السلام عليكم
أنا خريجة كلية زراعه ٢٠٢٤ دورت كتير على شغل و مش لاقيه و مش عارفه ايه اللي ممكن اتطور فيه و اعمله في وقت فراغي الكتير دا و مليت و حاسه ان مليش فائده ولا بعمل حاجه مفيده فيدوني لو سمحتم بشكل عام يعني املى يومي ازاي
وعليكم السلام ورحمة الله وبركاته، حاولي ابدئي مشروع خاص فيكِ الو علاقة بموضوعك، بكل موضوع فيكي تبتكري وتطوري، وبهاد الوقت املئي وقتك بتطوير نفسك، علاقاتك مع اهلك... وطبعا تقربي من ربنا اكثر واكثر، زيديي مهام جديدة على يومك وداومي عليها، وهيك بتستغلي كل ثانية
تم النشر الثلاثاء، ١٧ يونيو ٢٠٢٥
وعليكم السلام أختي سما ايهاب، مبروك لكِ التخرج من كلية الزراعة، وأتفهم جيداً شعور الإحباط والملل الذي تعانينه في فترة البحث عن عمل، هذه المرحلة تحتاج صبر وإدارة ذكية للوقت كي تحافظي على طاقتك النفسية وتحسّي بأنكِ تنتجين وتطوّرين نفسك. إليك بعض الأفكار العملية لتنظيم يومك واستثمار وقت فراغك بعد التخرج: تحديد هدف واضح: حددي لنفسك هدفًا يوميًا أو أسبوعيًا سواء كان تعلم مهارة جديدة، أو تحسين مهاراتك الحالية. هذا سيعطيكِ إحساسًا بالإنجاز. التطوير المهني: تعلّمي مهارات مرتبطة بمجال الزراعة مثل استخدام التكنولوجيا الزراعية، الإدارة الزراعية، التسويق الزراعي أو البحث العلمي. يوجد كورسات مجانية ومدفوعة على الإنترنت. يمكنكِ كذلك تحسين مهارات الحاسوب، مثل إكسل أو برامج تحليل البيانات التي تساعد في سوق العمل. التطوع أو العمل الجزئي: حاولي الانضمام إلى مشاريع زراعية في منطقتك، حتى لو كانت تطوعية أو بأجر بسيط. هذا يعطيكِ خبرة ويضاف للسيرة الذاتية. قد تكون فرصة جيدة لبناء شبكة علاقات في مجال تخصصك. تنظيم وقتك اليومي: ابدأي يومك بتقسيمه إلى فترات: فترة للتعلم، فترة للراحة، فترة للبحث عن فرص عمل أو للتواصل مع الخبراء، وفترة للنشاطات الاجتماعية والهوايات. اخلقي لنفسك عادة يومية مثل قراءة كتاب في مجال الزراعة، أو متابعة أخبار زراعية. المحافظة على صحتك النفسية والجسدية: حاولي ممارسة نشاط رياضي بسيط تمارسينه في البيت أو الهواء الطلق، لأنه يعزز المزاج ويحسّن تركيزك. تجنبي العزلة، تواصل مع عائلتك وأصدقائك أو انضمي إلى مجموعات أو منتديات مهتمة بالزراعة. ابحثي عن دعم وتوجيه: يمكنكِ الاطلاع على خبرات وأسئلة الآخرين في موقع فدني، والأسئلة المتعلقة بالزراعة وفرص العمل. إن شعرتِ أنكِ بحاجة لدعم أعمق أو خطة واضحة، لا تترددي في استشارة أحد الخبراء أو المدربين عبر صفحة الخبراء في فدني. أتمنى أن تعيدي بناء يومك بثقة وتبتكري أساليب تناسبك. تذكري أن فترة البحث عن عمل ليست نهاية الطريق بل بداية لتطوير الذات. إذا أردتِ، يمكنني مساعدتك في وضع خطة يومية أو اقتراح مهارات معينة بالتفصيل. هل تودين أن أساعدك في تحديد مهارات معينة يمكن أن تتعلميها أو نشاطات تفيدك؟
