السلام عليكم ورحمه الله وبركاته
انا طالبة في تانية ثانوي و انتوا عارفين شغل وزارة التربية والتعليم
عايزين دايما تقييمات و كده كل اسبوع
انا بعملها عادي و كل حاجة و ساعات كتير بفتح اليوتيوب و انقلها بما ان الوقت ضيق
بس انا مش بحب ادي لحد تقييماتي، بحس انهم بعد كده هيعتمدوا اني اديهم التقييمات علطول و دا بيتعبني اللى هو روحوا دوروا على اليوتيوب و هاتوا اللى انتوا عايزينه
و دلوقت واحدة طلبت مني التقييمات و هي مش عاملة لاي مادة من اول الترم
ارد عليها اقول لها لا و لا انا اللى مزوداها و مرخمة عليهم ولا ايه بالظبط
بصي يابنت الحلال انتي مش رخمة خالص ده حقك وتعبك وهي اللي مكبرة دماغها طول الترم وعايزة تيجي على الجاهز فمتخليش حد يستغلك باسم الصحوبية والجدعنة انتي ممكن تقولي لها شوفي الفيديو الفلاني على اليوتيوب هو اللي انا بجيب منه وكده يبقى ساعدتيها من غير ما تديها مجهودك على طبق فضة وبكرة تتعود وتعتمد عليكي في كل حاجة وتتعبك فخليكي ناصحة وحطي حدود من دلوقتي بس بالذوق وعشان مصلحتكم انتو الاتنين
تم النشر السبت، ١١ أبريل ٢٠٢٦
وعليكم السلام ورحمة الله وبركاته يا حبيبتي هبيبة 💕 لا يا قمر، مش رخامة خالص! أنتِ بتعملي اللي عليكِ صح، وده شعور طبيعي جدًا لما الناس يعتمدوا عليكِ زيادة عن اللزوم. اللي مش بيدرس من أول الترم لازم يتحمل مسؤولية نفسه، وأنتِ مش ملزمة تكوني "البطلة" اللي تحل مشاكلهم كلها – ده بيضعف إيمانهم بنفسهم ويثقلكِ. ردي المقترح عليها بلطف وقوة (علشان تحافظي على صداقتكم): "يا حبيبتي، أنا آسفة بس مش هقدر أديكِ التقييمات دلوقتي. روحي دوري بنفسكِ على يوتيوب زي ما بنعمل كلنا، هتتعلمي كويس وتستفيدي أكتر. ربنا يوفقكِ وييسر أمركِ! 😊" ده هيحافظ على حدودكِ ويعلّمها الاستقلالية، زي ما الإسلام بيأمر بالتعاون مع الحفاظ على النفس، ركزي على دراستكِ دلوقتي، أنتِ في تانية ثانوي وده وقت ذهبي! لو عايزة نصائح أكتر عن إدارة الوقت أو الدراسة، ابحثي في فدني عن أسئلة مشابهة، أو شوفي الخبراء هنا: https://www.fedni.net/experts. ربنا يوفقكِ يا رب! 🌟
تم النشر السبت، ١١ أبريل ٢٠٢٦
@Yona Yona @المحسن احمد @أحمد سعيد بجد جزاكم الله خيرا جميعا
تم النشر الأحد، ١٢ أبريل ٢٠٢٦
بس كده اهم حاجه راحتك 😅❤️
تم النشر الأحد، ١٢ أبريل ٢٠٢٦
زي ماقال اديها الطريقه مش المجهود... رخمت اديها الوش الخشب
تم النشر الأحد، ١٢ أبريل ٢٠٢٦
طالما اتأكدت انها مش رخامة مني او اني شخص وحش يبقى هرفض منغير ما اتضايق😆✨
تم النشر الأحد، ١٢ أبريل ٢٠٢٦
طيب خلاص ارفضي على طول 🥲
تم النشر الأحد، ١٢ أبريل ٢٠٢٦
اصل الفكرة اني مش بدي كشاكيلي لحد علشان ماحدش يقول اشمعنى اديتي فلانة وانا لا و حتى لو كنت اديته لحد فعلا هيروحوا يشوفوا مين هي و هياخدوها بردو مفيش فايدة😆
تم النشر الأحد، ١٢ أبريل ٢٠٢٦
يارب بس انا مقولتش اكدبي هو فعلا بيبقا مع صحبتك بجد +كمان انها طالما كدا يبقي فيه افتراض انها تحرجج باى كلمه عادي وانا شوفت ده قدام عيني
تم النشر الأحد، ١٢ أبريل ٢٠٢٦
@Yona Yona انا مش هكدب عليها و هقول لها بصريح العبارة انا مش بدي تقييماتي لحد و فعلا عندك حق هما عايزين الحاجة على الجاهز و بيلعبوا طول السنة و يغيبوا من المدرسة و يتنمروا على خلق الله فربنا يهدينا و يهديهم يارب
تم النشر الأحد، ١٢ أبريل ٢٠٢٦
@أحمد سعيد انا دايما بقول لهم اي تقييم عايزينه افتحوا يوتيوب اكتبوا التقييم رقم كذا في مادة كذا و هتلاقي مدرسين الدنيا و اه انا بعد كده هرفض علطول لانهم عايزين الحاجة على الجاهز
تم النشر الأحد، ١٢ أبريل ٢٠٢٦
كان معايا واحده كدا زيها بالظبط ولما قولتلها جبته ازاى كانت بتقول هو انا لسه هدور هاتى الكشكول أسهل وانقل بسرعه ف لو عملت كده ممكن تقوليلها انه مع واحده صحبتك بس تكون هى متعرفهاش ولا ليها علاقه بيها عارفه بس لو كانوا بيطلبوا بطريقه احسن او فيه ظرف عندها مخليها فعلا معندهاش وقت تدور زي مريضه مثلا او كده كنت قولت ماشي لو هتنقل الكشكول كله حتى بس فرق انهم بجد مفيش ذوق خالص وطريقه كأنه لا هاخده غصب
تم النشر الأحد، ١٢ أبريل ٢٠٢٦
رشحيلها الأماكن اللى ساعدتك وانتى ازاى عملتيها يبقى رديتى عليها وفى نفس الوقت خدتى أجر ولو رخمت وقالت لا عايزه التقييمات ارفضى بطريقة شيك مثلا بدل ما تقولى لا قولى لؤة 🙂
تم النشر الأحد، ١٢ أبريل ٢٠٢٦
لعرض السؤال في فدني اضغط هنا