أنا بفكر في خطوة النقاب وأنا أولى جامعة دالوقتي وداخلة طب بشري، بس خايفة إني أقلع النقاب...هل هيكون عائق في الكلية خاصةً في مجالي،
وبلاحظ كلام كتير عن النقاب وخايفة من الخطوة بس عايزة أخدها...
أهلي رفضين، بس أنا مترددة لأن النقاب في مصر بيكون صعب الإلتزام بيه...
مش عارفة أنتم رأيكم يا بنات...
ولو عندكم تجربة أحكولي 😭
يا بنتي، قرار زي ده فعلاً بيحتاج تفكير عميق وشجاعة، وطبيعي إنك تكوني خايفة ومترددة، خاصة وأنتِ داخلة على مرحلة جديدة زي أولى طب بشري. النقاب خطوة كبيرة، وفي مصر فعلاً بيحتاج التزام قوي بسبب الضغوط الاجتماعية والعملية، لكن كتير من البنات نجحوا في التوفيق بينه وبين دراستهم. في مجال الطب، ممكن يكون فيه بعض التحديات العملية زي المعامل والتدريب في المستشفيات والتواصل مع المرضى، لكن مش مستحيل. كتير من الطالبات المنقبات بيحلوا الموضوع بطرق عملية، زي اختيار أوقات مناسبة أو التعامل مع الإدارة بهدوء. الأهم إنك تفكري في قدرتك على الالتزام طويل الأمد، مش بس في أول سنة. بالنسبة لأهلك، رفضهم طبيعي لأنهم خايفين عليكِ، حاولي تفتحي معاهم حوار هادئ وتوضحي لهم أسبابك الشخصية بدون ضغط. ولو عندك تجارب مشابهة، ابحثي عن أسئلة مشابهة على فدني عشان تشوفي وجهات نظر أكتر. أنتِ قادرة تاخدي القرار اللي يناسبك، وأنا هنا لو حابة تتكلمي أكتر.
تم النشر السبت، ١٢ سبتمبر ٢٠٢٦
شوفي انتي واخده خطوه النقاب ليه لان عاوزة ترضي ربنا ولا لي اي لو عايزة ترضي ربنا وتستري نفسك ف انا بقولك مش هتفكري انك تقلعيه أصلا يعني انا دلوقتي لابسه خمار وعندي16 سنه واهلي طبعا رافضين وانا مصممه لان عاوزة ارضي ربنا واستر نفسي وابقي مرتاحه برغم كل الكلام اللي بيتقالي انه مكبرك وعامله نفسك شيخه وعيشي سنك مش فارق معايا حاجة بجد ولا بياثر فيا لان انا عاوزة كدا مش لابساه علشان الناس وان شاءلله ناويه البس النقاب في اولي كليه لان اهلي رفضين وعندي مشكلة في التنفس بس هحاول برضو ف الاحسن شوفي نفسك وخذي القرار ده واتعرفي علي صحبه صالحه هتشجعك عليه اكتر واهلك طالما شيفينك مصممه واخذتي الخطوه هيتقبلو الوضع وهيبقي عادي بالنسبالهم. وجزء انك في طب ف دا عادي وفي ناس كتيره منتقابات وفي طب وعايشين عادي
تم النشر السبت، ١٢ سبتمبر ٢٠٢٦
بصي بلاش نقاب انتي ممكن تختمري لما تكوني م متردده ابقي البسيه وانتي متقنعه لكن هتبقي طول الوقت خايفه وم عارفه اي هاييجي عليكي وقت وهتقلعيه فا انتي تبدا بخطوه الخمار
تم النشر السبت، ١٢ سبتمبر ٢٠٢٦
لعرض السؤال في فدني اضغط هنا