أحب فتاة وأنوي تزوجها لكن أخشى هذه العوائق، ماذا أفعل حتى لا تضيع مني؟

Question

السلام عليكم انا احمد ١٨ سنة تالتة ثانوي بصو انا بحب واحدة في تانية ثانوي بحبها من رابعة ابتدائى ومكلمتهاش لان شايف ان حرام الكلام بين الولد والبنت وهي كمان محترمة ومش عندنا الكلام ده المهم نفسي اتجوزها في الحلال بس في مشكلتين ١ـ هي افضل مني تعليميا (يعني انا ممكن اخش كلية مش احسن حاجه انما هي مستواها ممتاز وان شاء الله تخش طب ومتمنلهاش الشر عشان انا بحبها ) ٢ـ هي اصغر مني بسنة واحدة يعني احتمال تتخطب قبل ما اخلص تعليمي مش عارف اعمل اي انا محتاج حاجة اعملها دلوقتي عشان متضيعش مني

Accepted Answer

وعليكم السلام ورحمه الله وبركاته انت جميل جدا يا احمد وان شاء الله ان شاء الله ربنا يوفقك في الحلال في كل خطوات حياتك انت لسه في ثانوي وهي لسه في ثانوي احنا منعرفش اولا بكره في ايه مين هيخش كليه ايه من حياته هتتوجه لفين محدش عارف لذلك احنا بنعمل ايه في الخطوات المستقبليه دي احنا كل اللي نقدر نعمله ان احنا نشتغل على الحاجات المتاحه فالمتاح دلوقتي هو ان احنا نركز في التفاصيل بتاعه ثانوي نخلص ثانوي ونشوف الحياه هتخلينا نتوجه لفين لو حطينا قدام عينينا المخاوف بتاعتنا ده هيعطلنا عن اللي احنا بنتوجه دي فانا مش عايزاك تحط مسألة المخاوف بتاعه ان هي افضل مني تعلمين او هي اشطر مني فهي ممكن تدخل كليه غيري فانا عارف ان دي حاجه هتعطل فأنا من دلوقتي. عايز اعمل حاجه الحق بها المخاوف دي لا احنا مش محتاجين نعمل كده خالص احنا محتاجين نركز بس في الادوات اللي في ايدينا دلوقتي ونستغلها يعني لحد اقصى استغلال فانا دلوقتي في ايدي يعني في ايدي ثالثه ثانوي ايدي المنهج اكله اكل كده أخش باذن الله الامتحانات اجيب همم مجموع كويس وأدخل بيه كليه ادرس فيها اكاديميا كويس خلاص كده انا خلصت النقطه دي بعد كده ايه اللي في ايدي اللي بعد كده ان انا. احط نفسي في وضع اجتماعي او في وضع يوفر لي شغل مناسب يخليني أنا اولا فخور بنفسي وقادر أوفر كل متطلبات نفسي وأحقق مستوى للمعيشه كويس ساعتها بقى خليني أقول لك يا احمد انه هي درس الطب هي درست علاج طبيعي هي درس تجاره الموضوع مش هيفرق خالص ليه لانه هيكون قدامها شخص محترم وأخلاق وطموح وقدر فعلا يثبت نفسه في طريق كويس وهو ده اللي هيخليك. تبقى في عينين اي حد شخص له قيمه زي ما انت هيكون لك قيمه قدام نفسك وفي عينين نفسك وهو ده اهم حاجه وقتها يا احمد البنت دي لو شافتك فعلا حد ذو قيمه عاليه يبقى انت كده يعني الحمد لله ربنا يوفقك وكسبت اللي انت نفسك فيه البنت دي لو وقتها شافت الحته بتاعه المخاوف اللي انت حاطتها انه لا ده انا اشطر عشان خاطر مثلا انا درست في كليه ايه في كليه ايه اعرف ساعتها ان ربنا حاطط لك حاجه فيها قيمتك انت الحقيقيه ومقدر لك حاجه أفضل بكثير يا ريت تاخذ بالك من كل الحاجات دي ويا رب اكون افدتك باجابتي.

Answer

ازيك يا احمد أنا بجد بحييك ع احترامك وانك مقولتلهاش عشان حرام لو ليك خير فيها هتاخدها والسن عمره مكان عائق والا التعليم لو بتحبها اعمل الا عليك وزياده عشان تكون افضل نسخه منك بس بلاش تقولها عشان الموضوع هيكون تقيل اكتر وبلاش تدى كلمه انت مش قدها دلوقتى اعمل الا عليك واشتغل مع الكليه حاول يعنى عشان لما تتقدم تكون بتشتغل وكمان ركز ف أهدافك عشان تكون ناجح وبعدين باذن الله اتقدم انت اكبر منها سنه ودى حاجه كويسه احسن كمان من انكم تكونو قد بعض وهى اكيد مش هتتخطب.غير لما تتخرج يعنى قدامك وقت وفرصه كبيره وف الاول والاخر دى حاجه بايد ربنا ولو ليك خير هتوصلها أعانك الله ورزقك الصبر والنقاء

Answer

وعليكم السلام ورحمة الله يا أحمد، أشكرك على ثقتك في مشاركتي مشاعرك وأفكارك المهمة. أولاً، أحيّي فيك احترامك للقيم الشرعية ورغبتك في التعامل مع هذه المسألة بالحلال، وهذا شيء رائع جداً ويزيد من احترامك لنفسك ولها. دعنا ننظر معاً إلى نقاط مشكلتك خطوة خطوة: الاختلاف في المستوى التعليمي من الجميل أنك تدرك الفارق في مستواكما التعليمي، وهذا مشترك في الحياة كثيراً، وليس الأمر عائقاً كبيراً. الخير والنجاح لا يقاس فقط بالمستوى التعليمي بل بالشخصية، الأخلاق، الطموح، الجدية في العمل والتطور المستمر. أنصحك أن تركز على تطوير نفسك قدر الإمكان في مجالات أخرى تميزك وتزيد من قيمتك كشخص قادر على بناء مستقبل جيد. مثلاً: حدد أهدافاً واضحة لمستقبلك الدراسي والمهني. اعمل على تنمية مهاراتك الشخصية والاجتماعية، حتى تكون أكثر جاهزية ومسؤولية. لا تقارن نفسك بها، بل اجعل هدفك تحسين نفسك يوم بعد يوم. الفرق في العمر وخوف الخطوبة المبكرة أنها أصغر منك بسنة وهذا فرق بسيط جداً، ولا يمنع في الزواج أو الخطوبة الشرعية ما دام هناك استعداد والتزام من كلا الطرفين. أما موضوع الخطوبة قبل انتهائك من التعليم، فهو أمر طبيعي وممكن يحدث، لكن المهم أن تبني علاقة جدية قائمة على الاحترام والتفاهم ومعرفة إذا كانت هناك فرص للجمع بينكما في المستقبل. أنصحك بالخطوات التالية: تحدث مع أهلها بشكل محترم عن مشاعرك الجادة، واسألهم عن إمكانية الارتباط الشرعي (الخطبة أو ما يعادلها). إذا وافق أهلها، يمكنكما أن تبنيا المستقبل معاً بشكل يخدم مصالحكما ويوجهكما للسير في طريق الزواج. العمل على الحاضر والتخطيط للمستقبل ركز الآن على دراستك وانتبه لتطوير مهاراتك ومعلوماتك. حافظ على نيتك الصادقة في الزواج منها بالحلال، وابدأ بإعداد نفسك مادياً ونفسياً لهذه الخطوة مستقبلاً. لا تترك المشاعر تكبر في قلبك بدون خطوة عملية، فالخطوة التي تتطلبها الآن هي بداية الحوار مع أهلها بشكل محترم وهادئ. إذا شعرت بأنك تحتاج لمساعدة في كيفية بدء الحديث مع أهلها أو بناء خطة واضحة لمستقبلك، يمكنك دائماً زيارة قسم خبراء فدني لطلب استشارة من متخصصين في العلاقات الأسرية أو التنمية الذاتية. وأخيراً، تذكّر أن الثقة بالله ثم بنفسك والعمل الدؤوب هما مفتاح النجاح، وحاول أن تحتفظ بمشاعرك الطيبة وألا تثبط عزيمتك. ورغم أن الطريق قد يبدو معقداً الآن، فإن النية الصالحة والعمل الصادق يفتح الله لك أبواب الخير. إذا أحببت، يمكنني مساعدتك في وضع خطوات عملية محددة لخطة تحضير نفسك للخطوة القادمة. ماذا ترى؟ هل تريد ذلك؟ دمت موفقاً يا أحمد، وأذكرك بأنك قدوة حسنة في احترامك للقيم، وهذا وحده يبشر بخير كبير.

أحب فتاة وأنوي تزوجها لكن أخشى هذه العوائق، ماذا أفعل حتى لا تضيع مني؟

اجتماعية

حب

سؤال من احد أعضاء فدني

تم النشر الأحد، ٢٥ مايو ٢٠٢٥

3 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك