون ممحاه لذنوبك واكيد ده اختبار ولازم تنجح فيه صحيح بتمر بديقه بس ممكن بعد الفتره دي هتكون متعلم حاجه جديده او هتبدأ تسعى لرحله جديده الله العالم القدر مخبي اي بس الي اعرفه ان الراضي بالقدر هيرضيه ربنا بعد الاختبار ومش شرط من اول يوم بس اصبر وحاول تفكر كيف تتعايش وتحل المشكله بدلا من الحزن ولاكتئاب... هتعدي بس اصبر وحقك والله هتاخده تالت متلت لحاد ما تحس نفسك كده شبعت

صراحه انا مقدرش اساعدك اكتر من كده لعدم وفره المعلومات عن الي حصلك بظبط بس لو في مجال تقول وتطلع الي جواك ونحاول نساعدك اشطا اما لوو متقدرش فا استعين بالله كده وحاول تشد نفسك وتسند نفسك لان مينفعش تتوكل غير عل ربنا واياك والتواكل

مهيا اسمها الدنيا اي شيء دنيء ملهوش لازمه والاخره هي دار القرار الي هتحدد اذا هتعيش حياتك الحقيقه مبسوط وسعيد ومبتهج طول حياتك ولا عكس ذلك؟ فأسأل الله لي ولكم الفردوس الاعلى

الشكر لله. واسأل الله التوفيق لنا واياكي

صراحه معرفش برنامج يعمل كده عشان احل المشكله زي دي بحلف يمين عل نفسي اني مش هفتح البرنامج الا لما يجي يوم كذا مثلا وحاطت في برنامج بتاع قفل تطبيقات يعملي ملاحظه اني حالف ولو خالفت هطر بقا اطعم عشر مساكين

اختي خطيبك شخص اجنبي عنك ولا يجوز المكالمه بالخاص عارف انو خارج صياغ مشكلتك بس الأمر بالمعروف والنهي عن المنكر واجب ... اتمني تشوفي قناه "الساخر الهادف" عن حدود الخطوبه عشان متوقعيش في فخ وتعلق وهمي ونسيان عيوب الطرف الاخر لانها فتره بتحدد اذا هتكملو او لا مش تحكو مشاكلكو لبض بل تتعرفو عل بعض وهل العيب ده هعرف اتقبله عادي ولا لا وطبعا كل ده في النظره الشرعيه وليس بالخاص

فعلا التابلت بيساعد بس مش شرط يكون معاك حمل برنامج اسمو "Stay focused" واقفل الريلز وكل ما تفتح ريلز هيقفله تلقائي .... وانا التابلت عندي محتواه كلو كان بيشدني بس عشان كنت حالف عليه فمكنتش اقدر اخلف حلفاني واروح اسمع فيديوهات شداني فانت جرب موضوع الحلف ده لمده اسبوع عل تلفونك وحمل تطبيقات تساندك في الموضوع ده

اظن انك غير متقبل الرفض وخايف منو بس عايزك تحط في بالك ان ناس كتير بتحب تروح تقدم في شركات عشان تترفض... هتقولي ازاي هقولك لان هدفهم مش القبول هدفهم يعرفوا متطلبات السوق وياخد مهاره التحدث وخبره في الميتنج اه ده مش هدفك بس انت كمان حط في بالك ان اه هترفض وعادي يعني في مليون شخص قبلي اترفض وخش وبكل ثقه خلي بالك ان حتى لو اترفضت مفيش حد هيبصلي بنظره وحشه بل بالعكس دي خبره بكتسبها كل ما اترفض اكتر هكسب خبره اكتر

