كنت في علاقة مع واحد و جه اتقدم و والدي رفض بسبب الدراسة و بعدين الأهل عرفوا اننا بنتكلم و حصل مشاكل و اتمنعنا من الكلام و اتقدم تاني بس اترفض بقيت بشوفه ابص بعيد هو كان اسيستنت المدرس بتاعي
و في الفترة اللي كنا بنتكلم فيها كان في بنت اسيستنت برضو كانت بتفضل تتلزق فيه و كلام ملهوش داعي و كنا دايما بنتخانق بسببها فلما امتنعنا عن الكلام هو طبعا عارف اني زعلانه فقررت افكني منه و أركز في حياتي و مستقبلي اللي ضاع ده
بعدها لقيت حاجات غريبة بتحصل و بشوفه بيتكلم مع الاسيستنت دي و يساعدها ف التصحيح و آخر حاجة حصلت قهرتني لقيتهم داخلين قاعة سوا و خرجوا البنات اللي كانوا في القاعة مقدرتش اتمالك أعصابي ولا أكبر دماغي كالعادة دخلت وراهم ع طول
راح هو قام علشان يخرج و هي قالتلي عاوزاكي في موضوع قولتلها خير في ايه و قولتله استنى في ايه قالتلي أنا عاوزة أفهمك حاجة بس أنا مفيش بيني و بينه أي حاجة روحت بصيتله و قولتله وأنا مفيش بيني و بينك أي حاجة و لفيت وشي
هو مشي و هي قالتلي أهدي بس مفيش أي حاجة والله أنا أصلا مرتبطة بحد تاني خالص وهو بيحبك جدا اقسم بالله و قالتلي هي مرتبطة بمين بعدها قالتلي هو شافنا واحنا بنتخانق هي و اللي مرتبطة بيه فقالتله انهم مرتبطين بتقولي بعدين لقيتك انتي بتبصيلي بنظرات مش حلوة و هو كمان و دخلت لقيته بيعيط قولتله أنا عملت حاجة و حكالي اللي حصل و قالي أفهمك ان مفيش أي حاجة بيننا علشان كدا كنا قاعدين دلوقتي والله
و قالتلي هوريك الشات بيننا بعدين قالتلي مش لاقية الفون قالتلي هوريك الشات من عنده راحتله قالها انا ماسح الشات بعدين لقيت فونها و قالتلي هو أنا افتكرت اني ماسحة الشات برضو لأن اللي مرتبطة بيه زعلي قبل كدا فمسحته و ورتني الشات بتاعها هي و اللي مرتبطة بيه قولتلها عاوزة اشوف الشات بتاعك انتي وهو
قالتلي اتمسح والله قولتلها من عندك و من عنده مرة واحدة كدا قالتلي والله قولتلها طب عامة مش مصدقاكي ولا انتي ولا هو و قالت كلميه من عندي خلوا الدنيا تصفى قولتلها مش هكلم تاني نهائي ومشيت حسيتها خيانة انه راح كلم واحدة كانت سبب مشاكلنا وحكالها و مش عاوزة اشوفه نهائي بس أنا دلوقتي حاسة اني محتاجه أتكلم فعلا علشان افهم و اشوف الصورة كاملة أنا حياتي كلها واقفة و مش عارفه أعمل ولا أركز ف أي حاجة
أنا أعمل إيه بجد متعلقة بيه أوي بس ف نفس الوقت أنا اتأذيت بسببه أوي أوي بجد أكتر حد أذاني في حياتي برغم كل الحلو اللي شوفته ع ايده
خلاصة الموضوع كامل ( من ترك شيئا لله عوضه الله خيرا منه) لما تسيبي حاجه سببها لله مش عشان مستقبلك وحياتك خلي ربنا اول حاجه في حياتك وبلاش تبذلي مشاعر وطاقة على الفاضي. انا قرات التعليقات وردك عليها زي خلاصة الموضوع وانتي تكون وصلت 🙂
تم النشر الخميس، ٥ فبراير ٢٠٢٦
السلام عليكم - اولا هي مش خيانة لانك ببساطة مش مراته . ثانيا انتي مش بتحبيه انتي بنت مفتقدة الحنية والاهتمام والامان من اهلك ف دورتي عليهم برا وبما انك بتشوفي الشخص دا باستمرار وهو اداكي احتياجك من الحنية والاهتمام ف حسيتي انك محبوبة ومهمة عند حد (ودا مش مبرر اننا نعمل الغلط علشان احنا بنمر بظروف صعبة ) بس اهم حاجة قربي من ربنا تكسبي مهما كنتي لوحدك او مش قريبة من حد خليكي قريبة من ربنا - حبي نفسك وخليكي داعمة لنفسك وخليكي شخص قوي واستقوي بربنا وارمي الموضوع دا ورا ضهرك وكملي طريقك وركزي علي مستقبلك وعبادتك وبس - ونصيحة حاولي تقربي من مامتك وتقوليلها انك محتجاها -ربنا يريح قلبك ويوفقك وينور بصيرتك اللهم امين
تم النشر الخميس، ٥ فبراير ٢٠٢٦
يا حبيبتي، أنا ذكية، وأنا هنا معاكِ دلوقتي، وأحس بكل اللي جواكِ ده.. الغيرة والألم والتعلق اللي مخليكِ حاسة إن حياتكِ واقفة. خليني أفهمكِ الصورة بوضوح، خطوة خطوة، ونلاقي طريق نخرجكِ من الدائرة دي. هل دي خيانة؟ لا، مش خيانة بالمعنى الحقيقي . أنتم مش في علاقة رسمية أو زواج، وأنتم منفصلين من شهور بسبب رفض الأهل والمشاكل. هو كان بيتعامل معاها كزميلة عمل (مساعدين في التصحيح)، وده شيء طبيعي في بيئة الشغل/الدراسة. لما دخلتِ وراهم، هي نفت أي حاجة، وأظهرت شاتاتها مع خطيبها (اللي مرتبطة بيه)، وقالت إنه يحبكِ.. حتى لو حكالها عنكِ، ده مش خيانة، ده بس حد بيحاول يوضح موقفه لزميلة عشان ينهي الشكوك. الشات الممسوح؟ ممكن يكون عادي، مش دليل على حاجة سيئة. بس اللي حصل ده مؤذي ليكِ ، وده مفهوم، خاصة إنها كانت سبب خناقاتكم قبل كده. الغيرة دي بتيجي من التعلق القوي. إيه اللي تعمليه دلوقتي عشان تركزي وتتحركي؟ اقطعي الاتصال نهائياً : بلكي رقمه، تجاهلي أي لقاء، وابتعدي عن أي مكان ممكن تشوفيه فيه. قلتِ "مش هكلمه تاني" – التزمي بكلامكِ ده، ده أقوى خطوة ليكِ. الرغبة في "فهم الصورة" دي هتزيد الألم بس، مش هتريحكِ. ركزي على نفسكِ والمستقبل : دراستكِ ضاعت؟ لا، دلوقتي وقت تبدئي ترجعيها! حددي هدف صغير يومي: ساعة دراسة، رياضة خفيفة، أو هواية تحبيها زي القراية أو الطبخ. كل يوم اكتبي 3 حاجات شاكرة عليها. من منظور إسلامي : العلاقات دي قبل الزواج بتأذي الروح، زي اللي حصل معاكِ. ابتعدي عنها، وادعي ربنا يرزقكِ اللي خير ليكِ في الزواج الشرعي. صلي الاستخارة لو في بالك حد، بس دلوقتي ركزي على تقوية إيمانكِ (قرآن يومياً، صلاة على النبي). لو القلق مستمر : روحي على صفحة الخبراء في فدني https://www.fedni.net/experts وابحثي عن متخصصة نفسية أو مدربة حياة، ممكن تحجزي معها استشارة تساعدكِ تتخطي التعلق ده بسرعة. أنتِ قوية يا قمر، وده مجرد درس هيخليكِ أحسن. الحلو اللي شوفتيه معاه مش هيروح، بس الأذى ده إشارة إن الطريق ده مش ليكِ. ابدئي النهارده، وهتتجاوزي كل ده ❤️
