مساء الخير للجميع،
جماعة النهاردة أنا معروف إن أنا في أيام امتحانات الميدتيرم أخذت أسبوع من يوم السبت لحد الخميس اللي هو المفروض بكرة كل يوم عندي امتحان من غير فاصل أنا مش عارفة هل ده مشكلة ولا لأ بس أنا كنت بفضل إن هو يكون في فاصل عشان أعرف أراجع كويس وما أضغطش نفسي وخصوصاً إن أنا طول الست أيام دول ما نمتش ما نمتش ولا مرة واحدة ونمت كأني ما نمتش طول حياتي
المهم أنا بطلع من الامتحان ببقى عاملة حالة الامتحان أسوأ ما عندي ببقى عامله اعر أداء في تاريخ ،،، عمري في حياتي ما كنت بعمل كده أنا كان عندي إن أنا زمان لو طلعت من الامتحان وعندي غلطة ببقى هموت على الغلطة بقى الفترة دي عندي لامبالاة بحيث إن أنا لو غلطت مليون غلطة أو جبت صفر أصلاً في الامتحان مش فارقة معايا وفي نفس الوقت بحس بالذنب ألوم نفسي وأنب نفسي
المهم في أيام الامتحانات بدأت مادة المادة دي materials وكده المهم إن أنا إيه كنت تعبانة جداً فما عرفت أذاكر المادة كويس بس ده مش مبرر كان معايا طول السنة ما ذكرتش فيها عدت ال materials وقلت هعوض في مادة بكرة كانت مادة بكرة قلت هعوض في اللي بعده وكل يوم بيبقى أسوأ من اللي قبله،
الحل بتاعي مش أحسن حاجة، حل سيء جدا جدا جدا، يعني أنا معتبرة نفسي جايبة صفر في الميد يعني أنا عشان أنا خايفة على الجي بي إيه أوي أوي أوي أوي، الجي بي إيه أهم حاجة في حياتي،
أنا لو بعد الشر بعد الشر نقص عن تلاتة فكده أنا هقعد ترمين من غير ما أعرف أخد المادة اللي أنا عايزاها، لأن المواد عندنا مش بتفتح سمر، المواد بتفتح عندنا في الترم العادي يعني مش بتفتح سمر على حسب الدكتور ومزاجه، وده هيأخرني عن باقي أصحابي بعد الشر يعني أنا خايفة أو ي أو ي على الموضوع ده،
المهم علشان أجيب جي بي إيه زي الترم الأول لازم على الأقل أجيب في تلات موادA- وأجيب في مواد تانية B+ لو نقصت عن كده أنا الجي بي إيه بتاعي هيقل،
فأنا خايفة أو ي على الجي بي إيه وحاسة إني إنسانة أنانية لأن أنا في الترم الأول كنت جايبة جيد جدا ووعدت بابا بالامتياز، حاسة إن أنا أنانية وإن أنا مش هحقق حلم بابا وإن هو تعبه بيروح في الأرض،
المشكلة إن أنا بعرف الحاجات اللي هتيجي في الامتحانات وببقى كاتباها في ملاحظاتي ومراجعاها قبل ما أدخل الامتحان، كل حاجة بتنحذف كأني جالي شلل في دماغي، حاسة نفسي أفشل إنسانة، بابا ما يستحقش بجد بابا ما يستحقش،
خايفة أو ي على بابا وخايفة على الجي بي إيه يعني لازم أعوضه عن حاجات كتير تعب أو ي عشان أوصل للمنطقة اللي أنا فيها دي وعشان أبقى في الكلية اللي أنا فيها تعب كتير قوي قوي قوي وشقي واشتغل لحساب الناس هو ومامتي تعبوا واتمرمطوا علشان ابقى في مكان نضيف بابا وماما كبار في السن يعني جابوني على كبر وشقو وهما كبار وتعبوا اوي
