السلام عليكم
انا بنت عندي ٢١ للاسف انا مش بتغذى كويس وأغلب الاكل مش بقدر أكله يعني مش متقبلاه بس حاسه الاعراض زادت اوي اليومين دول يعني ممكن بقالها شهر او شهرين يمكن اكتر مش متذكره اوي ...
المهم انا زمان كنت باكل اغلب الاكل يعني يعتبر كله زي اي انسان طبيعي بس كل ما بكبر او كل ما بيعدي عليا وقت بقطع الاكل بالتدريج ومبقدرش اكله حتى مش بقدر اتقبل ريحته ، يعني حاليا والله اكلي بقي معدود واغلبه اكل مش صحي مش بيغذي
انا عايشه على الصلصه المعلبه ف اكلي مش بقدر اعمل اكل بطماطم طبيعيه مش متقبلاها ابدا ( للمعلومه انا جربتها وجربت اتقبلها واكلها قبل كده كتير بس مش قادرة خالص بحس اني هرجع )
والبصل كمان مش بطيقه ولا بطيق ريحته اول ما بشم ريحته لما بيعملوه في البيت بيتحمر بالذات ببقي حاسه اني هرجع ومش قادرة خالص
عامة انا في كل الروايح اللي مش بتعجبني والاكل اللي مش باكله بحس لما بشوفه او اشم ريحته ببقى هرجع
يعني مثلا برضوا كنت باكل الطبيخ بس طبعا بصلصه معلبه ومن غير بصل ، كنت بحبه جدا جدا الكوسه مثلا والبطاطس وكده بعدين مره واحده جيت اكله حسيت طعمه اتغير طعمه مش زي زمان ومش زي ما كنت باكله خالص المشكله انه طعمه اتغير للاوحش وكل اهلي مستغربين يقولولي ده جميل وكلهم بياكلوا منه وبيعجبهم بس انا مش قادرة اشم حتى ريحته حاسه الريحه والطعم متغيرين خالص مش عارفه ازاي مع ان احنا بنعمله زي كل مره
انا مستغربه من نفسي اوي الموضوع مش في الطبيخ بس انا حرفيا اغلب الاكل طعمه متغير في بوقي
وكمان مناخيري بحس بريحه غريبه فيها مش قادرة اوصفها بس دايما بشم ريحه غريبه اوي ومش بيكون فيه حاجه اصلا
وطبعا في اعراض عندي كتير زي ان مثلا بطني علطول منتفخه وبدوخ وبصدع ونفسيتي وحشه اوي وفيه خمول دايما قاعده مش قادرة اتحرك بكسل اعمل اي حاجه
⚠️ملحوظه مهمه : انا الحمد لله مقدره جدا النعمه وعارفه ان الاكل رزق كبير من عند ربنا ومش بتبطر والله بس صدقوني غصب عني مش قادرة خالص اكل اي حاجه
محتاجه حل لاني بجد محتارة ومعرفش ايه اللي عندي ده
السلام عليكم، أولا ألف سلامة عليكِ. الأول، روحي لطبيب أنف وأذن ما دام فيه تغير في حاسة الشم والتذوق وفيه رائحة غريبة في الأنف... ممكن يؤكد لك إذا المشكلة بالأنف هي السبب في فقدان الشهية. ممكن طبعا يكون فيه أسباب باطنية لفقدان الشهية ومحتاجة متابعة مع طبيب باطنة عشان تعملي فحوصات أو تحاليل للتأكد، لكن ابدئي بكشف الأنف والأذن وإن شاء الله تكون حاجة بسيطة، بعدها نشوف باقي الأسباب سواء عضوية أو نفسية. وألف سلامة مرة تانية.
