لو حد بتعشقيه وكل حياتك حرفيا واول واخر حب بالنسبه ليكي وشوفتيه بيخونك قدام عيونك محدش قالك وقتها مقدرتش ومشيت وسبته ومن غير ولا كلمه ولا تبرير قفلت بابه بالمفتاح وبنيت سور وقفلت على قلبي
وهو جاي يقول بعد دا كله انه مكنش يقصد وغصب عنه والله ودا مش بأيده وانه بيحبني وميقدرش يعيش من غيري واني الوحيدة الي بيتمناها معاه في حياته وانو بيعشقني ودخل ناس في الموضع عشان بنته الي في بطني عشان بعد الي حصل سبت البيت ورحت عند أهلي بس مش قادرة أثق فيه
مش قادرة ادوس على نفسي بعد كسرتي مش قادرة ابص في عينه واصدقه تاني وكنت عمري ما فكرت أتخيل حتى انه يعمل كدا في حياتي كلها وبعد دا كله ازاي ارجع وفين حبك دا الي بتقولي عليه اه يارب حاسه بفراغ وجرح كبير اوي
محدش فاهمني محدش عارف انا حاسه بإيه ولا بناري دا لما بيكون عندنا فرح كان بيغصب عليا البس حاجه واسعه جدا ومفيش حاجه اسمها ميكب عشان بيغير طب وايه وانا فين من دا كله محدش مستوعب كسرتي الي فرفتتني من جوا قبل برا
السلام عليكم حقك تحطى الشرط اللى يرضيكى واللى يبقى فيه توازن مع الضرر اللى وقع عليكى بسبب الخيانه اللى شوفتيها قرارك فى ايدك وخدى وقتك قبل ما ترجعى لو قررتى ترجعى ( وقت تكونى فيه اتعافيتى ونفسيتك استقرت ) وتكونى شوفتى منه فى الفتره دى دليل على التغيير اللى انتى هتطمنى بيه
تم النشر الجمعة، ٢٠ يونيو ٢٠٢٥
ونعم بالله يارب يارب والله نفسي الحق يبان ، اللهم آمين يارب ، شكرا لحضرتك على كلامك الطيب والله المستعان
تم النشر الاثنين، ٢٣ يونيو ٢٠٢٥
الله يكون في عونك شعور صعب ومذل لما اكتر حد بنحبه الخذلان يجي منه بس مش هقولك التمسي الاعذار ولكن اتركي كل شيء لله وباذن الله ربنا هيظهر الحق والصح ليكي وربنا يرابط علي قلوبنا جميعا
تم النشر الأحد، ٢٢ يونيو ٢٠٢٥
وهي الي بقيالها دلوقت
تم النشر الأحد، ٢٢ يونيو ٢٠٢٥
شكرا لحضرتك يا استاذ عبدالله ، ويمكن غلط اخد قرار صح دلوقت ولازمني فترة نقاهة وهدعي ربنا يفرج همي ويريحني للصح عشان مش عاوزة أظلم بنتي معايا في قراري
تم النشر الأحد، ٢٢ يونيو ٢٠٢٥
تمام خذي وقتك وخلي الحزن ياخد مراحله ويعدي بعدين خير ان شاء الله.. لكن متاخديش قرار دلوقتي وانتي لسة في مرحلة الصدمة
تم النشر الأحد، ٢٢ يونيو ٢٠٢٥
يمكن بسبب الحمل كان في نوع من البرود في علاقتكم وهو متحملش و أدى لده كله .. عموما اجتمعي به مع حد كبير وعاقل وتوصلوا لاتفاق معين .. أو الحد العاقل ده يقيمه لكي
تم النشر الأحد، ٢٢ يونيو ٢٠٢٥
معرفش اذا كان السبب في الي انت قولته دا ولا لأ بس دا مش عذر للي عمله فيا ابدا ، وبالعكس ينزله من عيني جامد اوي
تم النشر الأحد، ٢٢ يونيو ٢٠٢٥
شوف انا بصراحه مش قادرة ارجع وكمان لو فكرت ثقة زمان مش هتبقى موجودة ودا هيتعبني ويتعبه معايا وكمان حاليا انا مش عارفه أصدق عنه كدا ومش عاوزة اسمع حاجه ولا حد
تم النشر الأحد، ٢٢ يونيو ٢٠٢٥
ويكون هو اخذ خطوة فعلية واقعية في التعافي من اي انتكاسات تانية .. تابع مع متخصص مثلا
تم النشر الأحد، ٢٢ يونيو ٢٠٢٥
لا هو دايما بيعاملني بحب وحنيه ولما كنا بنزعل من بعض كان يجي ويراضيني وحتى وقت الخناق كان بيكون متضايق مني جامد بس لإما ينزل يتمشى ويهدي نفسه ويجي لإما كان بيفضل في البلكونه وفي الاخر لو انا غلطانه بتأسفه ولو هو كان زودها معايا بيصالحني ويخرجني كان اكتر شخص في حنيه وطيبة الدنيا دي بحالها وكان بيوقعني معاه كل يوم اكتر من قبله ، ولما عرف اني حامل كان فرحان اكتر مني وكان طاير من فرحته ودمع يومها فاكرة ايوا دمع دموع فرح وانا كانت فرحته دي بالنسبه ليا الدنيا بحالها ومن يومها كان بياخد باله مني كان يروح الشغل ويرجع ومعاه حاجات حلوة عشان كنت بحبها اوي وكنت بطلبها منه وهو ولا مرة نسى وكان بيراعيني ولو مشغول اوي بيبعت لحد من اهلي او اهله ياخد باله مني مع اني بكون كويسه ولحد ما وصلت الخامس واسبوع ويومين كدا وهو قالي اني استناه عشان عندي إعادة عند الدكتورة وفعلا لبست