تم النشر الثلاثاء، ١٧ يونيو ٢٠٢٥
و عليكم السلام و رحمه اللّٰه و بركاته هفيدك من تجربه والدتي لإنها بردو كانت خريجه كليه زراعه والدتي أخدت كورس في الكمبيوتر و بقا معاها شهاده معتمده و ده خلاها تتقبل في قسم حسابات و اشتغلت فيه و جت في فتره كانت حابه تغير مجالها ف أخدت كورس تغذيه علاجيه اونلاين و اشتعلت في مستشفى كأخصائيه تغذيه و لما تفوقت في مهنتها قرروا يخلوها تشتغل في حاجات أعلى في المستشفى و فعلا اشتغلت في كذا مجال غير مجالها لإن قدرت تثبت شطارتها في الشغل ،، تقدري تاخدي الكورسات دي و تملي بيها وقت فراغك و أنصحك ب كورسات تعلم لغه جديده لو انتي حابه دَخل عالي يبقا خدي كورسات صيني في شركات كتيره بتحتاج مترجمين صيني و راتبهم بيكون عالي و في بردو كورسات إنجليزي او تسويق و غيرو أونلاين و تقدري تاخدي منهم شهاده معتمده تتقبلي فيها فكذا شغل ووفقك الله و أعانكِ
تم النشر الأربعاء، ١٨ يونيو ٢٠٢٥
حسب انتي توجهك ايه وناويه علي ايه شغل وله بيت وجواز ولو شغل في المجال وله تعملي شيفت فا حددي الاول انتي عاوزه ايه في حاجات مفيده كتير بس وجهي دماغك الاول لطريق علشان مش تكوني بتبذلي مجهود و تغيري خططك بعد كدا فيعتبر مجهود مش في محله
تم النشر الثلاثاء، ١٧ يونيو ٢٠٢٥
شغل اونلاين بدخل ثابت مستحيله في ابدايه.... وفري لانسر يعني انتي بتعرضي شغلك على مواقع عمل حر والناس لو عجبهم وصفك وسعرك هيجربوكي لقو شغلك حلو هيدوكي تقييم حلو... كورسات... الصراحه معرفش كورسات لكن ممكن تتفرجي على فيديوهات يوتيوب برمجه لابراهيم عادل هو اه بتاع انجليزي لكن نزل سلسله عن البرمجه... حاجه مجانيه ومضمونه تقريبا كان بدأ ببايثون انصحك تجربي تتفرجي االبايثون عموما اسهل من ال سي شارب او الجافا سكريبت ومن الحاجات دي اتمنى اكون فدتك 😁✌🏻
تم النشر الأربعاء، ١٨ يونيو ٢٠٢٥
دايما الكورسات اللي بتديك شهادات معتمده بتبقى مدفوعه يعني لازم تدفع فلوس فانت لازم تخش زي التعليق اللي فوق ده ما بيقول تكون فاهم اي حاجه على الاقل فانت نزل فيديوهات واعرف فيديو بيقول ايه واعرف فكره كده يعني افهم الفكره ماشي ازاي وبعد كده توكل على الله خش كورس ولما تخلصي الكورس بيختبروك هيدوك شهاده معتمده وهيدلوك اكيد على المكان اللي هتشتغل بيها
تم النشر الأربعاء، ١٨ يونيو ٢٠٢٥
ادرسي دبلوم ادارة اعمال اونلاين وممكن تلاقي فيه فرصه وظيفية
تم النشر الأربعاء، ١٨ يونيو ٢٠٢٥
