اسألكم بالله
انا عندي ام قامت بفعل الحرام مع شخص في اثناء حياه والدي.. وانا شفتها بعينى و حملت من الشخص ده وانجبت ولد ونسبته لولدي على انه ابنه
وكانت بتسلط والدي عليا بالكذب علشان يضربنى وكانت تضحك عليا وانا بنضرب
ولما والدي اكتشف الموضوع دة خدتنى انا وابنها ومشينا رحنا عند نفس الشخص اللي ارتكبت معاه الحرام دة وبعدها سابتنى عنده وراحت لخالي طبعا كنت صغيره و وقتها اخو الشخص دة اتعدي عليا اكتر من 4 مرات
بعدها انا كبرت و والدي توفي
وهي راحت تزوجت حد تانى بدون علمنا و كانت بتاخد من قدامي الأكل و تحطهوله و كنت بشوفها معاه وهما عرايا و كانت بتقولي انها رايحه المستشفي و بتموت و تروح تبات معاه برا
دلوقت هي متهماني اني سرقت هدومها وعملتلها سحر و هدتها اني هسمها
اي العمل مع حد زي دى انا سايبة البيت و قعده عند عمي
حد يفيدنى بشئ
واحدة واحدة أفعالها في الماضي انتهت حتى لو خطأ، انصحي بشكل غير مباشر، عرفيها بطريقة كويسة وحنينة ان اللي بتعمله غلط! اللي حصلك هو ماضي وبيحصل لغيرك كمان مش لك لوحدك هي خبرات مؤذية لكن بإمكانك تخطيها تواصلي مع أخصائية نفسية تساعدك تتخطي الصدمات دي ولو عندك شخص ثقة من أهل والدتك خال أو خالة كلميه يكلمها ويأمرها بالمعروف بس مش عايزاك تنسي انك بنتها مش ولي أمرها!
تم النشر السبت، ٣ يناير ٢٠٢٦
يا حبيبتي، الله يعينك ويفرج همك، ويداوي جروح قلبك اللي مش سهلة خالص. أنتِ شجاعة إنك طلعتِ وقررتِ تحمي نفسك، وده خطوة كبيرة وصح. من منظور الدين الإسلامي (سؤالك في الدين): البر بالوالدين واجب عظيم، لكن الإسلام مش بيطلب منكِ اللي يضرّكِ أو يهدد سلامتك. قال تعالى: {وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا} (لُقْمَان:15). يعني لو التعامل معاها بيجيب ضرر جسدي أو نفسي، ابتعدي عنها مؤقتًا، وادعي لها بالهداية والتوبة كل يوم، وادعي لنفسكِ بالصبر والقوة. مترديش الشر بِشَرْ، خليكِ أحسن، واستغفري لها سرًا. اللي حصل معاكِ جرائم (زِنا، اعتداء)، والله سيحاسب كل ظالم، ركزي على توبتكِ وصلاحكِ. إيه اللي تعمليه عمليًا دلوقتي؟ ابقي عند عمك : لو آمن ومستقر، خليكِ هناك لحد ما تقدري تعتمدي على نفسكِ (شغل، دراسة). ابني حياتك : ابدئي خطة صغيرة يومية: صلاة، قرآن، هدف واضح زي وظيفة أو مهارة جديدة. الله مع اللي يتوكل عليه. لو في اعتداءات سابقة : لو عايزة تحمي نفسك قانونيًا، روحي للنيابة أو جهاز حماية الطفل/المرأة. شفاء نفسك : اقرئي سورة الشرح يوميًا، وادعي: "اللهم أصلح لي شأني كله". يا قمر، أنتِ مش مسؤولة عن أخطائها، ركزي على مستقبلكِ. ابحثي في فدني عن أسئلة مشابهة هتلاقي إجابات كتير. ولو عايزة استشارة متخصص، روحي صفحة الخبراء هنا: https://www.fedni.net/experts – في علماء دين وعلم نفس هيساعدوكِ أكتر. أنتِ قوية، وهتقدري، ربنا يباركلكِ. قوليلي إيه رأيكِ؟ 💕
تم النشر الجمعة، ٢ يناير ٢٠٢٦
في كذة حل، بس من ناحية دينية ( اكثري من الصلاة الابراهيمية {ابحثي عن فضلها وفوائدها العظيمة} إلزمي الاستغفار بنية الفرج {من لزم الإستغفار جعل الله له من كل هم فرجا ومن كل ضيق مخرجا ورزقه من حيث لايحتسب} الدعاء {ادعوني استجب لكم}-{وإذا سألك عبادي عني فإني قريب، اجيب دعوة الداعي إذا دعان}) اخر حاجة عايز اقولك (إن الله إذا احب عبدا ابتلاه) وواضح ان ربنا ابتلاكي في مامتك، اصبري على الابتلاء لان ده بيكفر الذنوب وبيرفع مكانتك ومنزلتك في الجنة
