تقدم لي عريس أعلى مني دينيًا ولدي بعض الاعتراضات بشأنه، هل حرام إذا رفضته؟

Question

متقدملي واحد ملتزم وبيحب العلم الشرعي وبيعمل ماجستير ده بجانب شغله الاساسي عايز يدرس للطلاب علشان يفدهم ومينساش العلم وعايز انتقب علشان محدش يشوفني واقعد ف البيت ومش موافق ع الشغل انا معنديش مشكله مع كلامه يعني متقبله عادي انه اعلي مني ف الدين بس حاسه ان مش دي حياتي ولا الي كنت متصوراه ف حياتي الزوجيه يعني كنت عايزة حد يجمع بين الاتنين الدين والدنيا مش منغلق اوي كده هو مشغول علطول ف الشغل و العلم ومش مدي اي وقت للحياة البيت والشغل والاسرة بس كده هو ده الاساس ف عادي ولا ايه ؟ حتي مامته كانت بتقول انه ايام الجامعه كان م البيت للجامعه بس محدش بيشوفه ف الجامعه ومش بيخرج وبيقول انه الاختلاط مع النساء كتير مش بيفضله علشان الدنيا وهينسيني القرآن مش عارفه بقي ده حرام عليا اني ارفضه ولا ايه

Accepted Answer

السلام عليكم ورحمه الله وبركاته. خلي بالك من حاجه مهمه جدا الرسول عليه الصلاه والسلام قال ان جاءكم من ترضون دينه فتزوجوه. جميل جدا هو جاي لي زوج دين وخلق ولكن لما تم الرؤيه الشرعيه ما كانش فيه قبول ايا كان يعني عدم القبول ده بسبب ايه فده ما ينفيش انه انت كده بتعملي الحاجه اللي بالنسبه لك ما حدش يقدر يلومك عليها. القبول شرط اساسي القبول بيجي لازم من ان الطرفين يقعدوا يشوفوا بعض ويتقبلوا بعض في الجزئيات المهمه بالنسبه لهم ليه بقى لانه كل شيء في الدنيا هو بيمثل واحده من الشهوات ولو ما كانش الشخصين مع بعض هيقدروا يساعدوا بعض. من فتنه الشهوات دي اللي هي احتياجات اساسيه فيبقى الموضوع هيبقى صعب هتخلو الحياه نوعا ما من السكينه لانه هيكون في شيء دائما مضطرب وطول ما فيه احتياج عمل اضطراب فده مش كويس. فممكن يكون شخص زوجي وزوج بس مش هو انسب حد ليكي ليه لانه انت في احتياج عندك هو مش هيقدر يكفيه مش عشان هو وحش بس علشان طبيعه حياته او طبيعه شخصيته ما تقدرش انها تلبي الاحتياج بتاعك ده لانه هو ما بيعرفش يعمله او يعني متعودش يعمل ده فضروري وانا ببص على الجوانب ببص على كل الجوانب. هبص على الجانب بتاع انه يكون شخص ذو دين وذو خلق ولكن ده مش معناه ان انا اتجاهل المعايير الاخرى انه يكون متقارب معايا فكريا يكون قدر على انه يسد الاحتياج اللي عندي انت عندك احتياج. ليه علاقه بانه تكون دائما في وقت عائلي فما ينفعش انك تتجاهلي ده تماما لانك لو تزوجتي بقى هو مش فاضي خالص تبداي انت تدوري على الدفء العائلي ده بشكل ما وتبقي طول الوقت متضايقه وحاسه ان في حاجه ناقصاكي وده هيكون باب للفتنه مفيش داعي منه خالص ههه فبكل وضوح. هتسألي الشخص او لو في رؤيه مره تانيه او لو في حد من ال يعني اللي بيكون متوسط ما بينكم او تقولي لاهلك انا بالنسبه لي مساله ان هو ما عندهوش حياه اجتماعيه او ما عندهوش وقت اصلا ان هو يقضيه مع عيلته ده انذار خطر بالنسبه لي هو مش حاسه ان انا هقدر اتعامل معاه ده وانا مش هقدر ان انا انتقم ببساطه لذلك في نقطه مختلفين فيها لو هيكون فيها تقارب هيكون شيء جميل لو ما فيش فيها تقارب يبقى خلاص احنا واضح جدا احنا مش مناسبين لبعض

