السلام عليكم،
عندي مشكله بخصوص الدراسه وهي اني اتخرجت من الثانوي وبعد تعب ومعاناة كبيره كل السنين اللي فاتت الحمد لله حصلت على مجموع كويس يفتح لي كذا كليه وقررت اسجل بكلية الآداب قسم جغرافيا ونظم المعلومات
بعد تعب وسهر دام لشهور عشان احصل على تقدير ممتاز بالماده الحمد لله لكن الصدمه والقهر اني بعد ماقدمت ودفعت المصروفات واتسجلت بالجامعه ان قسم الجغرافيا اكتفى بالعدد وقفل نهائياً ولايقبل محولين والاسوء سجلوني بقسم لا يعني لي ابدا واعتقد مش مطلوب بالعمل
ولما واجهتهم قالوا اول سنه تحصل ويكون العدد كبير فالعاده بيكون في أماكن في الاقسام وعملت محاوله وقدمت طلب لوكيل الكليه وقدمته للعميده وفي طلاب كثير نفس حالتي محققين الشروط وتقديرهم حلو ومحصلش نصيب
والان كل سنين الدراسه اللي راحت واللي جايه يعتبر ضاعت وهدرس بقسم بالاجبار لان يمكن معرفش احول لكليه ثانيه خصوصاً لو هدفع المصروفات مره ثانيه،
انا قلت يمكن اختبار من ربنا يقيس صبري وايماني وقلت يمكن فيه الخير الله اعلم لو كنت بالقسم اللي اخترته كان اي حصل من شر لكن بنفس الوقت في ضيقه ولاني واثقه من اقدار ربي انها خير هديت شويه وقررت بجانب الجامعه اشوف لي كورسات اشتغل بيها إن شاء الله بعد التخرج
هل هينفع وهل هيكون ليا فرص بخبرتي ومش شرط تخصص الكليه اللي بالشهاده؟
لكن والله شعور صعب اتخطاه ازاي.
جزاكم الله خير 🤍
مفيش حاجه اسمها كده اولا ممكن تحاولي السنه الجايه تدخلي القسم لو ينفع تاني حاجه في دكاتره ومابيشتغلوش في الطب وده معرفه شخصيه ليه وفيه مهندسين وبيشتغلوه في البرمجه وفي التصميم عمر الكليه ماكانت هدف ده تفكير لحد لسه مش عارف الدنيا قاسيه قد ايه وواسعه قد ايه لو اتعلمتي الماني مثلا في سنين الدراسة واشتغلتي بيه هيجيبلك فلوس اكتر من اي حد هيكون متخرج في اي كليه معاكي ممكن تتعلمي برمجه ممكن تصميم جرافيك (اعلانات وسوشيال ميديا و ui&ux و مونتاج و فديو ايديتنح الذكاء الصناعي ممكن يساعدك تختتري افضل مجال اطلبي منه يحدد معاكي ايه افضل مجال لشخصيتك وابدائي فيه
تم النشر الأربعاء، ٢٤ سبتمبر ٢٠٢٥
السلام عليكم ورحمه الله وبركاته. يعني لو على الفرص ان شاء الله ان شاء الله لك فرصه والفرصه دي اللي بياكدها لك هو انه ربنا بيجازي كل واحد على سعاده انت مش معقوله تعملي مجهود وهتسعي ومش هتلاقي نتيجه وطول الوقت هنلاقي نتيجه ان ربنا هيفتح لنا ابواب رزق وهيفتح لنا حاجات ما كناش نتخيلها عشان بس احنا سعيده اتدخلناش اي جهد عندنا فا. ا احنا في زمن الحمد لله الحمد لله في عندنا طرق موازيه لكن ده ما كانش متاح زمان في يعني في مثلا الاعمار بتاعت اهالينا الحمد لله دلوقتي انت مش مهم خالص التخصص اللي بتدرسيه في الكليه ولكن ممكن تبداي تخصص ثاني موازي بكورسات ودراسات ذاتيه تعمليها بكل اريحاه فانت ما شاء الله شايفه ان في طرق متعدده بتحاولي في كل الطرق حاولي اعملي اقسم محاولاتك لحد الاخر وبعد كده تقبلي وارضي وبكل اريحيه قولي الحمد لله على اللي ربنا اا دبرهولي لان اكيد اللي ربنا دبره هو اللي فيه الخير ليكي وكل اللي اتقفل ما فيهوش خير ليكي توكلي على الله شوفي ايه في الاخر هيرسى معاكي في في المسار ده وفي الطريق لعل الله يحدث بعد ذلك امرا ممكن تلاقيه فجاه قالوا لك لا احنا قررنا نفتح الباب لشخص او اثنين ويكون نصيبك انت منهم لو لك خير في القسم ده. ولكن عموما لو لجاتي بانك تدرسي دراسات ذاتيه في مجال ثاني لا هتلاقي فرصه وعادي جدا الناس بتشتغل وبتتعين وبتفتح مجالات شغل بالكورسات وبس ربنا معاك.
