السلام عليكم انا عاوزه اتكلم في حاجة وجعاني اوووي اناعندي 20 سنه بابايا مش موجود في حياتي مشي كان لما كان موجود مكنش احسن حاجه خااالص ودلوقتي معنديش اي حد يكون حنين عليا خااالص يمكن امي شويه بس ساعات بتقلب عليا عادي
انا تعبانة اووووي ومفيش اي حاجة جمبي ولا حنينه خااااالص عليا حبيت واحد من شهر تلاته حببته اووووي واتعلقت ليه اووووي حبيت كل تفاصيله كان جميل معايا اووووي وحنين وبيسمعني ويفهمني ولما صدقت قولت اخيرا وبعدين كسرني ومشي من غير اي بلوك عااادي جدا ولا اتخنقنا ولا اي حاجه بس كل حاجة بانت
انا عاوزه اعرف ليه انا صعبان عليا نفسي اووووي اعمل ايه بجد اتصورنا كتير وخرجنا وضحكنا وفي ذكريات حرفيا كبيره م عارفه امسح ولا شاتات ولا صور وصعبان عليا نفسي اللي اتلعب بيها اوووي كدا م عارفه اعمل ايه بحبه بس قرفت منه اوووي بس برضو لو رن بس عليا وقالي حقك عليا خلاص عادي الواحد عمال يشحت من كل حاجة عشان مشفش اي حنيه ولا اي حب في حياته بقاله اسبوعين م بيكلمني ولا اي حاجه طيب في ايه اعمل ايه اروح فين اتصرف ازاي تعبانة اووووي
السلام عليكم، لو عاوزة تتعافي وتخلصي من كل ده خدي الخطوة الصعبة وامسحي كل حاجة واقطعي أي طريق يرجعك للعلاقة دي. الولد طبيعي يبقى حنين وبيسمعك وبيفهمك وخاصة في اول العلاقة عشان يعلقك به، أغلب العلاقات دي بيكونوا بيتسلوا بالبنات وبيقضوا وقت ممتع وخلاص، فطبيعي يخلي البنت مبسوطة ويحسسها إن مفيش زيها في حياته وهو الوحيد اللي فاهمها وبيسمعها، وقت ما بيمل أو يشوف صيد جديد بيبدأ يتغير وممكن يقطع فجأة من غير ما يفرق معه كسرة قلبها. وخدي بالك، ساعات بيقطعوا فجأة ويغيبوا وقت طويل ويرجعوا بأي عذر ودي طريقة تانية للسيطرة على البنت ويخليها متعلقة به أكتر وخايفة بعد كده من إنه يمشي أو إنها تعمل أي حاجة تزعله فيسيبها وساعتها أي حاجة عاوزها منها هتعملها له حتى لو غلط وهتدمرها. ركزي دلوقتي على نفسك وازاي تقللي احتياجها العاطفي، حتى لو أهلك مش جنبك، حاولي أنت تكوني لنفسك كل حاجة، لو بتدرسي في كلية صاحبي بنات حتى لو علاقتك بهم سطحية وجوري على بنات عندها نفس اهتماماتك عشان تتشاركوا فيها. ساعتها تقدري تعملي ذكريات مع ناس جديدة، الحنية والمشاعر دي مش لازم تاخديها من ولد، تجنبي تماما تتكلمي مع الولاد سواء في الكلية أو على الانترنت. ده مش هيسبب لك غير أذى فتعلمي من الدرس اللي حصل. ركزي في دراستك واملي يومك بحاجات تنفعك وزودي ثقتك بنفسك ومع الوقت هيقل الاحتياج ده ومش هتفكري بعد كده غير في أي حاجة فيها صالحك وهتبعدي تماما عن أي شيء يضرك. ربنا يوفقك.💚
تم النشر السبت، ١٨ يوليو ٢٠٢٦
ليه كل منزل سؤال يجيلي كدا
تم النشر الاثنين، ٢٠ يوليو ٢٠٢٦
الجزء الثاني بقى بيجي من ان انا اقدر واحترمه اللي بيحصل في حياتي اييي من تصرفات حنينه وما بقاش بسبب الجزئيه اللي ناقصه انه هو مثلا مش موجود ابقى اي حته حنيه تنقص او ان الحنيه تغيب شويه معنى كده ان انا يكون عندي مبرر لاستقبال الحنيه دي بشكل خاطئ من اي حد يعني نقيم الحاجات اللي عندنا ونديها قيمه حقيقيه بدل ما تيجي حاجه مش حقيقيه وتاخذ. قيمه هي مكانتش مفروض. تاخدها قدري كل الحاجات الحلوه اللي موجوده في حياتك شوفيها كويس قوي قوي قوي حط لها قيمه تناسبها كبيره وبس ما تسيبيش الحاجات التانيه تيجي وتاخذ مكان مش مكانها علشان ما وصلتش النتيجه مش حلوه شوفي حنيه مامتك شوفي اهتمامها لك شوفي عليك واا حطي الحاجات التانيه اللي ناقصه في الحاجات اللي انت مستنيه انها ربنا يكرمك بها بشكل احسن ان شاء الله.
تم النشر الأحد، ١٩ يوليو ٢٠٢٦
قربي من ربنا وهتلاقي امورك تمام، وبلاش تعالجي حاجه ناقصه عندك بحاجه غلط، ولو على الواد فمن رأيي اني انتي محبتهوش ما هو إلا لهفه أو تعلق عشان بتملي بيه حاجه ناقصه عندك ( الحنية )، فنصيحة مني امسحي كل حاجه وحاولي تشغلي بنفسك بحاجات مفيده زي تعلم مهارات أو تتفقهي في الدين اكتر اي حاجه المهم بس انك تشغلي نفسك ومع الوقت هتلاقي نفسك اتحسنتي
تم النشر الأحد، ١٩ يوليو ٢٠٢٦
وعليكم السلام ورحمة الله، يا بنتي. أنا فاهمة تمامًا اللي بتمرّي بيه، والألم ده ثقيل جدًا. غياب الأب وقلة الحنان من أقرب الناس بيخلي الإنسان يشعر إنه مش مستاهل الحب، وبعدين لما ييجي حد يملّى الفراغ ده ويروح فجأة، بيحسسك إنك اتلعبتي بيكي. ده مش ضعف منك، ده رد فعل طبيعي للي حصل. اللي حصل مع الشاب ده مش نهاية العالم، ومش دليل على قيمتك. هو اختار يمشي بدون تفسير، وده بيوضح إنه مش الشخص اللي يستاهل يفضل في حياتك. لو رجع وقال "حقك عليا"، ده مش هيغير اللي حصل، ومش هيملّى الفراغ اللي جواكي. أنتِ دلوقتي محتاجة تبني حنانك من جواكي، مش تنتظريه من حد. ابدئي بخطوات صغيرة: امسحي الصور والشاتات تدريجيًا، مش لازم مرة واحدة، بس كل ما تمسحي حاجة قولي لنفسك "أنا بفتح صفحة جديدة". ركزي على صلاتك ودعائك، اطلبي من ربنا يملّى قلبك بالسكينة والقوة، وادرسي أو اتعلمي مهارة جديدة عشان تحسي إنك بتتقدمي. أنتِ عندك 20 سنة، ولسه قدامك فرص كتير تبني فيها نفسك وتلاقي اللي يستاهلك. ابحثي على فدني عن أسئلة مشابهة عشان تشوفي تجارب ناس تانية وتاخدي أفكار إضافية. أنتِ مش لوحدك، وربنا شايف تعبك وهيفرجها عليكِ إن شاء الله. خدي خطوة صغيرة النهاردة عشان نفسك، ولو عايزة تحكي أكتر أنا هنا.
