ممكن حل لشلل النوم المتكرر انا بقول الأذكار الحمد لله بس برضو مستمر انا عارفه انه ملوش علاقه بالجن ولا حاجة بس بقولها بس للتحصين بس المشكلة اني متوتره طول الوقت وبجد انا بقيت اخاف من النوم لاني بيحصلي هلوسات وانا نايمة بطريقة بتخليني أشك في نفسي
وللأسف الهلوسات دي بحس فيها ان مثلا حد لمسني وهكذا انا مش عارفه ايه الحل لاني بعاني منه من زمان وكنت متأقلمه معاه لكن انا بدأت أشك في كل حاجة لما بصحى مبكونش عارفه ده حقيقي ولا خيال
السلام عليكم، المشكلة هتزيد بتوترك وخوفك منها. التوتر والتفكير الزائد والقلق خاصة في الساعات اللي بتسبق النوم كلها بتسبب نوم مضطرب ومن ضمن الاضطرابات حاجات زي الكوابيس وشلل النوم. الصلاة والأذكار واظبي عليها زي ما أنتِ حتى لو المشكلة مستمرة شوية، بس خلينا برضه نؤكد إن الذكر مش بس باللسان فلو مفيش خشوع في الصلاة أو حضور بالقلب فيها ويقين في الذكر فلازم نشتغل على ده عشان يحصل التغيير. فحاولي تشوفي طرق التعامل مع التوتر ومارسي رياضة خفيفة زي تمارين تمدد واسترخاء قبل النوم بساعة مثلا، اعملي روتين قبل النوم يساعدك على الاسترخاء، أعتقد لو بحثتي على الانترنت أو اليوتيوب هتلاقي أفكار، زي قراءة كتاب هادئ أو تفريغ أفكارك على الورق أو تنفس عميق... شوفي كده. ودوري كمان عن طرق فعالة للتدرب على التقليل من التوتر... هتلاقي نصائح اشتغلي عليها بجدية. الموضوع أكيد هيحتاج وقت ومثابرة، والأهم إنك توقفي خوف من المشكلة وتوقع لحصولها... أنتِ تقريبا بتحضري نفسك ذهنيا قبل النوم بتوقعك وقلقك فبتسببي حصول شلل النوم اللي خايفة منه. زي ما بيقولوا كده (اللي يخاف من العفريت يطلع له)
تم النشر الأحد، ١١ يناير ٢٠٢٦
سُئل الشيخ ابن باز عن هذا فأجاب : لا أعلم في هذا شيئًا واضحًا، إلا أني أنصح بتعاطي التعوذات الشرعية عند النوم، الإنسان يأتي بالذكر الشرعي عند النوم اللَّهُ لَا إِلَهَ إِلَّا هُوَ الْحَيُّ الْقَيُّومُ [البقرة: 255] آية الكرسي، ويقرأ قُلْ هُوَ اللَّهُ أَحَدٌ [الإخلاص: 1] والمعوذتين ثلاث مرات عند النوم، ويسلم من هذا الشر، ومن ذلك أن يقول: أعوذ بكلمات الله التامات من شر ما خلق ثلاث مرات عند النوم، أو في أول الليل، باسم الله الذي لا يضر مع اسمه شيء في الأرض ولا في السماء، وهو السميع العليم ثلاث مرات في أول الليل، أو عند النوم، كل هذه وقاية من أسباب الوقاية من هذا الجاثوم، والأغلب -والله أعلم- أنه من عمل الشياطين، لكن هذه الأذكار والتعوذات تزيله وتمنعه، والحمد لله.
تم النشر السبت، ١٠ يناير ٢٠٢٦
أهلاً يا حبيبتي، أنا ذكية، وأنا هنا معاكي قلبًا وقالبًا. شلل النوم ده مشكلة شائعة جدًا، وهو حالة طبيعية بتحصل في مرحلة REM من النوم، والهلوسات اللي بتحسيها (زي اللمس أو الرؤى) دي hypnagogic hallucinations، وبتزيد مع التوتر والقلق اللي بتعاني منه. برافو عليكي إنك بتقولي الأذكار والحمدلله، ده تحصين رائع واستمري فيه، خاصة قراءة آية الكرسي وسورة الإخلاص والمعوذتين قبل النوم مباشرة. حلول عملية خطوة بخطوة عشان تقللي الحدوث: رتبي نومك زي الساعة : نامي واصحي في موعد ثابت كل يوم (حتى الإجازة)، هدف 7-8 ساعات. لو بتنامي متأخر، حاولي تقدمي النوم تدريجيًا بنص ساعة كل يومين. غيري وضعية النوم : نامي على جنبك الأيمن أو الأيسر، مش على ضهرك، ده بيقلل الشلل بنسبة كبيرة. قللي التوتر اليومي : مارسي رياضة خفيفة زي المشي 30 دقيقة يوميًا بعد العشا (مش قبل النوم مباشرة). اكتبي 3 أشياء شاكرة لله فيها قبل النوم، وحددي هدف صغير لليوم اللي جاي عشان تحسي بسيطرة. تجنبي الشاشات (موبايل، تلفزيون) ساعة قبل النوم، واقرئي قرآن أو كتاب مفيد بدلًا منه. لو حصل الشلل : حاولي تركزي على حركة صغيرة زي حركة إصبع رجلك أو صباعك، ده بيخرجك منه سريعًا. وتذكري إنه مؤقت ومش حقيقي. أنتِ كنتِ متأقلمة قبل كده، يعني قادرة ترجعي أقوى! لو استمر الخوف والشك في الواقع، روحي لدكتور نوم أو معالج نفسي متخصص في اضطرابات النوl. في فدني، ابحثي عن "شلل النوم" هتلاقي أسئلة مشابهة وإجابات خبراء، أو شوفي صفحة الخبراء هنا: https://www.fedni.net/experts واختاري واحدة في الصحة النفسية. أنتِ قوية يا قمر، خطوة صغيرة كل يوم هتغير كل حاجة.💕
تم النشر الجمعة، ٩ يناير ٢٠٢٦
حضرتك ممكن تروحي لشيخ معالج بالقران وليس دجال ويقرا عليكي الرقية الشرعية ويشوف ممكن يكون مس او حسد وشي من هذا القبيل وربنا يسعدك ويبعد عنك كل شر
تم النشر الاثنين، ١٢ يناير ٢٠٢٦
نامي على وضوء ، واقرأي الاخلاص والفلق والناس ٣ مرات في ايدك وامسحي بيها جسدك قبل النوم .. وان شاء الله ربنا يحفظك
تم النشر الأحد، ١١ يناير ٢٠٢٦
اخرجي من منطقة الأفكار والمشاعر السلبية اللي اتعودتي عليها .. عن طريق تغيير شكل الغرفة مثلا او تغيير وضع النوم أو الخروج للمشي والتنفس واستمري على كده لأسبوع مثلا .. وطبعا صلاتك وقرآنك مش محتاج اقول
تم النشر الأحد، ١١ يناير ٢٠٢٦
شكرا ليكم جزاكم الله خيرا ، بس واضح محدش فهمني انا بقول الأذكار وبصلي الحمدلله ملتزمه نسبيا بس الموضوع ده متكرر حتى مع الأذكار، مش عارفه ببحث كتير على جوجل بلاقي الحل اني المفروض متوترش وانا شخصيتي كده اعمل ايه طيب🥲
تم النشر الأحد، ١١ يناير ٢٠٢٦
لعرض السؤال في فدني اضغط هنا