عرفت إن الأفراح اللي فيها أغاني واختلاط حرام إني أحضرها
الأسبوع اللي جاي خطوبة ابن خالتي بس أنا مش عاوزه أروح هل المفروض أقول نيتي الحقيقيه ولا أقولهم أي عذر تاني وخلاص ..
هو المفروض أنكر الحاجه وأقول إنها حرام بس هيقولوا دي منتقبة بقا وهتخنقنا وتفضل تقول
وخاصة إني لسه ١٧ سنه وماما مش متفقه معايا في رأيي
السلام عليكم، مش لازم تقولي نيتك الحقيقية، لو مش هتقدري تروحي خالص تباركي بسرعة وتعتذري بأي حاجة وتمشي على طول فتتجنبي المخالفات الشرعية فخلاص اعتذري عن المشوار كله بأي سبب أو خلي والدتك تعتذر بإنك مشغولة. أو حتى عادي تعرفي القريبين إنك مش بتحبي تحضري المناسبات خاصة مع الزحمة والدوشة وكده فيبقى معتاد ومعروف للعائلة إنك مش لك في الجو ده. ولو على إنكار المنكر، فالناس غالبًا عارفة إن اللي بيحصل في الأفراح المختلطة مخالف للدين بس بيتعاملوا بمبدأ ربنا غفور رحيم أو بطلوا تشدد أو ده يوم واحد، ومش هتخلصي من كلامهم لو جادلتِهم.
تم النشر الثلاثاء، ١٦ ديسمبر ٢٠٢٥
شوفي في طريقين، الاصعب انه تقولي نيتك وما تروحي وطبعا بشمل فيه النهي عن المنكر وطبعا الأجر اكبر بإذن الله، بس انا عن نفسي مرات بحس الوضع صعب او ما بقدر اواجه وهاد ضعف مني احيانا، فبيني وبين نفسي بقول انه بتهمني النتيجة وهي "اني ما احضر"، فبقول سبب او حجة ثانية (بدون كذب) كيف يعني بدون كذب؟ يعني مثلا "عندي امتحانات"، انا ما قلت رح ادرس بهاد اليوم قلت سبب عام، فما بكون كذبت اذا ما درست بهاد اليوم.
تم النشر الثلاثاء، ١٦ ديسمبر ٢٠٢٥
طالما مامتك مش متفقه معاكي في الرأي متقوليش السبب الحقيقي دلوقتي بعدين ابقي قولي دلوقتي اي سبب يتقال المهم متشاركيش في الذنب دا
تم النشر الخميس، ١٨ ديسمبر ٢٠٢٥
للاسف لو قولتي النيه محدش هيفهم لان البيئة مش معوده الي حواليكي على دا ثانيا مش ضروري تحضري خالص
تم النشر الأربعاء، ١٧ ديسمبر ٢٠٢٥
بصي أنا ف الأول كنت بتحرج لكن لما فكرت لقيت ان الذنوب كتير جدا غير الاختلاط كمان ، فبقيت بقول اني مش بروح عشان الأغاني وكدا ، ولما تحطي حدود ومبادئ من الأول محدش هيستغرب بعد كدا.
تم النشر الأربعاء، ١٧ ديسمبر ٢٠٢٥
السلام عليكم ورحمة الله وبركاته ، نعم صرحي ان سبب عدم ذهابك هو اقتناعك بأن الموسيقي والإختلاط حرام ، واصبري واسألي الله السلامه والثبات ،يجزيكِ الله كل خير. وضحي للإنكار عليهم وتصريح منك بأنكِ لا تذهبي للأفراح فلا يعزمك احد بعدها.
تم النشر الأربعاء، ١٧ ديسمبر ٢٠٢٥
لعرض السؤال في فدني اضغط هنا