السلام عليكم ورحمة الله وبركاته.
لماذا اشعر دايما بضيق يضيق نفسي وروحي وحاسه اني تايهة وفي حالة حزن واكتئاب وطول الوقت عايزه اعيط وبس حاسه اني بجد تعبت من كل حاجه من مسؤلية العيال وطفل رضيع وزوجي مغترب
حاسه اني شايله كل الدنيا لوحدي بجد حاسه اني وحيده رغم كل الي حوليه من الأهل بس بجد تعبت ونفسيتي تعبت جامد مش عارفه اتعامل مع اطفالي طول الوقت عياط وصريخ فيهم على اتفه الأسباب وبعد كده ضميري يأنبني اني بعمل فيهم كده وده بيتعبني اكتر
ساعات أبقى عايزه افضل لوحدي لوحدي وبس او اروح مكان مفيهوش حد حاسه اني عايزه اهرب من كل الحمل الي على كتافي ده بجد تعب اوي ونفسيتي بقت تحت الصفر ومبقتش عارفه انا نفسي في اي او عايزه ايه وايه الي بيريحني ويسعدني بجد
تعبت اوي بالله عليكم حد ينصحني اعمل ايه وجزاكم الله خيرا
عليكم السلام ورحمة الله وبركاته أشكرك على صراحتك وثقتك في مشاركة ما تمرين به كل اللي قلتيه دا بيستنزف طاقتك ويبقى حمل وضغط عليك وعشان كدا مشاعرك سلبية بس خليني اسألك: هل هذا الشعور موجود منذ فترة طويلة أم بدأ مؤخرا؟ وهل يصاحبه حزن مستمر أو بكاء أو اضطراب في النوم أو الشهية؟
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا