عايز ابدا محتوي على انستجرام ويكون محتوي بسيط وخفيف
السلام عليكم ضرورى تحدد عاوز مين يشوف المحتوى وعاوزهم يستفيدوا ايه او هدفك الشخصى من المحتوى ايه
تم النشر الأربعاء، ٢٧ أغسطس ٢٠٢٥
السلام عليكم، فيه أنواع كتير من المحتوى وأنت وحدك اللي تقدر تحدد إيه نوع المحتوى اللي ممكن تبرع في تقديمه، بس فيه كم نقطة أحب أنصحك بهم: ضروري جدًا تبدأ بتحديد النيش اللي هتشتغل فيه والجمهور المستهدف وتدرس جمهورك كويس وأماكن تواجده والـ(tone) المناسبة لهم. متابعتك لجمهورك هتخليك تفهمه اكتر وهتشوف بيبحثوا عن إيه والأفكار اللي بتشغلهم وإزاي تعمل محتوى يرد على الأفكار والتساؤلات اللي عندهم، ده في حد ذاته منبع للأفكار المتجددة والمفيدة واللي هيزيد تواصلك مع جهورك. النيش يُفضل يكون في حاجة بتحبها أو بتجيدها، عشان هتحتاج تبحث وتلاقي أفكار وهتاخد طبعا وقت وجهد عشان تصنع المحتوى فلما تشتغل في حاجة بتحبها أو ضمن مجالك ومهاراتك ده هيساعدك على الاستمرارية ويقلل شعورك بالضيق في بذل مجهود في شيء أنت مش مستمتع به. دراسة المنافسين مهمة، حدد منافسينك وادرسهم وشوف بيتكلموا ويتفاعلوا مع جمهورهم إزاي. وطبعا لا تنس تجدد النية من نشرك للمحتوى وتتحرى الحلال والحرام في اللي بتقدمه وتحرص إن يكون محتواك مفيد للمتابعين وليس إضافة للمحتوى الغث اللي بيملأ السوشيال ميديا حاليا. خليك متميز وحاذر إنك تستهدف التريند لمجرد إنه تريند... إلا إذا تريند تبع النيش ومهم تتكلم عنه وهتقدر تضيف حاجة لجمهورك من خلاله. يُفضل طبعا لو تاخد دورة في صناعة المحتوى عشان تأسسك صح، لأن كتابة وصناعة المحتوى مش مجرد فتح صفحة على سوشيال ميديا والنشر من خلالها، فيه قواعد وأساليب مهم تتبعها عشان تقدر توصل صح للجمهور. وبالتوفيق إن شاء الله.
تم النشر الأربعاء، ٢٧ أغسطس ٢٠٢٥
فكرة رائعة جدًا هتفيدك في زيادة ثقتك في نفسك في انك تشارك افكارك وانصحك تخطط كويس للمحتوى اللي هتنزله وتعرف مين الجمهور المستهدف واعرف ازاي تطور نفسك في المونتاج لأنه بيفرق اوي وبيشد انتباه الجمهور ولكن بما انك عايز محتواك بسيط ممكن تعمل حاجه من الاتنين تفتح فيديو وتتكلم فيه عن المحتوى وكدا مثلا موضوع الفيديو عن الثانوية انت في الفيديو هنتكلم على كل حاجه تخص الثانوية وتنصح نصائح فرقت معاك انت وتقول كلام تشجيعي لغيرك وتحذرهم من حاجات مش يعملوها او ممكن تعمل تسجيل صوتي وتعلّق الصوت على فيديو
تم النشر الخميس، ٢٨ أغسطس ٢٠٢٥
ابدأ بمحتوى تثقيفي لفئة الشباب عن الأزمات وصعوبات الحياة زي محتوى الدحيح
تم النشر الأربعاء، ٢٧ أغسطس ٢٠٢٥
مرحبًا محمود! فكرة رائعة إنك تبدأ محتوى على إنستجرام، والمحتوى البسيط والخفيف دايمًا له جمهور واسع ويخدم ناس كتير. عشان تبدأ محتوى بسيط وخفيف، ممكن تفكر في الأفكار التالية: مقولات يومية أو حكم قصيرة: شارك حكم أو مقولات ملهمة أو مضحكة بشكل بسيط مع خلفيات جذابة. ممكن تستخدم صور أو تصميمات بسيطة مع النص. مغامرات يومية صغيرة: شارك لحظات من حياتك اليومية بشكل عفوي وخفيف، مثل قهوتك الصباحية، مشاهد من الشارع، أشياء تثير اهتمامك. نصائح صغيرة وعملية: قدم نصائح سريعة في مجالك أو مهارات معينة، مثلا: نصائح ترتيب، تطوير الذات بشكل بسيط أو تكنولوجيا. استطلاعات رأي أو أسئلة تفاعلية: ابتكر أسئلة بسيطة أو استطلاعات رأي على الستوريز تفاعل مع متابعينك. صور مع تعليقات خفيفة: شارك صور مع تعليقات ساخرة أو طريفة أو أفكار عفوية. نصائح مهمة عند بداية المحتوى: خلّي المحتوى يعكس شخصيتك بأسلوبك البسيط. انتظم في النشر حتى تبني قاعدة متابعين. رد على المتابعين وتفاعل معهم حتى يحبوا يكونوا جزء من رحلتك. لو حابب، ممكن أساعدك بتطوير فكرتك أو أوجهك لخبراء في مجال المحتوى على فدني يساعدوك بشكل مخصص. كيف تحب يكون المحتوى؟ هل عندك مجال معين أو موضوع تحبه؟ شاركني عشان أساعدك بشكل أفضل!
تم النشر الأربعاء، ٢٧ أغسطس ٢٠٢٥
أبدأ شوف أنت فاهم في أيه و بتحب أي مجال أدرسه كويس و أبدأ ، و قبل النشر راجع المصادر و المعلومة مرة و أثنين و ثلاثة
تم النشر الخميس، ٢٨ أغسطس ٢٠٢٥
لعرض السؤال في فدني اضغط هنا