حب فاهم الي بتمر بيه بس انت مش عاجز ولا حاجه وانت مش محتاج حد يسندك اصلا... شوف نفسك كده اي الي موقفك عل المذاكره واي السبب الي كل ما تفتح كتاب تدايق؟؟؟... في الغالب هو انك اتعرضت لدوبامين رخيص وسريع كتير فعايزك تجرب حاجه انا جربتها في ثانويه عامه وعملت مفعول سحري ... سلمت الاب توب لاحد من افراد عيلتي عشان متلهيش حملت برنامج يقفل اليوتيوب لاني مدمن يوتيوب وحلفت يمين اني مش هفتح يوتيوب الا يوم الجمعه (يوم الراحه) وحلفت اني مش هفتح اي فيديو متعه عل التابلت لاني هستعمله في المذاكره لحاد اخر يوم امتحانات وحملت نوشن وعملت زي تحليل لعدد النقاط الي باخدها كل يوم لما انجز مهمه ولما احل اسئله وكنت بحسب السؤال بنقطه وتنفيذ المهمه عل حسب صعوبتها وحرفيا خلاني اخد دوبامين كل ما انجز (حولت المذاكره لللعبه).... فانت ظبط الدنيا عل حسب انت اي مشكلتك وابدأ لان انت مش محتاج تحفيذ رخيص انت محتاج اراده

بص انا هتكلم عن تجربتي وغالبا هتكون مختلفه عنك ..... من سنين كنت دايما مكتأب وحاسس بضيقه وكانت فتره كلها غضب من ربنا عليا بسمع اغاني ولا صلاه ولا صدقات ... بدأت اوقف موسيقى وبدأت اصلي وصدقات ومن وقتها انا مكتأبش نهائي هتقولي معقوله هقولك ايوه صحيح في مواقف حزن وضغط بس كلها كانت فترات بسيطه ولا تعني اكتآب بنسبه لي نظرا لقصرها وحتي كنت احلها بالصلاه او الصدقه..... اقسم بالله يان الصدقه تديك احساس غريب كده والله اسطوري بس طلعها من قلبك....فا انت شوف مقصر في اي لان كلنا مقصرين اكيد وصلحه وكل ما تقصر عجل في الاصلاح ومهتشوف فرق شاسع

بصي يبنت الناس الحمد لله انك بخير دلوقتي وانا استنيت اللحظه المناسبه تكون فيها الامور اهدا عشان اقول الكلمتين دول ..... ظبطي علاقتك مع ربنا اكتر لان التفكير في الانتحار قله ايمان شويه (مش بحكم على ايمانك) وانتي باين عليكي انسانه جدا محترمه ........ فكك من كلام الناس لانو مبيجيبش الا ورا وانا بتكلم عل مستقبلا عشان لما يكون عندك بيت واسره باذن الله حلوه متضيعيش ابنائك وحياتك زي ما حصلك من اهلك بسبب الخوف من كلام الناس ...... افهمي شخصيتك اكتر وحاولي تعالجي الحاجات الي حصلتلك زمان بسبب اهلك والمجتمع .... باين عليكي انك انسانه عندها طموح وقويه بس زي ما قولت حاجات بسيطه عايزه تتظبط

اوفق @Menna الرأي وبشده

هتكلم عل نقطه الأهل لاني مريت بيها قبل كده وتجربتي كانت مختلفه لانو كان في مجال البزنس والبرمجه وشغل اونلاين عموما. واتذكر يوم كنت محتاج بس ٥ جنيه عشان ابدأ حاجه جديده وحسيت من النظره ان روح ذاكر يبني وبطل هبل بس الحمدلله مع الوقت وشغل عل نفسي اكتر بالسر *خصوصا* وبعد فضل الله اثبتت وبجداره اني فعلا اقدر. الموضوع اخد سنين من التجارب الفاشله والناجحه بشكل بسيط بس عل مره كده هتلاقي ربنا وفقك في حاجه كده من حيث لا تحتسبي يثبت قدرتك بفضل الله وهتتغير نظرتهم عنك جدا وعن تجربه

