السلام عليكم
ياريت تفيدونى ف ال انا هقوله وتقولوا لى حل ضروري بنتى عندها سنتين وخمس شهور وعصبيه جدا وتأخرت ف طلوع السنان والمشي وكدا مش اوى يمكن شهر او شهر ونص عن ال ف سنهاا.
سافرنا وهي عندها تسع شهور السعوديه وبصراحه لما كانت بتزهق م الحبسه وتزن وكدا اديتها التيلفون ع اغانى اطفال وكلام من دا لشهرين وبردو لما نزلنا مصر أخذته فتره بس بعد كدا مشيت وبقت تقول بابا وماما وتيته وجدو وكدا بعدها بشوية نطقت اسم اختها واسمى يماما كذا شوية وبدأت تتكلم تقول اكل اشرب اطلع البس الشبشب بتشتكى من اختها لما بتعمل حاجه بس مش كلام مفهوم اوى وعارفه اسماء حيوانات ولما بتشوف حد منهم بتقول اسمه بس بتكسير كدا وبتعد اتنين اربعه سته خمسه تمام وبتعيط علطول وصويت كتير فوق الخيال ومفيش نوم منتظم بليل خالص ولما بتبقى عاوز تنام بتقول ننه يا ماما بتقول وبتشاور بس مش مفهوم اوى كلامها لما بقولها هاتى كذا او شيلى كذا بتسمع الكلام وبتنفذه وبتقلدني ف حجات كتير وبتلعب عادى مع الاطفال وكل حاجه بس انا محتاره هيا كدا متأخره ولا دا عادى وهل ينفع اوديها الحضانه دلوقت او لا
ما بنقارنش الاطفال ببعض لانه كل واحد ليه قدرات مختلفة عن الاخر هي مش متأخرة كده والسن ده صغير على الحضانة خاصة انها مش بتتكلم كويس فلو اتأذت مش هتقدر تحكي لي بالظبط
تم النشر الاثنين، ٦ أبريل ٢٠٢٦
وعليكم السلام ورحمة الله وبركاته يا ذكية هنا 😊 أولاً، شكراً إنك شاركتيني تفاصيل بنتك الحلوة، وأنا فاهمة تماماً قلق الأمهات ده طبيعي جداً، خاصة مع التغييرات زي السفر. بناءً على اللي قلتيه، معظم اللي بيحصل معاها طبيعي لعمرها (سنتين و5 شهور) : التأخر الخفيف في المشي والأسنان : شهر أو شهرين مش مشكلة كبيرة، كتير من الأطفال بيوصلوا للمعدل ده. الكلام : بتقول كلمات وأسماء وبتشتكي وبتقلدك، ده تقدم حلو! الكلام بيوضح تدريجياً مع التشجيع، مش لازم يكون مثالي دلوقتي. العد والحيوانات : نشاط ممتاز، بتبين ذكاءها. العصبية، البكاء الكتير، والصوت العالي : شائع في السن ده بسبب الطاقة الكبيرة والتعب (زي الشاشات اللي استخدمتيها قبل كده، اللي ممكن تسبب توتر). النوم غير المنتظم كمان بيزود العصبية. هل متأخرة؟ لا، تبدو طبيعية ونشيطة، بس راقبي التقدم كل شهرين. حلول عملية فورية (ابدئي بيها النهارده): روتين يومي صارم : نوم بنفس الساعة كل يوم (مثلاً 8 مساءً)، صباح باكر، أكل 3 وجبات + وجبتين خفيفة. قولي "الليل حان، ننام" بهدوء وثبات. لا شاشات خالص : استبدليها بلعب يدوي (كرات، كتب صور، ألعاب ترتيب) ولعب معاكي 30 دقيقة يومياً. اقرأي لها كتب أطفال وكرري الكلمات ببطء عشان توضح كلامها. للعصبية : حددي قواعد واضحة (مثل "لا صراخ")، لو بتعيط بدون سبب، قولي "هدي ونلعب" وامشي شوية (مش تجاهليها تماماً). مكافئي التصرف الحلو بحضن أو كلمة حلوة. الحضانة : ينفع دلوقتي لو بتلعب مع الأطفال زي ما قلتي، بس ابدئي بـ2-3 أيام أسبوعياً عشان تتعود، واختاري مكان نظيف ومريح. ده هيساعدها اجتماعياً وفي الكلام. خطوة ضرورية : خديها لدكتور أطفال متخصص نمو (فحص سمع وبلع وتطور) عشان الاطمئنان 100%. لو عاوزة خبراء في Fedni، شوفي صفحة الخبراء هنا: https://www.fedni.net/experts – في متخصصين أطفال وتربية. أنتِ أم رائعة وهي هتتقدم سريع إن شاء الله مع الصبر والاستمرار. لو عندك تحديث، قوليلي! 💕
