هل ممكن حد يكون مسحور بإنه يرتكب ذنب معين،لاني الفترة دي ملاحظة اني كنت هقع في كبيرة وإصرار على الذنب بشكل غريب وعماله ادي لنفسي مبررات اللي هو ما انا بعمل كل حاجة من طاعات وربنا عالم اني بجاهد في الذنب ده بس مش قاردة
ومفيش حد بيمشي على الطريق المستقيم بالظبط اكيد في حاجة بتقع منه او ذنب بيفضل يجاهد طول عمره فيه او حتى مش بيجاهد
أرجو الافاده لاني عفانا الله واياكم اخاف اقع في الزنا
مع العلم اني بنت عندي ١٩ سنة طالية جامعية و كنت ماشية بمبدأ اني احافظ على نفسي عشان جوزي واطلع طاقتي كلها معاه بس السنة دي عكيت بطريقة فظيعه من مشاهدة اباحية و العاده وكلمت رجاله .
اللي انتِ بتتكلمي عنه دا عرض مش سبب شعورك بالذنب أو المبررات اللي بتطلعيها لنفسك دا ناتجة عن اللي عملته و هنا بقا نجي لنقطة مهمة الا و هي انك عندك شعور بالاحتياج سوا احتياج عاطفي أو معذرةً في اللفظ جنسي و دا شىء طبيعى انتِ مش عليكِ حرج في شعورك دا دي فطرة الله فينا بس احنا ربنا جعلنا حدود مينفعش نتخطاها و لو تخطناها نتوب و نرجع و لو التوبة هتتكرر الف مرة ربنا هيقبلنا في كل مرة باذنه عز وجل النقطة المهمة بقا ازاي نعالج الاحتياج دا سد الفراغات اه سد كل فراغ في حياتك تشغلي نفسك بكل حاجة تنفعك في دينك و دنيتك ادخلي كورسات اهتمي بتعليمك اتطلعي لمستوايات اعلى من مستواكِ في كليتك و اسعي لتحقيق دا و خدي بالاسباب الشخصيات اللي في حياتك دي نقطة فارقة جدا حاولى تملئ حياتك بشخصيات تحبك و تحترمك يعني صديقات و قرايب و لو ملقتيش دا معاهم فحاولى تزودي نسبة حبك لنفسك افخري باي نجاح و افرحي بسعيك بحيث انتِ تكتفي بكل اللي في حياتك و متدوريش علي حد يعطيكي الحب اللي انتِ مفتقداه الموضوع مش هيتغير من يوم و ليلة محتاج صبر شوية اعانكِ الله و يسر امرك
تم النشر الخميس، ٢ أبريل ٢٠٢٦
مفيش حاجة اسمها سحر على ذنب بس ممكن السحر يؤدى ليه بس اللى انتى فيه دا مش سحر ....... دا آثار اتباع خطوات الشيطان ب معنى ان انتى على حسب قولك كنتى كويسة طول عمرك ومحافظة على نفسك يعنى قافل كل أبواب الفتنة يا بنت الناس ..... وبمجرد ما بس فتحتى سنه بسيطة ولنعتبر بالعادة مثلا الموضوع كبر وعكيتى خالص زى ما بتقولى بل انك كمان كنتى قاب قوسين أو أدنى انك تقعى فى كبيرة من الكبائر كانت قادرة تدمر مستقبلك وحياتك بل كانت ممكن تضيع أخرتك ودا بيفكرنى ب حديث النبى علية الصلاة والسلا مش متذكر نصه بالظبط بس من ضمنه " ... لا تفتحه إنك إن تفتحة تلجه... " دورى على الحديث هتفهمى مقصدى ..... طب هتعملى إيه لازم يا بنت الحلال بلوكات واقع ومواقع لكل الرجالة والعياذ بالله اللى انتى بتكلميه بدون ما تبررى حتى أوعاكى تبررى لأن عندنا الحيل اللى بنقنعكوا بيها تكملوا فعلشان متتأثريش نفسيا لازم وفورا بلوكات حالا وتمسحي أى حاجه تفكرك بأى حد كلمتيه واتقى الله وحافظى على قلبك ونفسك ولا تتبعى خطوات الشيطان واللى عايز الحلال باب بيتك موجود ربنا يكرمك ويوفقك ويهديكى ويردك عما أنتى فيه اللهم آمين
