أنا بقالي فترة مش حاسة إن أنا كويسة
حاسه بكسل و تعب طول الوقت و زهقانة من كل حاجة و زعلانة و مبقتش أقدر أعمل حاجة بقالي فترة مش بذاكر و بقيت مش عايزة أروح مدرسة أو دروس و بغيب منهم، دائمًا أقعد لوحدي و أحب كده و لما بقعد مع أهلي بندم بجد عندي مشاكل نفسية كثير بسببهم
السؤال اعمل ايه ؟ لو فعلًا اكتئاب عايزة أرجع زي ما كنت ...
اول حاجه بسبب الحمول والتعب والارهاق حاولي تكشفيه وتاخذي فيتاميناتك وتشوفي الدكتور هيشخصك ايه وتحاولي تنتظمي على علاجك الحاجه الثانيه حاولي ان انت برده تقربي من اهلك مهما كان دول اهلك والله العظيم ومهما صاحبتي ومهما رحتي ومهما يسندوكي وهم اللي يدعموكي فحاولي ان انت تقربي منهم اكثر واكثر ما يعني حاولي تحل المشاكل اللي بينكم
تم النشر الثلاثاء، ١٠ مارس ٢٠٢٦
السلام عليكم ورحمه الله وبركاته تعالي نفسرها واحده واحده انك بتحسي بكسل فده شيء طبيعي جدا بالذات لو انت كنت في سن من 15 سنه لحد 20 سنه في الفتره ديت بتبدا ان انت تعرفي حاجات وتتعلمي حاجات انت ما كنتش تعرفيها فبتبدئي تحسي بتغيرات هي كانت موجوده بس انت في الفتره ديت بتلاحظيها بالنسبه لحته الدراسه اول حاجه محتاجين ان انت تفكري نفسك بالهدف اللي انت عايزاه سواء كنت عايزه تبقى دكتوره او مش مهندسه او اي حاجه في المجال اللي انت حباه لازم تكتبي هدفك قدامك علشان مهما يحصل ما تستسلميش وتوصلي لهدفك. بالنسبه لحته الاكتئاب دي اكتر حاجه احنا بنحاول ان احنا نتجنبها كبشر او كشباب في الفتره ديت فكل اللي عليك ان انت تعمليه انت تفهمي نفسك اكثر وتفهمي مشاعرك وكمان تكتبي اي حاجه بتزعلك على ورقه اي افكار سلبيه بتجيلك تكتبيها بتحاولي ان الوقت والجو اللي حواليك يكون مهيأ هادي ليكي عن طريق ان انت مثلا تسمعي قرآن بصوت هادي تطلعي مثلا على السطح بالليل تتكلمي مثلا مع ربنا كثير كل يوم تحاولي ان انت تتكلمي مع نفسك بطريقه ايجابيه اكتر من اللازم وبتهتمي بنفسك صحتك بجسمك بشكلك بالرياضه بتاعتك تلعب الرياضه دايما تفرغي اي طاقه وتبعدي عن اي شخص سلبي وده يفيدك جدا. بالنسبه للاهل لما انت طلعت تقعدي معاهم هم بيقعدوا يقارنوا بيكي بشخص فلان او مثلا فكره او رأي منهم بنت ما انتش حباها اول حاجه لازما تفهمي ان اهلك دول اكثر ناس بيتمنوا لك الخير طبعا عن اي حد ثاني حاجه لازما تكون قريبه من اهلك عن طريق مثلا انت كمتعلمه بتسمعي لكلامهم لحد ما يتكلموا بعدين بصوت هادي جدا بطريقه محترمه جدا بتبدئي تقولي رأيك في الموضوع او في الحاجه الفلانيه حاجه حصلت او مقارنه حصلت بتبقي ان انت يا اما بتردي باسلوب كويس يا اما بتسكتي ومش بتردي بس انت بتكوني عارفه ان فلان اللي هم في مقارنه حطوك بينه وتكوني انت احسن من فلان دا في حاجات كتير قوي وبتسيب الوقت والايام تعدي وبتثبتي لاهلك ده كده كويس. اتمنى اكون أفدتك بالكلام و أتمنى تدعيلي لأن انا ف امس الحاجه إلى الدعاء لعل وعسى تكوني أقرب الي الله
تم النشر السبت، ٧ مارس ٢٠٢٦