تم النشر الأحد، ٥ أبريل ٢٠٢٦
وعليكم السلام ورحمة الله وبركاته هيا مش متأخره ولا حاجه بس بردك لازم تاخديها لدكتور أطفال يعملها فحص علشان نتأكد ان كل حاجه تمام و بردك عادي انك توديها الحضانه هيساعدها اكتر ف الكلام و التفاعل ف كل حاجه بالنسبه للعصبيه ف نوعين نوع بيكون طبيعي وراثه كدا صفه فيها ي أما هيا بتتعصب لان الشخص اللي بتكليمه مش فاهمها. بالنسبه للنوم عدم النوم بلبل بالذات للأطفال غلط كبير جدا و يمكن هيا طبعا بتنام بالنهار ف ده بيخليها متنمش باليل ف يمكن تخليها تنام مثلا بعد الضهر بعدها بساعه تصحيها تاكل او تلعب او حاجه علشان تنام بليل و متسهرش و يا ريت تأكليها مكسرتات زي اللوز عين جمل وي غيره ده بيزود ذكاء وذاكرة الطفل بالذات ف السنه ده وبلاش التلفون وكمان وقت النوم بالذات اي تلفون او شبكه وايفاي تطلعوها بره الاوضه و تفصلوها لأنها بتأثر جامد اوي ف جسم و إدراك للطفل و الشاب أيا كان
تم النشر الأحد، ٥ أبريل ٢٠٢٦
سنتين وشهور وبتفهم وتتجاوب مع الوسط المحيط وفيه الكلام المفهوم منها دا طبيعى جدا متقلقيش بس انتى امنعى التليفون فى المطلق مينفعش تشوفه حتى معاكى علشان هتعيط وتعوز تقلدك وضاعفى جهدك انتى معاها فى تعليمها بنفسك وانتظرى على الحضانة شويه السن دا محتاجك انتى مش أكتر ربنا يبارك لك فيها ويفرحك بيها
تم النشر الاثنين، ٦ أبريل ٢٠٢٦
وعليكم السلام ورحمه الله وبركاته ربنا يباركلك فيها ويحفظها ان شاء الله بس تقريبا دي محتاجه دكتور تخاطب ممكن يكون فيه مشكله بلاش تهملي الموضوع وبلا الفون ياريت تبعديه عنها وماتقعدش كتير ع التلفزيون علشان موضوع التوحد
تم النشر الأحد، ٥ أبريل ٢٠٢٦
وعليكم السلام ممكن تسألي دكتورة تخاطب وتفهمي الحالة، بس عامةً الفون حاليًا خطر عليها والعصبية شيء محتاج منك إهتمام مش الفون هو الحل، لا مثلًا تكلمي معاها هاتي ألعاب كتير وخليها مشغولة بيهم حاجات فيها ممارسات تقدر تطلع قدراتها بلاش أغاني اطفال لا ممكن تشغلي التلفزيون على قنوات قرآن وممكن برضو تتعابي إزاي تربي الطفل وتأخدي كورسات وفي كتب كثيرة جدًا واليوتيوب كنز ومليان وربنا يحفظك
تم النشر الأحد، ٥ أبريل ٢٠٢٦
انا منعت الفون وبتكلم معاها وبتستجيب معايا ولما بسالها على حاجه بتهز راسها ب اه او لا واكتر الوقت بتدي راي عن الحاجه ال مش عوزاها ب لا مباشره وبعض كلامها متاح ينفهم بكل سهوله عادى المشكله مش ف التعامل هيا ك تعامل تمام بتلعب وبتزعل وبتفرح وطبيعيه جدا كل مشكلتى انها كلامها مش مفهوم وبتحاول تنطق كتير حتا لو مكسر وبتشاور ع الحاجه ال عارفه اسمها وبتقول عليها وال مش عرفاها بقولها عليها بتنطقها معايا التلفزيون ال حاليا ع القط والفار وبليل بس قبل مننام وقت بسيط وهيا فتره ما بتتعب تعب برد يعنى او كدا العلاج بيغير نفسيتهاا ف بتتاثر وانا مش عارفه اروح لمين وبصراحه الحاله مش سامحه للداكتره التخاطب ومش عاوزه اقرب منهم لانى حاسه انها بتتجاوب معايا
تم النشر الأحد، ٥ أبريل ٢٠٢٦
لعرض السؤال في فدني اضغط هنا