السلام عليكم ورحمة الله وبركاته 🤍
أنا طالبه في تانيه ثانوي عندي 16 سنه بكتب الكلام ده وأنا فعلًا محتاجة نصيحة منكم… يمكن حد مرّ بنفس التجربة أو يقدر يفيدني.
أنا نفسي ألبس النقاب، وده قرار جاي من جوايا وعن اقتناع تام، مش ضغط من حد.
بدأت واحدة واحدة أغيّر من نفسي: التزمت أكتر في صلاتي، حسّنت من أخلاقي، وغيّرت طريقة لبسي… لحد ما لبست الخمار، وبقالي فترة عليه.
وطول الفترة دي وأنا بحاول أقنع أهلي بالنقاب… لكن للأسف الرفض تام.
هم شايفين إن الزمن ده مليان فتن، وإن النقاب بقى مرتبط بصورة سيئة بسبب تصرفات بعض البنات، فبقى عندهم حكم عام إن كل اللي بيلبسوه كده… ورافضين الفكرة تمامًا.
حاولت أفهمهم إن في نماذج كويسة جدًا، وإن مش كل الناس زي بعض… لكن مفيش اقتناع.
جربت كل الطرق:
اتكلمت بهدوء
اخترت أوقات يكونوا فيها مرتاحين
حسّنت من نفسي قدامهم أكتر وأكتر
لكن في كل مرة الموضوع بينتهي برفض شديد… وأحيانًا بخناق وصوت عالي، وأوقات بشكل أصعب من كده لدرجة انه وصل للضرب.
حاولت أطلب مساعدة: كلمت شيخ واقنعت انه يجي عندنا في البيت علشان يقنعهم و ما اقتنعوش حتى بكلام الشيخ، وكلمت الأخصائية الاجتماعية في مدرستي، وكانت بتديني نصايح كثير وبرده ما كانتش بتنفع وحتى راحت لهم البيت واتكلمت معاهم… لكن برضه مفيش أي نتيجة.
أنا عملت كل اللي أقدر عليه:
لبسي بقى واسع ومحتشم، بخبي كل حاجة، التزمت أكتر، وبحاول أرضي ربنا وأرضيهم…
اتغيرت جدا عن شخصيتي الاولانيه بعد ما كنت بلبس لبس على الموضه وبحط ميك اب وبسيب شعري بقيت محجبه وغيرت اسلوبي طريقه كلامي وصوتي يبقى هادي وانا بتكلم حرفيا اتغيرت جداً
لكن هم لسه رافضين الفكرة تمامًا.
دلوقتي أنا محتارة جدًا…
في ناس نصحتني إني أحطهم قدام الأمر الواقع وألبس النقاب غصب عنهم، لكن أنا خايفة جدًا من العواقب، لأني عارفة إن ممكن يحصل:
ضرب
إهانة
منع من الخروج أو الدراسة
تضييق شديد عليّ
وكمان أنا مش عايزة أخسر أهلي، ولا أوصل لمرحلة عقوق أو عصيان ليهم.
لما قلت لهم كده اتقال لي: "لا طاعة لمخلوق في معصية الخالق"، تمام… لكن دول أبويا وأمي، وربنا وصانا ببرّهم، وأنا مش قادرة أتجاوز ده
انا بجد يئست اعمل ايه ولا اتصرف ازاي و انا لسه على قراري و مش هغيروا أبداً أبداً @Psy-a'laa M. Abdulhamid
عليكم السلام ورحمة الله وبركاته هوني عليك يا جميلة قولي لنفسك دائما: يأت به الله تأكدي ان ربنا اللي يسر لك طريق الهداية والالتزام زي إنك وسعتي لبسم واختمرتي هييسر لك ارتداء النقاب في وقته المناسب بطريقة تبهرك وتستغربي منها بس قوليلي عايزة تنتقبي ليه؟
تم النشر الاثنين، ٢٣ مارس ٢٠٢٦
عملت كدا جبت نقاب و طول ما انا في البيت بلبسه بس الوقت اللي بابا بيوصل فيه البيت بضطر ان انا اقلعه علشان هو مش بيستحمل يشوفني لابساه ابدا
تم النشر السبت، ٤ أبريل ٢٠٢٦
قرار كويس جدا ربنا يثبتك
تم النشر الاثنين، ٢٣ مارس ٢٠٢٦
بجد ربنا يهديهم عليكي وبدعي ربنا اختي يكون عندها نفس فكرك بس في معلومه مغلوطه حاب اصححها وان اه متفق البر بالوالدين واجب ديني بس فالمعروف فقال الله تعالى: ("وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا (23)") الإسراء / ولاكن لو غاصبينك عل معصية فهنا لا تقدري متسمعيش لكلامهم فقال الله تعالى : ("وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ (15)") لقمان / مع العلم مش القصد انك تحطيهم في الامر الواقع على طول لا الموضوع وحده وحده اعذريني معنديش حل قطعي ولكن في علم النفس تكرار الشيء على شخص هخلي يعتاد عليه ... فممكن تجربي تلبسي النقاب في البيت عل اساس انك بتجربي بس وبعدها تقلعيه .. متقعديش به في البيت! فقط كأنك بتقيسي هدوم وبتشوفي شكلك فيه... وخليكي عل نفسك فكرتك حتي لو منفذتيهاش اليوم فبكرا هيكون ليكي الحريه الكامله في تنفيذها... وصدقيني في عالم الفتن حاليا مليون واحد بيدور عل بنت حلال متستره ترفع راسه فكوني مثال المسلمه الناجحه في الدنيا والدين ابتغاء وجه الله... الله يثبتك ويثبتنا
تم النشر الأحد، ٢٩ مارس ٢٠٢٦
لعرض السؤال في فدني اضغط هنا