أحب شخصا سرا، وهو لا يعرف .. ولا أعرف ماذا أفعل حيال ذلك؟

Question

السلام عليكم مبدايا انا في تانيه ثانوي انا معنديش صحاب بس عندي قرايبي بنات اتنين قدي وعندي اخت في تالته ثانوي وواحده دول يعتبر صحابي انا مليش بخت في حكاية الصحاب لازم بتخذل المهم انا بحب واحد هو صاحب ابن خالتي اكبر مني بتلات سنين وشغال مع بابا وماما وخالتي وابن خالتي مصنع ملابس انا بحبه بقالي تلات سنين طرف واحد كان ابن خالتي منزله صوره لعيد ميلاده الصراحه لاقتني بفكر فيه بس قولت دا حتي مستحيل يكون إعجاب وبعدين نسيت الموضوع اصلا بعدين شوفته انا اصلا بشوفه صدفه حسيت بقا أن اعجبت بيه الكلام دا من تلات سنين وفضلت اتكلم عنه وكدا وحسيت ان اعجاب بسيط وقولت هيروح لحاله منا برضو كنت صغيره لا دا بدأ يزيد بدأ يبقا اعجاب شديد بجد بعد سنه فا كنت بعمل اي حجه اني اروح مكان شغل ماما وبابا هما بيبعو هدوم كان اول مره اروح نزلت من التكتوك بالله يجماعه رجلي بتخبط في بعضها وقلبي كانو هيطلع من مكانو انكجت في ماما دا بس عشان شوفته من هنا بقا بدأت احبه وهو بيبصلي نظرات مش مفهومه فضلت احبه في السر سنتين من كام شهر كان خطوبة ابن خالتي هو جه هو العيله كلها عارفه حتي مامتي بتحبو جدا هو جه انا اصلا كنت مستنياه لاني كنت حبيته بجد كان بيبصلي ومركز معيا بطريقة غريبة قرايبي كلهم قعدو يقولي شكله معجب بس انا كدبتهم عشان معشمش نفسي بس كنت هموت من الفرحه ومن هنا بجد بقيت بعشقه وبراقبه في السر من اكونت فيك وعارفه عنه حاجات كتير صليت استخارة لاقتني بحبه اكتر وبدعي علطول في قيام الليل انو يبقا من نصيبي انا والله علطول كنت بقعد اقول علي البنات ال بتعيط لما بتبعد عن حبيبها أو ميحصلش نصيب اي دا هي بتعيط ليه عادي يعني هتنسا بس الموضوع طلع صعب انا بقيت متعلقه بيه اووووي بحلم بيه علطول انو بيجي يتقدم ومره يجي يتغدي معنا سعات كتير اوووي بحس انو في حاجه من نحيتو احنا طبعاً عمرنا منتكلم لأننا معندناش الكلام دا بقعد اعيط لما اتخيل انو بعد الحب دا كل يحب حد تاني حكيت لماما اني بحبه بتقعد تقولي ماعلقيش قلبك بحبل دايب بس والله يجماعه انا بيجيلي إشارات كتير وبحلم بيه كتير وبدعيله علطول وبخاف عليه اوووي كل دا وهو ميعرفش سعات بحس اني مجنونه اجيب صورتو واقعد اكلمها واعيط كأنه ملك روحي مش عارفه اتخيل اني ابقا مع حد غيره وبغير عليه وانا بقول أن ربنا مش هيعشمني في حاجه مش ليا اكيد صح وانا بقعد اقول يارب لو مش خير طلعه من قلبي لا دانا كل يوم بحبه اكتر وبدعي له قبل نفسي وادعي يبقا من نصيبي انا مش عارفه اعمل خايفه اتصدم انو خطب انا راضيه بكل حاجه بس مش هقدر استحمل اعمل اي ودا معني اي ونبي وبفكر فيه كتير بحس انو ممكن هو كمان بيفكر فيا

Accepted Answer

وعليكم السلام ورحمة الله وبركاته.. العقل قادر على انتاج المزيد ...! يعني ايه؟ ازاي نقدر نقول اننا بنحب حد، واساسا مفيش علاقة؟ علشان تقدري تقولي بتحبي شخص، لازم يكون فيه علاقة ما بينكم .. وكمان اوقات مش بيكون حب .. اوقات بتكون مجرد احتياجات، على تعلق، على توهم، على حاجات تانية ملهاش علاقة بالحب! ولكن ف حالتك .. انتي مجرد اعجبتي او انجذبتي لشخص ما، وقعدتي بقى تفكري بقى في الموضوع ده كتير جواكي، لحد ما صدقتي ده جواكي، لان طبعا عقلك مش ساكت، وده يعني الجملة اللي قولتها ف الاول، العقل قادر ع انتاج المزيد، حتى لو كان وهم. ف ياريت متتعلقيش بحبال دايبة، وتوهمي نفسك بحاجه ممكن متكونش موجوده، او متحصلش، وتركزي في مذاكرتك، لان ده اهم حاجه دلوقتي .. وكل حاجه هتيجي لما ربنا يأذن.

Answer

اولا انتِ متعلقه بيه لانك على حسب اقوالك ف انتِ ليس لديكي. الكثير من الاصدقاء ويبدو انك بحاجه الى الاهتمام والتقدير وعقلك بعد انجذابه لهذا الشخص وجد ردود فعل من نظرات وما الى ذالك ثانيا حتى وان كان يحبك ليس لديكي. الحق على نفسك ان تحمليها ما لا تطيق ولا تتحمل وليس عليك ان تحملى قلبك مراره الحب من طرف واحد والتعلق ثالثا انا اشعر بك واعلم ما تمرين به وانه ليس بارادتك ولكن عليكي ان تعي بعض النقط عليكي ان تعلمي جيدا بانه ليس من الضروري ان يحب هو ايضا وانه ليس عليكي بكل هذا الوفاء له وان ليس عليكي ان تسعى لرؤيته اعلم انك تشعرين انه يستحق وانه يحبك لكن عليكي ان تضمنت عدم ايذاء مشاعرك عن طريق : الصلاه والدعاء بالاتي (ان كان فلان خيرا لي فقربه مني وان كان شرا ابعده واكفني شره وارزقني الزوج الصالح والذريه الصالحه واجعل عوضي فيهم يارب العالمين) حوالى ان تنسيه او تشغلى تفكيرك عنه ك ان تغلقي الحساب الوهمي لكي لا تعرفي عنه شي واجتنبي الاماكن التي تريه فيها و حاولي قبل النوم ان فكري بشي او شخص اخر غيره لان العقل يطور اخر فكره قمتي بتصويرها اليه قبل النوم ب 5 دقائق تقريبا اتمنى ان تعي ما اقول جيدا انت فتاه صغيره في ريعان عمرك ولستي بحمل العشق وعزابه واتمنى ان يكتب الله لكي الشخص المناسب وفقك الله

أحب شخصا سرا، وهو لا يعرف .. ولا أعرف ماذا أفعل حيال ذلك؟

اجتماعية

حب

سؤال من احد أعضاء فدني

تم النشر الجمعة، ٢٢ ديسمبر ٢٠٢٣

2 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك