نفسيتى تعبانه اوى انا تانيه بكالوريا نفسيتى زفت اوى تعبانه خالص شعرى واقع بطريقه صعبه خسيت كارهة نفسي مش بطلع من اوضتى ابدا مش بشوف حد مش بكلم حد المواد تقلت عليا حاسه انى خسرت نفسيتى مبقتش انسانه تعبانه اوى اوى محدش حاسس بيا المهم النتيجه
جايه على نفسي اوى تعبت عايزه اموت نفسي بجد عايزه حل بجد فعلا انا عايزه حد يساعدني. لو حد يقدر بجد يساعدني.
بصي ياحبيبتي طب المنطق كده انتي دلوقتي في ضغط كبير عشان تانية بكالوريا وده بيخلي المخ يفكر غلط لما شعرنا يقع ونفسيتنا تتعب ده مش فشل ده جسمك بيقولك ارتاحي شوية الحكمة بتقول اللي بيشيل حمل تقيل لوحده لازم يقع واللي بيقسم الحمل على اتنين الحمل بيخف فالمنطق بيقول متشليش كل المواد مرة واحدة قسميها حتة حتة ساعة مذاكرة وساعة راحة وحكمة تانية مفيش سنة بتحدد مستقبل بني ادم السنة دي هتعدي سواء ذاكرتي او لا بس صحتك لو راحت مش هترجع بسهولة فريحي نفسك النهاردة وبكرة نبدأ من جديد وكل يوم خطوة صغيرة والشاطر مش اللي بيذاكر كتير الشاطر اللي بيحافظ على نفسه عشان يعرف يكمل
تم النشر السبت، ٢٤ أكتوبر ٢٠٢٦
أنا آسفة جدًا إنك بتمري بهذا الشعور الثقيل، وأنا شايفة قد إيه نفسيتك تعبانة ومرهقة. كلامك بيوضح إنك في مرحلة صعبة جدًا، والضغط الدراسي مع الشعور بالعزلة والكره للنفس والأعراض الجسدية زي تساقط الشعر وفقدان الوزن كل ده بيأثر عليكِ بقوة. أنتِ مش لوحدك في هذا، ومش ضعيفة لأنك بتطلبي المساعدة دلوقتي. الأهم دلوقتي إنك تحتاجي دعم مهني فوري. الشعور بالرغبة في إيذاء النفس ده إشارة قوية إن الأمر محتاج تدخل متخصص، فأرجوكِ تتواصلي مع طبيب نفسي أو استشاري صحة نفسية في أقرب وقت ممكن، أو تروحي لعيادة أو مستشفى يقدروا يساعدوكِ. ده مش بديل عن أي نصيحة، لكن الوضع ده يحتاج رعاية طبية حقيقية عشان تقدري تتعافي وترجعي تشعري بنفسك تاني. في الوقت الحالي، حاولي تفتحي الباب شوية لشخص موثوق في عائلتك عشان يساعدكِ في الوصول للمساعدة دي، وخدي خطوة صغيرة زي الخروج من الغرفة لفترة قصيرة أو التحدث مع حد قريب. أنتِ قوية بما يكفي إنكِ وصلتِ لهنا وطلبتِ المساعدة، وفي أمل حقيقي إن الأمور تتحسن مع الدعم المناسب. لو عايزة تتكلمي أكتر عن اللي بيحصل، أنا هنا أسمعكِ وأدعمكِ.
تم النشر الثلاثاء، ٢٠ أكتوبر ٢٠٢٦
احب اقولك فى كتير زيك يمكن انا داخله اسأل نفس السؤال لقيت سؤالك فى وشى دمعت ، بصى انا زي زيك حرفيا تانية بكالوريا بردو فهقولك على الحاجات اللى هحاول اعملها يمكن تفيدك وتفيدنى بردو ،اول حاجة لازم نخفف الضغط من علينا شوية وخلاص طالما بنعمل اللى علينا يبقى كل قضاء ربنا خير مش هيفيد بحاجة كتر التفكير مش يفيد بحاجة جلد الذات كل ما علينا نسعى بدون تفكير كتير ، بالنسبة للعزلة وده شئ جابلى اكتئاب حرفيا بقالى شهرين مش بشوف بشر ولا بطلع من الاوضه فقولت ان انا مثلا كل مرة هغير مكان المذاكرة بره الاوضة حتى لو مرة كل يوم فى اى مكان فى البيت مش لازم الاوضه ونحاول نتكلم ونتفاعل ونفرغ اللى جوانا بلاش كله يكون فى نفسنا حتى لو محدش هيسمعنا نتكلم بردو ،عندك بقى الجانب الصحى حرفيا انا عارفة ان فى فئة كده من بداية السنه وهما كل حاجة بايظة وانا من ضمنهم (خسيت) طيب ما هو ده اكيد بسبب الضغط النفسى والتركيز بس على المذاكرة والضغط والتفكير فهيا كلها شبكه فى بعضها نحاول نحسن النفسية ونكافئ نفسنا بعد الانجازات حتى لو بسيطه نقدر فكرة ان احنا بشر عادى وبلاش تفكير زيادة ، وحاجة كمان ابعدى فكرة "عايزة اموت نفسى " عارفة انه ساعات بيكون كلام بس بنقوله بس طالما ربنا حطنا فى السنه دى يبقى خلاص مقدمناش خيار غير اننا نسعى مش هينفع نستسلم هيا الحياة لو مبقتش كده يبقى ايه لازمتها ؟! هيا دار ابتلاء دار مشقه وتعب ، وفى الاخر بقى دايما اقول كده لو انا عايزة اعمل حاجة بعملها سيبك من كلامى الكتير ده كله انتى بجد لو قعدتى مع نفسى كده انا عندى كذا وكذا وده محتاجاه يتعدل وده لازم اهتم بيه خلاص هتلاقى ارادتك رجعت هتستعينى بالله وهتلاقى كل حاجة زى الفل وافتكرى ان المذاكرة هيا جزء من الحياة مينفعش ابدا تكون هيا الحياة وفى الاول و الاخر احنا بشر يعنى طبيعى نمر بفترات زى دى عادى وهنرجع احسن من الاول وهكذا بس كده اتمنى تستفادى ولو بكلمة بس انا يعتبر قولت جزء من اللى فى دماغى هو هيفيدنى انا شخصيا قبل ما يفيد حد
تم النشر الأربعاء، ٢١ أكتوبر ٢٠٢٦
طالما فيها جروب صدقونى ما هنعمل حاجة اساسا الحاجات دى مفقوشه قبل كده ما حد يقدر يشجعك ويقومك تذاكرى غير ارادتك
تم النشر الأربعاء، ٢١ أكتوبر ٢٠٢٦
وانا معاكى بجد فى كدا عشان نشجع بعض
تم النشر الأربعاء، ٢١ أكتوبر ٢٠٢٦
بصي يبنتى زي زيكم بس ممكن نعمل جروب للي زينا ومراكم وكدا ونشجع بعض عشان انا ع الله ونفسيتى تقرف ومش عارفه اذاكر
تم النشر الأربعاء، ٢١ أكتوبر ٢٠٢٦
لعرض السؤال في فدني اضغط هنا