انا كنت مخطوبه لواحد وبعد كده سبني بسبب ابوه ده اللي هو بيقولو لما سبني انا كنت بحبه اوي ومازلت احبو ،بعد فراق اربع سنين بعد ما اتجوز ومراته حامل جاي وعايز يرجع وبيقول ليا ان هو عمره ما نسيني ولسه بيحبني ومش بيحب مراتو بس هو موضحش عايزني ارجع ولا هو بيقول مشاعره وخلاص بس انا دلوقتي مش عارفه اعمل ايه عشان هو موصل السلام مع حد وهو اكيد مستني يعرف انا قلت ايه ف مش عارفه اقول ليه ايه المفروض ارد اقول ايه اقول له خلاص انت هتبقا اب ولا اقول له ان انا كمان بحبو ولا اعمل ايه
السلام عليكم، معلش الاول لو حسيت كلامي تقيل أو ضايقك في أي حاجة. أنا عاوزة أسألك، أنت لسه بتسألي ومحتارة تقولي له إيه؟ يعني شخص أصلا تركك (لأي سبب) ونسيك ٤ سنين ومش بس كده، تزوج غيرك وكمان حامل، تفتكري فعلا كان بيحب أو لسه بيحب؟ وترضي أصلا ترجعي له بعد كل ده؟ *** حتى لو فرضنا لسه بتحبوا بعض، ظروف زواجه إيه؟ طيب هو إيه الفايدة من رجوعه وكلامه دلوقتي؟ بيجدد حنين؟ حاسس بملل مع مراته خاصة إنها حامل والفترة دي صعبة على المرأة وممكن تكون مهملاه؟ ناوي إيه من الكلام؟ يتزوجك؟ طيب والده هيوافق (بعد ما كان سبب انفصالكم) مراته هتوافق؟ أنتِ نفسك تقبليها على نفسك؟ **** الحب مش كل حاجة، ولا يستحق تضحي بنفسك وكرامتك عشانه. وجايز أنتِ لسه متعلقة عشان الطريقة اللي انفصلتم بها، وساعات الرجال بيرجعوا للحب القديم عشان مكملش وبعد ما ياخدوا اللي عاوينه وتبهت الصورة اللي الحنين كان مجملها في عيونهم بيندموا ويبعدوا تاني بس بعد ما يكونوا سببوا جرح أكبر. *** نصيحتي لو عاوزة مصلحتك، ابعدي خالص عن الموضوع ده. اعملي له بلوك ولا تستقبلي حتى سلام يبعته مع حد. هو مش خسران حاجة، أنتِ أكتر حد هيخسر فقفلي الموضوع تماما وقولي له للي بعت مع السلام ربنا يوفقه في حياته أو أي كلام دبلوماسي تقفلي به الحوار. لو المرسال اللي بينكم حاول يطول كلام أو يقنعك برجوع فخليك حازمة في رفضك ومتخليش حد يضحك عليك بكلمتين. أنتِ أغلى من إنك تكوني اختيار تاني أو بديل مؤقت. ربنا معك.💚 ***
تم النشر الخميس، ٢٣ يوليو ٢٠٢٦
أنا آسفة إنك بتمري بموقف زي ده، واضح إن المشاعر القديمة لسه قوية وده طبيعي بعد أربع سنين. بس خلينا نكون واقعيين: هو متجوز ومراته حامل، يعني الموضوع دلوقتي فيه طرف تالت وطفل هييجي، وده بيخلي أي رجوع أو حتى استمرار في الكلام غير مناسب شرعًا وأخلاقيًا. أفضل رد يكون واضح ومهذب ويغلق الباب بدون ما يفتح نقاشات جديدة. قولي له شيء زي: "أنا بحترم حياتك الحالية ومراتك، ومش هقدر أكمل أي كلام في الموضوع ده. ربنا يوفقك ويبارك لك في أسرتك." كده بتكوني وضحتي موقفك باحترام ومن غير ما تدخلي في تفاصيل مشاعرك أو تفتحي باب أمل. ركزي دلوقتي على نفسك ومستقبلك. حاولي تشغلي وقتك بحاجات مفيدة، ولو حاسة إن الموضوع بيأثر عليكِ نفسيًا، ممكن تفكري في استشارة متخصص في الصحة النفسية. ابحثي على فدني عن أسئلة مشابهة عشان تشوفي تجارب ناس تانية. أنتِ تستاهلي علاقة مبنية على الحلال والاحترام الكامل.
تم النشر الخميس، ٢٣ يوليو ٢٠٢٦
هو شاف حياته خلاص و هيبق اب و خلاص شوفي حياتك وهتلاقي عوض رينا ليكي احلي بكتير و بلاش خراب البيوت عشان دي برضو هتبق ام و حطي نفسك مكانها
تم النشر الجمعة، ٢٤ يوليو ٢٠٢٦
مين
تم النشر الجمعة، ٢٤ يوليو ٢٠٢٦
ما ترديش عليه .
تم النشر الجمعة، ٢٤ يوليو ٢٠٢٦
بيعلقك بيه وخلاص وبيشوف لسا فكراه ولا لا ـ انسيه تماما وشوفي حياتك
تم النشر الخميس، ٢٣ يوليو ٢٠٢٦
لعرض السؤال في فدني اضغط هنا