وفضلت مستنياه وغيب لدرجة ان خلاص فاضل نص او تلت ساعه على المعاد واصلا العيادة مش بعيدة ومكنتش عاوزاه يجي بس هو الي أصر زي كل مرة والمرادي غيب فجبت شنطتي وكنت كل ما رن يديني مغلق فاتصلت على أخته وقلتلها لو هو جه عرفيه انه اتأخر فانا مشيت وفعلا مكملتش خطوتين ويادوب نزلت السلم لمحت عربيته عدت من قدام البيت بس ملحقتش انادي عليه ولقيته حود شارع جنبنا كدا معرفش ليه فقلت يمكن بيركن وجاي فكملت عشان اتأخرت على معاد الدكتورة اوي وقفت تاكس وركبت وصلت بس لقيت واحدة دخلت مكاني فقعدت استنى لحد ما تخلص وادخل رنيت عليه برضو مغلق فرنيت على سما ولقتها بتقولي لسه مجاش فاستغربت بس عديت عشان الممرضه نادت عليا فدخلت وكشفت والدكتورة طمنتني وكتبتلي على شوية فيتامينات نزلت من عندها ورحت الصيدليه جبت الحاجه وطلعت ركبت ووصلت البيت دورت على عربيتة ملقتهاش وسما رنت عليا وطمنتها وبعدها سألتها تاني قالت لا مجاش فرحت اجيب شوية حجات من الماركت وشوفته كان هناك ماسك كيس عند الكاشير وباين عليه انه مستعجل فرحت ليه ولسه هنادي لقيته طلع فطلعت وراه لقيته دخل نفس الشارع فرحت وراه وهو دخل بيت في الحارة دي وانا توقعت كل حاجة إلا الي في بالي وحسيت بصداع فطلعت مايه شربت وروحت البيت بعد حوالي ساعتين لقيته جاي وقال انه عاوز ينام عشان تعبان واطمن عليا وقالي معلش كان وراه شغل كتير وفونه فصل ونسى يحطه ومعرفش يجي قولتله عادي يا حبيبي بس انت كنت في الشارع الي جنبنا شفت عربيتك وانا نازله قالي ايوا كان عندي شغل استغربت وعديت ليه لان حسيته مأنكرش عليا يبقى مفيش حاجة فعلا عدا يوم كمان كنت هموت وانزل اتمشى فعرفته في الفون وخدت سما وإيمان وفضلنا نتمشوا خطوتين ونقعد شويه وكلنا شاورما وايس كريم يومها وخلصنا قبل المغرب لقيته بيرن عليا وقالي انه جاي ياخدنا وحسابنا في البيت خفت منه وقولت العنوان وسكت وهو جه خدنا واول ما وصلنا البيت قالي اطلع هيجيب حاجه من الماركت هزيت راسي وطلعت وهو غيب برا اوي قعدت مستنياه اكتر من تلات سعات وتعبت ونمت ومعرفش ايه الي حصل حتى لقيته الصبح بيقومني عشان نفطر وقعدنا ولسه هسأله غيب ليه لقيته بيزعقلي ويقولي ايه الي غيبني برا وليه وليه وقعد بقا فسكت وقولته كان نفسي اتمشى وانت عارف اني حامل ومش بحب الكبته قالي بس لازمك راحه وبعدها مشى وماما اتصلت عليا قالت لي اروح لهم شويه فاتصلت عليه وقالي لا اتحايلت عليه لحد مازهق مني وقالي خليها تيجي قولته بس ماما تعبانه ومش هتقدر وهم وحشوني اوي قالي هيخدني ونسهر عشان الحمل قلتله عادي مفيش حاجه مش هيحصل حاجه وأخر المكالمه وصلنا لاني هبات يوم واحد وفعلا وصلني باليل وسهر معانا ومشى وانا يومها بت وتاني يوم اتصل عليا قالي مش هيعرف يعدي ياخدني واصلا مكنتش عاوزة اروح بس غيرت ونزلت وقفت تاكسي واخويا جه معايا وصلت وشوفت عربية جوزي راكنه في الشارع عادي فطلعت ولسه بفتح الباب لقيت لقيت بنت خارجه من الشقه وباين أنها معيطه اخويا وقفها وانا فضلت واقفه مكاني متحركتش اخويا كان متعصب وراح زعق للبنت وقالها انت مين يا بت انت وبتعملي ايه هنا وعلى صوته طلع هو وقف مصدوم والبنت زودت عياط وراحت قالت بزعيق جايه اخد حقي من ابن دا مش بعد الي عمله يومها يضحك عليا ومايردش انا كان هيغمى عليا واخويا سندني دموعي نزلت مسحتها ونزلت وسبتهم كلهم وروحت بيت ابويا ومعرفش ايه الي حصل بعدها
تم النشر السبت، ٢١ يونيو ٢٠٢٥
والله يا أخت أنا مستوعب حجم الخذلان والكآبة بسبب الخيانة .. ولكن "كل ابن آدم خطاء" وخيانته متقللش منك ومش شرط انه حابب الثانية دي مجرد لحظة ملل فالشيطان اغراه بالشهوة ووقع فيها .. الآن عليكي انك متعلقيش ثقتك بنفسك بأي حد خارجي لأن البشر مزاجيين وبيقلبوا في أي لحظة .. القرار لكي تسامحيه او لا حسب شخصيته ان كان شخص صادق وصاحب ضمير وأمانة ودي مجرد زلة وخطأ عابر أو إن كان دا العادي انه مدمن عصبي شهواني
تم النشر السبت، ٢١ يونيو ٢٠٢٥
لعرض السؤال في فدني اضغط هنا