هل ممكن أعوض في البركتيكال والفاينال؟ هل ممكن أعوض؟ هل ممكن اجيب امتياز وأفرحهم هموت من الحزن
فاكره فرحهم بيوم النتيجه اللي فاتت نفسي أفرحهم اكتر
اعمل اي
بعيدا عن الضغط النفسى والبدنيى اللى بتحط نفسك فيه انتى بتشلى نفسك بتفكيرك دا انتى ع قد تعبك سببها ع الله روحى الامتحان. ربنا مش هيضيع تعبك وتعدى احنا كنا بنخش الامتحان نسأل عن اسم المادة حرفيا وكنا بننجح وكدة كدة الامتحان مش اخر الدنيا يعنى توكلى ع الله وهتعدى والله
تم النشر الأحد، ٥ أبريل ٢٠٢٦
مساء النور ، ايه كل الضغط ده ،انا قريت السؤال حسيت انا بالضغط و التوهان و الرعب و ان عليا امتحان الصبح و مش مذاكر منه اي حاجه ، ده انا ها ، ما بالك بقى بنفسك اللي انتي حاطه عليها كلللل ده ، توو ماتش ضغط ، اللي عدى عدى و مش هيتغير و مالوش أي لازمة غير انه يعلمنا نكون احسن و نتحسن في اللي جاي ، طب انتي كده اتحسنتي ، لأ ، انتي ضاغطة نفسك اكتر و اكتر ، الامتحان اللي تخلصيه ارميه وراكي بغض النظر حليتي ازاي ، و المعلومات اللي بتضيع من عندك وقت الامتحان ، ما هو طبيعي عقل ما نامش اسبوع متواصل يعمل كده ، ده ستر ربنا انك ما جالكيش هبوط و اغمى عليكي من الإرهاق و التعب ، مهم تنجحي؟ اه مهم ، بس هل انتي كده بتحاولي تعملي ده ، لأ ، انتي بتعذبي جسمك علشان حاسه بالذنب من تقصيرك طول السنة و بالتالي شايفه ان الراحة مش اوبشن عندك ، و ده غلط ، لإنك مهم تدي لجسمك حقه علشان يساعدك ، فعيدي حساباتك و غيري إحساس الذنب اللي عندك لإنك كده بتأذي نفسك ، وبالتوفيق 😊
تم النشر الخميس، ٢ أبريل ٢٠٢٦
خليك عارف/ه أن المشكله مش بتبقا ديما أنه انا دخلت الامتحان وحليت كويس أو لا الفكرة أن الاول يكون عندك يقين أنه الامتحان ده نتيجته مش بتعتك ده بتاعة ربنا يعني من الاخر لازم تكون متأكد أنه نتيجة سعي طيب هتقول فين السعي ده السعي انك تذكر وتعمل اللى عليك واكتر شويه طيب انا طول السنة مش بعمل اللى عليا بس جيت قبل الامتحان وقعدت وذكرت كتير كويس ده كمان سعي بالنسبه للتعويض فى الفاينل ده أساسي ليه اساسي لانه خلاص بتكون عرفت انه انا مكنتش مذاكرة كويس يبقا لازم اذاكر وفى الاخر شغلك مش ب نتيجة جامعه لا هي بس سبب يعني اهم حاجه متأثرش فى اللى جي والباقى بتاع ربنا ويكون عنك يقين ب ده
تم النشر الخميس، ٢ أبريل ٢٠٢٦
