السلام عليكم ،
مشكلتي ان أهلي بيسمعوا اغاني بموسيقى و قولتلهم ان حرام بس محدش فيهم بيمشي باللي بقوله ، المشكلة الأكبر انهم مش محترمين ده يعني اوقات لما ببقا خارجه معاهم بفضل اقولهم مش عايزه اسمع اغاني و يشغلوها في العربية بصوت عالي و مببقاش عارفه اتصرف ازاي ،
و اختي الصغيرة بقت بتصر على تشغيلها برغم ان انا معلماها ان حرام و مينفعش تفضل تقولي منا عايزه افرفش بقولها خلاص فرفشي بس هتدخلي النار كدا ، مش راضيه تقتنع عشان هي شايفه اهلي كلهم بيشغلوها عادي ، و بردو كلهم بيشغلوا اغاني رمضان وقت الصيام ظنا منهم ان دي مش حرام عادي
مبقتش عارفه اتصرف مع اخواتي الصغيرين إزاي ولا معاهم ازاي
و المشكلة التانيه إن بيشغلوا مسلسلات و بيبقا فيها موسيقى كتير و الإعلانات و هكذا ، طول الوقت مشغلينها ، ببقا عايزه اقعد معاهم لإن انا فعلاً مش بشوفهم اليوم كله من الدراسة و خاصةً انهم بييجوا من الشغل يناموا يتفرجوا على التليفزيون ف مش لاقيه وقت اشوفهم و أبرِّهم و اقعد معاهم غير و هم مشغلين مسلسلات فيها موسيقى
اللي قدرت اعمله ان اقنعهم ان صداع تشغيل اعلانات و ان لما تيجي اكتموا الصوت احسن و اوقات بيعملو كدا فعلاً
بس اللي نفسي اعرفه هل انا عليا اثم ان بقعد معاهم عشان نفسي اشوفهم ؟ مع العلم مبديش اهتمام للموسيقى اللي شغاله و لما بيجي المسلسل اوقات اقعد ع التليفون لحد ميخلصوا و ييجي اعلان و اتكلم معاهم و كدا
و عايزه حلول تخليني اتصرف مع اخواتي الصغيرين بالأخص ، و جزاكم الله كل خير
وعليكم السلام ورحمة الله وبركاته يا عزيزتي، أولاً، الله يبارك فيكِ على حرصكِ الجميل ده على الدين وعلى أهلكِ، وده دليل على قلب سليم وإيمان قوي. أنتِ مش لوحدكِ في الموقف ده، كتير بنات زيكِ بيواجهوا التحدي نفسه، وأنتِ بتعملي اللي عليكِ بالنصيحة والصبر. بالنسبة للإثم : لا، مش عليكِ إثم إنكِ تقعدي معاهم عشان تشوفيهم وتبريهم، طالما مش بتساهمي في التشغيل أو بتستمتعي بالموسيقى (زي ما بتقولي إنكِ مش مهتمة بيها وبتلهي نفسك). الإسلام بيأمر بالإكرام والبرِّ بالوالدين حتى لو اختلفوا معاكِ (قال تعالى: "وَوَصَّيْنَا الْإِنْسَانَ بِوَالِدَيْهِ إِحْسَانًا")، والجلوس معاهم فرصة للدعوة بالتدريج. استمري كده، وادعي الله يهديهم. حلول عملية للأخوات الصغيرين خاصة : مع أختكِ الصغيرة : خليكِ هادية ومبسوطة، قوليلها "تعالي نلعب لعبة حلوة أو نسمع أناشيد إسلامية، هتفرفشي أكتر ومش هتدخلي نار!" جربي تشغلي معاها قصص الأنبياء أو أغاني رمضان الحلال (زي اللي بدون موسيقى). خليها تشوفكِ بتستمتعي بالحلال، عشان تقلدكِ مش أهلكِ. في السيارة : قولي بلطف "يا جماعة، أنا صداعي بيزيد من الصوت العالي، ممكن نرفع الصوت على قرآن أو أناشيد؟" أو البسي سماعات لاذنيكِ وشغلي قرآن لنفسكِ، وابتسمي عشان ميحسوش بضغط. مع المسلسلات والتليفزيون : استمري في اقتراحكِ اللي نجح (إكتمام الصوت في الإعلانات)، وقولي "يلا نشوف