Answer

مرحباً عزيزتي، شكرًا على ثقتك بطرحك لهذا السؤال المهم، وأنا هنا لأساعدك بكل ود وفهم. أولًا، من الرائع أن يكون الشخص المتقدم لك ملتزمًا دينياً ويحب العلم الشرعي، فهذا أساس قوي في بناء حياة زوجية مستقرة وناجحة، خاصةً أن الزواج مبني على التقوى والمودة والرحمة. لكن، فهمي لحديثك أنك تشعرين أن هذه الشخصية لا تمثل الحياة الزوجية التي كنت تحلمين بها، لأن اهتمامه الأساسي منصب على علمه وشغله، مع حرصه على الابتعاد عن الاختلاط وهذا يؤثر على الطريقة التي يعيشان بها حياتكما الاجتماعية والأسرة. أهمية أن تتذكري: التوازن في الحياة الزوجية : الزواج يحتاج إلى توازن بين الدين والدنيا، العمل والبيت، العلم والراحة، العلاقة الزوجية والأسرة. تحديد حاجاتك وأولوياتك : هل تبحثين عن زوج يشاركك الحياة الاجتماعية أكثر؟ هل تحتاجين إلى تواصل عائلي ووقت مشترك مع الزوج بشكل أكبر؟ هذه أمور لازمة وتسحينها بوضوح. الحوار معه بصراحة ومحبة : من الأفضل أن تتحدثي معه عن مشاعرك وأفكارك، وحاولي معرفة رأيه في كيفية ترتيب وقته بين العلم والعمل والبيت، وهل يستطيع أن يخصص وقتًا ليكون مع الأسرة أيضًا. احترام التزامه ورغباته الشرعية : تفهمه لعدم الاختلاط وعدم رغبته في الانشغال بالدنيا كثيرًا هو جزء من شخصيته والتزامه، وهذا شيء محترم. بخصوص رفضه، ليس هناك حرام في أن ترفضي إن شعرتِ أن هذه الحياة لا تناسبك، فالزواج شراكة واحتياج متبادل، ولا يجب أن تضغطي نفسك على حياة لا تجعل قلبك مرتاحًا، لأن ذلك سيؤثر على العلاقة والاستقرار مستقبلاً. نصيحتي لك: خذي وقتك للتفكير بعمق في هذه العلاقة. لا تترددي في طرح استفسارات ومخاوف معاه بلطف. إذا أردتِ، يمكن أن تتواصلي مع أحد الخبراء في فدني في قسم الزواج والأسرة ليتابعوا معك بشكل أعمق. وأخيرًا، تذكري أن الله لا يضيع أجر من أحسن عملاً، فاختيارك حكيم سيجعل حياتك مع زوجك قائمة على الحب والتفاهم والتكامل. إذا رغبتِ، يمكنك تصفح المزيد من الأسئلة المتعلقة بالزواج والتوازن بين الدين والدنيا في منصة فدني لتجدين آراء وتجارب قد تفيدك. أنا ذكية هنا دائمًا إذا أردتِ نقاشًا أعمق أو دعمًا إضافيًا. وفقك الله لما يحبه ويرضاه! 🌷

تقدم لي عريس أعلى مني دينيًا ولدي بعض الاعتراضات بشأنه، هل حرام إذا رفضته؟

اجتماعية

زواج

سؤال من احد أعضاء فدني

تم النشر السبت، ٥ يوليو ٢٠٢٥

2 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك