أنا واحد للأسف اتلم مع اصدقاء السوء في اعدادي واتعلمت منهم حاجات غلط في غلط ووصلوني لدرجة اني بقيت اتفرج على الاباحية وعمل العادة السرية وحالياً كل واحد راح في حاله لكن المشكلة مش في كده
المشكلة اني بقالي اكتر من 6 سنين بحاول ابطل القرف ده بس مش عارف وتعبت من الموضوع ده ووصلت لدرجة اني غلطت مع بنت عمي الصغيره وللأسف اختها الكبيره واللي هي اصغر مني بجاولي سنتين شافتني بس انا مخدتش بالي منها
وانا دلوقتي بطلت ان اعمل كده بس معاملة بنت عمي الكبيرة ليا بقت وحشه ومكنتش اعرف ليه هي بتعاملني كده وجيت اتصدمت لما لقيتها من حوالي شهرين عارفه وقالتلي هي ليه كانت بتعاملني كده ليه بس هي زي ما هي متغيرتش وحتى انا بقيت كل ما بشوف معاملتها معايا بقيت بكره نفسي اوي بس بقول انا تبت عن كده ومش فاضل غير مشاهدة القرف ده اني ابطلها بس هي برده مش عاوزه تفهم اني كنت بعمل ده غصب عني ومكنتش اعرف انه حرام وبطلت وبحاول اني ابطل القرف اللي بسمعه بس عاوزها هي تكلمني كويس ويمكن ده اللي يخليني ابطل القرف ده وابقى انسان كويس
انا بصلي الحمد لله وبدعي ربنا اني ابطل
بس انا عاوز بنت عمي الكبيرة تسامحني وتبطل انها تشوفني بالمنظر ده بس مش عارف اعمل ايه؟
السلام عليكم ورحمة الله وبركاته انا شفت سلسلة هتفيدك جدا وهتفهمك انت ادمنت ليه الادمان هو مرض طبيعي وبيتعالج انت بتهرب من حاجة لحاجة تغيب عقلك وتخلق لنفسك فرص مختلفة https://youtu.be/2Nitt088xgU?si=ekPvupa4wSMi6B5b
تم النشر الخميس، ٢٧ نوفمبر ٢٠٢٥
اذهب لمختص في المجال كلم صفحة وعي تساعدك في الجزء اسمع فيديوهات مش عيب انك تروح تكشف علاج سلوكي عند دكتور نفسي مش دكتورة لعدم الاختلاط وانك تتكلم براحتك وانت جاهد نفسك وكمان أهِل نفسك انك تكون زوج صالح اتأهل وتزوج بس اتكلم مع قريبتك والمهم تراعي أن ميكنش في مكان وسط العائلة ممكن تتفق معاها عن مكان ووتقابل وتوضح وجهه نظرك اسمع بودكاست وعي عن الإباحية الحلقة دي مهمة جدا واسمع لدكتور عبد الرحمن ذاكر الهاشمي في الجزئية دي لانه دكتور وابحث عن الدكتورة هبة قطب كانت بتكلم عن الموضوع دا ومختصة فيه واسال الله التواب أن يمن عليك بالتوبة النصوحة التي لا ترد بعدها أبدا وخليك عارف ومتقبل عيوبك وذنوبك وإنك بشر وغلطت بس الغلط الأكبر انك تستمر ف الغلط وتقول بشر وانسان لا لما الشيطان يوسوس لك ويقولك انت منافق ازاي تصلي وتعمل الطاعات والخ قول جملة واحدة بصوت عالي انت مالك مش انت اللي هتحاسبني ربنا هو اللي عارف اللي هيحاسبني متسمعش ليه وجاهد وادعي باسم الله الحسني واسمعها وطبقها في حياتك وبدل صحبتك السيئة بصحبة صالحة
تم النشر الأربعاء، ٢٦ نوفمبر ٢٠٢٥
السلام عليكم، أنا عارفة الموضوع صعب قد إيه بس جايز اللي حصل مع بنت عمك هو الصفعة اللي كنت محتاجها والتنبيه اللي ربنا بعته لك عشان تراجع نفسك وتصحح مسارك. كان ممكن تصرفها يبقى غير كده وتقول للأهل وتعمل لك فضيحة وتبقى مشكلتك أكبر، وأيًا كان أسباب رد فعلها فأرجو إنك تستغل الفرصة دي فعلا في إنك تصحح كل الغلط اللي في حياتك. البنت الصغيرة لا تستبعد إن الموضوع يترك أثر عليها فحاول تاخد رأي أخصائي في النقطة دي. ** بنت عمك الكبيرة، اعتذر لها مرة كمان وقل لها إنك تبت وبتحاول تتعافى وبعد كده ركز على علاجك، متخليش تركيزك إنك تحصل على رضاها وخليك متفهم رد فعلها الطبيعي وتكون مستعد إنها حتى ممكن متغيرش رأيها أبدًا فاللي يهمك حقيقي هو ربنا. ركز إنك تتغير عشان ربنا يرضى عنك وربنا في النهاية هو مالك القلوب فقادر يغير نظرتها بعدين لكن متخليش ده الدافع. **** نقطة كمان، كويس إنك حاسس بالذنب والقرف تجاه الإباحية لكن بلاش تغرق في إحساس القرف تجاه النفس والدونية عشان ده مدخل كبير للشيطان عشان يخليك تيأس وتقول في الآخر ما هي كده كده خربانة ويخليك تكمل في نفس الطريق اللي هيدمرك. فحس بالذنب وارجع لربنا لكن متخليش الشيطان يوهمك إن مفيش فائدة. **** بالنسبة لإدمان الإباحية، فاللي حصل معك هو النتيجة المتوقعة من غسيل المخ اللي بيحصل لمُشاهد الإباحية واللي بيفضل ينحدر به لحد ما يلغي خالص قدسية المحارم ويخرجه برا حدود الإنسانية. ** التعافي مش مستحيل لكن هيحتاج أكيد منك وقت وجهاد وصبر فخلي أمام عينيك قول الله سبحانه وتعالى (والذين جاهدوا فينا لنهدينهم سبلنا) جدد نيتك واستعن بالله وربنا أبدًا مش هيرد شخص بيحاول يستقيم. *** الإدمان ده برمجة لعقلك على مدار سنين فهتحتاج برمجة معاكسة للأفكار والصور اللي تشبعت بها، حاول كل يوم تكتب الأسباب اللي تلزمك تستمر في الجهاد ضد الإباحية. زي مثلا، إنك مش عاوز تنحدر من الإنسانية للبهيمية. إنك لو استمريت فهتكرر أذية محارمك وحتى نظرتك لهم مع الوقت هتفقد حرمتها ولا قدر الله ممكن تنحدر لأسوأ من ده. إنك مش عاوز تشارك في صناعة حقيرة بسببها بيتم خطف ناس وأطفال من الجنسين وإجبارهم على ده. فكر نفسك كل ما الشيطان يوسوس لك تفتح فيديو إن ممكن قوي حد من الناس دي اتخطف وتأذى بأبشع الطرق وما زال بيعاني وأنت للأسف مشاركهم في الجريمة. ممكن تقعد تعد من هنا للصبح في أسباب وتكررها على نفسك كل يوم لحد ما تتبرمج في عقلك وتشعرك بالاشمئزاز كل مرة هتفكر فيها تفتح فيديو. **** أرشح لك تشوف سلسلة عن إدمان الإباحية والتعافي منها (من 3 فيديوهات ممتازة) على قناة وليد طه أرجو إنها تضعك على أول طريق التعافي بجد، هتلاقي روابط الفيديوهات في إجابتي على السؤال ده https://www.fedni.net/q/68630438/كيف-أتخلص-للأبد-من-إدمان-الإباحية?answer=671421421cd0130b145b8aa9 طولت في إجابتي بس حبيت أنبهك لكم نقطة وإن شاء الله أكون أفدتك. ربنا يقويك ويساعدك على التعافي إن شاء الله.
تم النشر الأربعاء، ٢٦ نوفمبر ٢٠٢٥
أخي الكريم — شكراً لشجاعتك إنك شاركت بصراحة، وصدقني الخطوة دي بداية مهمة للتغيير. أنا ذكية وهساعدك بشكل عملي ورحيم. أولاً: كلام مهم من ناحية دينية وأخلاقية - لو حصل فعل مؤذي لشخص آخر — خصوصاً لو كانت البنت قاصرة أو حصل شيء بدون رضاها — فده أمر خطير ويحتاج تدارك فعلي بجديه. التوبة في الإسلام حقيقة تبدأ بالندم وترك الذنب، لكن إذا كان في ظل أذى لغيرك فالتوبة تتطلب أيضاً محاولة إصلاح الضرر قدر الإمكان (وكيفية ذلك تختلف باختلاف الحالة) واستشارة أهل العلم والجهات المختصة إذا لزم الأمر. - التوبة الصحيحة: الندم على ما فات، الإقلاع الفوري عن الفعل، والعزم الصادق ألا تعود، والعمل على تعويض ما يمكن تعويضه. ثانياً: خطوات عملية للتوقف والوقاية من الانتكاس 1. قطع المصادر: احذف كل المحتوى والروابط، وركب برامج حجب (parental controls / blockers) على الموبايل والكمبيوتر، وغير روتين استخدام الأجهزة (مثلاً خليك برا الجيّات الليلية مع الشاشة). 2. غير الصحبة والبيئة: ابتعد عن أصدقاء السوء ومواقعهم والمواقف اللي كنت تتعرض فيها للمغريات. 3. ملأ وقتك: حط لنفسك جدول يومي بالعبادة، الدراسة أو الشغل، الرياضة، ومهارة جديدة — الانشغال المفيد يقلل الإغراء. 4. روتين ديني عملي: الصلوات في وقتها، الإكثار من الاستغفار، قراءة آيات أو أدعية تذكّرك بخطتك. النية الحقيقية مهمة. 5. خطط لمرحلة بالمرحلة: ابدأ بهدف بسيط (مثلاً يوم واحد، ثم ثلاثة ثم أسبوع) وكافئ نفسك على التقدم. 6. سلوكيات عند الشعور بالرغبة: اخرج من المكان، اشغل نفسك بعمل بدني، اكتب شعورك بدون تصفية، اشغل عقلك بمهمة صعبة لمدة 15-30 دقيقة. 7. التزام طبي/نفسي: إذا السلوك إدماني وصعب السيطرة عليه بعد محاولاتك، اطلب مساعدة اختصاصي نفسي لعلاج الاعتماد الجنسي والسلوك القهري. ثالثاً: كيف تتعامل مع بنت عمك الكبيرة - لا تضغط عليها ولا تطالبها بالاعتذار أو التصديق فوراً. السماح يحتاج وقت وثقة تُستعاد بالأفعال وليس بالكلام فقط. - لو تقدر وتعرف الطريقة الآمنة والمناسبة لتقديم اعتذار صادق — بكلام بسيط وواضح، دون مبررات — مع تحمل مسؤولية خطأك وبدون محاولة تبريره، فده ممكن يساعد. أمثلة: "أخطأت وأندم جداً، لو قبلتي اعتذاري أكون ممنون، ولو مش قادرة فحقك عليا أني أحترم مساحتك." — لكن لاتجبرها على لقاء أو نقاش إن هي مش عاوزة. - إن كانت الحالة تشمل أذى لطفل أو قاصر، فالأصح التعامل بحذر شديد وإشراك من له صلاحية لحماية الضحية (ولي الأمر أو جهة مسئولة) — استشر مختص ديني/قانوني عبر Fedni أو محامي/مستشار موثوق. رابعاً: اطلب مساعدة مختصة - بما أن الموضوع حساس وفيه أبعاد نفسية ودينية وقانونية محتملة، أنصح بشدة تستشير: - عالم دين موثوق أو إمام صبور لتوجيه ديني عملي حول التوبة والإصلاح، - أخصائي نفساني لعلاج الإدمان الجنسي وإدارة الضغوط والندم. - يمكنك البحث عن مختصين في صفحة الخبراء على Fedni ( https://www.fedni.net/experts ) وفتح استشارة خاصة. لو تحب أقدر أقدملك مساعدة في اختيار نوع الاستشارة أو كتابة رسالة اعتذار مناسبة. خامساً: كلام أخير مرحب وداعم - أنت لست النهاية. الندم والعمل الحقيقي يغير الناس. كن صادقاً مع ربك ومع نفسك واعرف أن التغيير يحتاج وقت ومثابرة. ابقَ قويًّا، وانو التغيير خطوة بخطوة — وأنا معاك.
تم النشر الأربعاء، ٢٦ نوفمبر ٢٠٢٥
عليك ب قيام الليل والدعاء فى السجود وادعى قبل الفجر بالذات فى الوقت دة استشعر الدعاء وإن ربنا سامعك وفرغ مشاعرك الحقيقيه على السجادة وكلم حبيبك الله سبحانه وتعالى يسامحك ويغفر لك وينسى اى حد عملت معاه موقف وحش ويثبتك على طاعته ويقربك منة ويحبب فيك خلقة ويسترك متنساش اذكارك
تم النشر الأربعاء، ٢٦ نوفمبر ٢٠٢٥
يا رب
تم النشر الأربعاء، ٢٦ نوفمبر ٢٠٢٥
اعمل كل الي تقدر عليه لحد مربنا يهديها وتعرف تسامحك وتتحترمك تاني وربنا يهديك
تم النشر الأربعاء، ٢٦ نوفمبر ٢٠٢٥
بحاول والله
تم النشر الأربعاء، ٢٦ نوفمبر ٢٠٢٥
شكرا على نصيحتك وهبدأ ده من انهارده بإذن الله اسألك بالدعاء لي بالهداية والتوبة
تم النشر الأربعاء، ٢٦ نوفمبر ٢٠٢٥
حاول تتكلم معاها بكل مصدقيه وفهمها حالتك عشان متفضلش كده ضميرك مأنبك وهي زعلانه منك وواخده فكره م كويسه
تم النشر الأربعاء، ٢٦ نوفمبر ٢٠٢٥
لعرض السؤال في فدني اضغط هنا