يبنت الناس فكك من الكلام ده مفيش حاجه اسمها حب بجد وتتكلمو خاص كل ده وهم والاثنين كانو بيتسلو ولو رجع حد منهم هيتسلى تاني وبعد ما يزهق منك هيروح يشوفلو وحده تاني ... الحب الحقيقي بيحصل في الزواج وفي جلسات التعارف الراجل الي جاي ليكي وداخل البيت من بابه مش من شباكه ... والله العظيم الفتره القصيره الي جربت فيها الارتباط حسيت نفسي بعيد عن ديني وبضيع وقتي ولولا فضل الله عليا الي جعل شغلي وانشغالي في مشاريعي والتطوير من نفسي اولويات عندي وسبب اني اقطع من الكلام المضيع للوقت ده ويوم ما هكون جاد هدور عل بنت "مكلمتش حد قبلي" زي باقي الشباب وبالمناسبه الي حبتيهم دول يوم ما هيتجوزو هيدورو عل بنت "مكلمتش حد قبله" فااا استري نفسك الكلام جدا جاد وموجع اه بس ده الواقع مضيعيش وقتك في كلام فارغ وتعصي ربك في كلام ممكن يبقا عاجز ليكي عن علاقه زواج جاده لقدر الله فتوبي وانتظري ابن الحلال واختاري الي هيجيلك بالعقل لا العاطفه عشان متوقعيش في فخ الزوج الفاسد... ولنا ولكي التوفيق

اسعى لرضا الله وحبه لك ودعكي من حب الناس فلا يرضيهم شيء ... حديث أبي هريرة، عن النبي ﷺ قال: إن الله تعالى إذا أحب عبدا دعا جبريل، فقال: إني أحب فلانا فأحببه، فيحبه جبريل، ثم ينادي في السماء، فيقول: إن الله يحب فلانا فأحبوه، فيحبه أهل السماء، ثم يوضع له القبول في الأرض، وإذا أبغض عبدا دعا جبريل، فيقول: إني أبغض فلانا فأبغضه. فيبغضه جبريل، ثم ينادي في أهل السماء: إن الله يبغض فلانا فأبغضوه، ثم توضع له البغضاء في الأرض

شوفت تعليق الاولاني فكك منو كون عندي قطه عارف احساس الفراق بتاعهم بيكون جدا وحش كأنك خسرت حد من العيله فعليا ... للاسف معنديش حل وخصوصا احنا في مصر فمفيش حقوق انسان عشان يكون في حقوق حيوان اصلا

مش ممكن يكون ده ابتلاء عشان تكشفي حقيقه الي حوليكي؟ عموما حصلتلي مواقف زي كده كتير وخصوصا من ٣ اعدادي لنص ٢ ثانوي تقريبا .. هو الموضوع كان مختلف عنك لانو كان فعليا توتر وكنت اول ما اجاوب سؤال واحد بس الاقي نفسي جاوبت عل الباقي بل بالعكس بعد ما الاستاذ قالي انت مش مذاكر قالي لا شاطر النهرده ومذاكر كويس... واحينا لسه بتحصل الموقف دي بس مبقتش مأثره زي الاول الي هو عادي مكنتش موفق النهرده اي المشكله بل بالعكس السؤال هيثبت في دماغي اكتر بعد كده... والناس بتنسى كل واحد مركز في حاله فا متخليش الموضوع في بالك اوي بس ركزي في حته اصحابك الي ضحكو كمان لان ده نسيان الفضل

حزين جدا عل موقفك ولاكن المواعده كانت من بدايتها غلط وحرام وسكه الحرام اخرها وحشه فقال الله تعالى : "عَلِمَ اللَّهُ أَنَّكُمْ سَتَذْكُرُونَهُنَّ وَلَكِنْ لَا تُوَاعِدُوهُنَّ سِرًّا" ٢٣٥ البقرة ... وقال تعالى : "وَلَا مُتَّخِذَاتِ أَخْدَانٍ ۚ " ٢٥ النساء .... مش جاي اعاتب بس حابب افكرك ان دي نتيجه متوقعه وعايز اقولك انك اياكي توقعي في نفس الغلط نهائي لان كتير من الناس عشان قال يعني ينسو يغلطو نفس الغلطه .... صحيح ضاع ٥ سنين على حد كان بيتسلى بس حابب اقولك اتخطي ده بنيه التوبه هتكون اسهل عليكي من انك تفكري فيه لانك باختصار ناوي التخطي لاجل الله ... وركزي في دراستك وحطي هدفك قدامك كصوره عل التلفون تفكرك بهدفك ولو مفيش هدف لا ضروري تحطي هدف عشان تعرفي تكملي .... ولو رجعلك تاني و حد حب يكلمك تاني اياكي ثم اياكي ثم اياكي تكرري نفس الغلطه... استري نفسك يبنت الناس واحفظي نفسك واهلك وبيتك عشان يجيلك عريس محترم وصالح... فالصالح مش هيقبل الا بصالحه والصالحه مش هتقبل الا بصالح

