انا وزني 60 كيلو و طولي ميه حاجه و ستين ازاي اخس بشكل امن بس ببعيدا عن الرياضه لاني مش هقدر بسبب مشكله في صوابعي و ظروف البيت مش افضل حاجه عشان اتمرن
السلام عليكم، بصي هو بالنسبة لطولك فأنتِ في المعدل الطبيعي، إلا إذا عندك توزيع الدهون غير متناسق، أو نسبة الدهون زائدة عن الكتلة العضلية فيبان إن وزنك زائد رغم إنه على الميزان طبيعي. في الحالة دي بتبقى "سمنة ذات وزن طبيعي"، من أسبابها عدم ممارسة الرياضة وقلة الحركة، ولو أكلك غير متوازن (بتاكلي كربوهيدرات وسكريات أكتر من البروتينات) وأسباب تانية منها عدم جودة النوم وزيادة التوتر والقلق. *** لو كده أنتِ مش محتاجة تخسي بمعنى تنقصي وزنك على الميزان، أنتِ محتاجة تمارسي رياضة بحيث تحرقي مخزون الدهون وتزيدي الكتلة العضلية للجسم والتمارين مع الوقت هتخلي جسمك مشدود. كل اللي هتعمليه، تعملي نظام أكلك متوازن، تزودي بروتين عشان بناء الكتلة العضلية وتقللي الكربوهيدرات والسكريات، وزودي ألياف (خضار وفاكهة وحبوب كاملة) حسني نومك وقللي من القلق والتوتر. أنتِ قلتِ بلاش رياضة، بس مش شرط تمارسي رياضة تقيلة أو لفترة طويلة، في غرفتك عادي جربي تمارين تمدد مش هتاخد منك عشر دقائق كل يوم بس هتفرق بعد فترة وهتحسي جسمك مشدود. بلاش خالص ريجيم قاسي ولا تجويع، أنتِ مش محتاجة ده، وبيجيب نتيجة عكسية بعد كده أصلا. لو عمرك فوق ١٨ سنة شوفي كده الصيام المتقطع، بس متعمديش عليه وحده من غير تعديل نظام الأكل زي ما قلت في أول نقطة. وبجد حاولي تعملي معه تمارين، هيفرق معك. لو صعب قوي التمارين بالنسبة لك فعلى الأقل زودي حركة في البيت وبرا البيت، واستخدمي السلالم بدل الأسانسير سواء في البيت أو الكلية، ولو رايحة مشوار قريب بلاش تركبي مواصلة أو توكتوك مثلا وامشي الطريق، كل ده هيساعدك تحرقي الدهون الزائدة. ********* ممكن تقرئي المقال ده لمعلومات أكتر وإن شاء الله يساعدك في عمل خطة مناسبة للوصول لشكل الجسم اللي عاوزاه. https://altibbi.com/مصطلحات-طبية/تغذية/الوزن-الزائد بالتوفيق.💚💚
تم النشر الجمعة، ٦ نوفمبر ٢٠٢٦
بس انا شايفه انه طولك مناسب مع وزنك؟ انتي شايفه الوزن المناسب اللي هو كام يعني؟؟
تم النشر الأحد، ٨ نوفمبر ٢٠٢٦
اولا وزنك حلو ماشاء الله مش محتاجه بس لو حاسه انك عايز تخسي ومصره علي الخسسان جربي الصيام المتقطع وقليلي سكريات و اي حاجه حلوه عشان الحلويات بتزود واشرب مشروبات ساخنه من غير سكر و حاولي تمشي علي الاقل في اليوم 20 دقيقه حتي لو في البيت علي السلم
تم النشر الأحد، ٨ نوفمبر ٢٠٢٦
أنا فاهمة إنكِ عايزة تخسي بطريقة آمنة ومستدامة، وده قرار رائع لصحتكِ. وزنكِ 60 كيلو وطولكِ 160 سم يعني إن مؤشر كتلة الجسم عندكِ في النطاق الطبيعي، لكن لو حاسة إنكِ محتاجة تخففي شوية، ممكن نركز على تغييرات غذائية بسيطة وآمنة بدون أي رياضة. المهم إننا نعمل عجز سعرات خفيف من خلال الأكل، مع الحفاظ على الطاقة والصحة. ابدئي بتعديل عادات الأكل تدريجيًا: ركزي على تناول وجبات متوازنة تحتوي على بروتين (زي الدجاج أو البيض أو الفول) وخضروات كتير، وقللي من النشويات المكررة والسكريات. حاولي تقسمي طبقكِ نصين: نص خضار ونص بروتين مع كمية معتدلة من النشويات. اشربي مية كتير قبل الوجبات، ده بيساعد على الشبع ويقلل الجوع. كمان، تجنبي تخطي الوجبات عشان ما يحصلش تعويض بأكل زيادة، وركزي على الأكل ببطء وفي هدوء. كمان، حاولي تنامي كويس وتديري التوتر، لأن النوم الجيد والراحة النفسية بيساعدوا الجسم يحرق الدهون بشكل أفضل. لو قدرتِ تمشي شوية في البيت أو تعملي حركات خفيفة بدون ضغط على صوابعكِ، هيبقى إضافة لطيفة، لكن لو مش ممكن، التركيز على الأكل كفاية. خلي التغييرات بطيئة عشان تستمري فيها، وتابعي وزنكِ كل أسبوعين مش يوميًا. لو عايزة أفكار أكتر عن وصفات أو خطط، ابحثي عن أسئلة مشابهة على فدني عشان تشوفي تجارب الآخرين. أنتِ قادرة، وخطوة بخطوة هتوصلي لهدفكِ بأمان. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٦ نوفمبر ٢٠٢٦
صيام
تم النشر السبت، ٧ نوفمبر ٢٠٢٦
الوزن مناسب جدا
تم النشر الجمعة، ٦ نوفمبر ٢٠٢٦
لعرض السؤال في فدني اضغط هنا