فيديوهات تعليمية أو ترفيهية خفيفة بدون موسيقى" اجلسي معاهم وابدئي حوار عن يومهم، عشان يحسوا بقيمتكِ ويقللوا التلفزيون تدريجيًا. للكل : كوني قدوة – شغلي قرآن أو محاضرات رمضان في أوضتكِ بصوت منخفض، وادعي علنًا "اللهم اهدِ أهلي وثبتني". الصبر مفتاح، والدعاء أقوى سلاح. أنتِ قادرة تغيري الجو بالحب والحكمة، يا بنتي. ابحثي في فدني عن أسئلة مشابهة هتلاقي إجابات كتير مفيدة، ولو عايزة استشارة أعمق، روحي لصفحة الخبراء هنا: https://www.fedni.net/experts – فيه علماء ومدربين رائعين. جزاكِ الله خيرًا، وربنا يهدي أهلكِ ويجعلكِ سبب هدايتهم. أنا معاكِ! 💕
تم النشر الثلاثاء، ٣ فبراير ٢٠٢٦
وعليكم السلام ورحمة الله وبركاته، الله يهدي أهلك ويرشدهم الصواب يا رب، بإذن الله ليس عليكِ ذنب، المهم أنك تستمري في الدعاء ليهم وحقيقي الدعاء بيفرق جدًا سُبحان الله، وأنتِ عملتي اللي عليكِ ونهيتيهم عن الفعل دا؛ مش هقولك خلاص يبقا هما براحتهم وأنتِ عملتي اللي عليكِ، لا خليكِ وراهم، بس عاوزة أقولك شيء يمكن طريقتك في النصيحة متعجبهمش أو كدا وميرتاحوش ف برضو يعملوا اللي ف دماغهم، ف لو حسيتي أن كلامك معاهم ناشف شويتين ممكن تحاولي ترققي الكلام معاهم، لأن حوار أني أسمع كلام حد بينصحني بيختلف من شخص للتاني، ممكن تحاولي تبعتيلهم فيديوز لشيوخ بيتكلموا في الأمر دا يمكن يسمعوا لهم ويحاولوا يتغيروا، وربي سُبحانه وتعالىٰ قال (وآمر أهلك بالصلاة واصطبر عليها) يعني اصبري عليهم، في الزمن اللي احنا فيه اللي الحرام بقا مُباح عادي ف هتلاقي الإستجابة المبدئية صعبة، ولكن خليكِ وراهم وزي ما قولت لك ممكن تغيري أسلوب النصيحة بما يتماشى مع شخصية اللي قدامك ودا بيفرق جدًا وادعيلهم كتير خالص، وطبعًا بإذن الله ليس عليكِ إثم أنتِ عملتي اللي عليكِ والحمد لله، المشكلة أن دول أهلك مش صحابك مثلًا ف هقولك اجتنبيهم وهكذا، ف بما أنهم أهلك ومعاكِ ف نفس البيت كدا كدا ومعارضة لكل شيء بيعملوه فما عليكِ إلا النصيحة والدعاء وبإذن الله ربي يرزقهم سبيل الصلاح، ولا تكلي ولا تملي منهم، لأن هما أهلك، أكيد هتتمني يكونوا معاكِ في الجنة بإذن الله، وخلي قلبك لين في سبيل الدعوة مفيش حاجة بتيجي من مرة واحدة، أنتِ قولتِي أنك نصحتيهم كذا مرة ف تابعي واحتسبي الأجر والنية لله سبحانه وتعالى وبإذن الله لكِ الأجر والله يجعل هدايتهم وصلاحهم بفضل منك بعده سبحانه وتعالى 🌸.
تم النشر الجمعة، ٦ فبراير ٢٠٢٦
@Abdullah Man هم الحمد لله بيسمعوا قرآن و بيشغلوه و بيقرأوا بس للأسف ذنب الموسيقى مش عارفين يسيبوه ربنا يهدينا جميعاً شكرا لحضرتك
تم النشر الجمعة، ٦ فبراير ٢٠٢٦
الافضل في هذه الأمور مع الأهل إنك تسألي حد قدامك تسأليه تستفتي منه وبلاش فتوى من عنت عشان هتوهك ساعات الفتوى بتجاوب بشكل عام او بتكلم عحالة شخص تاني مش انتي تحديدا فالفتوى ساعات جدا بتبقا مش مناسبة مع حالات الكل... استفتي حد قدامك او اسألي حد قدامك...
تم النشر الجمعة، ٦ فبراير ٢٠٢٦
بصي انا فهماكي عمومًا بس خلينا واقعين شوية اهلنا بشر بيغلطوا عادي إنا فاهمة إنهم المفروض يكونوا قدوة وكدة لكن هم في النهاية بشر بيعملوا حاجة صح وحاجة غلط وهكذا حاولي تتقبليهم وتتقبلي إنهم بشر عادي وبيغلطوا ومتخليش ده يأثر على معملتك معاهم ولا تشوفي إنك احسن منهم أو كدة تتعاملي عادي جدا طب اتصرف ازاي لما يشتغلوا سيبي المكان وامشي طب افرض مش هعرف امشي البسي سماعات وشغلي اي حاجة تاني بهدوء من غير ما تتكلمي نقطة تاني حاولي لما تقعدي جمب حد منهم تشغلي فديو عن سماع الموسيقى وحكمها بصوت عألي فهمتني يعني بطريقة غير مباشرة الأهم ادعي لهم ادعي لهم كتير وبس كدة
تم النشر الجمعة، ٦ فبراير ٢٠٢٦
السلام عليكم.. المكان فيه موسيقى ابتعدي عنه ولكن عند الضرورة فعادي بس متتأثرش مشاعرك مع الموسيقى زي التلذذ وخلي موقفك واضح انك ضد ... وافتحي قرآن لو تقدري يوميا يمكن يغير حاجة جواهم
تم النشر الخميس، ٥ فبراير ٢٠٢٦
ربنا يثبتك. انتي صح بس كلنا او غلبنا أهالينا مش بيستجيبوا لينا فأحسن حل انك تسيبهم براحتهم كل واحد ادري لمصلحته وطالما انتوا نهيتي عن المنكر خلاص مش عليكي إثم ان شاء الله. وان شاء الله مش عليكي ذنب لو قعدتي معاهم.
تم النشر الخميس، ٥ فبراير ٢٠٢٦
لا مفيش إثم عليكي أنا واحدة م بسمع أغاني بس مقدريش احكم ع حد انو ميسمعيش بس لما أغنية بتبقي شغالة م بدي اهتمام ليها وبشتت نفسي عنها لان الاغاني بتذي القلب والسمع والانسان لما يسرح فيها وكلماتها ف شتتي نفسك بعيد عنها وادعيلهم بالهداية
تم النشر الخميس، ٥ فبراير ٢٠٢٦
@سُوما صَابِر 💗' جزاكِ الله خيراً كلامك جميل جدا بجد ، فعلا بحاول اعمل كدا و بنزل ستوريز لأمر الموسيقى ربنا يهديهم و يهدينا جميعاً يا رب و شكراً لحضرتك 🤍🤍
تم النشر الجمعة، ٦ فبراير ٢٠٢٦
@Yousef فعلاً حضرتك عندك حق جزاك الله خيراً ، و اللهم اهدنا جميعاً للحق
تم النشر الجمعة، ٦ فبراير ٢٠٢٦
@حياة . شكراً ليكي 🤍 ، هو انا بعمل كدا بس فكرة السماعات عندي مشكلة في وداني ف بقيت مبحطهاش للأسف ، و ببقا عايزه اوي اقعد اتكلم معاهم و اضحك و مش بشوفهم اليوم كله ف ان اسيبهم كدا مش هشوفهم خالص ذي باقي اليوم فاهماني ، بس طبعا لو حرام سماعها ونا كدا مش عليا آثم قطع رحم ان مببرهمش و مش بشوفهم ف سمعنا و اطعنا ، لذلك ببحث عن الحكم ربنا يهدينا للحق جميعاً 🤍
تم النشر الجمعة، ٦ فبراير ٢٠٢٦
@Dareen 🌷 شكراً ليكي 🤍
تم النشر الجمعة، ٦ فبراير ٢٠٢٦
انتي تيجي تتجوزيني وتريحي دماغك منهم
تم النشر الخميس، ٥ فبراير ٢٠٢٦
لعرض السؤال في فدني اضغط هنا