السلام عليكم ورحمة الله وبركاته.
لا اعلم هل اذهب الي طبيب نفسي ام لا.
اولا عند كنت صغيرة كان سنى لا يتعدَّ العشر سنوات كنت انام مع امى وابى فى الغرفة وكنت اسمع اصوات لا ينبغى لطفلة في مثل سنى ان تسمعها. كنت اضع يدي على اذنى حتى لا اعلم شئ.
هذه الاصوات لا اعلم ولكنها فعلت عندى رغبة في استكشاف هذه الاشياء كنت اتعرض للتح، رش من جارة لنا وانا صغيرة. حتى كبرت عندما كان عمري حوالى 14 سنة بدأت اقرأ روايات وياليتنى لم اقرأ فكانت هذة الروايات تحتوي على مشاهد وكلام لا استطيع ان أصفه الان.
مازلت اقرأ وافعل اشياء سيئة لا اود ذكرها هنا. والله تبت كثيرا ولكن نفسي كانت تقودنى لفعل هذة الاشياء مرة أخرى. كانت نفسي دائما تقودني الى هذه الاشياء لم اكن اريد ولكن هناك نقطة في اعماق قلبي تقول ولما لا نفعل اننا نستمتع
والله كنت افعل هذه الاشياء وانا لا رايد كنت كثيرا ما احاول الا اختلى بنفسي حتى لا افكر. ولكن حتى عندما اجلس مع احد كان يقودني التفكير حتى اننى افكر في نساء. يعنى الا يكفينى ذنوبي اضيف عليهم ان أصبح من قوم لوط.
والله احاول ان اترك كل هذا واجد نفسي من دون أي شيء اعود. كنت اريد الذهاب الى ثيرابست لعلها تنصحنى ولكن حالتنا المادية لا تسمح أن ازور طبيبة.
اللي مريتي بيه وأنت صغيرة أثر على مشاعرك والفضول وخب الاستكشاف مع التجربة المبكرة عمل مشكلة . . مش معناه انك وحشة! متحمليش نفسك ذنب عن حاجة حصلت وانت طفلة. ولكن ضروري جدا تنزلي لأقرب مستشفى صحة نفسية جنبك بيكون الكشف عندهم بمقابل رمزي جدا ٥ او ١٠ج التذكرة ممكن لو انت من سكان القاهرة تنزلي مركز الإرشاد النفسي بجامعة عين شمس الحلسة هناك بحوالي ١٠٠ج الشفاء رحلة مش خطوة واحدة، وانت بدأتيها بالشجاعة اللي خلتك تكتبي هنا! ومع المتابعة مع مختصة هتساعدك تتعافي من كل دا! كل اللي بتحكيه هو نتيجة للي حصل في الطفولة!
تم النشر الجمعة، ٢٩ أغسطس ٢٠٢٥
السلام عليكم طبعا كان خطأ كبير من اهلك تواجدك فى الاوقات دى الخطا كده كده حصل خلاص وكل متابعات اللي حصلت معاكي لانه هو ما كانش فيه اي توجيه طبعا واضح جدا من الاهل او من اي حد كبير انك زاد تعرفي حاجه عن الامور دي كلما سنك بيكبر او بتوصلي لمرحله البلوك بتبداي طبعا الحاجات دي بشكل فطري جدا وبطبيعه اي بني ادم وتبدا الحاجات دي تصير فضوله يبقى عايز يعرف عنها فلو متقدملهوش مصدر معلومات مناسب هيبدا يحصل معاه زي ما حصل معاكي كده يا اما هيدور على مصدر معلومات او هيظهر هيظهر قدامه مصدر معلومات غير مناسب فطبعا هياخذ منه لانه ما عندهوش حاجه غيره ما عندهوش بدائل خلينا نقول الاول ادركت ان هنا فيه مشكله. ااا وانك محتاجه تعدليها فخلينا كده نبدا من من الاول خالص كاننا لسه فريش وما نعرفش حاجه محتاجين ندور على مصدر معلومات مناسب وكويس لو في عندنا حد ثقه فاحنا هناخذ من الحد السقادا المعلومات المناسبه مفيش حد ثقه نبدا ندور على كتوب مناسبه دورات مناسبه بتتكلم عن الامر ده بشكل مناسب بشكل مناسب بقى ايه هو الشكل المناسب الشكل المناسب اللي يبدا وهو بيفهمنا يعرفنا الحدود ايه يعني؟ هو ده جزء بيمثل استمتاع للبني ادم ولكن انت انت مسموح في انهي اطار ده مهم جدا اني خليني اقول لك دلوقتي هو وقت الصيام الاكل بيكون مسموح مباح لا يبقى اللي بياكل وقت الصيام هيبقى عليه ايه هيبقى عليه ذنب طيب هل معنى كده ان احنا نبقى جعانين لا احنا كلنا محتاجين نعمله ان احنا نستنى لما اذان المغرب ياذن بس كانت هل ده معناه ان احنا ما نستمتعش بالاكل هل ده معناه ان احنا نغير الفكره ان الاكل ممتع جوا دماغنا لا هو الاكل ممتع والاكل بيبسطنا ولكن احنا لازم نحترم حدود الصيام ده ونحترم الاوقات اللي مسموح فيها الاكل فهو ده اللي محتاجين نغيره عقلنا عشان نبدا نتسستم على الصح اللي هو للاسف ما حصلش معاكي وانت صغير واحده واحده نعمله من اول وجديد ناخد معلوماتنا مضبوط وكمان نبدا نبص على كل الوقت اللي فات ده ان ده وقت احنا مشينا فيه بشكل متخبط غصبا عننا من غير ما نفهم وجهل منا ونبدا نقول زي ما بنقول كده طوبه نصوحه كل اللي فات انا عرفت ان هو غلط والواجب عليا دلوقتي ان انا اوقفه علشان امشي بالصحه فحتى لو جزء من جوايا بيقول لي وايه المشكله احنا بنستمتع فانا اللي هعرف ارد عليه لانه احنا دايما جوانا الخناقه دي جوانا في نفس اماره بالسوق دايما هتقول لي على الحاجات الوحشه وهتزقني عليها وتقول لي وايه المشكله وعندي نفس ثانيه صالحه بتقول لي لا خلينا في طريق الصحه عشان نكسب نهايه عمرنا وما نبقاش خسرنا وما نبقاش استمتعنا على الفاضي هيبقى استمتاع ولكن مش هننبسط بالنتيجه اللي هتكون في الاخر فخلينا نعرف نكسب الخناقه اللي جوه دي نعرف نرد على النفس الانوار بصوا ونعرف احنا من نسيطر عليها مش هي اللي تسيطر علينا الحاجات دي كلها اسمها مجاهده النفس الحاجات دي كلها اسمها ان انا بربي نفسي بنفسي الحاجات دي كلها محتاجه مجهود قبل اي حاجه تتاكدي انك انت مستعده للمجهود ده لو مش مستعده للمجهود ده لوحدك وحاسه انك اضع انك تعمليه لوحدك اسمعي نصيحه كل اللي جاوبوا قبلها وقالوا لك الجائى المختص او ممكن نستبدل المختص ده بشخصيه تكون ثقه احنا طبعا ما تكونش صاحبتك لانه دي في نفس مستواكي دلوقتي التطور من التطور الذهني او وعي تقدر انها تساعدك فيه فلا احنا محتاجين حد اكبر يكون ثقه نقدر نتكلم معاه ونقدر ان هو يساعدنا في المرحله دي لكن ان شاء الله هتعديها وتقدري تظبطي كل ده وتكسبي الخناقه اللي جوه والنفس الصالحه اللي على الفطره السليم هي اللي هتكسب باذن الله.
