قريبى كانت جت فتره بينا وكنا قريبين من بعض اوى وكان فيه بينا إعجاب مكانش ارتباط بس كلامه واسلوبه كانوا واضحين بس تلميحات بس
وبعدنا شويه بسبب انشغال كل واحد بينا فى حاجه وهو خطب وانا اتخطبت واحنا ال٢ مكملناش
ازاى ارجع الموضوع تانى؟
خصوصا انه لسه فاسخ خطوبته قبل فرحه باسبوعين ونفسيته مش حلوه خالص لانه كان حب البنوته
ولأنها كانت كويسه جدا باباها اللى كان صعب لكن هو مازال بيحبها
انا دلوقتى محتاجه حاجتين
اساعده يكون كويس ويتعافى من الموضوع
وارجع لمكانى تاني واقربله
انسي الموضوع ده تمامًا ولا تغطلي وتحاولي تعملي أي حاجة من اللي بتفكري فيها. أولًا، أنتِ كبنت المفروض أنتِ تكوني معززة وأنتِ المطلوبة مش اللي تسعى خلف الرجل. ثانيًا، فيه حدود في التعامل بين الشباب والبنات فبلاش الشيطان يخدعك ويجرك لأي تصرف حرام. ثالثُا، الشخص ده لسه خارج من تجربة عاطفية فبلاش تكوني أنتِ سد خانة وتعويض عن الفراغ أو الحبيبة اللي فقدها... هتعملي إيه لو بعد ما قربتِ وملأتِ الفراغ ده رجعوا لبعض؟ شعوركِ إيه وقتها؟ انسي الموضوع وركزي أنتِ على التعافي مع نفسكِ وعيشي حياتكِ... لو لكم نصيب مع بعض فمن غير ما تغلطي وتعملي أي تصرف حرام هتكونوا لبعض ولا مش لكم نصيب فمش هتاخدي في النهاية غير عصيان ربنا وكسر قلبك ومشاعرك. ربنا معك ويهدي قلبك ويوفقك للخير.
تم النشر الأربعاء، ١ يناير ٢٠٢٥
انا اسف لحضرتك ع سؤالى.. حضرتك عاوزة تملى الفراغ الى حاصلو وحاصلك ؟ شايفة انى دى فرصتك فى حد انتى مشدودة ليه... الموضوع ماينفعش كدا.. لازم ياخد وقتة وانتى خدى وقتك يموف اون وتعملو ريكافرى لحياتكم.. وبعدين محدش هينصحك يقول لك اتكلمى معاه وكونى جنبه وادعميه حتى لو كان مقصدك بحسن نيه تقفى جنبه .. هو حاليا فى موقف ضعف ماينفعش استغل الموقف واقرب.. كدا انا بستغل ضعفه حتى لو بحسن نيه..
تم النشر الثلاثاء، ٣١ ديسمبر ٢٠٢٤
لعرض السؤال في فدني اضغط هنا