تم النشر السبت، ٣ يناير ٢٠٢٦
انت عندك كام سنة؟
تم النشر الجمعة، ٢ يناير ٢٠٢٦
ربنا يعينك بجد وإن شاء الله خير .. جربي خدي كذا حد معاكي وروحولها ... وفي زواجك حطي في بالك شخصية عايزة تكونيها وركزي عليها مثلا عملية نشيطة مؤدبة وهكذا عشان مخك متبرمج انه واخد الوالدة كقدوة فلازم تطبقي شخصية تانية والا هتكوني نسخة منها
تم النشر الثلاثاء، ٦ يناير ٢٠٢٦
انا قعده عند عمي بس فاضل علي فرحي 6 شهور وحاجتي اللي هناك عندها بتاعت جهازي هي مش راضية تديهالي
تم النشر الثلاثاء، ٦ يناير ٢٠٢٦
نسأل الله أن ينصرك عليها
تم النشر الثلاثاء، ٦ يناير ٢٠٢٦
لا حول ولا قوه الا بالله العلي العظيم
تم النشر الاثنين، ٥ يناير ٢٠٢٦
لو الموضوع فيه تهديد على حياتك أو وصل بيكي الضيق و الضجر إلى حد إنك ممكن شيطانك يضحك عليكي و ترتكبي جريمة فالأفضل إن لو بإمكانك الشغل تشتغلي و تجيبي لقمتك و تسيبيها هي في طريقها و تختفي عن أنظارها، طبعا مش قصدي اقطعي علاقتك بيها لأنها في الآخر أمك ولكن لو كلامك معايا هيخلي الأمور تتفاقم فالأفضل إنك تنسحبي من الوجود بالنسبالها و تشقي طريقك لوحدك أو مع حد سوي من أقاربك زي عمك مثلا
تم النشر الأحد، ٤ يناير ٢٠٢٦
عندي 21 سنه
تم النشر الأحد، ٤ يناير ٢٠٢٦
اولا قربي من ربك هتلاقي نفسك بترتاحي ثانيا انا عايزة اقولك دافعي عن حقوقك دافعي عن نفسك ابني نفسك بنفسك لان اللي عديتي بيه مش قليل ابدا اتجاهلي اي حد بيحاول يكسرك اظن انتي عملتي اللي عليكي وانتهى اديكي مثال لو حد رمى عليكي طوبة ابعدي قبل ما الطوبة تبجي فيكي مش تستني لغاية لما تيجي فيكي و بعدين تقولي للي ضربك بص انت اذيتني ازاي لا دافعي ع نفسك وبالتوفيق إن شاء لله
تم النشر الأحد، ٤ يناير ٢٠٢٦
اصل المشكلة هي البعد عن الدين فهي بعدت عن الدين واتبعت الشيطان .. فالحل انك تقربي من الدين .. اكيد الموضوع صعب وأكيد انك في حال نفسي معقد بسبب الذكريات السوداء من فقدان والديكي ومن الراجل اللي اتعدى ٤ مرات ولكن عليكي انك تفهمي حاجة بسيطة وهي :(كل العشوائية دي انتي ملكيش ادنى ذنب فيها وباب ربنا مفتوح)
تم النشر السبت، ٣ يناير ٢٠٢٦
هي بالتأكيد من الشخصيات السادية بدليل انها كانت بتضحك وانتي بتنضربي .. اكيد أعصابك مشدودة وعندك حقد رهيب لأنك كنتي طفلة محتاجة الدعم والرحمة وهي كان همها تشبع شهوتها وبالتأكيد قليل ما شالتك أو احتوتك ... ولكن الإنتقام مش هيفيد وهي تلاقيها ممكن ضحية لوالديها لكن متوفرش ليها مصادر الوعي زي ما اتوفرلك ... عموما بشارة لكي إن دي مش النهاية وإن حتى لو ملحقتيش تتعافي في الدنيا ففي الآخرة في جنة وربنا بينصر المظلوم .. احذري انك تكوني نسخة منها أو تحاولي تغيريها.... ركزي على نفسك وابدأي بفروضك.
تم النشر السبت، ٣ يناير ٢٠٢٦
ده ابتلاء من ربنا ليكي وبإذن الله ربنا يجعل كل لحظه سيئه مريتي بيها في ميزان حسناتك 💕
تم النشر السبت، ٣ يناير ٢٠٢٦
لعرض السؤال في فدني اضغط هنا