بصي اللي إنتي فيه ده ثقل في الروح، وربنا سبحانه وتعالى عالم بيكي أكتر من نفسك. افتكري دايما إن ربنا مش ناسيكي في القرآن ربنا قال ..وَلَسَوْفَ يُعْطِيكَ رَبُّكَ فَتَرْضَى ..الضيق اللي إنتي فيه ده مش نهاية الطريق، دي مجرد محطة تعب وهتعدي بإذن الله. وعادي تقعي شوية ما تضغطيش على نفسك بزيادة وتأنبي ضميرك طول الوقت. ربنا رحيم، وعارف إن طاقتك خلصانة. ابدئي بـ خطوات بسيطة ،صلاة في وقتها، أو تسبيح بسيط، وربنا هيفتح عليكي. والاستعانة بالله قولي دايما اللهم إني أعوذ بك من الهم والحزن، والعجز والكسل. الدعاء ده سحر بجد لرد الروح. وأهلك بيحبوكي حتى لو في مشاكل، هما أكيد خايفين عليكي بس مش عارفين يعبروا صح. حاولي تتكلمي مع حد فيهم هادي، وقوليله أنا تعبانة ومحتاجة دعمكم مش لومكم. ولو الحالة دي استمرت فترة طويلة ومأثرة على أكلك ونومك، ما تتردديش إنك تشوفي متخصص نفسي. المرض النفسي زي المرض العضوي، وعلاجه سعي وربنا بيثيبك عليه. إنتي غالية، وقوية، وهترجعي تلمعي تاني بإذن الله. بعتذر عن الإطالة 😊 وجد والله ربنا يحفظك ويسعدك
تم النشر الجمعة، ٦ مارس ٢٠٢٦
حبيبتي، أنا آسفة جدًا إنكِ بتمري بكل ده، ودي شجاعة منكِ إنكِ تتكلمي عنه. الأعراض اللي وصفتيها زي الكسل، التعب الدائم، الزهق، الزعل، والانسحاب من الدراسة والناس – دي فعلاً ممكن تكون علامات اكتئاب، خاصة لو مع مشاكل عائلية بتزود الضغط. بس أنا مش دكتورة، فالأفضل تتأكدي من متخصص نفسي عشان تشخيص دقيق. إيه اللي تعمليه دلوقتي عشان ترجعي زي الأول؟ ابدئي بخطوات صغيرة يومية : حددي هدف واحد بس كل يوم، زي "هذاكر 15 دقيقة بس النهاردة" أو "أروح درس واحد". نجاحات صغيرة هتبني ثقتكِ وترفع المود تدريجيًا. رتبي روتينكِ : نامي 7-8 ساعات كل ليلة في موعد ثابت، كلي وجبات متوازنة (فواكه، خضروات، بروتين)، وامشي 20 دقيقة يوميًا في الشارع أو الحديقة. الجسم لما يتحرك، العقل يتحسن. تعاملي مع الأهل بلطف : لو المشاكل معاهم بتزود الضغط، خدي مسافة مؤقتة – اقعدي في أوضتكِ بهدوء، أو اطلعي تمشي. جربي تكلمي واحد منهم بهدوء عن اللي مضايقكِ، بس اختاري الوقت المناسب. وتذكري قول ربنا: "وَمَنْ يَتَّقِ اللَّهَ يَجْعَلْ لَهُ مَخْرَجًا". الجانب الروحي (مهم جدًا) : صلي الفرائض في وقتها، اقري قرآن يوميًا وكثري الاستغفار والدعاء. الصلاة بتنور القلب وتبعد الاكتئاب. جربي تسمعي محاضرات عن الصبر والتوكل. تابعي تقدمكِ : اكتبي في دفتر يوميًا 3 حاجات شاكرة عليها، زي "النهاردة قمت من السرير". ده هيغير نظرتكِ للحياة. أنتِ قوية وقادرة ترجعي أحسن من الأول، بس الصبر مفتاح الفرج. لو استمر الوضع أسبوعين، روحي لدكتور نفسي أو عيادة نفسية في مستشفى حكومي (مجانًا). في فدني، ابحثي عن أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ. أنا معاكِ خطوة بخطوة، قوليلي إيه اللي هتعمليه النهاردة؟ 💕
تم النشر الجمعة، ٦ مارس ٢٠٢٦
روحي عند ثيرابي او دكتور نفسي وحكيله علي كل حاجه هوا هيعرف يظبط امورك
تم النشر الأحد، ٨ مارس ٢٠٢٦
لازم تدركي في الاول ان العيلة أو الأب أو الأم بيتعامل بطبيعة حياته وال اتربي عليه وميقصدش يعملك مشاكل نفسية وقتها هتدركي لي بيحصل منهم أفعال زي دي وبعدها هتلاقي أن كل المشاكل منهم من جذورهم واتربوا علي كدا ومش يقصدوا يطلعوا فيكي عقد
تم النشر الأحد، ٨ مارس ٢٠٢٦
لعرض السؤال في فدني اضغط هنا