السلام عليكم ياريت تفيدونى ف ال انا هقوله وتقولوا لى حل ضروري بنتى عندها سنتين وخمس شهور وعصبيه جدا وتأخرت ف طلوع السنان والمشي وكدا مش اوى يمكن شهر او شهر ونص عن ال ف سنهاا. سافرنا وهي عندها تسع شهور السعوديه وبصراحه لما كانت بتزهق م الحبسه وتزن وكدا اديتها التيلفون ع اغانى اطفال وكلام من دا لشهرين وبردو لما نزلنا مصر أخذته فتره بس بعد كدا مشيت وبقت تقول بابا وماما وتيته وجدو وكدا بعدها بشوية نطقت اسم اختها واسمى يماما كذا شوية وبدأت تتكلم تقول اكل اشرب اطلع البس الشبشب بتشتكى من اختها لما بتعمل حاجه بس مش كلام مفهوم اوى وعارفه اسماء حيوانات ولما بتشوف حد منهم بتقول اسمه بس بتكسير كدا وبتعد اتنين اربعه سته خمسه تمام وبتعيط علطول وصويت كتير فوق الخيال ومفيش نوم منتظم بليل خالص ولما بتبقى عاوز تنام بتقول ننه يا ماما بتقول وبتشاور بس مش مفهوم اوى كلامها لما بقولها هاتى كذا او شيلى كذا بتسمع الكلام وبتنفذه وبتقلدني ف حجات كتير وبتلعب عادى مع الاطفال وكل حاجه بس انا محتاره هيا كدا متأخره ولا دا عادى وهل ينفع اوديها الحضانه دلوقت او لا
تم النشر الأحد، ٥ أبريل ٢٠٢٦
يارب يارب ادعيلناا
تم النشر الجمعة، ١٠ أبريل ٢٠٢٦
الحمد لله انا منعت التليفون بقالى اسبوع ودلوقت بقولها اى كلمه بتكررها وراياا وبطلت عصبيه الحمدللله وبقولها جمل مثلا أنا عاوزه اكل او عاوز انام او اطلع برا بقت بتقول نص الجمله يعنى مكسر انها عاوزه تطلع او تنام بس مفهومهوبتعبر بشكرها ليا ببوسه او بحضن وبتقول حبيبي وبتقول قلبي وراياا بس مكسر هل كدا كويس ولا لسا بردو بقت بتطلع الشارع تلعب عادى جدا ومتفهمه ولما بقولها على حاجه بتسمعهاا
تم النشر الجمعة، ١٠ أبريل ٢٠٢٦
انا منعت الفون وبتكلم معاها وبتستجيب معايا ولما بسالها على حاجه بتهز راسها ب اه او لا واكتر الوقت بتدي راي عن الحاجه ال مش عوزاها ب لا مباشره وبعض كلامها متاح ينفهم بكل سهوله عادى المشكله مش ف التعامل هيا ك تعامل تمام بتلعب وبتزعل وبتفرح وطبيعيه جدا كل مشكلتى انها كلامها مش مفهوم وبتحاول تنطق كتير حتا لو مكسر وبتشاور ع الحاجه ال عارفه اسمها وبتقول عليها وال مش عرفاها بقولها عليها بتنطقها معايا التلفزيون ال حاليا ع القط والفار وبليل بس قبل مننام وقت بسيط وهيا فتره ما بتتعب تعب برد يعنى او كدا العلاج بيغير نفسيتهاا ف بتتاثر وانا مش عارفه اروح لمين وبصراحه الحاله مش سامحه للداكتره التخاطب ومش عاوزه اقرب منهم لانى حاسه انها بتتجاوب معايا
تم النشر الأحد، ٥ أبريل ٢٠٢٦
انا معايا بنت اكبر منها سنتين ونص ومتاخرتش ف اى حاجه الحمدلله وطبيعيه الحمد لله ف انا متاثره عشانها جداا
تم النشر الأحد، ٥ أبريل ٢٠٢٦
لعرض الملف الشخصي في فدني اضغط هنا