تم النشر الأربعاء، ٢٤ سبتمبر ٢٠٢٥
السلام عليكم، أولًا مبارك تخرجك من الثانوية وبدايتك المشوار الجامعي وإن شاء الله بتفوق دائم. تفهمي مشاعرك وتقبليها عادي، طبيعي تحسي بحزن وألم فامنحني نفسك الفرصة تتعامل مع المشاعر دي وخدي وقتك من غير ما تقسي عليها، واللي هيعينك على ده الصبر والرضا واليقين بالله وإنك تركزي على طريقك الجديد. ** طالما بذلتِ جهدك فتأكدي إن ربنا مش هيضيع تعبك وما دام وضعك في الطريق الجديد ده فلأنه فعلا فيه الخير حتى لو مش شايفة ده أو قادرة تلمسيه حاليًا. مقدرش أوعدك إنك هتحبي الدراسة وتكتشفي إنها جميلة وهتحققي فيها نجاح، ممكن يكون ده خط سيرك وممكن يكون القسم نفسه ودراستك فيه هي المدخل والبداية للمسار الخير في حياتك. ممكن تفكيرك إنك تتعلمي كورسات مع الدراسة هو اللي هيساهم في تشكيل تفكيرك وتوجيهك وجايز مثلا لو كنتِ دخلتِ القسم اللي عاوزاه مكونتيش فكرتِ في كده وبعدين تتخرجي وتتفاجئي إن مفيش فرص عمل وأنتِ مش مستعدة لده. كلها احتمالات واللي هيجاوبك عليكِ هو سعيك بجد في الطريق الجديد وإن كل يوم لا يمر عليكِ إلا وأنتِ بتتعلمي حاجة جديدة سواء تبع الدراسة أو لحياتك عمومًا. أكثري من الصلاة والدعاء والأذكار وادعي ربنا دايما يشرح صدرك وييسر أمرك ويرزقك الرضا والقناعة. اشتغلي على نفسك ومهاراتك. وعلى فكرة مش كل الناس بتشتغل بشهادتها الجامعية حاليًا فاهتمي تكوني مستعدة لكل الاحتمالات مستقبلًا. بالتوفيق إن شاء الله.