تم النشر الخميس، ٤ سبتمبر ٢٠٢٥
وعليكم السلام ورحمة الله وبركاته شفاك الله وعافاك وطهرك من الذنوب والخطايا، اولا لازم تدعي ربنا كتير خالص وفي كل وقت انه يطهرك من تلك الافعال ويهدي بالك وقلبك ، اهم شئ تدعي + حاولي تهندسي البيئه اللي حواليك بحيث مفيش حاجه تشدك لده يعني مثلا انا بعمل كده لما بشوف ف الفون او بسمع من فلانه ف ابعد قدر المستطاع عن الحاجات اللي بتشدك لده واعمل حواجز ٢ حاولى ماتقعديش لوحدك ابدا ، وتشغلي وقتك قدر المستطاع ف اي حاجه المهم مايكونش عندك وقت فراغ مع الشغل والمهام وعدم الجلوس لوحدك ده يساعد جدا وطبعا مع كتر الدعاء والصلاه اعملي ورد لنفسك ذكر او صلاة على النبي وحاولي تصلي قيام او على الاقل صلي الفجر اصحي صلي وادعي كتير ولو عندك حد بيفهم وعنده خبرة حاولي تتكلمي مش لازم توصفي كل شئ بس على الاقل قولي انك مش قادرة تسيطري ع نفسك انصحني وكذا ودايما اسألي الله ان يهب لكي قلب طاهر وعليك دايما بقول "اللهم باعد بيني وبين خطاياي كما باعدت بين المشرق والمغرب اللهم نقني من خطايا كما ينقى الثوب الأبيض من الدنس اللهم اغسل قلبي بالماء والثلج والبرد" ده دعاء بيقول ف الاستفتاح فى الصلاه دايما قوليه وطبعا تكوني بتصلي الفروض حتى لو مافيش خشوع ماتتركيش الصلاة ابدا واما تصلي حاولي تكوني هادية حتى لو مش حاسه بحاجه اهدي وطولي ف الصلاه لانك اذا اصلحتي صلاتك صلح سائر عملك "اذا صلحت الصلاة صلح سائر العمل" اشتغلي على قلبك واللي هيساعدك ف ده جدا وانصحك جدا انك تسمعي السيرة النبوية لازم لازم تعملي كده وتحملي كتب وتقرأي وانصحك بكتاب مقاومة التفاهة حمليه بي دي اف وكتاب ذنوب الخلوات وكتاب روضة الانوار او المسك المختوم . الخلاصة ظبطي صلاتك حتى لو مش حاسه بحاجه اشغلي وقتك ابعدي عن الاشياء اللي بتشدك ماتقعديش لوحدك! اسمعي السيرة النبوية "مهم!" ورد ذكر اوصلاة على النبي لازم قراءة كتب مهم الدعاء!! وياريت تروحي لطبيب نفسي ده هيساعد جدا ان شاء الله واخيرا اسأل الله العظيم رب العرش العظيم ان يبعد عنك كل هذا وان يطهرك ويغفر ذنبك . اعتذر عن الاطالة
تم النشر السبت، ٣٠ أغسطس ٢٠٢٥
وعليكم السلام ورحمة الله وبركاته، عزيزتي، أشكرك جدًا على صراحتك وشجاعتك في مشاركة مشاعرك وتجاربك بهذا القدر من الصدق. ما تمرين به ليس سهلاً، وأقدر بشدة كل ما تحاولين فعله من أجل تحسين وضعك والتوقف عن قراءة هذا النوع من الروايات والأفكار التي تزعجك. أولاً، أود أن أطمئنك أن ما تشعرين به هو أمر يمكن التعامل معه، ولا أنت مجبرة على مواجهة هذا بمفردك، ولكن من الجيد أنك تفكرين في طلب المساعدة وهذا بحد ذاته خطوة كبيرة ومهمة. لنأخذ الأمر خطوة خطوة: التجارب والذكريات المؤلمة: الصوت الذي سمعته وأحداث الطفولة التي مررت بها من تحرش أو تجارب غير مناسبة لها تأثير كبير على نفسيتك. هذه التجارب يمكن أن تترك ندوبًا عميقة في الإنسان، وأحيانًا تظهر هذه الندوب بصور مختلفة من السلوكيات أو الأفكار التي تحاولين التغلب عليها. قراءة الروايات والأفكار السيئة: أحيانًا تكون هذه الروايات بمثابة ملجأ أو تهرب لما نمر به في داخلنا، لكنها للأسف تزيد الأمور تعقيدًا وتجعلنا ندور في دائرة سلبية. وقف هذه العادة يحتاج إلى إرادة قوية وعمل متدرج، وأيضًا استبدالها بأنشطة مفيدة أو قراءة المواضيع التي تضيف لك قوة وإيمان، كقراءة القصص الإسلامية الملهمة أو الكتب التي تعزز ثقتك بنفسك ونظرتك للحياة. الإرادة والرغبة المتذبذبة: من الطبيعي أن تشعري بصراع داخلي بين ما تريدين وما تدفعك إليه نفسك من أفكار أو مشاعر، وهذا صراع داخلي بين النفس الأمارة والنفس المطمئنة، والأمر يحتاج إلى صبر طويل وثقة بالله عز وجل واللجوء له بالدعاء والاستعانة بالصبر. الاستعانة بالله ثم بالخبراء: أرحب جدًا بفكرة الذهاب إلى طبيب نفسي أو أخصائي نفسي (ثيرابست) لأنهم يمتلكون الأدوات والطرق التي تساعد في معالجة هذه المشكلات بشكل علمي ومنهجي. حتى إن كان الوضع المادي صعب الآن، يمكنك البحث عن جهات ربما تقدم خدمات مجانية أو بأسعار مخفضة، أو حتى لا تترددي في التواصل عبر الإنترنت مع خبراء متخصصين يمكنهم مساعدتك بطريقة مرنة. نصائح عملية لتبدأي بها الآن: حاولي تقليل قراءة الروايات التي تحفز هذه الأفكار تدريجياً، واستبدليها بأنشطة أخرى تحبينها، مثل الكتابة عن مشاعرك (حتى بشكل سري لنفسك)، أو تعلم مهارات جديدة. احرصي على المحافظة على الأذكار والصلوات، وخاصة صلاة الفجر وصلاة الضحى، فهي قوتك الروحية. املئي وقتك بأشياء ترفع من معنوياتك وتعيد لك شعور الأمان والسكينة. تجنبي العزلة المفرطة، وحاولي الانخراط في بيئة إيجابية داعمة سواء في الأسرة أو المجتمع. الدعاء والاستعانة بالله: لا تقللي من قوة الدعاء واللجوء إلى الله، فهو وحده القادر على تفريج الهم وإزالة ما في القلب من ألم. يمكنك أن تُذكري الدعاء مثل: "اللهم إني أعوذ بك من الهم والحزن، والعجز والكسل، والجبن والبخل، وضلع الدين وغلبة الرجال." ختامًا، تذكري أن الله غفور رحيم، وتوبتك دائمًا مقبولة إن شاء الله، والأهم هو أن تسيري بخطوات صغيرة وتبني قوة داخلية مع الوقت. أنا هنا إذا أحببتِ أن تطرحي أي أسئلة أخرى أو تحتاجين دعمًا. وإذا شعرتِ أن مشكلتك تحتاج مساعدة أعمق، يمكنك زيارة قسم الخبراء في فدني https://www.fedni.net/experts حيث تجدين متخصصين نفسيين يمكنهم تقديم استشارة ملائمة لحالتك. أنا معك، وأدعو لكِ من قلبي بالتوفيق والشفاء والطمأنينة. 💖 هل ترغبين أن أساعدك بوضع خطة صغيرة للبدء في التغيير؟
تم النشر السبت، ٣٠ أغسطس ٢٠٢٥
استعيني بالله ، عليك بالدعاء في كل صلاة،ودوري علي صحبة صالحة حواليكي قربي منهم ، بصي من لم يشغل نفسه بالحق شغلته بالباطل ، متختليش بنفسك خالص ، اقعدي مع اهلك روحي مسجد واتعرفي علي صحبة كويسة ، اسمعي دروس ومواعظ ، الشيخ خالد الراشد كويس ، خلي في رهبة في قلبك ، الله يعينك ويقدرك ويبعد عنك الحاجات دي يارب
تم النشر الثلاثاء، ٢ سبتمبر ٢٠٢٥
راجعي دكتور سيكاتري طبعا
تم النشر السبت، ٣٠ أغسطس ٢٠٢٥
لعرض السؤال في فدني اضغط هنا