أيوة أنت غلطان .. وغلطت مرتين مش مرة واحدة! غلطت لما فضلت تتكلم معاها في الشات وشايفها بتحاول تبعد خوفا من ربنا وبرضه بتتكلم معاها ومش قادر تصبر لحد ما تتقدم مرة واحدة .. غلطت أنك ماساعدتهاش تتوب من هذه العلاقة غير الرسمية علشان ربنا يبارك لكم لما تتقدم رسمي وغلطك دة سبب لها مشكلة كبيرة في بيتها لما أهلها اكتشفوا - وأكيد هي عيلة محافظة زي بنتهم - والله أعلم عملوا إيه فيها. غلطك دة كسر أو هز ثقة أهلها فيها للأسف وأكيد جرحها. من كل المشاكل اللي بنشوفها في فدني عرفنا يقينا أن الحرام أول ما بيدخل أي علاقة بيبوظ الدنيا والموضع بيتعقد! طبعا هتقول كلامكم في الشات كان محترم وكدة .. بس حاول تفكر لو اكتشفت أن أختك بتكلم واحد كلام محترم زي كدة أنت هيبقى موقفك إيه! وغلطت مرة تانية انك ماحترمتش رغبتها بأنها تقطع العلاقة دي - بعد الكلام اللي سمعته من أهلها - كان المفروض أول حاجة تقولها لها بعد ما صلت لها يا بنت الناس عايز اتقدم لك في البيت موافقة ولا لا .. ولو قالت لا خلاص كل شيء قسمة ونصيب ولكنك بدل كدة قعدت تطاردها في كل حتة كأنك عايز تثأر لكرامتك .. مش بس كدة ولكن قلت لها ندلة وفي داهية وكلام بايخ ملوش لازمة لا تحاول التواصل مرة تانية معها ولما تلاقي واحدة عجبتك خليك راجل وادخل البيت من بابه على طول ولو الظروف مش متيسرة يبقى تصبر. والله أعلم
أنت أدرى هل كان نفورها منك نفورا حقيقيا أم لا وهل تقدمك لها يمكن أن يسبب لها مشكلة جديدة أم لا .. المعلومات قليلة لأنها قطعت الاتصال بينكما ولكن يمكنني أن أخمن أنها أخبرت أهلها عنك ولو كان هناك فرصة كبيرة للقبول ربما كان رد الفعل مختلفا.
تم النشر الجمعة، ٧ يوليو ٢٠٢٣
قصدك يعني دلوقتي حتي لو عرفت عنوانها او طريقه اتقدملها واكلمها فبلاش احسن واخرجها من حساباتي نهائي ولا ايه؟
تم النشر الجمعة، ٧ يوليو ٢٠٢٣
بالنسبة لإحساسك بالذنب فالذنب تغسله التوبة إن شاء الله وإذا استفدت درسا من هذه القصة فهذا هو الجانب الإيجابي في الموضوع وكل ما تملكه الآن هو الدعاء لها وربما يكون المشكلة التي حدثت لها مع أهلها انتهت تماما ورجعت المياه لمجاريها وهي نست الموضوع
تم النشر الجمعة، ٧ يوليو ٢٠٢٣
معنديش رفاهيه انه تفضل حياتي واقفه بسببها انا مضطر اكمل و انا متقبل اللي حصل حضرتك بس كل القصه دلوقتي مش عاوز احس بذنب ناحيتها وانه السبب ف مشاكل كتير ليها وكل استفساري عن هل انا استحق ده او انا السبب فعلا لكل اللي حصل وغلطي اكبر من غلطها فعلا و لا لأ وازاي اعدي المشكله دي والأحساس بالذنب المتواصل لأنه مش ب إيدي أخرجها ولا ب ايدي اتقدملها لأنه مش عارف اتواصل معاها اصلا ولا اعرفلها طريق بس دي كل القصه
تم النشر الجمعة، ٧ يوليو ٢٠٢٣
شوف يا أستاذ محمد (اسمك مذكور في تعليقك) اللي بيوصل الشخص للمرحلة دي من التعلق هو الاسترسال مع الطرف الآخر في الكلام .. يعني أنت لو من أول ما عرفتها كنت قلت لها مثلا أنا ناوي أتقدم لك بعد ما اخلص الجيش والموضوع وقف على كدة (وكان الإيقاف من طرفك أنت) لو كانت رفضتك بعد كدة مكنتش هتحس نفس الإحساس اللي أنت حاسه دلوقتي غالبا .. ولكن للأسف سهولة التواصل في العصر دة هي اللي أغرتكم بالكلام .. أنا عارف أن قصدك شريف ولكن أنت مش أول إنسان يحب إنسانة وهي تغير رأيها بعد كدة وتقفل من الموضوع .. احنا محتاجين نتأقلم على موضوع الرفض في العلاقات سواء كانت علاقات عاطفية أو علاقات عمل ونخلي الموضوع ياخد مداه الطبيعي وبعدها يروح لحاله ونبدأ نفكر في اللي جاي .. واللي جاي أحلى إن شاء الله ..
تم النشر الجمعة، ٧ يوليو ٢٠٢٣
وهو انا كده مكنتش راجل معاها وانا بحاول اوصلها واعرف ايه حصل معاها بالضبط واحاول اكلمها؟ ثانيا انا مقولتش اني كنت عاوز اكلمها عشان نفضل نحكي وخلاص بس واحده كنت متعلق بيها جدا وبنحب بعض وفجأه اختفت وعرفت انها وقعت ف مشكله بسببي وحاولت اوصلها عشان اعرف ايه هي مش مطارده حضرتك زي ما انت فاكر انا معرفش لا عنوان بيتها ولا اعرف اي رقم لحد من قرايبها غير رقم واحد ليها اللي كلمتها منه ده ومن اول المكالمه لما ردت بتشتم وتقولي ابعد عني ومش عاوزه اعرفك تاني ومفيش سؤال اسأله الا وترفض الاجابة ولما قولتلها عاوزك وعاوز اتقدملك قالتلي لا عاوزاك ولا عاوزه حد ي محمد وابعد عني ومتكلمنيش من اي مصيبه وقفلت قولي كان المفروض اعمل ايه طيب؟ هي لو من محافظتنا او حتي اعرفلها عنوان كنت روحتلها لحد البيت واتقدمتلها بس معرفش اي حاجه عنها اما بالنسبة لرساله العتاب وندله وكده ف انت متعرفش طريقه كلامها كانت ازاي ولا احساسي وصلك انه فجأه شخص متعلق بيه يتعامل معاك عادي وكل طلباته انك تبعد عنه واما بالنسبة لقصه انها لما كانت وسط علاقتنا بتبعد لأنه شايفه انها حرام اقسم بالله ما كنت بحاول اكلمها او ابعتلها بعد ما عرفت طريقه تفكيرها الاول كنت ببعتلها فعلا لاكتر من يوم لكن بعد كده اتعودت عليها ولما بلقاها مش بترد خلال يوم بسيبها ومبنتكلمش الا بعد فتره للضرورة يعني ومكنتش بجبرها ولا حاجه وهي عارفه كده برضو
تم النشر الجمعة، ٧ يوليو ٢٠٢٣
لعرض الإجابة في فدني اضغط هنا