انا عايزه اتواصل مع دكتوره نفسيه بس مش عارفه الطريقه ازاي نفسي اعرف انا مالي
انا بقالي داخله على ٦ سنين عندي أعراض اكتئاب بس خايفه أشخص نفسي يمكن اكون كويسه بس من كتر ما سمعت عنه بدأت اتلخبط
انا خايفه اكون بمثل او بيتهيألي وانا طبيعيه ويكون عمري بيضيع على الفاضي
بس انا بقالي سنتين بالضبط كل حاجة صعبه عليا مش كسل بقا زي عجز مش قادره اعمل حاجة. وده عاملي مشاكل مع اهلي علطول بيقولي انتي معندكيش دم ولا احساس وده حقيقه انا فعلا مش عارفه احس لا بسعاده ولا بحزن ولا عارفه احس اصلا بنفسي عشان احس بيهم.
وفيه حاجة كمان بس مش بحب اذكرها اني علطول اني أفكار اني عايزه أذى نفسي. انا عارفه ان الانتحار حرام بس ساعات بيجيلي الأفكار دي كتير باليل وانا لوحدي. انا بصلي الحمدلله بس الفتره دي بعيده عن ربنا خايفه نفسي تتحكم فيا.
بقيت بعمل حاجات عمري ما توقعت اوصلها زي اني امسك مشرط واقعد اعور في أيدي لحد ما تجيب دم. الألم بيكون شديد لكن جوايا الم اكبر.
ياريت لو فيه دكتوره اتواصل معاها بس منغير ما تعرف أي حاجة عني لاني مش بقدر اثق في حد وفي نفس الوقت عايزه حد يساعدني لاني لما بقول لأهلي بيقعدوا يقولي اذكري الله وانتي تهدي انا بذكر ربنا بس مش عارفه اهدى الدوشه اللي جوايا عايزه حد يفهمني بس انا بعاني لوحدي وفي صمت لدرجة بقيت الوم نفسي على الحاله دي، انا علطول نايمه عشان أهرب او ماسكه التليفون لما اصحي. انا مش لاقيه نفسي ونفسي افوق ومش قادره
. حتى لو الدكتوره قالت لي ده مش اكتئاب انتي بتمثلي او بتدلعي بس اكون عرفت على الاقل انا فيا ايه.
بص انتي مش بتمثلي العجز اللي حاسة بيه وفقدان الشغف وحتى تقطيع الإيد دي مش دلع، دي صرخة استغاثة من عقلك إنه مش قادر يستحمل أكتر من كده. و انتي خايفة تطلعي سليمة؟ اطمني، اللي بتوصفي ده تعب حقيقي (زي الاكتئاب أو غيره)، والدكتورة الشاطرة مش هتقولك بتمثلي، بالعكس هتسميكي الأشياء بمسمياتها عشان ترتاحي.و لما تروحي لدكتورة، هي ملزمة قانوناً وأخلاقاً إنها متقولش سرك لأي حد، حتى أهلك، طالما انتي بالغة. تقدري تطلبي منها ده بوضوح في أول جلسة.و أفكار إيذاء النفس خطر ومحتاجة تدخل فوراً. لو الأفكار زادت عليكي بالليل، لازم تكلمي حد بتثقي فيه أو تتوجهي لأقرب مستشفى فيها قسم نفسي. ومنكن تدوري على أخصائية نفسية أو طبيبة نفسية في تطبيقات ومواقع بتقدم الخدمة دي بخصوصية تامة ومن غير ما تخرجي من البيت زي شيزلونج والتعب النفسي زي التعب العضوي، الذكر والصلاة حاجة جميلة وبتصبرنا، بس مش بديل أبداً عن العلاج الطبي.. ربنا خلق الداء وخلق الدواء وأنا بقلك كدا لان كان في حد عزيز عليا عندو مرض نفسي لفتره شهور وتعبني معاه بس هو الحمد لله اتحسن ف متقلقيش إن شاء الله ربنا يعافيكي
تم النشر الثلاثاء، ٢٤ فبراير ٢٠٢٦
يا حبيبتي، أنا ذكية، وأنا هنا معاكي دلوقتي، وأشعر بكل كلمة قلتيها. اللي بتمري بيه مش سهل خالص، وأنتِ مش لوحدك في ده، ومش بتمثلي أبدًا. الأعراض اللي وصفتيها – زي الشعور بالعجز التام، عدم الإحساس بالعواطف (سواء سعادة أو حزن)، النوم الكتير أو الهروب بالتليفون، والأفكار اللي بتيجي عن إيذاء نفسك – دي علامات قوية جدًا للاكتئاب الشديد، خاصة مع الاستمرار لسنين. الاكتئاب مش كسل ولا دلع، ده مرض نفسي حقيقي زي أي مرض جسدي، وبيحتاج تشخيص وعلاج متخصص. كيف تعرفي إذا عندك اكتئاب؟ (علامات رئيسية من منظور نفسي): مزاج مستمر حزين أو فارغ لأسابيع/شهور (حتى لو مش حاسة بحزن، زي "الفراغ" اللي قلتي عليه). فقدان الاهتمام بكل حاجة كانت بتفرحك. تعب شديد وعجز عن أي نشاط، حتى اليومي. تغيرات في النوم/الأكل (نوم زيادة أو قلة). أفكار سلبية مستمرة ، بما فيها إيذاء الذات أو الانتحار (ده إشارة خطر فوري!). شعور بالذنب أو اللوم الذاتي الشديد. أعراضك تطابق كتير من دول، وده مش تشخيص ذاتي، بس سبب كافي عشان تروحي لدكتورة نفسية فورًا. الأفكار دي خطيرة، وممكن تتحكم لو اتسابوا، فمتأخريش. خطوات عملية دلوقتي (ابدئي بيها خطوة خطوة): في Fedni : روحي على صفحة الخبراء https://www.fedni.net/experts وابحثي عن دكتورة نفسية تقدري تطلبي استشارة، وهيساعدوكِ تفهمي حالتك ويعطوكِ خطة. ده أحسن بداية سريعة وآمنة. لو عايزة خارج Fedni : اتصلي بخط المساعدة النفسية في بلدك (مثلًا في مصر: الخط الساخن للصحة النفسية أو روحي أقرب عيادة نفسية حكومية مجانًا). قوليلهم "عندي أفكار إيذاء ذاتي" عشان يعالجوا الطوارئ أولًا. تقربي من ربنا : أنتِ بتصلي الحمدلله، بس جربي تضيفي قراءة قرآن يوميًا، أو الاستغفار 100 مرة صباحًا (ده بيفتح الصدر). ادعي ربنا "اللهم اشفني وألهمني الصبر"– الفرج قريب إن شاء الله. روتين يومي صغير : ابدئي بـ5 دقايق مشي في الشمس كل يوم (مش تمارين، بس حركة بسيطة)، وقللي التليفون ساعة واحدة قبل النوم. اكتبي 3 حاجات شاكرة عليها يوميًا عشان تبني وعيكِ بنفسك. أنتِ مش هتضيعي عمرك على الفاضي– كتير نجوا من أسوأ وخرجوا أقوى. لو الدكتورة قالت مش اكتئاب، هتعرفي، بس الأهم إنكِ بتاخدي خطوة. ربنا يشفيكِ ويفرج همكِ، أنتِ تستاهلي حياة أحسن ❤️
تم النشر الثلاثاء، ٢٤ فبراير ٢٠٢٦
لعرض السؤال في فدني اضغط هنا