السلام عليكم
انا راحه تالته كليه ومبحبش الكليه دي بس الحمدلله جبت تقدير اهلي دلوقتي بيقولوا انتي فاشله عشان مرتبتش عالدفعه لانهم بيقولوا سهل عشان جبت تقدير
دايما في مقارنات بيني وبين البنات التانيه انا مبطلعش من بيتي بيقولوا انتي معقده ودايما يقولوا مفيش حاجه نافعه فيها انا بدأت محسش دلوقتي بفضل فاوضتي مبطلعش مبتكلمش مع حد حتى صحابي منتكلمش الا فين وفين حاولت اتعلم الماني ومكمله فيه بس برضو معرفش انا عاوزه ايه دايما مشتته
دلوقتي كمان جالي تلعثم وبقيت لما اتكلم يكون في تريقه عليا وبخاف اتعامل مع الناس
دلوقتي الحمد لله رجعت احفظ قرآن واسمع بودكاستات في الدين والتعامل وكدا بس برضو معرفش انا جايه الدنيا ليه اعمل ايه
ما تستسلميش ما تبعديش وتفصلي نفسك افتحي باب الاوضه واقعدي معاهم اتكلمي معاهم مش لازم تتكلمي اتفرجي على التلفزيون يحس بوجودك افرضي نفسك عليهم وعلى المجتمع وعلى الناس اللي حواليكي ولو حاسه ان انت تعبانه نفسيا روحي استشيري دكتور نفسي هيحاول يعالجك من حته التلعثم دي التلعثم دي حاله نفسيه طبعا لو واستسلامك بس انت مش انسانه فاشله انت مش انسانه ضعيفه حتى لو عندك او حصل لك تلعثم ده مش خطا ولا عيب داوت انت نفسيا مضطربه شويه من الجو اللي انت عايشه فيه والناس اللي حواليكي بس الغلط اللي انت عملتيه الوحيد انك استسلمتي للناس استسلمتي لكلامهم واتفضلتي انك تعيشي في وحده وتبعدي عن المقربين ليكي ما فيش حاجه اسمها كده ما لكيش دعوه بكلام الناس خليكي فخوره بنفسك ارفعي راسك لفوق دائما قولي لنفسك انت مش قليله انت كويسه ما فيش حد احسن منك وامني ان كل واحد فينا بيبقى فيه عيوب وفي مزايا مش معنى ان عندك عيوب او اخطاء تدي فرصه للي قدامك انه يمسكها عليك اقفي وارفعي راسك انا غلطت يعني انا عندي عيوب يعني الصح ان انا اصلح من عيوبي او اصحح اخطائي بس انا كويسه في كذا وتناقشي وحاوري وجادلي.طبعا الله يكون في عونك ويقويكي.
تم النشر الاثنين، ٤ أغسطس ٢٠٢٥
خلي عندك ثقه ف نفسك وارمي كلام اهلك ورا ضهرك وخديهم ع قد عقلهم وقولي حاضر وكدا.....واخرجي اتفسحي وشمي هوا وهاتي لنفسك حاجات بتحبيها... وذاكري واجتهدي علشان تنجحي ف الكليه اللي انتي فيها وقربي من ربنا اكتر وادعي بأي حاجة انتي عايزاها وان شاء الله خير. ربنا يصلح حالك ويرضيكي ويرضي عنك وييسرلك امورك ءامين يارب💚
تم النشر الخميس، ٣١ يوليو ٢٠٢٥
ربنا يعينك ويقويك يا حبيبتي، واضح إنك إنسانة طيبة وبتحاولي تلاقي طريقك رغم كل التعب والضغط اللي حواليكي، وده في حد ذاته قوة مش ضعف. إنك رجعتي لربنا وبدأتي تحفظي قرآن وتسمعي حاجات مفيدة، ده أكبر دليل إنك مش فاشلة، بالعكس دي بداية الصح. الناس اللي بتحكم من بره ميعرفوش اللي جواكي، ولا حجم اللي عديتي بيه. متخليش كلامهم يكسر فيكي، أنتِ مش مطالبة ترضي حد، كل اللي عليك ترضي ربنا وتطوري من نفسك واحدة واحدة. اعملي اللي بتحبيه واللي نفسك فيه، مش لازم تقارني نفسك بحد، لأن كل حد ليه ظروفه وطريقه. ابني نفسك في هدوء، خدي كورسات بسيطة، اقري، اشتغلي على مهاراتك، خدي بالك من صحتك النفسية. واللي بيحاول يتريق أو يقلل منك، ده بيكون عنده نقص جواه. خليكي دايمًا فاكرة: "إن الله لا يضيع أجر من أحسن عملًا".
تم النشر الاثنين، ٢٨ يوليو ٢٠٢٥
جمدي قلبك وعيشي ...اتلعثمي براحتك بس المهم انك تسمعي بودكاست اكتر وتقرأي اكتر وتشوفي ناس بتتكلم عشان تتعلمي منها.... الحمد لله ان تقديرك حلو وكملي ف كده لانه مش لازم نعمل المستحيل بس لو تقدري تضغطي نفسك اكتر اعملي كده لو مقدرتيش خللص انتي بتعملي استطاعتك... وكلنا بندعيلك
تم النشر الاثنين، ٢٨ يوليو ٢٠٢٥
وعليكم السلام ورحمة الله وبركاته، عزيزتي، أولاً أريد أن أقول لكِ إن ما تمرّين به ليس سهلاً أبداً، وأشعر بصدقِ الألم والضيق اللي في قلبك. من كلامك يظهر أنكِ تعانين من ضغوط نفسية كبيرة من الاهل، المقارنات، ومن شعورك بعدم القبول أو التقدير، وهذا يؤثر على نفسيتك بشكل عميق، وهذا سبب طبيعي للشعور بالتشتت أو حتى أعراض مثل التلعثم والخوف من التعامل مع الآخرين. خليني أساعدك بخطوات بسيطة يمكن تساعدك تبدأي تخططي لحياتك وتزدادي ثقة بنفسك تدريجيًا: افصلي بين نفسك وبين كلام الناس: كلام أهلك وجيرانك وأصحابك الحاليين متحددش قيمتك أو مستقبلك. الله سبحانه وتعالى خلقك ولهدفتك في هذه الدنيا، وكل إنسان له طريقته وطموحه الخاص، وليس الجميع يشبه بعضهم. اكتشفي ذاتك تدريجياً: حاولي تكتشفي إيه الحاجات اللي تحبيها أو تبسطك، حتى لو كانت صغيرة. مثلاً قراءة القرآن، الاستماع للبودكاستات اللي ذكرتِها، أو حتى تعلم لغة جديدة خطوة إيجابية. هذا كله يضيف لكِ توازن ويقويك. حددي أهداف صغيرة واقعية: ما تعمليش كل شيء مرة واحدة. حددي هدف يومي أو أسبوعي بسيط، زي مثلاً حفظ آية واحدة من القرآن أو التحدث مع شخص جديد بشكل بسيط. تقدمي بخطوات صغيرة. تجاوبي مع المخاوف بالتدرج: مش لازم تتكلمي مع الناس بسهولة في البداية، لكن ممكن تبدأي بجلسات قصيرة مع أشخاص تثقي فيهم. إذا قلت لك نفسك، ممكن تستشيري خبير نفسي لتساعدك بالخطوات المناسبة لتجاوز التلعثم والخوف. دعي لنفسك بالثبات والصبر: ادعي الله دائمًا يعينك ويثبت قلبك، وذكري نفسك بأنك لستِ وحدك في هذه الرحلة، وأن الله معك. أنا أنصحك تعملي خطوة أخرى مهمة وهي زيارة أحد الخبراء النفسيين أو مدربي الحياة المتخصصين في فدني على الرابط https://www.fedni.net/experts ، هم ممكن يساعدوك بشكل أعمق في فهم مشاعرك والتعامل معها بطريقة مدروسة ومهنية. وحتى ذلك الحين، لا تترددي في زيارتنا هنا إذا أردتي شاركي مشاعرك أو أي سؤال يطرح في بالك. تذكري دائماً، أن خطوة الاعتراف بالمشكلة ومحاولتك للتغيير هي بداية النجاح الحقيقي. أنا معاكِ ومؤمنة بقدرتك على التغلب على كل هذا، فقط اصبري وكوني حنينة على نفسك. هل تحبي نتكلم مع بعض أكتر عن أي نقطة معينة؟
تم النشر الاثنين، ٢٨ يوليو ٢٠٢٥
كلنا جيين ضيوف نبعبد ربنا عشان يدينا اغلا حاجه وهي الجنه وخليكي عارفه ان مهم حد اذكي بكلام او بفعل كل ده هتردله يوم القيامه ركزي ف صلاتك واتعملي عادي ف الحياه عشان صدقني مفيش حد احسن من حد اعملي اللي يرضي ربنا ثم يرضكي وخلي الناس اخر حاجه
تم النشر الاثنين، ٤ أغسطس ٢٠٢٥
رأي اهلك فيكي لا يمثلك ابدا .... ارميهم من ورا ضهرك سلكيلهم و خدهم ع قد عقلهم حاضر طيب متعليش صوتك حسسهم انك ابن مطيع و امشي في سكتك يا بطل .. كل الكليات حلوة و مجرد ما هتدخل و تتفوق فيها هتحس باحلي طعم طعم النجاح ... مبروك مقدما
تم النشر الأربعاء، ٣٠ يوليو ٢٠٢٥
التنمر ده يعكس نظرتهم لنفسهم بسبب أنهم ممكن عاشوا ظروف صعبة زمان .. فبيحسوا بالعار تجاه نفسهم فبشكل لا واعي مش عايزين يكونوا لوحدهم في السلبية عايزين حد معاهم فبيبدأوا يتنمروا .. بدليل انك لو قيمتي نفسك تقييم عادل هتلاقي انك متفوقة في دراستك وجايبة تقدير فمتستحقيش يقال لك انك فاشلة .. وحتى لو جبتي ترتيب على الدفعة هيدوروا على حاجة تانية يتنمروا عليها .. الخلاصة متستنيش منهم المدح ولكن حاولي تعملي هوايات وعادات صحية تزيد الصحة النفسية زي كتابة الافكار والرياضة
تم النشر الأربعاء، ٣٠ يوليو ٢٠٢٥
لعرض السؤال في فدني اضغط هنا