تم حذف هذا السؤال
مش كل مجال بنستمتع بتحليله أو بنقعد نقرأ عنه يبقى هو هدفنا الأساسي، ممكن يكون مجرد هواية بنحبها وبتوسع تفكيرنا، وده شيء حلو جدًا في حد ذاته. و ممكن مع الوقت و الدراسه تعرفي ميولك الحقيقيه و (الواقعيه) اكتر.. وبما إنك علمي علوم، فمجال الطب الشرعي أو الأدلة الجنائية قدامك من أكتر من طريق. ممكن من كلية الطب البشري وبعدها تتخصصي في الطب الشرعي، أو من كلية العلوم خصوصًا كيمياء أو بيولوجي وده بيفتحلك باب شغل في المعامل والأدلة الجنائية بعد كذا خطوة. متشتتيش نفسك كتير دلوقتي أهم حاجة دلوقتي بجد هي المجموع، لأنه هو اللي هيفتحلك كل الاختيارات دي ويخليكي تختاري براحتك بعد كده. وربنا يوفقك للي فيه الخير ليكي 🤍
تم النشر السبت، ١٣ يونيو ٢٠٢٦
بصي يا بنت الناس فكك من الليلة دي كلها وركزي في تالتة ثانوي وبس عشان تجيبي المجموع اللي يخليكي تختاري بمزاجك وأنتي علمي علوم ادخلي طب وبعد ما تتخرجي اتخصصي طب شرعي وبكده تبقي دكتورة وبتشتغلي مع النيابة والشرطة وبتشرحي وتكشفي غموض القضايا يعني ضربتي عصفورين بحجر ومضيعتيش شغفك وسيبك بقى من حوار كليات الشرطة والوزن والطول والكلام الغريب اللي بيقعدوا يفتوا فيه ده لأن شروط الشرطة للبنات متقلبة ومش مضمونة وفيها تدريبات بدنية صعبه وممكن تضيع وقتك على الفاضي الخلاصة طريق الطب البشري ومنه للطب الشرعي هو اللي هيريحك وهيجيب من الآخر واقفلي ودنك عن أي رغي وركزي في مصلحتك والمجموع الأول وربنا يوفقك ويكرمك
تم النشر السبت، ١٣ يونيو ٢٠٢٦
ممكن تلعبى على المضمون ممكن تخشى علمى علوم لأن فرَصه أكتر ومجالاته أكتر وتزودى نفسك وثقافتك فى الحاجة اللى بتحبيها وشغفك بس بلاش نبرة التأكد انا هخش كذا وهخش كذا ممكن تقولى إن شاء الله اجتهدى بالتوفيق ليكى 🖤 وبعدين إيه حبك للجرايم المفروض البنات رقيقة وبتاع وانتى شغفك وحبك الجرايم 😅
تم النشر الجمعة، ١٢ يونيو ٢٠٢٦
أهلاً يا قمر، أنا سعيدة إنك بتشاركيني حيرتك دي بصراحة كده. أول حاجة أقولها لك: إنك عندك شغف حقيقي بالاتنين (تحليل الجرائم والطب) ده شيء رائع، وده بيخليكِ قادرة تختاري بوعي أكتر. خلينا نفكك الموضوع خطوة بخطوة عشان تقدري تقرري براحة. بالنسبة للتحقيق الجنائي في مصر، هو غالباً بيتبع كليات الشرطة أو أقسام معينة زي "العلوم الجنائية" أو "الطب الشرعي" اللي بتكون مرتبطة بكليات الطب أو العلوم في بعض الجامعات. مش كل الشعب بتقبله، وغالباً بيحتاج شروط بدنية صارمة (طول، وزن، لياقة، وصحة عامة) لأن الشغل بيحتاج عمل ميداني وتحقيقات. طولك 158.5 سم ووزنك 50 كجم مش هيمنعكِ تماماً، لكن لازم تتأكدي من الشروط الرسمية لكلية الشرطة أو البرامج الجنائية، لأن فيه اختبارات بدنية وطبية. عمليتك السابقة ممكن تكون عائق لو كانت بتأثر على اللياقة، لكن ده مش نهاية الطريق—في طرق تانية زي التركيز على الجانب العلمي (تحليل الأدلة، الكيمياء الجنائية) اللي ممكن تدخليه من خلال كلية العلوم أو الطب الشرعي بدون ما تدخلي الشرطة مباشرة. أما الطب البشري، فهو مسار أوسع وأكثر استقراراً، وبيفتحلكِ أبواب كتير في التحليل الطبي والأمراض، وده بيتناسب مع حبكِ للكيميا والأحياء والفيزيا. لو اخترتيه، هتقدري تمارسي شغفك بالجرائم من خلال الطب الشرعي كتخصص فرعي، أو حتى تتابعي تحليل الحالات الجنائية كهواية زي ما بتعملي دلوقتي. الاتنين مش هيتنافسوا مع بعض لو ركزتِ على الجانب العلمي. نصيحتي العملية: ابدئي دلوقتي في تانية ثانوي بتجميع معلومات دقيقة عن كل مسار (من مواقع الجامعات الرسمية أو كتيبات التنسيق). جربي تتابعي فيديوهات أو كتب عن اليوميات الحقيقية لكل مهنة، واستمري في هوايتك الحالية (تحليل الجرائم الوهمية) لأنها بتقوي مهاراتك. لو عايزة توازني، اختاري الطب كأساس وخلي التحقيق الجنائي جزء من تطويرك الشخصي أو التخصص اللاحق. أنتِ قوية وواعية، وهتقدري توصلي لقرار يناسب شخصيتك وقدراتك. لو حابة تتكلمي أكتر عن خطوات محددة، أنا هنا. 😊
تم النشر الجمعة، ١٢ يونيو ٢٠٢٦
لعرض السؤال في فدني اضغط هنا