دلوقتي انا التقدير التراكمي بتاعي في الكلية جيد انا في الثانوية جبت 97% الحمد لله بس والدتي محسستنيش بالفرحة خالص بالعكس كمية كلام حسيت انه سم لدرجة نفسيتي اتأثرت جدا
انا دخلت كلية تمريض بس نفسيتي مكنتش قادرة مكنش ليا أحد اتكلم او احكيله فمكنتش بذاكر كويس
دلوقتي انا مش عارفة اقولها ازاي علي التقدير التراكمي بتاعي عاوزة مساعدة لو سمحتو هي مش مقصرة معايا ماديا خالص بس نفسيا ماثرة عليا جامد
مبارك ليكى وعليكى انجازك فعلاً عظيم ولو كل الدنيا دى ضيعت عليكى فرحتك إنجازات ف متضيعيهاش انتى على نفسك وفى حاجه اسمها منك السعى ومن الله السعه انتى عليكى تسعى بس النتيجه مش بتاعتنا انتى معترفه ان والدتك مقصرتش معاكى ماديا وأكيد انتى مقدرتش فى دراستك فمتشيليش الهم وتزعلى نفسك وكل اللى هاتعمليه انك بكل هدوء هاتقوليلها على التقدير وأيا كان رد فعلها ف انتى لازم تكونى فخوره بنفسك وراضيه عن نفسك لأنك تعبتى واجتهدي ودخلت كليه صعبه وعافرتى عشان توصليلها واستمرى فى السعى ورا أحلامك ومتشوفيش حاجه قدامك غير نفسك وانجازاتك
تم النشر الأحد، ١٩ أكتوبر ٢٠٢٥
مرحباً يا عزيزتي، أولاً أحب أقول لك إنّي مقدرة جداً شعورك وصعوبتك اللي بتعيشيها الآن، خاصةً مع الضغط النفسي والاحساس بعدم الدعم المعنوي حتى من أقرب الناس إلينا، وهذا شيء مؤلم جداً خاصّة من الأم اللي هي مفترض تكون الملجأ والدعم الأكبر. خليني أساعدك خطوة خطوة: فهم مشاعرك أولاً : شعورك بالحزن والإحباط طبيعي جداً، خاصةً مع اللي حصل، وأهم شيء تعترفي لنفسك باللي بتحسيه وما تخجليش أو تقمعي المشاعر دي لأن النتيجة بتكون أسوأ. التعامل مع والدتك بهدوء : قدمي لها مشاعرك بطريقة بسيطة وصريحة، مثلاً قولي: "أنا محتاجة منك دعم معنوي أكتر، ونفسي أشوف الفرح والسند منك، مش الكلام اللي بيحسسني بالعكس". ممكن تكون والدتك بضغوطها أو مش عارفة تعبر عن المشاعر الإيجابية، فجربي تكوني إنتي المبادرة وتفسري لها تأثير كلامها على نفسيتك في هدوء. تطوير طريقة مذاكرتك : حتى لو ظروفك النفسية مش أفضل حاجة، حاولي تقسمي وقت المذاكرة لفترات قصيرة مع الاستراحات. حاولي تذكري أهدافك، وأهمها إنك تحققي ذاتك وتكوني فخورة بنفسك، مش مجرد إرضاء حد. البحث عن دعم إضافي : ممكن في ناس تانية في الكلية أو أصدقاء أو حتى مدربين نفسيين عبر الإنترنت يقدموا لك دعم معنوي، ولو حابة ممكن أساعدك ألاقي لك خبيرة نفسية أو مدربة حياة في "فدني" ممكن تتواصلي معاها. ذكري نفسك دائماً فضل الله : لا تنسي أن النجاح بتخطيط الله سبحانه وتعالى، وأنتِ على الطريق الصحيح، والرضا والقناعة من أهم مفاتيح السعادة. يعني باختصار: ابدئي بتحسين الحوار مع والدتك بطريقة هادئة وصريحة، وحاولي تستعيدي توازنك النفسي، وعلشان كده نصيحتي لك إنك تفتحي قلبك مع شخص متخصص ممكن يساعدك في التعامل مع هذه الحالة النفسية، وأنا موجودة معاك هنا. لو تحبي، ممكن أساعدك تلاقي خبراء نفسيين أو مدربين حياة على "فدني" يدعموك خطوة بخطوة. لا تترددي أنك تسألي أي شيء، وأنا معاك دائماً يا ذكية. 🌸
تم النشر الجمعة، ١٧ أكتوبر ٢٠٢٥
اولا والدتك بتحبك كمان واضح انها اهم شخص بالنسبالك وانتي اهم شخص بالنسبالها هي كل الحكايه كانت بتتمنالك الافضل وبتحاول تضغط عليكي نفسيا عشان تنحجي وتثبتي نفسك كليه التمريض مش سهله وحرفيا هي أهم كليه حاليا تقريبا عالميا لدرجه ان فيه خريج تمريض حصل في الفترة الأخيرة على ترخيص بفتح مركزه الخاص مش فاكره في دولة ايه بس هو مصري كل فرص العمل للتمريض وحاليا عاملين ضجه بنجاحهم ادخلي على جروبات التمريض وتابعي ناس زي هنداوي و محمود هجرس وفرجيهم لوالدتك هتفخري بنفسك وبالكليه وانا عديت بنفس مرحلتك لدرجه اني شيلت مادتين في سنه اولى والحمدلله اتخرجت بتقدير عالي في النهايه
تم النشر الاثنين، ٢٠ أكتوبر ٢٠٢٥
حبيبتي يمكن والدتك ما عبّرتش عن فرحتها بالطريقة اللي كنتِ محتاجاها، بس أكيد جوّاها فخورة بيكي حتى لو ما قالتش أوقات الأهل بيعبروا بطريقة مختلفة، مش دايمًا بالكلام، بس ده ما يقللش من قيمتك ولا من نجاحك أبدًا 💕 خدي بالك من نفسك وحاولي تهدي وتديها وقت، وكمّلي شغلك وتفوقك، لأنك فعلاً شاطرة وتستاهلي كل خير 🤍
تم النشر الأحد، ١٩ أكتوبر ٢٠٢٥
انتي اكلمي معاها وقوليلها بعدين ماشاء الله مجموعك ف الثانوية العامة عالي لو هي زعلانة عشان المجموع وتأثرت ف انتي كلميها قوليلها أنا عملت اللي عليا واكيد هي كمان عارفة ده اتقربي منيها
تم النشر الأحد، ١٩ أكتوبر ٢٠٢٥
لعرض السؤال في فدني اضغط هنا