تم النشر الثلاثاء، ٢٣ سبتمبر ٢٠٢٥
سبحان الله.. ربنا مقدر لكى هذا الطريق.. و هو اللى فيه الخير . لا و افضل حل يخفف الضغط اللى تعرضتى له هو انك تزودى من مستوى و اتساع علمك بالكورسات. و قد تكون سبب فى انك تتوظفى بعد كده فى وظيفة افضل مما تتوقعى لأن غالب الوظائف الحالية تشترط كورسات.. و أى مجال تتخصصى فيه اتحدى نفسك و اثبتى إن ثقافتك واسعة وتعرفى تسدى فى أى مكان. ده اسمه قوة الشخصية. و كل الامور اقدار كتبها الله لنا و فيها الخير ولكن عقل بن آدم تفكيره ضيق بعض الشئ
تم النشر الاثنين، ٢٢ سبتمبر ٢٠٢٥
وعليكم السلام ورحمة الله وبركاته، أختي الغالية، شكراً لمشاركتك مشاعرك وتجربتك بكل صراحة وشفافية، وأدعو الله أن يخفف عنك وييسر لك الخير في كل خطوة. ألف مبروك على مجهودك الكبير وتفوقك الذي حققتِه، وهذا بحد ذاته إنجاز عظيم يعكس عزيمتك وقوتك. أقدر تماماً الشعور بالضيق والخيبة التي تمرين بها الآن؛ لأنك وضعتِ الكثير من الجهد والتعب لرؤية حلمك يتحقق، ثم جاءت الظروف لتضع عائق غير متوقع. دعيني أساعدك في وضع بعض الأفكار والخطوات العملية التي قد تساندك: ثقي بحكمة الله وقدره أنت فعلتِ كل ما بوسعكِ وتوكّلتِ على الله، وهذا هو المطلوب. حاولتِ أن تجعلي من الأمر اختبارًا لصبرك وإيمانك وهذا موقف رائع جداً يدفعك للأمام. استثمري في الكورسات والدورات المكملة بالفعل، الكورسات وسوق التدريب المستمر أصبحت من أهم وسائل تطوير الذات والمهارات، كثير من الوظائف حالياً تعطي وزنًا للخبرة العملية وليس فقط التخصص الجامعي. اختاري دورات لها علاقة بالمهارات المطلوبة في سوق العمل حالياً، مثل الحاسوب، التصميم، التسويق الرقمي، اللغات، البرمجة، أو مجالات نظم المعلومات التي لها علاقة بتخصصك الجامعي. حاولي البحث عن شهادات معترف بها أو دورات من منصات موثوقة. استكشاف خيارات التحويل الداخلية أو الأكاديمية رغم صعوبة التحويل هذه السنة، تابعي مستجدات الكلية، فغالباً يكون هناك فرص في السنة الأولى أو في الفترات القادمة حسب التسهيلات أو الأماكن التي قد تفتح أو تغييرات في القبول. فتح باب التخصص المهني والعملي بجانب الجامعة كثير ممن يواجهون تحديات جامعية يستغلون فرصة الدراسة في تطوير مهارات أخرى تفتح لهم أبواب العمل، مثل العمل الحر (freelancing)، التدريب عبر الإنترنت، أو التطوع في مجالات تقنية أو إدارية تهمك. لا تهجري طموحك أو تحسبي نفسك فاشلة المشقة الحالية مؤقتة، وربما تكون بداية لقصة نجاح جديدة مع الوقت. استعيني بالله وذكري نفسك دائماً بأن الصبر مفتاح الفرج. توسعي في البحث عن الاستشارة من الخبراء يمكنك زيارة صفحة الخبراء على موقع فدني https://www.fedni.net/experts وطلب استشارة خاصة سواء في المجال الجامعي أو التخطيط المهني، هناك من يقدم لك التوجيه المخصص. وأخيراً، أنت لست الوحيدة التي تمر بهذا الظرف، هناك كثير من الطلاب يواجهون مثل هذه التحديات، وقد رأيتُ كثيرين تجاوزوها بنجاح بعد إعادة التفكير والتخطيط المرن. إذا شعرتِ بأي وقت بحاجة لدعم نفسي أو توجيه معين، لا تترددي في طرح أسئلتك هنا، وأنا معك في كل خطوة. وأتمنى لك التوفيق من كل قلبي، والله يسهل لك ويبارك في مجهودك. 🤍 هل تفضلين أن أساعدك بوضع خطة كورسات محددة تناسب سوق العمل الحالي؟
تم النشر الاثنين، ٢٢ سبتمبر ٢٠٢٥
الخبرات والمهارات هي ما تحدد المستقبل وليست الدراسة أبداً، لأن الدراسة وحدها ليست كافية. بعد ذلك، ستجد الكثير من الأشخاص الذين درسوا شيئاً ما ويعملون في مجال مختلف. الدراسة فقط لمعرفة قدرتك على الانضباط.
تم النشر الخميس، ٢٥ سبتمبر ٢٠٢٥
لعرض السؤال في فدني اضغط هنا