ارجو الافاده انا سني 27 سنه ومتجوزتش والحمد لله كنت عافف نفسي ومغلطتش وكنت بخاف ربنا والحمد لله مخلي بالي من صحتي ومركز في شغلي لحد ماعملت الشقه وبقيت مستقر ماديآ إلى حد ما.
أنسب سن بالنسبه للبنت اللي هرتبط بيها لأن نفسيا فاقد الامل ومحطم داخليا بسبب ظروف اخويا الاكبر طلق واتجوز تاني واتأخرت عن الزواج
السلام عليكم -تجربة اخوك خاصة بيه ممكن يكون اختياره مكنش صح او هو مكنش الزوج المناسب لطليقته واكيد عارف ان صوابعك مش زي بعضها - السن مش مقياس لان في ناس كتير بيبقى سنهم صغير بس كعقل واخلاق وتصرفات وتدين اكبر بكتير من سنهم - فالمقياس في البنت اللي هتقدر تفهمك البنت اللي هترتاح معاها البنت اللي هتعينك على الدين وتاخدوا بايد بعضكم للطريق الصح فلما تدور دور على الاخلاق والسمعة الكويسة والتدين واخطب وخد وقتك كويس في فترة الخطوبة علشان تعرفوا بعض كويس (واكيد الالتزام بالضوابط الشرعية )وصلي استخارة - لكن لو بردو عايز رقم يبقى من اول 18 وطالع لان حضرتك كمان صغير 27 مش كبير خالص ولا اتاخرت على الجواز- ربنا يرزقك بالزوجة الصالحة اللهم امين
تم النشر الخميس، ٨ يناير ٢٠٢٦
ليس ضروري ال حصل لاخوك يحصلك المهم انك تعرف أخطاء وتتجنبها وتبدأ تدور على الزوجة لان طول ما انت متردد تأخد الخطوة هتفضل كدا عند نفس الخطوة خطوة الخوف من. تجربة اخوك فأنسب حل انك تاخد الخطوة وانت واثق وعندك يقين أن ربنا هيراضيك. ويعوضك عن البنت ال كنت بتحبها
تم النشر الأحد، ١١ يناير ٢٠٢٦
فيه مختص علاقات قال جملة جميلة بخصوص موضوع جواز صالونات ( جواز عن الحب ميفرقش عن جواز عن الصالونات غير في حاجه وحده ، الفرق ان في جواز عن الحب انت بتقابلها و بتحبها بر البيت وجواز الصالونات انت بتقابلها و بتحب جو البيت) علشان كدا متقلقش من الموضوع دا اولا ، ثانيا لم تختار وحده كويس حاول تكون صريح معاها و اطلب منها تكون صريحة معاك بلاش حب الي بيبقي فترة الخطوبة دا ، اتعرفوا علي بعض حقيقي اكنكم صحاب ، كمان العمر من 22 لـ 25 معقول ، بس هو مش شرط اساسي لان ممكن تلاقي بنت اصغر من كدا بكتير و واعية و ناضجة. اخيرا انصحك تقراء لـ دكتور /محمد طه
تم النشر السبت، ١٠ يناير ٢٠٢٦
انا اكبر منك بسنة ولسة متجوزتش كل دا نصيب ولما نصيبك هيجي هتتجوزي وتعيشي حياتك كونك رابطة جوازك بالسن دا تفكير مش صح لان ف ناس كتير اوي اتجوزو صغيرين وانفصلو. ف سيبي دا لتدابير ربنا وقولي يارب ارزقني بالزوج الصالح وقرب مني كل خير وربنا هيبعتلك نصيبك ومتفكريش وتقارني نفسك بالي حواليكي صدقيني دا اكبر غلط كل واحد بياخد نصيبة من الدنيا وان شالله نصيبك يكون جميل زيك
تم النشر الثلاثاء، ٢٠ يناير ٢٠٢٦
أهلاً بيك يا فندم، الحمد لله إنك وصلت للـ27 سنة عفيف ومستقر مادياً ومهنياً، ده إنجاز كبير ودليل على تقواك وصبرك. ربنا يبارك فيك وييسر أمرك قريب إن شاء الله. أنت مش محطم خالص، أنت بس محتاج شوية توكل ونظرة إيجابية – أخوكِ تجربته مش قاعدة، كل واحد ربنا كاتب له نصيبه في وقته. أنسب سن لشريكة الحياة: الأفضل: 20-24 سنة . ده سن يسمح بتوافق نفسي وقدرة على بناء أسرة قوية، وهي هتكون جاهزة للحياة الزوجية بدون تعقيدات كتير. لو أكبر شوية (لحد 26) برضو تمام لو الدين والأخلاق سليمين، بس ركز على اللي أصغر منك بـ3-7 سنين عشان الانسجام الطبيعي. نصائح عملية لاختيارها (من منظور إسلامي وعملي): الدين أولاً : عفيفة، ملتزمة بالصلاة والحجاب. اسأل عن علاقتها بربنا وعائلتها. الأخلاق والشخصية : هادئة، صبورة، تحب البيت والأولاد، مش مادية. شوف إيه رأيها في مسؤوليات الزوجة. التوافق : نفس الخلفية الثقافية/العائلية، صحتها جيدة، وتكون راضية بمستواك المادي (مش تبحث عن الثراء). كيف تبدأ : صلِّ الاستخارة، واستشر أهلك أو أهل ثقة. ابحث في Fedni عن أسئلة مشابهة هتلاقي إجابات خبراء كتير. خليك إيجابي، يا بطل – الـ27 سن مثالي للزواج، مش متأخر! ابدأ دلوقتي وثق في ربنا، هيجيلك اللي أحسن بإذن الله. ربنا يرزقك الزوجة الصالحة 🤲❤️