تم النشر الخميس، ٢ أبريل ٢٠٢٦
يا حبيبتي، أول حاجة أقولك إنك مش لوحدك في اللي بتمري بيه، وده دليل إيمانك القوي إنك بتجاهدي وبتخافي ربنا. الإصرار ده ممكن يكون من وساوس الشيطان أو عادات متراكمة، ونعم، السحر ممكن في الإسلام، بس متسرعيش في الحكم عليه قبل الرقية الشرعية (اقري سورة البقرة يوميًا، واستعيذي بالله، وادعي ربنا يبعد عنك كل شر). كيف تتعاملي مع الإصرار؟ اقطعي السبب فورًا : امسحي كل التطبيقات والصور اللي بتذكرك بالإباحية، غيري باسوورد النت، وخلي جوالك بعيد عن السرير. شغلي نفسك بالدراسة أو هواية حلال زي القراءة أو الرياضة. روتين يومي قوي : صلي النوافل، صومي الاثنين والخميس، كثري الاستغفار (100 مرة يوميًا)، واقري قرآن كل يوم ولو صفحة. ده بيطرد الوساوس. ذكري نفسك بالهدف : أنتِ بنت 19 سنة، طالبة جامعية، ومبدأك جميل جدًا (تحافظي على نفسك). اللي فات توبة، وربنا غفور رحيم. كل واحد فينا بيجاهد ذنب طول عمره، المهم الاستمرار. لو استمر الإصرار الغريب : روحي لشيخ أمين تثقي فيه للرقية، أو ابحثي في Fedni عن "رقية شرعية" أو "الثبات على التوبة" هتلاقي إجابات كتيرة مفيدة. أنتِ قوية يا بنتي، وربنا هيثبتك إن شاء الله. لو عايزة استشارة أعمق، شوفي الخبراء في https://www.fedni.net/experts، فيه متخصصين دينيين ونفسيين. ادعيلك بالثبات، وردي عليا لو احتجتِ! 💕
تم النشر الخميس، ٢ أبريل ٢٠٢٦
السلام عليكم من يومين سمعت حلقه من بودكاست فاهم بعنوان لما يعصي الإنسان .. الحقيقه الحلقه مفيده جدا بتتكلم عن سيكولوجية العصيان في نفس الإنسان و اهم ما قاله أننا لو فهمنا طبيعتنا و ليه بنعصي و نقع فالذنب ده هيساعدنا كتير في علاج أنفسنا من تكرار الذنب و الوقوع فالمعصيه هسيب ليكي رابط الحلقه و اتمنى تسمعيها و ان شاء الله هتساعدك كتير و تلاقي فيها اجابه لسؤالك بأذن الله .. رابط الحلقه https://youtu.be/MUjUsDx-NY8?si=z1QwXm9UHhgSOSlK
تم النشر الخميس، ٢ أبريل ٢٠٢٦
@مَرْيَم عماد مثلك كثير منا ومن أعضاء البرنامج محتاجينه ،ياريت تتفاعلى أكثر دا طبعاً لو مش هيأثر عليكى
تم النشر الأحد، ٥ أبريل ٢٠٢٦
@مَرْيَم عماد،عالمى
تم النشر الأحد، ٥ أبريل ٢٠٢٦
تم النشر السبت، ٤ أبريل ٢٠٢٦
الموضوع محتاج صبر وعزيمة محتاج تبحثي عن شئ تطلع طاقتك فيه دوري على حاجة بتحبها وابدء اشتغل عليها موهبه هوايه ودعمها انا كنت زيك في وقت من الأوقات والحمدلله تخطيت
تم النشر السبت، ٤ أبريل ٢٠٢٦
شكرا جدا ليكي يا Angie
تم النشر الخميس، ٢ أبريل ٢٠٢٦
ليس سحرا ـ الكلام في الدين اصبح لا يؤثر والله المستعان ـ انصحك بدكتور عماد رشاد عثمان سمعنا انه يفيد في هذا الأمر وان لديه علم في هذا والله الموفق.
تم النشر الخميس، ٢ أبريل ٢٠٢٦
لعرض السؤال في فدني اضغط هنا