لو قصدك حب الي هو ارتباط فده اركنيه عل جنب اساسا شرعا حرام وفي الغالب انتي ضحيه وهم فرايس بيغذو شهواتهم ولا هتشوفي جوازهم ولا معاكي في حياتك وابسط دليل من كلامك... يا بنت الناس احنا كاولاد ٩٩% تفكيره انه بيتسلى وهيخلص منك وهيدور عل وحده "مكلمتش حد قبله" فنصيحتي سيبك من تضييع الوقت ده وشوفي حياتك وطوري مهاراتك بلا شغل مراهقيين ده واستني الي هيجيلك البيت اشرفلك وحفاظا عليكي وعلى سمعتك وعلى بيتك وعلى نفسيتك

بجد ربنا يهديهم عليكي وبدعي ربنا اختي يكون عندها نفس فكرك بس في معلومه مغلوطه حاب اصححها وان اه متفق البر بالوالدين واجب ديني بس فالمعروف فقال الله تعالى: ("وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا (23)") الإسراء / ولاكن لو غاصبينك عل معصية فهنا لا تقدري متسمعيش لكلامهم فقال الله تعالى : ("وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ (15)") لقمان / مع العلم مش القصد انك تحطيهم في الامر الواقع على طول لا الموضوع وحده وحده اعذريني معنديش حل قطعي ولكن في علم النفس تكرار الشيء على شخص هخلي يعتاد عليه ... فممكن تجربي تلبسي النقاب في البيت عل اساس انك بتجربي بس وبعدها تقلعيه .. متقعديش به في البيت! فقط كأنك بتقيسي هدوم وبتشوفي شكلك فيه... وخليكي عل نفسك فكرتك حتي لو منفذتيهاش اليوم فبكرا هيكون ليكي الحريه الكامله في تنفيذها... وصدقيني في عالم الفتن حاليا مليون واحد بيدور عل بنت حلال متستره ترفع راسه فكوني مثال المسلمه الناجحه في الدنيا والدين ابتغاء وجه الله... الله يثبتك ويثبتنا

ده بيرجع شويه بسبب ان انت مدمن حاجه سواء سوشيال او العاب الخ... المهم ده بيخليك دايما عايز دوبامين عالي فلما تعمل حاجه دوبامينها قليل او مؤجل هتحس بقرف فالملل هيساعدك تكون عايز تذاكر عشان تاخد اي دوبامين وخلاص

جرب حل الملل.. اه حل غريب شويه بس اقعد عل الكرسي وحط تايمر ١٠ دقايق ومتعملش اي حاجه حرفيا هتحس بمللل وديق وتفكير بعدها ابدأ ذاكر

صراحه معنديش معلومات اقدر اجاوب بيها او اساعد بشكل مؤثر على حاله... بس المعروف ان فتره الخطوبه هي فتره تعارف واختيار للزوج الي هتكملي معاه حياتك فكون ان في شيء او عيب مش متقبلاه فحقك الرفض ويفضل تحطي معايير الدين في الاساس فهل هو بيصلي؟ بيصوم؟ الاساس يعني اما باقي الاشياء ممكن نتغاضى عن بعضها لان الزواج تقبل الاخر بس لو في عيب فعليا مش هنقدر نتعامل معاه او غير اخلاقي وغير مقبول فالرفض اولى حتي لا نندم ونضيف رقم جديد في سجل الطلاق