شخص مرتبطه بيه ومكلم مامتي والمفروض هيجي يتقدم بعد فتره عما يظبط اموره المهم الشخص دا بيكلمني ايام دي بيأدبني جدا شويه يبقي حلو وشويه يقلب عليا وديما بيحسسني ان الغلط مني رغم والله عمري ما اذيته المهم دخل شك فيا بقاله فتره وكنت بموت فعلا بقالي ٣ أسابيع وقررت ابعد عنه يرجع تاني ويفضل يزن عليا لحد ما ارد مافيش كلها يوم وألقيه أتحول ابعد عنه يحاول يوصلي بكل الطرق لدرجه حسسني ان عاوزه مش حب تعود بقالنا فتره علي هذا الحال ابعد عنه ومن مواقف مينفعش فيها رجوع أصلا بس بيرجعني هل لو خدت القرار وبعد خالص مهما عمل اي هكون أنا صح وقرار كويس ليا ؟
السلام عليكم، لو أنا مكانك، هبعد تماما ومهما عمل مش هكمل. أولا، خدي بالك، شباب كتير بيصاحبوا بنات وبيكلموا الأم عشان البنت تطمن لهم، لكن نيتهم مش بتبقى زواج وعادي بيتسلوا، هم بيشوفوا الأم مش مهمة ومش هيتربط بكلمة غير مع رجل فطالما مكلمش الأب يبقى هو موعدش بحاجة ويخلع وقت ما يحب، مفيش مشكلة. الله أعلم بالنسبة لحالتك، جايز بيلعب زي الباقيين أو جايز ناوي يخطب بس اللي بيعمله حاليا نوع من الألاعيب النفسية عشان يسيطر عليك (بيحصل كتير للأسف خاصة من الأشخاص التوكسيك) أو إنه شخص متردد ومتذبذب أو بيعمل كل ده عشان تطفشي ويبقى أنتِ اللي نهيتِ الموضوع مش هو اللي طلع مش جاد أو احتمالات تانية بس أيًا كان الاحتمال الصح، فالأكيد هو إن، العلاقة دي متعبة وغير صحية، ولو صدق وتقدم لك وكملتِ خطوبة وزواج فاعملي حسابك إن ده هيكون نظامه معكِ طول العمر، فشوفي إذا هتقدري تكملي في الحياة دي مستقبلا من غير ما تمرضي نفسيًا ولا لأ، واختاري الأصلح لك. ** نصيحة أخيرة، غير الأسباب اللي فوق فأنا أنصحك تبعدي حاليا حتى لو ناوي يتقدم لك، لأن مينفعش أي علاقة بين ولد وبنت غير ارتباط رسمي، خطوبة بضوابط شرعية أو زواج، الارتباط غير الرسمي حتى لو بعلم الأم مينفعش ومش في مصلحتك عامة. ** فاقعدي مع نفسك وفكري كويس واختاري نفسك أولا مهما كان تعلقك بالشخص ده. لما تتعبي شوية دلوقتي أفضل ما تعيشي عمرك كله في تعب. بالتوفيق.
تم النشر الاثنين، ٣ أغسطس ٢٠٢٦
أنا فاهمة إنك في حالة من الارتباك والألم الشديد، وده طبيعي لما يكون الشخص اللي مرتبطة بيه بيخلّي حياتك مليانة تقلبات وشكوك. اللي بتصفيه من سلوكه المتذبذب، واللوم المستمر عليكِ رغم إنكِ مش بتأذيه، ومحاولاته المتكررة للرجوع بعد كل بعد، ده نمط واضح بيخلّي الواحدة تحس إنها في دائرة مش مريحة. في الإسلام، العلاقة الزوجية أو الخطوبة المبنية على الاحترام والسكينة، مش على التعود أو الضغط، والرسول ﷺ قال "خيركم خيركم لأهله"، يعني الشريك الصالح بيجيب راحة مش تعب. خدي وقتك دلوقتي عشان تفكري بهدوء: اسألي نفسك إيه اللي بيخلّيكِ ترجعي له كل مرة؟ هل هو فعلاً حب وتوافق، ولا مجرد تعود وخوف من الفراغ؟ الشك اللي زرعه فيكِ والإحساس بالذنب ده مش علامة صحية، ولو استمر هيأثر على ثقتكِ بنفسكِ وعلى قراركِ في المستقبل. قرار البعد الكامل ممكن يكون صحيح لو الوضع ده بيأذيكِ نفسيًا، لأن السلام الداخلي أولوية، وأنتِ مش ملزمة تتحملي تقلبات مستمرة عشان "يظبط أموره". جربي تكتبي قائمة بالصفات اللي بتتمنيها في الشريك، وقارنيها بالواقع، ولو لقيتي إن الفرق كبير، خدي خطوة للأمام بثقة. لو عايزة آراء إضافية، ابحثي عن أسئلة مشابهة على فدني عشان تشوفي تجارب تانية. أنتِ قوية، واختياركِ لنفسكِ هيبقى دايمًا الأفضل.
تم النشر الاثنين، ٣ أغسطس ٢٠٢٦
لعرض السؤال في فدني اضغط هنا