ممكن تتعلمي من كورسات بس انصحك قبل كل حاجه اتعلمي اونلاين من فيديوهات على النت عشان تروحي الكورس سابقه مجالك وعشان تفهمي بسرعه اكبر وتفهمي البرمجه ماشيه ازاي وكده... تتعلمي فين بالضبط دي على خسب منطقتك يعني ممكن تعملي سيرش على ناس قريبه منك وكده... تشتغلي فين ممكن تشتغلي في شركات برمجه هما بيطلبو ناس جربي تسألي او تشوفي جروبات الشركات بتعرض شغلها فيها او بصي على السوشيال ميديا كده واسألي بعض شركات البرمجه ان كانو محتاجين مبرمجين وممكن تعرضي خدمتك بسعرك على السوشيال ميديا او تشتغلي فريلانسر بسعرك برضو او ممكن تبرمجي انتي تطبيقك وتكسبي منه كل دي فرص شغل ومكسبهم حلو باذن الله... باءن الله هدعي ان ربنا يوفقك المهم ركزي على طريقك ومتخافيش ربنا باذن الله هيوفقك في الي شايفهولك خير ليكي
تم النشر الثلاثاء، ١٧ يونيو ٢٠٢٥
طيب حضرتك دلوقتي بتسالي عن شيء تملا بيه فراغك الموضوع ده بيعتمد على اكثر من عامل لو الحاله الماديه ميسوره فانت ممكن تعملي نشاطات كالرياضه والتعلم اشياء جديده لها علاقه بالرياضه وما الى ذلك بس لو الحاله الماديه متوسطه وبتطمح لماديات اكثر وعايز تبقى في نفس القافله اللي بيمشي فيها عصرك فعليك بالبرمجه حوالي 50% انجليزي و50% وعي وان شاء الله هتكون بيرفكت في البرمجه تخصص في شيء فيها وحاول بقدر الامكان تديها وقتك طول ما انت عندك وقت وخليها عادي لان صدقني البرمجه هي لغه العصر الجديد واتمنى لك التوفيق
تم النشر الثلاثاء، ١٧ يونيو ٢٠٢٥
فإن بدأتي ب ٣ حاجات في اليوم بعد مدة هيبقوا عشرة وبعد مدة هتكوني انسان عملي بإذن الله
تم النشر الثلاثاء، ١٧ يونيو ٢٠٢٥
وتحطي الهدف قدام عينك ليل ونهار .. الصبر مثلا = كل يوم اعمل ٣ حاجات فيها صبر ومملة ومفيدة .. الرياضة مثلا وهكذا .. ومش لازم كل شئ كل يوم
تم النشر الثلاثاء، ١٧ يونيو ٢٠٢٥
بمعنى لما تتوظفي بإذن الكريم .. اي الصفة النفسية اللي محتاجاها في شغلك ؟ هل الصبر على المجهود ، الهدوء والتركيز ، التحليل والتفكير ....
تم النشر الثلاثاء، ١٧ يونيو ٢٠٢٥
حددي هدف على مستوى البنية النفسية
تم النشر الثلاثاء، ١٧ يونيو ٢٠٢٥
طيب لو حد يعرف كورسات تفيدني بشكل عام و شغل اونلاين زي فري لانسر يكون مضمون و دخل ثابت و ابدأ ازاي
تم النشر الأربعاء، ١٨ يونيو ٢٠٢٥
طيب اتعلم فين برمجه و اشتغل فين حاجه ليها علاقه بالبرمجه
تم النشر الثلاثاء، ١٧ يونيو ٢٠٢٥
ممكن تتعلمي حاجه في وقت فراغك يكون ليها سوق عمل حاليا زي البرمجه او تتعلمي لغه وتشتغلي في الترجمه وكده لان خربجين الزراعه وخريجين تجاره وغيرهم مش لاقيين شغل حاليا وممكن تشتغلي في حاجه ممكن يكون عندك فيها مهاره زي الكتابه ممكن تكتبي كتاب وتبيعيه او تكتبي روايه على اي منصه بتيحلك ان الناس تشتري شابترات روايتك وكده شوفي انتي عندك مهاره تعملي ايه وشوفي انتي هتحبي تتعلمي ايه... 😁✌🏻
تم النشر الثلاثاء، ١٧ يونيو ٢٠٢٥
لعرض السؤال في فدني اضغط هنا