تم النشر الخميس، ٨ يناير ٢٠٢٦
انا عندي ٢٨ سنه وخاطب ١٨ سنه ، اقرب مثال النبي صلى الله عليه وسلم تزوج من جميع الاعمار الاصغر والاكبر .. فيا صديقي السن ليس مقياس إطلاقاً .. انما فاظفر بذات الدين تربت يداك .. ادخل بيت ترضي ربه دينا وخلقا وترضي ابنته دينا وخلقا وسيبشرك الله ، والسن ليس عامل إطلاقاً
تم النشر الأحد، ١١ يناير ٢٠٢٦
طول فترة الخطوبة عشان تظهر الطباع الحقيقية
تم النشر الأحد، ١١ يناير ٢٠٢٦
هذا هو الصواب والحق وليس اسمه صالونات ـ كل المطلقات الآن تزوجوا عن حب قبل الزواج واستغرقوا الحب في الحرام وهذه كانت النهايه
تم النشر الجمعة، ٩ يناير ٢٠٢٦
السلام عليكم ـ لا تلقي بالا لما حدث مع أخيك ـ انصحك بأن تسأل الله الصالحه وتتوكل علي الله وتبحث عنها وتعجل بالزواج وركز فقط هل هي ذات دين ام لا ولا تقلق استعن بالله ولا تشغل بالك.
تم النشر الجمعة، ٩ يناير ٢٠٢٦
كل واحد وتجربته يمكن تجربتك انت تطلع احلي في الزواج !!! فا متخليش تجربه اخوك تأثر عليك وبعدين انت مش متاخر انت نصيبك لسا مجاش ويفضل فرق السن ميكنش كبير هو 6 سنين بالكتير اوي
تم النشر الخميس، ٨ يناير ٢٠٢٦
شكرا لحضرتك جدا 👌🤍
تم النشر الخميس، ٨ يناير ٢٠٢٦
اكيد فرق السن مهم بس مش يكون اولويتك ده قصدي ،لو تجربة اخوك مأثرة عليك حاول تستفيد منها بدل ما تكون عائق ليك يعني متكررش أخطاء اخوك وحاول على قد ما اقدر تتجنبها بس في النهاية كل واحد ليه تجربته ورزقه في الجواز مهما حاولت أن الحياة تكون مثالية مش هتقدر. طبيعي هيكون في مشاكل الدنيا مش جنة. وربنا يرزقك بالزوجة الصالحة
تم النشر الخميس، ٨ يناير ٢٠٢٦
هي الشخصيه والنضج طبعا مش بالسن بس اوقات فرق العمر بيفرق لان كل جيل دماغه بتبقى مختلفه عن الجيل الي بعده هي تجربته اثرت عليا في اني اتأخر شويه ف سن الجواز بس خير إن شاء الله
تم النشر الخميس، ٨ يناير ٢٠٢٦
اولا السن مجرد رقم ومفيش حاجه اسمها السن المناسب اهم حاجه الاحترام والأخلاق والتفاهم بينكو وتجربة اخوك مش مقياس لكل الرجال والنساء عشان تتوقع ان ممكن يحصل معاك زي ما حصل معاه اهم حاجه التوكل على الله وان نصيب كل واحد مكتوب اطلع من دائرة المقارنة عشان مدمرش نفسيتك بخيالات انت بس اللي بتفكر فيها توكل على الله واختار صح وخلاص
تم النشر الاثنين، ١٢ يناير ٢٠٢٦
الاجبال الي طالعه صعبه اوي ميعرفوش حاجه عن الدين اصلا 🥲
تم النشر الأحد، ١١ يناير ٢٠٢٦
لكن تكرار نفس الاشياء بيؤدي لنفس النتايج ف اكيد هتعلم غلطاته طبعاً. المشكله إن الي كنت بحبها اتخطبت وفرحها بعد العيد الجاي ف كدا اكيد هتجوز صالونات ف الاختيار نفسه صعب
تم النشر الخميس، ٨ يناير ٢٠٢٦
مفيش حاجة اسمها انسب سن، بس في بنت مناسبة واخلاقها كويسة مش هتفرق ٢٣ او ٢٤ يعني. بس يستحسن فرق السن ميزدش عن ٦ او٧ سنين بس. وغير كده بلاش تخلي تجربة اخوك تأثر عليك. استعن بالله ودور على بنت متدينة ومحترمة و احسن الظن بالله.
تم النشر الخميس، ٨ يناير ٢٠٢٦
لعرض السؤال في فدني اضغط هنا