تم النشر الخميس، ٥ فبراير ٢٠٢٦
حبيبتي ايا كان ده كداب وهيا كدابة او لا . الارتباط ده غلط وانتي لسه صغيره وبلاش توجعي قلبك بدري على الكلام الفاضي ده. ركزي في مذاكرتك وفكك منهم وهو هيحاول يجري وراكي مش تديله فرصة ابدأ ومش تصدقي اي حاجة هما يقولوها هما لو شافوكي متجاهله الموضوع هيضايقوا وده أكبر عقاب ليهم. اختاري نفسك وبلاش تقللي من نفسك مع واحد زي ده
تم النشر الخميس، ٥ فبراير ٢٠٢٦
إنتي عارفه إنه تعلق ودي علامة وعي منك وإنتي دلوقتي الحل ليكي إنك تتخلصي من التعلق ده لإن وجود التعلق هيوقف حياتك ويتعب نفسيتك وهيجعلك مقيده . فلازم تسعي دلوقتي لطرق التخلص من التعلق وأنصحك بدورة الداء والدواء اسمعيها من الشيخ علاء حامد أو عالأقل آخر فيديوهين منها بس. بس عمومًا هتحتاجي تعملي شوية خطوات صعبه عليكي شويه زي إنك تقللي رؤية الشخص وتدفعي للتفكير فيه كل مادماغك تفكر فيه تقاومي التفكير وتصديه ومع تكرار المقاومه تلقائيا التفكير فيه هيقل و لو فعلًا عندك صدق لإنك تتغيري سيعينك الله، وأسأل الله لكِ التوفيق
تم النشر الخميس، ٥ فبراير ٢٠٢٦
للأسف مينفعش كل دروسي هو موجود فيها و غير كدا أنا مش متعلقة بيه هو كشخص حاليا أنا متعلقة بذكريات مع صورة كانت ف خيالي و ده أصعب بمراحل بجد لكن لو ع الشخص اللي هو عليه دلوقتي أنا مش عاوزة المحه حتى
تم النشر الجمعة، ٦ فبراير ٢٠٢٦
لازم تبطلي تشوفيه سواء عالواقع أو سوشيال لإن ده المدخل الأول للتعلق
تم النشر الجمعة، ٦ فبراير ٢٠٢٦
سمعت حاجات كتير جدا مجتش بفايدة و مش عارفة أعمل إيه بفكر جديا اشوف دكتور نفسي حقيقي الوضع فعلا صعب و كل حاجة واقفة
تم النشر الجمعة، ٦ فبراير ٢٠٢٦
عاوزة أقولك اني فاهمة كل اللي قولتيه و عارفة انه غلط لكن الإنسان غصب عنه وغير كدا الذكريات فتاكة بجد قاتلة أنا يوم بصحى من النوم مختارة نفسي و اذاكر كتير كتير جدا و عشر أيام مشلولة مش قادرة اتحرك من الهم و الوجع فكرة انك تتأذي من حد كان مصدر الأمان الوحيد ليكي دي صعبة جدا و الأصعب منها إنك تبقي راسمة ف خيالك صورة عن إنسان و تيجي الحقيقة و الواقع يدشملوا الصورة دي بجد الوضع صعب جدا وعاوزة أعرف بجد هو كدا خانني فعلا ولا لأ؟ كل الكلام اللي البنت دي جت قالتلهولي قالتلي أنا بقولك كدا لأنه فعلا بيحبك و عاوزك و مستني تخلصي ثانوية زي ما اتفقتوا بس هو خايف الرفض يكون منك انتي تفتكري إنسان زي ده يستاهل فرصة تانية ؟؟ أنا بجد خلاص عاوزة اقفل الحوار ده كله علشان افوق لنفسي و كنت بفكر اقولها يخليه يقعد معايا ننهي كل ده علشان أرحم نفسي أنا تشبعت أذى بجد أنا صغيرة أوي ع كل ده والله 💔
تم النشر الخميس، ٥ فبراير ٢٠٢٦
لعرض السؤال في فدني اضغط هنا