تم النشر الأحد، ٢٩ مارس ٢٠٢٦
أظن محتاجة تستشيري طبيب تغذية أو باطنة عامة لانه الاعراض اظن تحتاج فحص مفصل
تم النشر الأحد، ٢٩ مارس ٢٠٢٦
وعليكم السلام ورحمة الله وبركاته يا حبيبتي، أشكركِ إنكِ شاركتيني اللي بيحصل معاكِ، وأنا فاهمة تمامًا إزاي الموضوع ده صعب ومُحير، خاصة إنكِ مقدرة النعمة ومش بتبطري – ربنا يبارك فيكِ على الشكر ده. الأعراض اللي وصفتيها (رفض الروائح والطعوم زي الطماطم والبصل، تغير طعم الأكل، ريحة غريبة في الأنف، انتفاخ بطن، دوخة، صداع، خمول، ونفسية سيئة) ممكن تكون مرتبطة بنقص تغذية شديد، مشاكل هضمية (زي حساسية أو التهاب)، تغيرات في حاسة الشم/التذوق (parosmia)، أو حتى ضغط نفسي بيأثر على الشهية. ده مش نادر عند البنات في سنكِ، خاصة لو في تغييرات هرمونية أو إرهاق. حلول عملية خطوة بخطوة: روحي لدكتور فورًا : ابدئي بطبيب أنف وأذن وحنجرة (للريحة والشم)، ثم هضمي أو تغذية. خدي معاكِ قائمة بالأكل اللي بتاكليه يوميًا وسجل الأعراض بالتفصيل (متى بتزيد؟). ممكن يطلب تحاليل دم لفيتامينات (B12، حديد، زنك) أو حساسية غذائية. غذاء بسيط وآمن : جربي أطعمة محايدة زي الأرز الأبيض، الخبز الأبيض، الموز الناضج، الزبادي سادة، أو شوربة دجاج بدون بصل/طماطم (استخدمي صلصة معلبة خالية منها). ابدئي بكميات صغيرة جدًا، وكلي ببطء في مكان هادئ بدون روائح قوية. اشربي 2-3 لتر ماء يوميًا، وأضيفي عصير ليمون طازج لو قدرتي. للطاقة والنفسية : قسمي اليوم لوجبات صغيرة كل 3 ساعات، وامشي 10 دقايق يوميًا في الهواء الطلق (هيساعد على الشهية). ادعي ربنا كتير: "اللهم اشفني شفاءً لا يغادر سقماً"، وصلي النوافل – الروحانيات بتغير كتير. تابعي تقدمكِ : سجلي في دفتر إيه اللي جربتيه وإيه اللي نفع، عشان تشوفي التحسن. ده مش بديل عن الدكتور، بس خطوات تساعدكِ لحد ما تشوفيه. لو عايزة خبراء في Fedni، روحي https://www.fedni.net/experts وابحثي عن متخصص تغذية أو نفسي – في خبراء رائعين هناك. كمان، ابحثي في Fedni عن "فقدان شهية" أو "تغير طعم الأكل" هتلاقي إجابات مشابهة. أنتِ قوية وهتقدري تتغلبي عليه إن شاء الله، ربنا يشفيكِ ويفرج همكِ. لو عندكِ تفاصيل زيادة، قوليلي! 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢٩ مارس ٢٠٢٦
حاولى تكشفى وتعملى تحليل جرثومة المعدة وتشوفيها لأن غالبا ممكن تكون سبب في دا + ممكن تمشى فتره مثلا على فاتح شهية كويس من الصيدلية
تم النشر الأحد، ٢٩ مارس ٢٠٢٦
طب مجربتيش تكشفي خالص ؟ خصوصا على القولون يعني، بس انا معنديش خلفيه طبيه ف ان شاء الله في ناس تفيدك اكتر بس ممكن تكشفي احسن تفهمي في ايه
تم النشر الأحد، ٢٩ مارس ٢٠٢٦
لما بتاكلي بتحسي انك عايزه ترجعي الاكل غصب؟
تم النشر الثلاثاء، ٣١ مارس ٢٠٢٦
مقدرش أفيدك أوي، لكن ممكن تبحثي عن "اضطرابات الأكل" وازاي نتعافى منها لكن هيبقا صعب لو مش معاكي دكتور تتابعي معاه، طبعا طبعا الأفضل لو تستشيري متخصص وكدا
تم النشر الاثنين، ٣٠ مارس ٢٠٢٦
لعرض السؤال في فدني اضغط هنا