السلام عليكم
انا فضلت فترة كبيرة بحلم بتعابين وفي احد الاحلام حلمت اني في بيت جدي القديم وطلعت للسطح لقيت في تعبانين علي الحيطة ولما جريت علشان انزل لقيتهم بقوا طوال اوي ولدغوني في رقبتي
لكن من فترة حلمت بواحد بشع لدرجة اني مش قادرة انساه وهو (اني كنت لابسة فستان ابيض بتاع عرايس وكنت في غابة عبارة عن طريق طويل وعلي الجنبين مجري مائي زي الترعة كدا وفي كمان على الجنبين شجر دبلان وفروعه طويلة وملفوف عليه تعابين كتير فانا بدأت اجري فلقيت التعابين بتجري ورايا وجمبي وبتدخل راسها في الارض وتطلع من الارض لقدام
وفضلت اجري لمدة طويلة لغاية ما دخلت من بوابة كبيرة بتاع قصر وقتها ملقتش التعابين بس من خوفي دخلت القصر وبعدين لقيت نفسي قاعدة على سرير وراجل مديني ضهره وبيقولي متخافيش ووبص جمبي على السرير لقيت تيتا وعمت ماما فقولتلها بتعملوا ايه هنا قالتلي عايزين نطمن عليكي وبعدين الشخص دا خرجهم ) وبعدين صحيت
الحلم بقاله فترة بس مخوفني اوي وشاغل بالي ف عايزة اعرف تفسيره
لعرض السؤال في فدني اضغط هنا