تم النشر السبت، ١٨ يوليو ٢٠٢٦
شكرا حاضر
تم النشر الأحد، ١٩ يوليو ٢٠٢٦
20
تم النشر السبت، ١٨ يوليو ٢٠٢٦
مبدأيا أي شاب لو شفتي فيه الالتزام و الأدب و المرجلة و الإحترام و انتي اللي معجبة بيه و رحت تكلميه و كلمك اعلمي اني ممنهوش أمل أنا مش بعيب من الشاب اللي خذلك و لكن الرجال خلقوا بشهوة ناحية النساء مهما كان قافل علي نفسه أو محترم لو فتح للنساء باب في حياته بشكل غير شرعي بيدمر حياته و حيات البنت اللي فتحلها الباب الرسول ﷺ قال "ما تَرَكْتُ بَعْدِي فِتْنَةً أضرَّ علَى الرِّجَالِ مِنَ النِّسَاءِ" و ممكن نحسن الظن بالشاب ده و نقول انه تاب و رجع لربنا و معملكيش بلوك علشان ميكسرش بخاطرك المهم حاولي تطلعي من الأفكار دي و تعلقي قلبك بربنا و هيرزقك إن شاء الله بشخص يحافظ عليكي
تم النشر الأحد، ١٩ يوليو ٢٠٢٦
انا عارفه ان ده ذنب ومفيش اي مبرر لده هوا للاسف انه ظهر في وقت ضعف ف انا تتعلقت كنت بحسبها حاجه حنينه في حياتي ونا عارفه انه غلط مقولتش حاجه لا انت مسمحاه خلاص انا خلاص بحاول تنسي وبشتغل علي نفسي عشان انساه بس انا مصدومه من فكره انه هوا خلاني احس انه ال واخ وسند وكذب عليا بعدبها في كل حاجة وسابني عادي ولا بلوك ولا اي حاجه ونا فرصه مره واحدة ي تكسبني ي تخسرني وهوا خسرني انا مش هديله فرصه تانيه بس الموضوع وجعني بس بطور من نفسي ودي اكتر حاجه مهتميا بيها بس
تم النشر الأحد، ١٩ يوليو ٢٠٢٦
أولا و قبل كل شئ عدم وجود شخص حنين في حياتك مش مبرر أبدا إنك تدخلي في علاقة مع شاب لا هو خطيبك و لا هو جوزك و أظن ده إنت غافلة عنه من كلامك الواضح انك حزينة علي فكرة إن اتلعب بيك و إن الشاب ده كان بيتسلي و مش حزينة علي فكرة إنك تكوني أغضبت ربنا بهذا الذنب و الدليل انك بتقولي مستعدة تسامحيه لو هو كلمك و اعتذرلك ثانيا حياتك الحزينة دي مش علشان مفيش حد حنين عليك و لا علشان الشاب تركك علشان قلبك تعلق بحاجة غير الله عز و جل و من واقع تجربة أجزم لك إني ده أتعس حياة ممكن يعيشها إنسان مسلم الحاجة و لا الشخص اللي انتي بتعلقي بيه قلبك ده عمره ما هيفضل معاك زي ما أنت عايزاه أو عمره ما هيفضل ثابت كل حاجة في الدنيا بتتغير حتى قلبك انتي بيتغير يعني لو افترضنا إنك لقيتي شخص عمره ما هيتغير انتي اللي هتتغيري و هتجبريه علي التغير خلاصة الكلام علقت قلبك بغير الله أو بحاجة مع الله هتفضلي تعيسة . كلامي كان قاسي شوية بس علشان انتي غافلة عن أهم شئ في حياتك ،دلوقتي بقي تعلقي قلبك بالله إزاي؟ ببساطة بدل ما تستني حد تحكيله همك أجري ألجئي لربنا و احكيله يا ربي انا كذا .... يا ربي الأمر ده وجعني يا ربي انا مليش غيرك الفرق دلوقتي انتي بتحكي و بتشكي همك للوحيد القادر علي سماعك لحد ما تخلصي كل اللي في قلبك للوحيد القادر علي تفريج همك و غمك لأنه أحن عليكي من أي مخلوق خلقه سبحانه و تعالي .
تم النشر الأحد، ١٩ يوليو ٢٠٢٦
طيب أنتِ عندك كام سنة؟
تم النشر السبت، ١٨ يوليو ٢٠٢٦
لعرض السؤال في فدني اضغط هنا