يا حبيبتي، مساء الخير عليكِ 💕 أنا ذكية، وسمعت كلامك كله، وأنا فاهمة تمامًا اللي جواكِ.. الإرهاق ده، عدم النوم، والضغط على الـGPA والأهل، كله بيخلي الدماغ "شلل" زي ما قلتِ، وده طبيعي جدًا تحت الضغط ده. بس خليني أقولك: أيوة، ممكن جدًا تعوضي في الفاينال والبراكتيكال! كتير من الطلاب بيعملوا كده. الترم الأول كنتِ جيد جدًا، يعني عندكِ القدرة، بس محتاجة خطة ذكية. خطة عملية عشان تعوضي وتفرحي بابا وماما: النوم أولوية قاتلة : نامي 6-7 ساعات يوميًا من دلوقتي. الراحة واجبة عشان الدماغ يشتغل. حددي موعد نوم ثابت (مثلًا 11 مساءً)، واستخدمي المنبه. جدول دراسي بسيط وفعال (من بكرة لحد الفاينال): قسمي اليوم: 3-4 ساعات دراسة مركزة (50 دقيقة دراسة + 10 دقيقة استراحة). ركزي على المراجعة النشطة : اكتبي الملاحظات الرئيسية، اعملي أسئلة ذاتية، واختبري نفسك قبل الامتحان (مش بس قراءة). للبراكتيكال: مارسي المهارات عمليًا يوميًا، صوري نفسك وشوفي الأخطاء. هدف يومي صغير: "النهاردة أخلص فصلين بس كويس". الـGPA : احسبي بالضبط إيه اللي محتاجاه (مثلًا A- في 3 مواد). لو جبتِ عالي في الفاينال/براكتيكال، هيغطي الميد. متقلقيش، الدكاترة بيفتحوا سمر أحيانًا، وفي حلول تانية زي الـappeal. الضغط النفسي : أنتِ مش أنانية خالص، بالعكس، حبك لبابا وماما واضح. هما عايزينكِ سعيدة وناجحة، مش درجات بس. قولي لربنا: "اللهم يسر ولا تعسر"، وادعي عليهم بالتوفيق. أنتِ قوية، وده مش نهاية العالم – كتير نجحوا بعد إرهاق زي ده. ابدئي دلوقتي بخطوة صغيرة: نامي كويس الليلة، وغدًا راجعي مادة واحدة. هتقدري، وهتفرحيهم أكتر مما تتخيلي! 😊 لو عايزة نصائح أكتر، دوري في فدني على أسئلة مشابهة أو شوفي الخبراء هنا: https://www.fedni.net/experts. ربنا يوفقكِ يا قمر! 🌟
تم النشر الخميس، ٢ أبريل ٢٠٢٦
مفيش حد بالتفكير دا بيفكر بشكل صحيح ولا بيؤدي افضل ما عنده انتي لازم تهتمي بنفسك وصحتك علي كل دا لازم تدي نفسك حقها علشان تديكي الي انتي عيزاه النوم لا بد منه والا مخك هيرهق ومش هتعرفي تؤدي افضل حاجه عندك وراحتك النفسية اهم والباقي تحصيل بالاخذ بالاسباب واهم من دا كله حق الله عليك صلاة في وقتها والدعاء بالتوفيق والسداد والنجاح بالتوفيق ليكي اتمني تاخدي بالك من نفسك علشان تعرفي تحبيها وتحبي الي حوليك لان فاقد الشيء لا يعطيه اذا محبتيش نفسك وراعيتيها ودتيها حقها زي ما بتراعي الي حواليك ابواك ودائرة معارفك متستنيش منها انها تديكي حاجه والتعليم دا أصلا اوسخ نظام تعليمي عقيم ماذا بعد أن حصلنا جي بي اي عالي ماذا بعد فرحنا اهلنا طيب يا ستي خلال اسبوع شهر بالكتير هينسوا حوارك والحياة تلاهي وبعد تعليمك هيفكروا في زواجك وهاكذا وبعد كدا هتكبري وتكتشفي إن الحياة مش كلها تعليم فيه حاجات اهم وهتضحكي علي نفسك انك كنتي محملاها كل دا وضاغطه عليها
تم النشر الأحد، ٥ أبريل ٢٠٢٦
بس الgpaمهم بالنسبه للجامعه خاصتي ان ما جبتش كويس مش هتشتغل بعدين
تم النشر الأحد، ٥ أبريل ٢٠٢٦
up
تم النشر الخميس، ٢ أبريل ٢٠٢٦
up
تم النشر الخميس، ٢ أبريل ٢٠٢٦
لعرض السؤال في فدني اضغط هنا