عاوز اطور نفسي بجد الواحد تعب بالكدب يعني في ظل الظروف الي احنا عايشينها والواحد مفروض ان هو يكون نفسه ويشتغل بس للأسف اهو الواحد بيحاول علي كد ميقدر يعني انا واحد شغال اهو 30 يوم في الاخر مرتبي 4900 جنيه وبصرف علي بيت ومفروض اكون نفسي مش عارف اعمل اي ولا اي ولا اي بحاول علي قد مقدر اتعلم وطور من نفسي لان يعني اهو بس الحمدلله الواحد كان مش غاوي تعلم في الاخر خدنا دبلوم حايب 67% مش عارف اعمل اي بس حابب اتعلم واطور من نفسي يعني حاسس المكان ده مش مكاني بجد باخد كورسات وحابب اعمل حاجه حابب اوصل كده وابقا شخص ناجح اعمل مشاريع بس تايه في الشغل و المشاكل وقلة الوقت محبط ومكسل وفاقد شغف مش عارف أبدأ منين وكده بضيع وقت كتير بس من جوايا عاوز انجح بجد
أنا فاهمة إنك بتمر بمرحلة صعبة جدًا، وإن الرغبة في التطور موجودة جواك بقوة رغم كل الظروف اللي بتواجهها. الراتب القليل والمسؤوليات العائلية والشعور بالضياع ده شيء طبيعي يخلي أي حد يحس بالإحباط والكسل، لكن المهم إنك لسه بتحاول وبتاخد كورسات، وده دليل على إن جواك طاقة إيجابية لازم نستغلها. ابدأ بخطوات صغيرة وواقعية تناسب ظروفك. حدد 3 أهداف رئيسية في الشهر ده، زي تعلم مهارة واحدة مرتبطة بمجال فيه فرص أفضل (مثل التسويق الرقمي أو البرمجة الأساسية أو حتى إدارة المشاريع الصغيرة)، واقسم الوقت المتاح يوميًا لجزء ثابت (حتى لو ساعة واحدة بعد الشغل). استخدم ورقة أو مذكرة بسيطة تسجل فيها كل يوم إنجازك، عشان تشوف التقدم وده هيحفزك. كمان، ركز على إدارة وقتك بطريقة عملية: حدد أوقات معينة للتعلم وأوقات للراحة، وابتعد عن التشتت اللي بيضيع الوقت بدون فايدة. من الناحية النفسية، تذكر إن النجاح مش بيجي فجأة، والإسلام بيحثنا على الصبر والسعي مع التوكل على الله، فادعي ربنا ييسر لك الأمر واستمر في المحاولة. ابحث عن أسئلة مشابهة على فدني عشان تشوف تجارب ناس تانيين في ظروف مشابهة. أنت قادر تطور نفسك، وكل خطوة صغيرة هتقربك من الشخص الناجح اللي بتحلم بيه. لو عايز تتكلم أكتر عن خطة محددة، أنا هنا.
تم النشر الأحد، ٢ أغسطس ٢٠٢٦
ربنا يوفقك
تم النشر الاثنين، ١٠ أغسطس ٢٠٢٦
شكرا لحضرتك انا بالفعل بعمل كده بدأت انجلش وهدور علي شغل جديد بعدين اشوف مشروع وممكن اشتغل تسويق وربنا يوفقنا ويكرمنا جميعا
تم النشر الاثنين، ١٠ أغسطس ٢٠٢٦
اتعلم برمجه عشان عما تجي تشتغل بيها هيقولوا لك عملت كم مشروع مش جبت الشهاده منين بصراحه الانجليزي بيفتح فرص كثير قوي عشان كده بحاول اتعلمه بس اهم حاجه توحيد المصدر لان تعدد المصادر بيشتت الواحد ده مجرد اقتراح مني لان ممكن يكون البرمجه مش حبيبها. و ممكن تحوش حتي لو جزء بسيط من مرتبك أو ممكن تشوف شغل احسن بمرتب اعلي عشان تقدر تتجوز و ممكن تعمل مشروع صغير يساعدك و حد من اخواتك او اهلك يمسك المشروع بس بجد حاول انك تتعلم لغه لأنها هتفتح لك حاجات كتير و اتعلم حاجات و اثبت نفسك فيها زي البرمجه و التسويق في حاجات كتير بالتوفيق يارب 💗
تم النشر الأحد، ٩ أغسطس ٢٠٢٦
شكرا ليك إن شاء الله اعمل بنصايح هي المشكلة بس في الاستمراريه مع الضغوطات
تم النشر الجمعة، ٧ أغسطس ٢٠٢٦
١)الإستعانة بالله. ٢)قليل دائم خير من كثير منقطع. ٣)شئ ما أفضل من لا شيء ودي من أكتر الحاجات اللي أثرت معايا يعني لو مش قادر مثلا تقرأ ٢٥ صفحة انهاردة اقرأ ص واحدة بس . ٤)قاعدة ٥ دقايق لو مش قادر تعمل حاجة اقول هعمل الحاجة دي لمدة ٥ دقايق بس وغالبا هتخلصها للآخر. ٥) قاعدة الشئ الواحد لو عاوز تكتسب مهارات فهات مهارة واحدة وخلصها وبعد كده ادخل على المهارة اللي بعديها. ٦)قاعدة أهم ٣ اشياء في اليوم متحطش في يومك اكتر من ٣ اهداف اساسية. ٧)أنصح وبشدة إنك تقرأ كتاب ٤ شارع النجاح للدكتور ايهاب فكري هيفرق معاك جدا.
تم النشر الأربعاء، ٥ أغسطس ٢٠٢٦
بإذن الله ربنا هيكرمك والمستقبل قدامك كبير أهم حاجة الإستعانة بالله فلا تحرم نفسك من الصلاة والصبر قال تعالى واستعينوا بالصبر والصلاة إن الله مع الصابرين،ولو فرضنا أنك بتشتغل ١٠ ساعات وبتنام ٧ فلسه معاك في يومك ٧ ساعات فلو استثمرت فيهم ٦ ساعات يوميا مع الوقت هتبقى في حته تاني خالص يبقى اهم حاجة التالي:
تم النشر الأربعاء، ٥ أغسطس ٢٠٢٦
هو اكيد النجاح مش سهل ولما تحاول وتفشل ما تستسلمش طول ما عندك إرادة وانك فعلا عاوز تغير من نفسك هتلاقي ده وتوكل على الله بس انت بتاخد كورسات ايه 😑
تم النشر الثلاثاء، ٤ أغسطس ٢٠٢٦
اسعَ في الحاجة اللي انت بتحبها واللي انت شاطر فيها واتقي ربنا في شغلك وفي وقتك ومادام بتسعى هتلاقي السكك بتتفتح لك ان شاء الله وربنا يوفقك يا رب وتحقق النجاح اللي انت عايزه
تم النشر الأحد، ٢ أغسطس ٢٠٢٦
صعب لأن اصلا اهلي هما الي محتاجين مساعده
تم النشر الجمعة، ٧ أغسطس ٢٠٢٦
حاول تدخل جمعيه او حتي اهلك يساعدوك وسافر بره
تم النشر الجمعة، ٧ أغسطس ٢٠٢٦
هما كلمتين
تم النشر الجمعة، ٧ أغسطس ٢٠٢٦
اه معظمها
تم النشر الثلاثاء، ٤ أغسطس ٢٠٢٦
هل المجالات دي متعلقه ب بعضها
تم النشر الثلاثاء، ٤ أغسطس ٢٠٢٦
كورسات في مجالات مختلفه
تم النشر الثلاثاء، ٤ أغسطس ٢٠٢٦
لعرض السؤال في فدني اضغط هنا