انا حبيت واحد ومن واحنا صغيرين وكبرنا مع بعض هو كمان بيحبني جدا بدأت مع من الصفر من اول دراستنا لحد شغله وان هو يحوش عشان نجهز لجوزنا المشكلة الوحيدة ف ان اهله ناس مش كويسة ومن ناحية اخلاقيا وهو اصلا مش بيحبهم واحساس دايما ان هو غيرهم وهو فعلا غيرهم كل الناس بتشكر فيه وبتقول ازاي ده يبقي من العيلة دي لحد ما جيه الوقت الي هيتقدملي فيه بعد حب ٧ سنين وعمرى ما شوفت منه أي حاجة وحشة حتي اهلي كانوا عرفيني وهما كمان كانوا بتشكرو ف جدا وجيه الوقت الي ندخل ف الجد وكلم اهلي عشان يتقدم وعرفنا ان مامته للاسف طلعت مش كويسة وغلطت مع حد وهي متجوزة والحد ده طلع قريب مننا وطبعا اهلي رفضوا عشان مامته وان هي دي الكرسة الكبيرة هو طبعا ميعرفش اترفض ليه هو أول كتير بعدها محدش طلع عليه غلطة واحدة بس الدنيا كلها واقفت عشان الي مامته عملته قالولي مينفعش تتجوزي انا و لسة بنحب بعض وهو احسن خلق الله وعمل كل حاجة عشان يبقي معيا وانا دلوقتي مبقتش عارفة اعمل ايه اسمع كلام اهلي ولا اسمع كلام قلبي بذات ان كمان اهلي قالو ان هو كويس بس اهله ناس مش كويسة وخده ذنبه بذنب اهله مبقتش عارفة اعمل ايه حياتي مدمرة من غيره وجربت ابعد واكمل حياتي ومعرفتش وهو كان معيا ف كل حاجة ف حياتي
صلي استخاره وبعدين اتكلمي مع اهلك تاني وحاولي تتكلمي مع حد كبير يتكلم مع باباكي بردو ويقنعو بس الافضل انك تسمعي كلام اهلك لان دايما بيكونو شايفين حجات احنا مش شايفنها ومتخليش قلبك يسيطر علي عقلك
تم النشر الثلاثاء، ٢٦ سبتمبر ٢٠٢٣
اهلك بشكل ما غدروا بيه لانهم كانوا عارفين ان اهله مش كويسين وخلاص كانوا قابلين بيه هو بشخصه لوحده فلما دلوقتى يرجعوا يربطوه بيهم يبقى كده ظلم ليه وغدر . انتى واجب تتكلمى معاهم تانى
تم النشر الاثنين، ٢٥ سبتمبر ٢٠٢٣
السلام عليكم ورحمة الله وبركاته شكرا لحضرتك ع المشاركة الرسول صلى الله عليه وسلم قال :"أهلك لتهلك" وقد قال :"خيركم خيركم لأهله" دا يعلي شأن الأهل ورؤيتهم عندنا قد يكون موضوع الخلاف مختلف تماما ولكن يبقي الأصل ان اهلك رافضين والزواج علاقه نسب يعني بين عائلتين مش شخص لوحده مهما كان الشخص كويس يفضلوا أهله ولو هوا اتخلي عنهم مهما كانوا يبقي مفيهوش خير استخيري ربنا يبصرك بالحق وادعي ان ربنا يقدرلك الخير حيث كان ويرضيكي به واكيد احساسك صعب بس كل حاجة بتكون فأولها صعبه وبتهون بعد كده اسالي نفسك بما ينفعك ربنا يقدرلك الخير ويرشدك للصالح
تم النشر الاثنين، ٢٥ سبتمبر ٢٠٢٣
بصي هو مهما كان اهلنا بيبقى عندهم نظرة صح حتى لو احنا مش فهمينها ،، أهله دول بعد جوازكو ممكن يتدخلو فحياتك و يدمرو حجات كتير ،، اول حل جه فبالي لمشكلتك أن لو في إمكانية تتجوزو و تسافرو مثلا بعيد عن أهله خالص يبقى تمام اوي و تكون صلة الرحم بالتليفون زي الفل يعني مبقولكيش يقطع خالص مع أهله بس تتقو شرهم يعني ممكن تعرضي الفكرة عليه و ع اهلك و تشوفي رأيهم تاني حاجة فنصيحة مني انا اكيد محترمة قصة حبكو الجميلة بس برضو مينفعش تخلي حياتك معتمدة ع حد ،، خليكي معتمدة ع ربنا و عليكي و بس فكل حاجة و ربنا ييسر لك الأمور يارب 💜
تم النشر الاثنين، ٢٥ سبتمبر ٢٠٢٣
ربنا يقدملك اللي فيه الخير . صلي استخاره وشوفي الامور هتمشي ازاي
تم النشر الاثنين، ٢٥ سبتمبر ٢٠٢٣
لعرض السؤال في فدني اضغط هنا